இலங்கை வீதிகளைப் படம்பிடிக்கும் கூகிள்

இலங்கையின் வீதி தோற்ற விபரங்களை சேகரிக்கும் நடவடிக்கையை கூகிள் நிறுவனம் ஆரம்பித்துள்ளது.
இந்த திட்டத்தின் மூலம் நவீன தொழில்நுட்பத்துடன் கூடிய கமெராக்கள் பொருத்தப்பட்ட கார்கள் மூலம் இலங்கையின் வீதிகள் படம் பிடிக்கப்படும்.
இதன்மூலம், இலங்கையிலுள்ள எந்தவொரு இடத்தையும் கூகிள் இணையத்தளத்தில் தத்ரூபமாக பார்வையிடக்கூடிய வசதி கிடைக்கிறது. இது கூகிள் ஸ்ட்ரீட் வியூ என்றழைக்கப்படுகிறது.
குறிப்பிட்ட இடத்திலிருந்து 360 பாகை கோணத்தில் என்னவெல்லாம் தெரிகிறதோ, அதனை கூகிள் ஸ்ட்ரீட் வியூ வசதியின் மூலம் பார்வையிடக்கூடியதாக இருக்கும். ஒருவர் பயணிக்கக்கூடிய பாதைகள் செல்ல வேண்டிய இடங்கள் போன்றவற்றை மனித கண்ணுக்கு தென்படும் விதத்தில் பார்கக்கூடியதாக இருப்பது இந்த தொழில்நுட்பத்தின் சிறப்பம்சமாகும்.
கூகிள் ஸ்ட்ரீட் வியூ வசதியில் 63 நாடுகள் உள்ளடக்கப்படுகின்றன. இலங்கையில் யாழ்ப்பாணம், மாத்தறை, அருகம்பை முதலான பிரதேசங்களில் ஆரம்பிக்கப்படும் தரவு சேகரிப்பு திட்டம் விரைவில் ஒட்டுமொத்த இலங்கையையும் உள்ளடக்கும் வகையில் விஸ்தரிக்கப்படவுள்ளதென கூகிள் நிறுவனத்தின் பணிப்பாளர்களில் ஒருவரான ஆன் லின் தெரிவித்தார். அவர் நேற்று கொழும்பில் இடம்பெற்ற செய்தியாளர் மாநாட்டில் கருத்து வெளியிட்டார்.
இந்த வசதி மூலம் இலங்கையின் இயற்கை அழகை முழு உலகமும் பார்க்கக்கூடியதாக இருக்கும் என சுற்றுலா மேம்பாட்டு பணியகத்தின் பணிப்பாளர் நாயகம் டீ.எஸ்.ஜயவீர தெரிவித்தார். உள்ளுர் சுற்றுலா பயணிகளும் இணையத்தின் ஊடாக பல இடங்களை பார்க்கக்கூடியதாக இருக்கும் என அவர் கூறினார்.

'அல்பகரா’அத்தியாயத்தின் இறுதி இரண்டுவசனங்களின் சிறப்புகள்

ஷைத்தானைவிரட்டும்சூரா.



நபி(ஸல்)அவர்கள்சொன்னார்கள் அல்லாஹ்வானம்பூமியைபடைப்பதற்கு ஆயிரம்வருடத்திற்குமுன்புஒருகிதாபைஎழுதினான்அந்தகிதாபி­ருந்துஇரண்டு ஆயத்தைஇறக்கிசூரத்துல்பகராவைமுடித்திருக்கிறான் எந்தவீட்டில்மூன்று இரவுகள்ஓதப்படுகிறதோஅந்த வீட்டில்ஷைத்தான்நெருங்கமாட்டான்.


திர்மிதி2882தாரமி3253



இரவுவணக்கத்திற்குநிகரானது.

அல்பகரா’அத்தியாயத்தின்இறுதிஇரண்டு(02:286 – 287)வசனங்களைஇரவுநேரத்தில்ஓதுகிறவருக்கு(மனிதன்மற்றும்ஜின்இனத்தாரின்தீங்குகளிலிருந்துபாதுகாக்கப்)போதுமானதாகஅவைஆகிவிடும்எனநபி(ஸல்)அவர்கள்கூறினார்கள்.

அபூமஸ்ஊத்(ரலி)

புஹாரி: 4008


பகரா அத்தியாயத்தின் கடைசி இரு வசனங்களையும் ஓத வேண்டும்.''எவர் அல்பகரா எனும் (2வது) அத்தியாயத்தின் இறுதி இரு (286, 287) வசனங்களை இரவில் ஓதுகின்றாரோ அவருக்கு இந்த இரண்டுமே போதும்''என்று நபி (ஸல்) அவர்கள் கூறினார்கள்.

அறிவிப்பவர்: அபூமஸ்ஊத் (ரலி)

நூல்: புகாரி 5009.

'முஹம்மத்' என்ற பெயரே பிரிட்டனில் பிரபலம்

பிரிட்டனில் குழந்தைகளின் பெயர் தொடர்பில் நடத்தப்பட்ட ஆய்வொன்றில், இந்த
ஆண்டில் 'முஹம்மத்' என்ற பெயரே ஆண் பிள்ளைகளுக்கான பெயர்களில் மிகவும்
பிரசித்தம் பெற்றுள்ளது.
'மர்யம்' என்ற பெயர் முதல் 100 பெண் குழந்தைகளின் பெயர்களில் இடம்பிடித்துள்ளது
'ஆலிவர்' என்ற பெயர் இரண்டாம் இடத்துக்கு தள்ளப்பட்டுள்ளது.
பொதுவாக, அராபிய பெயர்களில் பெரும் அதிகரிப்பு காணப்படுகின்றது.
முதல் 100 பெண் பிள்ளைகளின் பெயர்களில் குறிப்பாக, 'மர்யம்' என்ற பெயர்
வேகமாக அதிகரித்துவருகின்றது. புதுவருகையான 'நுர்'என்ற பெயரும்
பிரபலமடைந்துவருகின்றது.
ஒமார், அலி, இப்ராஹிம் ஆகிய பெயர்களும் முதற்தடவையாக முதல் 100 ஆண்
குழந்தைகளின் பெயர்களில் இடம்பிடித்துள்ளன.
ஜார்ஜ், வில்லியம், ஹாரி உள்ளிட்ட அரச குடும்ப பெயர்களும் பிரபலம் குன்றியுள்ளன.

DXO Optics Pro 8 இலவசம் - 31 ஜனவரி 2015 வரையிலும்..

DXO Optics Pro 8….ம்ம்ம்இரண்டுவருடங்களுக்குமுன்னர்சுமார்150லிருந்து200 அமெரிக்கடாலர்களுக்குவிற்பனைசெய்யப்பட்ட ஒருஇமேஜ் எடிட்டிங்டூலாகும்.
DXO Optics Proன் பதிப்பு10ஐ சமீபத்தில்அறிமுகம்செய்துள்ளது.எனவேஅந்நிறுவனம் தனதுபழையபதிப்பான8.5ஐ இலவசமாக பயன்படுத்திக்கொள்ளலாம் எனஅறிவித்துள்ளது.
நீங்கள்செய்யவேண்டியதெல்லாம் 31-1-2015க்குள்ளாககீழேயிருக்கும்சுட்டியைகிளிக்செய்து உங்களதுமின்னஞ்சல் முகவரியைதெரிவித்தாலேபோதும்.
ஆக்டிவேஷன் எண்ணை இலவசமாகவே தருகிறார்கள்.
Download Link:
http://www.dxo.com/intl/dphotographer


DXO Optics Pro 8 கிட்டத்தட்ட அடோபியின்லைட்ரூமுக்கு இணையாகபணிபுரியும்.
பொதுவாக‌ விண்டோஸ் xpபயன்படுத்துபவர்கள் லைட்ரூமின் புதியபதிப்புகளை (since
version 4)பயன்படுத்தமுடியாது.
ஆனால் DXO Optics Pro 8,Windows XPயிலும் இயங்கும் என்பது குறிப்பிடத்தக்கது.
Raw கோப்புகளையும்,jpg கோப்புகளையும்கையாள்கிறது.
பொதுவாக இமேஜ் எடிட்டிங்கில்போதிய அனுபவமில்லாதவர்களுக்கு பயனளிக்கும்விதமாக ஆட்டோமோட்இருப்பது இதன்சிறப்பாகும்.

ஒரு புகைப்படக்கலைஞருக்குதேவையான
அம்சங்களும்இதிலிருக்கிறது என்பதுகுறிப்பிடத்தக்கது.
உதாரணமாக‌ :
White Balance Correction,
Exposure compensation(Auto mode available)
DXO Smart Lighting(Auto mode available)
Color Rendering(Auto mode available)
Noise Reduction(Auto mode available)
Sharpening using Unsharp mask
Lens corrections
DXO Optics pro பொதுவாக3 tabகளைகொண்டுள்ளது.

1.Organize :இதில்
நீங்கள்எடிட்செய்யவிரும்பும்உங்களதுபடங்களைதேர்வுசெய்துகொள்ளலாம்.
2.Customize : இதில் உங்களதுபடங்களைஎடிட்செய்துகொள்ளலாம்.
3.Process :எடிட்டிங்முடித்தபின்னர்Processஎன்பதனைகிளிக்செய்து Start
Processing என்பதனை கிளிக்செய்யபடமானது process செய்யப்படும்.Output
செய்யப்படும் படங்களை நீங்கள்விரும்பும் இடத்தில் சேமித்துக்கொள்ளவும் வழி இருக்கிறது.

பயன்படுத்திப்பாருங்கள் பயனடையுங்கள்.
நன்றி:
நித்திஆனந்த்
photography-in-tamil

ஆண்ட்ராய்டு போன்… பாதுகாக்கும் வழிகள்!

இன்றைக்கு அனைவரின் தேர்வாகவும் இருக்கிறது ஆண்ட்ராய்டு ஸ்மார்ட் போன்.
விண்டோஸ் ஸ்மார்ட் போன்கள் பயன்பாட்டுக்கு எளிதாக இல்லை என்பதே இதற்குக்
காரணம். ஆண்ட்ராய்டு போன்களை பாதுகாப்பாக வைத்திருக்கவில்லை எனில், அதில்
பதிந்து வைத்திருக்கும் தகவல்கள் அனைத்தும் களவுபோக வாய்ப்புண்டு. தவிர,
வைரஸ்களின் தாக்குதலுக்கு உள்ளாகி, சீக்கிரத்தி லேயே செயல் இழக்கவும்
செய்யும். ஆண்ட்ராய்டு போன்களை பாதுகாப்பது எப்படி என்று சொல்கிறார்
தொழில்நுட்ப வல்லுநர் பிரபு கிருஷ்ணா.
ஸ்கிரீன் லாக்!
எல்லா ஆண்ட்ராய்டு போன்களுக்கும் இதுதான் அடிப்படையான பாதுகாப்பு வசதி.
இதில் பேட்டர்ன், பின் (PIN), பாஸ்வேர்டு என்ற மூன்றும் எல்லா
ஆண்ட்ராய்டு போன்களிலும் இருக்கும். செக்யூரிட்டி செட்டிங்ஸ் பகுதியில்,
இதில் ஏதாவது ஒன்றைப் பயன்படுத் துவது கட்டாயம்.
இதுமாதிரியான எந்த பாதுகாப்பும் இல்லாத போன்கள் தொலைந்து, அது இன்னொருவர்
கையில் கிடைக்கும் போது, அந்த போன்களில் இருக்கும் அனைத்து விஷயங்களையும்
ஒருவர் எளிதாக எடுத்து பயன்படுத்திக் கொள்வதைத் தடுக்க இது ஒரு சிறந்த
வழி.
என்க்ரிப்ட் வசதி!
மேலே சொன்ன செக்யூரிட்டி செட்டிங்ஸ் பகுதியில் ஸ்கிரீன் லாக் பகுதிக்குக்
கீழ் 'என்க்ரிப்ட்' என்ற வசதி இருக்கும். இந்த வசதியைப் பயன்படுத்துவதன்
மூலம் போனில் இருக்கும் முக்கியமான தகவல்கள் அனைத்தும் 'என்கிரிப்ட்'
செய்யப்பட்டுவிடும். ஒவ்வொருமுறை போனை ஆன் செய்யும்போதும் நாம்
'டிகிரிப்ட்' செய்தால் மட்டுமே பயன்படுத்த முடியும். இதனால் நம் போன்
தொலைந்துபோனாலும் முக்கியமான தகவல்களை யாராலும் திருட முடியாது.
ஆண்ட்ராய்டு டிவைஸ் மேனேஜர்!
செக்யூரிட்டி செட்டிங்ஸ் பகுதியில் அடுத்ததாக இருக்கும் வசதிதான் இது.
இதன்மூலம் நமது போன் காணாமல் போகும்போது android.com/devicemanager என்ற
முகவரிக்குச் சென்று, ஐந்து நிமிடங்களுக்கு போனை தொடர்ச்சியாக ரிங்
ஆகும்படி அல்லது டிவைஸ் லாக் ஆகும்படி அல்லது தகவல்கள் அனைத்தையும்
அழிக்கும்படி (Erase) செய்ய முடியும். இதற்கு, போனில் இணைய இணைப்பு
இருக்க வேண்டும். அதேபோல, போன் சுவிட்ச்ஆஃப் ஆகி இருக்கவும் கூடாது.
இதுவும் ஒருவகையில் குறைந்தபட்ச பாதுகாப்பு வசதிதான்.
அலுவலக/பொது இணையத்தைப் பயன்படுத்துதல்!
பிரபல ஆன்ட்டிவைரஸ் நிறுவனமான ESET சொல்லும் கணக்கின் படி, அலுவலகங்களில்
வை-ஃபை மூலம் இணையத்தைப் பயன்படுத்து வதால், 30-40% வைரஸ் பிரச்னையால்
பாதிக்கப்படும் வாய்ப்புள்ளது. அலுவலகத்தில் வை-ஃபை
பயன்படுத்துவதற்குமுன், அது எந்த அளவுக்கு பாதுகாப்பானது என்பதை
நெட்வொர்க் அட்மினிடம் கேட்டு, அதற்குப் பிறகு பயன்படுத்துவது
பாதுகாப்பானது.
இதேபோல, பொது இடங்களில் கிடைக்கும் இலவச வை-ஃபை இணைப்பின் பாதுகாப்பும்
கேள்விக்குரியதே. பொது இடங்களில் கட்டாயம் இணையம் பயன்படுத்த வேண்டிய
அவசியம் உள்ளவர்கள், 2ஜி/3ஜி டேட்டா ரீசார்ஜ் செய்து பயன்படுத்துவதுதான்
பாதுகாப்பானது.
முக்கியமான தகவல்கள் பத்திரம்!
உங்களுக்கு மிக முக்கியமானதாகத் தோன்றும் எந்தத் தகவலையும் உங்கள் போனில்
பதிவு செய்து வைக்காதீர்கள். இதனால் போன் திருடுபோவது தவிர, போன் பழுதாகி
அதை சர்வீஸ் சென்டரில் தரும்போதும் பாதுகாப்பாக இருக்க முடியும்.
நம்பகமில்லா அப்ளிகேஷன்கள் வேண்டாம்!
குறிப்பிட்ட அப்ளிகேஷன் ஒன்றை டவுன்லோடு செய்யும்முன் அதன் தேவை,
பாதுகாப்பு போன்றவற்றைத் தெரிந்துகொண்டு டவுன்லோடு செய்வது நல்லது.
குறிப்பாக, கூகுள் ப்ளே இல்லாமல் வேறு எங்கிருந்தும் இன்ஸ்டால்
செய்யப்படும் அப்ளிகேஷன்கள் போனுக்குப் பாதுகாப்பானதில்லை.
அப்ளிகேஷன் லாக்!
முக்கியமான தகவல்கள் இருக்கும் கேலரி, இன்பாக்ஸ், மெயில் அப்ளிகேஷன்களை
எப்போதும் லாக் செய்து வைக்கலாம்.
இதெற்கென்றே கூகுள் ப்ளேயில் நிறைய அப்ளிகேஷன்கள் உள்ளன. இது,
ஒவ்வொருமுறை குறிப்பிட்ட அப்ளிகேஷனை ஓப்பன் செய்யும்போதும் ஒரு
பாஸ்வேர்டு/பின் (PIN) நம்பர் கேட்கும்.
ரூட் (Root) செய்ய வேண்டாம்!
போனை ரூட் செய்வது என்பது நம் விண்டோஸ் கணினியில் அட்மின் கணக்கை
பயன்படுத்துவதுபோல. இதன்மூலம் போனுக்குத் தேவையான லேட்டஸ்ட் ஆபரேட்டிங்
சிஸ்டம் முதல், இயங்காத அப்ளிகேஷனை இயங்கவைப்பது வரை என பல்வேறு வசதிகள்
கிடைக்கும்.
ஆனால் ரூட் அக்சஸ் உள்ள அப்ளிகேஷன், போனில் உள்ள தகவல்கள் அனைத்தையும்
அறியும் வசதியைப் பெறும். இதனால் பாதுகாப்பற்ற ஏதேனும் ஒரு அப்ளிகேஷன்
மூலம் நமது தனிப்பட்ட தகவல்கள் திருடப்படலாம்.
பிரவுஸர்கள் எச்சரிக்கை!
போனில் பிரவுஸர்களைப் பயன்படுத்தும்போது பாஸ்வேர்டு அல்லது இதர
தகவல்களைக் கொடுத்தால், பயன்படுத்தி முடித்தபின் ஹிஸ்டரியை
அழித்துவிடுவது (Delete) முக்கியமானது.
அதேபோல, பணப் பரிவர்த்தனை தொடர்பான வேலைகளுக்கு குறிப்பிட்ட அப்ளிகேஷனை
டவுன்லோடு செய்வதுதான் பாதுகாப்பானது.
அப்டேட் அவசியம்!
போனின் சாஃப்ட்வேரை புதிய வெர்சனுக்கு அப்டேட் செய்துவைத் திருப்பது
அவசியமான ஒன்று. அதேபோல, அப்ளிகேஷன்களுக்கும் அப்டேட் வசதி
வரும்போதெல்லாம் அதைச் செய்துகொள்ள வேண்டும்.
ஆனால், அந்தசமயங்களில் எச்சரிக்கையுடன் இருக்க வேண்டும். அப்ளிகேஷன்கள்
நம்மிடம் கேட்கும் அனுமதிகளை நன்கு படித்துப் பார்த்த பிறகே, அனுமதி
வழங்க வேண்டும்.
போன் தொலைந்துவிட்டால்..?
இறுதியாக, இத்தனை பாதுகாப்பாக இருந்தும் உங்கள் போன்
தொலைந்துபோய்விட்டால், முதலில் நீங்கள் செய்ய வேண்டியது ஜிமெயில்,
ஃபேஸ்புக் போன்றவற்றின் பாஸ்வேர்டை மாற்றுவது.
அடுத்தபடியாக, 'ஆண்ட்ராய்டு டிவைஸ் மேனேஜர்' மூலம் போனில் இருக்கும்
தகவல்களை அழிக்க முயற்சி செய்வதுதான்.
ஆண்ட்ராய்டு போனின் பாதுகாப்புக்கான வழிகளைச் சொல்லிவிட்டோம். இந்த
வழிகளை நீங்களும் பின்பற்றலாமே!

நன்றி – பிரபு கிருஷ்ணா

தலையில் பந்து பட்டதால் காயமடைந்த ஆஸி. கிரிக்கெட் வீரர் ஹியூக்ஸ் மரணம்!

சிட்னி: ஆஸ்திரேலிய முதல்தர கிரிக்கெட் போட்டியின் போது தலையில் பந்து
பலமாக மோதியதால் படு காயமடைந்த இளம் கிரிக்கெட் வீரர் பிலிப் ஹியூக்ஸ்
சிகிச்சை பலனின்றி இன்று உயிரிழந்தார்.
நேற்றுமுன் தினம் நியூ சவுத் வேல்ஸில் நடைபெற்ற ஆஸ்திரேலிய கிரிக்கெட்
போட்டியில் வேகப்பந்து வீச்சாளர் ஷேன் அபாட்டின் பந்து, பிலிப்பின்
தலையில் பலமாக தாக்கி விட்டது. இதனால் படுகாயமடைந்து நிலை குலைந்து கீழே
விழுந்தார் ஹியூக்ஸ்.
தலையில் ரத்தம் சொட்டச், சொட்ட சிட்னி மருத்துவமனையில் அனுமதிக்கப்பட்ட
அவருக்கு அங்கு அறுவை சிகிச்சை மேற்கொள்ளப்பட இருந்தது.
இரண்டு நாட்களாக கோமாவில் இருந்து தீவிர சிகிச்சை பிரிவில்
அனுமதிக்கப்பட்டிருந்த ஹியூக்ஸ் சிகிச்சை பலனின்றி தற்போது
உயிரிழந்துள்ளார்.
25 வயதேயான பிலிப் ஹியூக்ஸ் ஆஸ்திரேலிய அணிக்காக 26 டெஸ்ட்
போட்டிகளிலும், 25 ஒரு நாள் போட்டிகளிலும் விளையாடி உள்ளார் என்பது
குறிப்பிடத்தக்கது.
பிலிப் ஹியூக்ஸின் மரணம் கிரிக்கெட் உலகை மட்டுமல்லாமல், விளையாட்டு
உலகையும் உலுக்கியுள்ளது. ரசிகர்கள் சோகமடைந்துள்ளனர். பல நாட்டு
வீரர்கள் ஹியூக்ஸுக்கு புகழாரம் சூட்டி வருகின்றனர்.
இந்நிலையில் ஹியூக்ஸ் அணிந்திருந்த ஹெல்மெட்டின் மோசமான வடிவமைப்புதான்
அவருடைய உயிரிழப்பிற்கு முக்கிய காரணம் என்றும் சில தகவல்கள்
வெளியாகியுள்ளது.
வருகின்ற 30 ஆம் தேதி, அதாவது இன்னும் இரு தினங்களில் ஹியூக்ஸின்
பிறந்தநாள் என்பது குறிப்பிடத்தக்கது.

Source:oneindia

மக்கொன: ஐ.தே.க பிரதேசசபை உறுப்பினர் மீது துப்பாக்கி சூடு

எதிர்வரும் ஜனவரி மாதம் எட்டாம் திகதி ஜனாதிபதித் தேர்தல்கள் இடம்பெறவுள்ளதாக அறிவிக்கப்பட்ட தினத்திலேயே இடம்பெற்ற துப்பாக்கிச் சூட்டுச் சம்பவமொன்றில் பிரதான எதிர்க் கட்சியான ஐக்கிய தேசியக் கட்சி உள்ளூராட்சி சபை உறுப்பினர் ஒருவர் படுகாயமடைந்திருக்கிறார்.

ஆளும் ஐக்கிய மக்கள் சுதந்திரக் கட்சியிலிருந்து மூத்த அமைச்சர்கள் உட்பட பெருமளவான அமைச்சர்கள், பாராளுமன்ற உறுப்பினர்கள் எதிர்க்கட்சிக்குத் தாவியுள்ளமையை ஐ.தே.கவின் ஆதரவாளர்கள், மக்கொன பகுதியில் கொண்டாடிக்கொண்டிருந்தவேளை, இனந்தெரியாதோர் அவர்கள் மீது துப்பாக்கிச் சூடு நடாத்தியிருக்கிறார்கள்.

இதன்போது ஐ.தே.க வின் முன்னார் பேருவளை எதிர்க்கட்சித் தலைவர் சமில ரணசிங்க என்பவர் தலையில் குண்டடிபட்டு ஆபத்தான நிலையில் களுத்துறை வைத்தியசாலையில் அனுமதிக்கப்பட்டார். பின்னர் அவர் மேலதிக சிகிச்சைகளுக்காக கொழும்பு தேசிய வைத்தியசாலையில் அனுமதிக்கப்பட்டு, தற்போது தீவிர சிகிச்சைப் பிரிவில் அனுமதிக்கப்பட்டுள்ளதாக செய்திகள் தெரிவிக்கின்றன.

நேற்று மாலை இடம்பெற்ற இச்சம்பவத்தில் யாரும் கைது செய்யப்படவில்லையென ஐ.தே.க வட்டார தகவல்கள் தெரிவிக்கின்றன.

கூகிள் உங்களைப் பற்றி அறிந்துள்ள விடயங்களைக் காட்டுகின்ற ஆறு இணைப்புகள்

உங்களைப் பற்றி, கூகிள் அறிந்து வைத்துள்ள அனைத்து விடயங்களையும் அறிந்து
கொள்ள விரும்புகிறீர்களா? கீழுள்ள ஆறு இணைப்புகளும், உங்களைப் பற்றி
கூகிள் அறிந்துள்ள தரவுகளை உங்களுக்குக் காண்பிக்கும்.
1. உங்களை கூகிள் எப்படிப் பார்க்கிறது?
உங்கள் வயது, பால், விருப்பங்கள் என அனைத்து பற்றியதான சுயவிபரக் கோவையை
கூகிள் உருவாக்க முயற்சிக்கிறது. இது, உங்களுக்குப் பொருத்தமான
விளம்பரங்களைக் காட்சிப்படுத்த தேவையானது. இந்த இணைப்பில் கூகிள் உங்களை
எப்படிக் காண்கிறது என்பதை அறிந்து கொள்ளலாம், மாற்றங்களும் செய்யலாம்:
https://www.google.com/ads/preferences/
2. உங்களின் இருப்பிடங்களின் வரலாற்றை அறிந்திட
நீங்கள் அண்ட்ராய்டு திறன்பேசியை பயன்படுத்துகிறீர்கள் என்றால், உங்கள்
இருப்பிடம் தொடர்பான தரவுகளும், கூகிளுக்கு அனுப்பி வைக்கப்படுகின்றன.
இந்த இணைப்பில், உங்களின் மொத்த இருப்பிட வரலாற்றை அறிந்து கொள்ள
முடிவதோடு, அதனை தரவிறக்கிக் கொள்ளவும் முடியும்.
https://maps.google.com/locationhistory
3. உங்களின் மொத்த கூகிள் தேடலின் வரலாற்றையும் காண
நீங்கள் கூகிளில் மேற்கொண்ட ஒவ்வொரு தேடலையும், கூகிள் சேமிக்கிறது.
அத்தோடு, நீங்கள் கிளிக் செய்த, கூகிள் விளம்பர இணைப்புகளையும் அது
சேமித்து வைத்திருக்கிறது. இந்த இணைப்பில் அவற்றைக் கண்டு கொள்ளலாம்.
https://history.google.com
4. உங்கள் கூகிள் கணக்கைப் பாவித்த அத்தனை சாதனங்களையும் அறிந்திட
உங்கள் கூகிள் கணக்கை, வேறு யாராவது பயன்படுத்துகிறார்கள் என சந்தேகக்
கவலை தோன்றினால், உங்கள் கூகிள் கணக்கைப் பாவிக்கும் அத்தனை சாதனங்கள்,
அதன் ஐபி முகவரி மற்றும் அண்ணளவான இருப்பிடம் என்பனவெல்லாம் இந்த
இணைப்பில் சென்று பெற்றுக் கொள்ளலாம்.
https://security.google.com/settings/security/activity
5. உங்கள் கூகிள் தரவுகளை அணுகும் அத்தனை செயலிகள் மற்றும் நீட்சிகள் பற்றி அறிய
உங்கள் கூகிள் கணக்கில், எந்த செயலிகள் மற்றும் நீட்சிகள் அணுக்கம்
பெற்றுள்ளது, எவ்வகையான அணுக்கங்கள் என்பன பற்றி இந்த இணைப்பில்
அறியலாம். அணுக்கத்தை நீக்கிவிடவும் முடியும்.
https://security.google.com/settings/security/activity
6. உங்களின் அத்தனை கூகிள் தரவுகளையும் பதிவிறக்க
உங்களின் அத்தனை தரவுகளையும் கூகிள் தரவிறக்கிக் கொள்ள வழிசமைக்கிறது:
உரலிகளின் சேமிப்பு, மின்னஞ்சல்கள், தொடர்பாடல்கள், கோப்புகள்,
சுயவிபரக்கோவை, உங்கள் யூடியுப் காணொளிகள், நிழற்படங்கள் என அனைத்தையும்
இந்த இணைப்பில் தரவிறக்கிக் கொள்ளலாம்.
https://www.google.com/takeout

Written by Cloud Fender Translated by Tharique Azeez


Thanks

ஸ்டார்லிங் குருவிகளின் அதிசயிக்க வைக்கும் குழு நடனம்

ஆடும் கருமேகம் போல அஸ்தமன வானத்தில் ஸ்டார்லிங் குருவிகள் அரங்கேற்றும் அற்புத
நடனத்தை பிரிட்டனில் இலையுதிர் காலத்தில் கண்டு ரசிக்க முடியும். ஸ்டார்லிங் குருவிகளின் இந்த நடனத்தைப் பற்றிய ஆய்வு ஒன்றை க்ளோஸ்டர் பல்கலைக்கழகம்
இப்போது நடத்திவருகிறது. நாற்பது ஆண்டுகளில் 80 சதவீதம் அழிந்துவிட்ட இந்தப் குருவி இனம் முற்றும்
இல்லாதுபோவதைத் தடுக்க இந்த ஆய்வு உதவுமா?
கீழே உள்ள வீடியோவைப் பார்த்து ரசிக்கவும்

இதையும் பார்க்கவும்


Thanks:
Bbc,
youtube

சிங்கக்கூட்டத்திடம் சிக்கிய யானைக்குட்டி;இணையத்தைக் கலக்கும் வீடியோ

கிட்டதட்ட 14 சிங்கங்களைக் கொண்ட சிங்க கூட்டம் ஒன்றிடம் சிக்கிக்கொண்ட யானைக்குட்டி ஒன்றை இரையாக்கிக்கொள்ள முயற்சிக்கும் வீடியோ ஒன்று அப்பகுதியில் சுற்றுலாவில் ஈடுபட்ட ஒரு குழுவினரால்
தற்போது இணையத்தில் தரவேற்றப்பட்டுள்ளது நீங்களும் காணத்தவராதீர்கள்.

சூரத்துல் பகராவின் சிறப்புகள்

அல்லாஹ்தஆலாஇந்தசமுதாயத்திற்குவழங்கியிருக்கும்அருட்கொடைகளில்மிகப்பெரியஅருட்கொடையாகதிருக்குர்ஆன்திகழ்கிறது.அந்தகுர்ஆனைஓதுபவர்களுக்குபலசிறப்புகளையும்அல்லாஹ்வழங்கியுள்ளான்.
நபிகள்நாயகம்(ஸல்)அவர்கள்கூறுகிறார்கள்.
யார்அல்லாஹ்வுடையவேதத்திருந்துஒருசொல்லைஓதுவாரோஅதற்குஒருநன்மைஉண்டு.ஒருநன்மைஎன்பதுஅதுபோல்பத்துமடங்குவரைஉண்டு. ”அஃப்லாம்மீம்”என்பதைநான்ஒருஎழுத்துஎன்றுசொல்லமாட்டேன்.மாறாகஅப்ஒருஎழுத்துலாம்ஒருஎழுத்துமீம்ஒருஎழுத்துஎன்றுநபிஸல்அவர்கள்கூறினார்கள்.
அறிவிப்பவர்:இப்னுமஸ்வூத்(ரலி­),நூல்:திர்மிதீ(2835)
­ ­­
இதேபோன்றுசிலகுறிப்பிட்டசூராக்களுக்குகுறிப்பிட்டசிறப்புகளைநபிகள்நாயகம்(ஸல்)அவர்கள்கூறியிருப்பதுஆதாரப்பூர்வமானஹதீஸ்களில்பதிவுசெய்யப்பட்டுள்ளது.
திரு குர்ஆனில் சிறப்பித்து கூறப்படும் அத்தியாயம் தொடர்பாக உள்ள ஹதீஸ்களில் ஆதாரமற்ற ஹதீஸ்கள் அதிகமாக உள்ளது
ஆகவே அவற்றை தவிர்த்து கொண்டு .. ஆதாரமான ஹதீஸை மட்டும் பின்பற்றுவோம்.

38 Facts about Your Body you maybe didn’t know?!

It’s not an overstatement to say that every part of your body is a miracle.




Here is some of facts about your body you maybe didn’t know:




1.Your nose can remember 50,000 different scents.

2.Humans shed about 600,000 particles of skin every hour.

3.An adult human being is made up of around 7,000,000,000,000,000,000,000,000,000 atoms.

4.A human baby has over 60 more bones than an adult.

5.There are 100,000 miles of blood vessels in an adult human body.

6.An average person produces about 25,000 quarts of saliva in a lifetime, enough to fill two swimming pools.

7.Your body has enough iron in it to make a metal nail 3 inches long.

8.We all have tiny mites living in our eyelashes.

9.The strongest muscle in the human body is the masseter (jaw muscle).

10.Sweat itself is odorless. It’s the bacteria on the skin that mingles with it and produces body odor.

11.Having excessive body hair is linked to higher intellect.

12.Ears and Nose never stop growing.

13.Similar to fingerprints, everyone also has a Unique Tongue Print.

14.When awake, the human brain produces enough electricity to power a small lightbulb.

15.Human Bones are ounce for ounce, stronger than steel.

16.People with blue eyes have a higher alcohol tolerance.

17.The human eye can distinguish about 10 million different colors.

18.We spend about 10% of our waking hours with our eyes closed, blinking.

19.If the human eye was a digital camera it would have 576 megapixels.

20.All of the bacteria in our body collectively weighs about 4 pounds.

21.The human body produces about a litre (0.26 gal) of mucus per day.

22.There are more than 100 types of cancers; any part of the body can be affected.

23.Your heartbeat changes and mimics the music you listen to.

24.Your brain uses 20% of the total oxygen and blood in your body.

25.Your bones are composed of 31% water.

26.There’s more bacteria in your mouth than there are people in the world.

27.Every day, your heart creates enough energy to drive a truck for 20 miles (32 km).

28.If uncoiled, the DNA in all the cells in your body would stretch 10 billion miles, from here to Pluto and back.

29.Most of the dust underneath your bed is actually your own dead skin.

30.Within three days of death, the enzymes that once digested your dinner begin to eat you.

31.Sleeping less than 7 hours each night reduces your life expectancy.

32.In a lifetime, your brain’s long-term memory can hold as many as 1 quadrillion (1 million billion) separate bits of information.

33.The gastrointestinal tract is a 30-foot (9 m) tube running from your mouth to your anus.

34.Your heart will pump nearly 1.5 million barrels of blood during your lifetime, enough to fill 200 train tank cars.

35.Your heart can keep beating even if it is separated from the body because it has its own electrical impulse.

36.Your brain keeps developing until your late 40s.

37.Our lungs and nasal passages have exquisitely tiny hairs called cilia that can “taste” bitter flavors.

38.When you take one step, you are using up to 200 muscles.
Thanks: FactsSlides,
Nurseland.

3டி படங்களால் குழந்தைகளின் கண்திறனில் பாதிப்பு: விஞ்ஞானிகள் எச்சரிக்கை

ஆறு வயதிற்கும் குறைவான பிள்ளைகள் முப்பரிமாண 3டி படங்களை பார்க்க
அனுமதிக்கக்கூடாது என பிரான்சின் மக்கள் ஆரோக்கிய கண்காணிப்பு அமைப்பான
அன்செஸ் பரிந்துரைத்துள்ளது.
வளர்ந்து வருகின்ற குழந்தைகளின் கண்களில் முப்பரிமாணப் படங்கள்
ஏற்படுத்தக்கூடிய தாக்கம் பற்றி ஆராய்ந்த பின்னர் அன்செஸ் இந்தப்
பரிந்துரையைச் செய்துள்ளது.
ஒரு முப்பரிமாண படத்தில் இரண்டு வெவ்வேறு இடங்களை நம் கண்கள் ஒரே
நேரத்தில் பார்க்க வேண்டும். அதன் பின்னர்தான் நமது மூளை அதனை ஒரே படமாக
புரிந்துகொள்ளும். இவ்வாறாகத்தான் முப்பரிமாண படங்களை நாம்
கிரகித்துக்கொள்கிறோம்.
ஆறு வயதுக்கு குறைவான குழந்தைகளின் கண்கள் முழுமையான வளர்ச்சி
அடைந்திருக்காத சூழ்நிலையில், முப்பரிமாணப் படங்களைப் பார்க்கும்போது
அவர்களுக்கு அப்படங்களை கிரகித்துக்கொள்ள அதிக சிரமமாக இருக்கும். அதனால்
அவர்களின் ஆரோக்கியத்தில் ஏற்படும் தாக்கம் பெரியவர்களைக் காட்டிலும்
அதிகமாக இருக்கிறது என என அன்செஸ் வாதிடுகிறது.
13 வயது வரும் வரைக்கும் பிள்ளைகள் முப்பரிமாண படங்களை குறைவாகவே பார்க்க
அனுமதிக்கப்பட வேண்டும் என உணவு, சுற்றுச்சூழல், வேலையிட ஆரோக்கியம்
மற்றும் பாதுகாப்புக்கான இந்த பிரஞ்சு அமைப்பு தெரிவித்துள்ளது.
சிறார்களுக்கான படங்கள் அதிக அளவில் முப்பரிமாண தொழில்நுட்பத்தில்
வெளிவருகின்ற ஒரு காலகட்டம் இது. வீடியோ கேம்கள், தொலைக்காட்சிகள்,
கணினித் திரைகள் என்று எல்லாவற்றிலும் முப்பரிமாணத் திரை வந்துவிட்டது.
தற்போது கூடுதலான நிறுவனங்கள் முப்பரிமாணப் படங்களுக்கான கருவிகளை
உருவாக்கி வருகின்றன.
ஆப்பிள் நிறுவனம் கண்ணாடி அணியாமலேயே முப்பரிமாணப் படங்களைப் பார்க்க
உதவுகிற திரை ஒன்றை உருவாக்கி வருவதாக உறுதிசெய்யப்படாத தகவல்கள்
கூறுகின்றன.
முப்பரிமாணப் படங்கள் கண்களுக்கு ஏற்படுத்தக்கூடிய பாதிப்பு பற்றி
குரல்கள் ஒலிப்பது இது முதல் முறை என்றில்லை.
ஏற்கனவே இத்தாலியில் இளம் பிள்ளைகள் முப்பரிமாணப் படங்களைப்
பார்ப்பதற்குரிய கண்ணாடிகளை அணிவதில் கட்டுப்பாடுகள் உள்ளன. அந்த
நாட்டின் சுகாதார கண்காணிப்பு நிறுவனம் எச்சரித்ததை அடுத்து இந்த
கட்டுப்பாடு கொண்டுவரப்பட்டது.
நிண்டெண்டோ என்ற வீடியோ கேம் நிறுவனம் 2010ல் ஒரு புதிய முப்பரிமான
கருவியை அறிமுகப்படுத்தியபோது, ஆறு வயதுக்கும் குறைவானப் பிள்ளைகள்
அவற்றைப் பயன்படுத்தினால் அவர்களின் பார்வைத்திறன் பாதிக்கப்படலாம் என
எச்சரித்திருந்தது.
அதேநேரம் முப்பரிமாணப் படங்களைப் பார்த்ததன் விளைவாக பார்வைத் திறன்
கெட்டுப்போனதாக தங்களிடம் புகார்கள் வந்ததில்லை என அமெரிக்க கண்திறன்
சங்கம் கூறியுள்ளது.

Source:BBC

ஆஷூரா நோன்பின் சிறப்புகள்

ஆஷூரா நோன்பு எதற்காக நோற்கிறோம் என்பதைக் கூட இன்றைக்கு அதிகமான மக்கள்
அறிந்திருக்கவில்லை. எதற்காக இந்நோன்பு என்பதைப் பற்றி ஹதீஸ்களில்
தெளிவாகவே வந்துள்ளது.
நபி (ஸல்) அவர்கள் மதீனா வந்த போது யூதர்கள் ஆஷூரா நாளில் நோன்பு
நோற்பதைக் கண்டார்கள். "இது என்ன நாள்?" என்று கேட்டார்கள். "இது
மாபெரும் நாள்! மூஸா (அலை) அவர்களை இந்த நாளில் தான் அல்லாஹ்
காப்பாற்றினான். ஃபிர்அவ்னின் கூட்டத்தாரை (கடலில்) மூழ்கடித்தான். ஆகவே,
மூஸா (அலை) அவர்கள் அல்லாஹ்விற்கு நன்றி செலுத்தும் விதத்தில் இந்நோன்பை
நோற்றார்கள்" என்று யூதர்கள் கூறினர். நபி (ஸல்) அவர்கள், நான் அவர்களை
விட மூஸாவுக்கு நெருக்கமானவன் என்று கூறிவிட்டு அந்த நாளில் தாமும்
நோன்பு நோற்று, தம் தோழர்களுக்கும் நோன்பு நோற்கும்படி கட்டளை
இட்டார்கள்.
அறிவிப்பவர்: இப்னு அப்பாஸ் (ரலி)
நூல்: புகாரி 3397
நான் தான் மிக உயர்ந்த கடவுள் என்று கூறிய சர்வாதிகார அரசன் கொடியவன்
ஃபிர்அவ்ன் மற்றும் அவனுடைய கூட்டத்தினர் அழிக்கப்பட்ட மகிழ்ச்சியான நாள்
தான் ஆஷூரா ஆகும். இதற்காக அல்லாஹ்வுக்கு நன்றி செலுத்தும் பொருட்டு தான்
ஆஷூரா நோன்பு நோற்கப்படுகிறது.
ஆனால் இன்றைக்குப் பெரும்பாலான இஸ்லாமிய மக்கள் இதைக் கூட அறியாமல் துக்க
நாளாக அனுஷ்டித்து இறைவனுக்கு நோற்க வேண்டிய நோன்பை ஹசனார் ஹுசைனார்
நோன்பு என்ற பெயரில் அவர்களுக்காக நோற்கின்றனர். அல்லாஹ்
அல்லாதவர்களுக்காக நோற்கப்படும் நோன்பு நிச்சயமாக இணைவைப்புக் காரியம்
என்பதில் எள்ளளவும் சந்தேகம் இல்லை.
எனவே, இது போன்ற தவறான செயல்களை விட்டும் நாம் விலகிக் கொள்ளவேண்டும்.
ஆஷூரா நோன்பின் சிறப்புகள்
இப்னு அப்பாஸ் (ரலி) அவர்கள் அறிவிக்கிறார்கள்:
ஆஷூரா எனும் இந்த நாளையும் (ரமலான்) என்னும் இந்த மாதத்தையும் தவிர
வேறெதையும் ஏனையவற்றை விடச் சிறப்பித்து தேர்ந்தெடுத்து நபி (ஸல்)
அவர்கள் நோன்பு நோற்பதை நான் பார்த்ததில்லை.
நூல்: புகாரி 2006
நாம் ஒவ்வொரு நாளும் எண்ணற்ற பாவங்களைச் செய்கிறோம். அதனை அன்றே நாம்
மறந்தும் விடுகின்றோம். நாம் பெரிதாகச் செய்த பாவங்களுக்காக மட்டும் தான்
பாவமன்னிப்புத் தேடுகின்றோம். இதனால் சிறு பாவங்கள் அப்படியே கூடிக்
கொண்டே வருகின்றன.
இது போன்ற சிறு பாவங்களை நாம் செய்கின்ற நல்லறங்களின் மூலமும் அல்லாஹ்
மன்னிக்கின்றான். இப்படிப்பட்ட நல்லறங்களில் ஒன்று தான் ஆஷூரா
நோன்பாகும்.
நபி (ஸல்) அவர்கள் கூறினார்கள்: முஹர்ரம் பத்தாவது நாளில் (ஆஷூரா) நோன்பு
நோற்பதை அதற்கு முந்தைய ஓராண்டின் பாவத்திற்குப் பரிகாரமாக அல்லாஹ்
ஆக்குவான் என நான் எதிர்பார்க்கிறேன்.
அறிவிப்பவர்: அபூகதாதா (ரலி)
நூல்: முஸ்லிம் 1976
நபி (ஸல்) அவர்களிடம் ஆஷூரா நோன்பு பற்றிக் கேட்கப்பட்டது. அதற்கு, அது
கடந்த ஆண்டின் பாவத்திற்குப் பரிகாரமாகும் என்றார்கள்.
அறிவிப்பவர்: அபூகதாதா (ரலி)
நூல்: முஸ்லிம் 1977
அல்லாஹ் அளவற்ற அருளாளன் என்பதற்கு மேற்கண்ட செய்தியும் ஒரு சான்றாகும்.
யூதர்களுக்கு மாறு செய்வோம்
ஆஷூரா நோன்பு என்பது பத்தாவது நாள் நோற்கின்ற நோன்பாக இருந்தாலும்
யூதர்களும் அந்நாளில் நோன்பு நோற்றதால் நபி (ஸல்) அவர்கள் யூதர்களுக்கு
மாற்றம் செய்யும் வகையில் ஒன்பதாவது நாளும் நோன்பு வைக்க வேண்டும் எனக்
கூறியுள்ளார்கள்.
அல்லாஹ்வுடைய தூதர் (ஸல்) அவர்கள் ஆஷூரா நாளில் தாமும் நோன்பு நோற்று,
நோன்பு நோற்குமாறு மக்களுக்கும் கட்டளையிட்டார்கள். அப்போது மக்கள்,
(அது) யூதர்களும் கிறிஸ்தவர்களும் கண்ணியப்படுத்தும் நாளாயிற்றே என்று
வினவினர். அதற்கு நபியவர்கள், இன்ஷா அல்லாஹ், (அல்லாஹ் நாடினால்) அடுத்த
ஆண்டில் நாம் (முஹர்ரம்) ஒன்பதாவது நாளிலும் நோன்பு நோற்போம் என்று
கூறினார்கள். ஆனால், அடுத்த ஆண்டு வருவதற்குள் அல்லாஹ்வின் தூதர் (ஸல்)
அவர்கள் இறந்து விட்டார்கள்.
மற்றொரு அறிவிப்பில், அடுத்த ஆண்டு வரை நான் உயிரோடு இருந்தால்,
ஒன்பதாவது நாளிலும் நோன்பு நோற்பேன் என்று கூறியதாக வந்துள்ளது.
அறிவிப்பவர்: இப்னு அப்பாஸ் (ரலி)
நூல்: முஸ்லிம் 1916, 1917
நபி (ஸல்) அவர்கள், ஒன்பதாவது நாள் நோன்பு நோற்காவிட்டாலும் ஒன்பதாவது
நாளும் நோன்பு நோற்குமாறு கூறியிருப்பதால், நாம் ஒன்பது, பத்து ஆகிய
இரண்டு நாட்களும் நோன்பு நோற்க வேண்டும்.
10வது நாளும் 11வது நாளும் நோன்பு நோற்கலாமா?
சிலர் 9,10 அல்லது 10,11 வது நாள் நோன்பு நோற்கலாம் எனக் கூறுகின்றனர்.
அதற்கு பின்வரும் ஹதீஸை ஆதாரமாகக் காட்டுகின்றனர்.
நபி(ஸல்) அவர்கள் கூறினார்கள்:
ஆஷூரா நோன்பு வையுங்கள். அதில் யூதர்களுக்கும் கிறிஸ்தவர் களுக்கும்
மாற்றம் செய்யுங்கள். அதற்கு முந்திய நாளோ அல்லது அதற்கு பிந்திய நாளோ
நோன்பு நோற்றுக் கொள்ளுங்கள்.
அறிவிப்பவர்: இப்னு அப்பாஸ்(ரலி)
நூல்: அஹ்மத் 2047, பைஹகீ
இது தொடர்பான அனைத்து அறிவிப்புகளிலும் இப்னு அபீ லைலா என்பவர் இடம்
பெறுகிறார். இவர் மனன சக்தியில் மிக மோசமானவர் ஆவார். மேலும் இவரை
அறிஞர்கள் பலவீனமானவர் என்றும் கூறியுள்ளனர். எனவே, இந்த ஹதீஸ்
பலவீனமானதாகும்.
முஹர்ரம் 9,10 வது நாள் நோன்பு நோற்க வேண்டும் என்று வரக் கூடிய
செய்திகள் தான் ஆதாரப் பூர்வமானவை ஆகும். எனவே, 10,11வது நாள் நோன்பு
நோற்பது கூடாது.
குழந்தைகளுக்குப் பயிற்சி அளித்தல்
நபி (ஸல்) அவர்களுடைய காலத்தில் ஸஹாபாக்கள் இது போன்ற சுன்னத்தான
நோன்புகளில் குழந்தைகளுக்கும் நோன்பு நோற்க பயிற்சி அளித்துள்ளனர்.
ருபய்யிவு பின்த் முஅவ்வித் பின் அஃப்ரா (ரலி) அவர்கள் அறிவிக்கிறார்கள்:
அல்லாஹ்வின் துôதர் (ஸல்) அவர்கள் ஆஷூரா (முஹர்ரம் 10வது) நாளன்று
காலையில் மதினா புறநகரிலுள்ள அன்சாரிகளின் கிராமங்களுக்கு ஆளனுப்பி
(இன்று) காலையில் நோன்பாளியாக இருப்பவர் தமது நோன்பைத் தொடரட்டும்.
நோன்பு நோற்காமல் காலைப் பொழுதை அடைந்தவர் இன்றைய தினத்தின் எஞ்சிய
பொழுதை (நோன்பிருந்து) நிறைவு செய்யட்டும் என்று அறிவிக்கச் செய்தார்கள்.
நாங்கள் அதன் பின்னர், அந்நாளில் நோன்பு நோற்கலானோம். எங்கள்
சிறுவர்களையும் அல்லாஹ் நாடினால் நோன்பு நோற்கச் செய்வோம். நாங்கள்
பள்ளிவாசலுக்குச் செல்லும் போது கம்பளியாலான விளையாட்டுப் பொருட்களை
அவர்களுக்காகச் செய்து அவர்களில் ஒருவன் (பசியால்) உணவு கேட்டு அழும்
போது, நோன்பு திறக்கும் வரை (அவன் பசியை மறந்திருப்பதற்காக) அவனிடம் அந்த
விளையாட்டுப் பொருட்களைக் கொடுப்போம்.
நூல்: முஸ்லிம் 1919
சிறப்பு மிக்க இந்த ஆஷூரா நோன்பை நோற்று இம்மையிலும் மறுமையிலும்
அல்லாஹ்வின் அருளைப் பெறுவோமாக!


source:sltj. lk

கருவில் இருக்கும் சிசுவுக்கு “இதய அறுவை சிகிச்சை” – ஹைதராபாத் மருத்துவர்கள் சாதனை (video)

ஹைதராபாத்: இந்தியாவில் முதல்முறையாக கருவில் இருக்கும் சிசுவிற்கு இதய அறுவை சிகிச்சை செய்து மருத்துவர்கள் சாதனை படைத்துள்ளனர்.
ஹைதராபாத்தில் உள்ள கேர் மருத்துவமனையில் மேற்கொள்ளப்பட்டது இந்த புதிய முறை அறுவை சிகிச்சை.
இந்த அறுவைச் சிகிச்சை மூலம், சிரிஷா எனும் 25 வயது பெண்ணின் கருவில் இருந்த சிசுவின் இதய ரத்தகுழாய் அடைப்பு வெற்றிகரமாக குறைக்கப்பட்டுள்ளது.
இடது பக்க ரத்தக் குழாய் பாதிப்பு:
சிசுவிற்கு அறுவை சிகிச்சையை மேற்கொண்ட மருத்துவர் நாகேஸ்வர ராவ் இது குறித்து தெரிவிக்கையில், "25 வார சிசுவின் இதயத்தின் இடது பக்க ரத்தக்குழாயில் பாதிப்பு ஏற்பட்டிருந்தது.
பிறக்கும் குழந்தைக்கு ஆபத்து:
அந்த ரத்தகுழாய் சுருங்க ஆரம்பித்திருந்ததால் குழந்தை பிறக்கும்போது இதயத்தின் இடது பக்கம் மிகவும் சிறியதாக இருந்திருக்கும்.
வால்வோட்டமி அறுவை சிகிச்சை:
அதனால், சிசுவிற்கு "ஃபோட்டல் ஆர்டல் வால்வோட்டமி" என்னும் அறுவை சிகிச்சையை மேற்கொள்ள முடிவு செய்தோம்' எனத் தெரிவித்துள்ளார்.
12 மருத்துவ நிபுணர்கள்:
இந்தியாவில் முதல் முறையாக நடத்தப்பட்ட இந்த அறுவை சிகிச்சையை 12 மருத்துவ நிபுணர்கள் செய்துள்ளனர்.
பலூன் மூலமாக சிகிச்சை:
சிசுவின் 27 வது வாரத்தில் தாய்க்கும், சிசுவிற்கும் மயக்க மருந்து கொடுக்கப்பட்டு, இறக்குமதி செய்யப்பட்ட ஊசியின் உதவியோடு பிரத்யேகமாக தயாரிக்கப்பட்ட பலூன் மற்றும் கம்பியை பயன்படுத்தி சிசுவின் இதயத்தில் இருந்த ரத்த குழாய் அடைப்பு சரி செய்யப்பட்டது.
60 சதவீதம் குறைப்பு:
இந்த அறுவை சிகிச்சைக்கு பிறகு தாயின் கருப்பைக்குள் இருந்த சிசுவின் இதயத்தில் இருந்த 99 சதவீத அடைப்பு 60 சதவீதமாக குறைக்கப்பட்டுள்ளது.
அறிவியல் ஆசிரியை:
சிரிஷா அறிவியல் ஆசிரியர் என்பதால், அவருக்கும் அவரது குழந்தைக்கும் என்ன நடக்கிறது என்பதை அவரால் புரிந்துகொள்ள முடிந்தது எனவும் அவர் கூறினார்.
இதயதுடிப்பு அதிகரிப்பு:
அறுவை சிகிச்சைக்குப்பின் சிசுவின் உடல்நிலை நலமாக இருப்பதாகவும், சிசுவின் எடை 830 கிராமிலிருந்து 1200 கிராமாக அதிகரித்துள்ளதாகவும், ரத்த கசிவின்றி இதய துடிப்பு அதிகரித்துள்ளதாகவும் தெரிவிக்கப்பட்டுள்ளது குறிப்பிடத்தக்கது.

ஹல்துமுல்ல மண்சரிவு : இரண்டாம் நாளாக மீட்பு பணிகள் இன்று ஆரம்பம் (VIDEO)

பதுளை மாவட்டம் ஹல்துமுல்ல பிரதேச செயலாளர் பிரிவிலுள்ள மீரியபெத்த பெருந்தோட்டத்தில் நேற்றுக்காலை இடம்பெற்ற பாரிய மண்சரிவினால் அந்தக் கிராமம் முற்று முழுதாக மண்ணில் புதையுண்டது. நேற்றுக் காலை 7 மணியளவில் இந்த அனர்த்தம் இடம்பெற்றது. பாரிய மண்மேடு சரிந்து விழுந்ததில் ஏழு லயன் குடியிருப்புக்களைக் கொண்ட 140 வீடுகள் நிலத்தினுள் புதைந்ததாக அனர்த்த முகாமைத்துவ அதிகாரிகள் தெரிவித்தனர்.
இதில் 300 க்கும் மேற்பட்டவர்கள் புதையுண்டிருக்கலாமென அஞ்சப்படுகின்றது. அதேநேரம், புதையுண்டவர்களில் 10 சடலங்கள் நேற்று மாலை வரை மீட்கப்பட்டதாக அனர்த்த முகாமைத்துவ நிலையம் நேற்று அறிவித்தது.
சம்பவத்தில் படுகாயங்களுக்குள்ளான மூவர் சிகிச்சைகளுக்காக பதுளை அரசினர் வைத்திய சாலையில் அனுமதிக்கப்பட்டுள்ளனர். உயிருடன் மீட்கப்பட்ட சுமார் 250 இற்கும் அதிகமான மக்கள் அரசாங்க அதிகாரிகளினால் பொது இடங்களில் தற்காலிகமாக தங்க வைக்கப்பட்டுள்ளனர்.
லயன் குடியிருப்புக்களை மூடி சுமார் 10 அடி உயரம் வரை மண்மேடு காணப்பட்டதனால் உடனடியாக மீட்பு பணிகளை ஆரம்பிக்க முடியாத சிக்கல் நிலை ஏற்பட்டது. எனினும் முப்படையினரும் பொலிஸாரும் மேற்கொண்ட பகீரத பிரயத்தனத்தினால் காலை சுமார் 11.45 மணியளவிலேயே முழுமையான மீட்புப் பணிகளில் களமிறங்க முடிந்தது. மீட்பு பணிகளில் நேற்றைய தினம் சுமார் 500 இராணுவ வீரர்கள் ஈடுபடுத்தப்பட்டிருந்ததாக இராணுவப் பணிப்பாளர் பிரிகேடியர் ஜயவீர தெரிவித்தார்.
மனிதர்கள் நெருங்கமுடியாத பகுதிகளில் விமானப் படையினர் ஹெலிக்கொப் டர்களைக் கொண்டு மீட்புப் பணிகளில் ஈடுபட்டனர். “எவ்வித முன்னறிகுறியுமின்றி ஒரே நொடியில் மண்மேடு சரிந்து விழுந்ததனால் எமக்கு என்ன செய்வதென்று தெரியவில்லை. தப்பி ஓடக்கூட காலஅவகாசம் எமக்கு இருக்கவில்லை” என அனர்த்தத்திலிருந்து தப்பி ஆஸ்பத்திரியில் அனுமதிக்கப்பட்டுள்ள ஒருவர் கூறினார். இதேவேளை “காலை 7 மணியளவிலேயே இச்சம்பவம் இடம்பெற்றதால் பாடசாலை மாணவர்களும் தோட்டத் தொழிலாளிகளும் மண் சரிவில் சிக்கியிருக்க வாய்ப்பில்லை” என அப்பிரதேசத்திலிருந்து உயிர்தப்பிய மற்றொருவர் தெரிவித்தார்.
கடந்த இரண்டு மூன்று தினங்களாக அங்கு அடைமழைபெய்து வந்த போதிலும் நேற்றைய தினம் மழை கூடுதலாகப் பெய்யவில்லையென பிரதேசவாசியொருவர் கூறினார். ஹல்துமுல்லையில் நேற்றுக் காலை இடம்பெற்ற பாரிய அனர்த்தத்தை கேள்வியுற்றதும் இயலுமானவரை மீட்பு பணிகளை துரிதப்படுத்தி உயிர்களை காப்பாற்றுமாறும் உயிர் தப்பியோருக்கு தேவையான நிவாரண உதவிகளை முன்னெடுக்குமாறும் ஜனாதிபதி அவசர பணிப்புரை விடுத்திருந்தார்.

Badulla Koslanda Landslide

Guide to Children Dr. Abdullah (Dr. Priyar Dasan) (part-1) 1of 7 www.Tam...

24 வருடங்களின் பின் யாழ் மண்ணை அடைந்தது யாழ் தேவி (video)

யாழ் தேவி ரயில் சேவை சுமார் 24 ஆண்டுகளுக்குப் பின்னர் இன்று மீண்டும்
உத்தியோகபூர்வமாக யாழ் மண்ணைச் சென்றடைந்தது.
1956 ஆம் ஆண்டு ஏப்ரல் 23ம் திகதி ஆரம்பிக்கப்பட்ட இந்த ரயில் சேவை,
கொழும்பில் இருந்து காங்கேசன் துறை வரை தனது சேவையை மேற்கொண்டு வந்தது.
எனினும் இலங்கையில் இடம்பெற்ற அசாதாரண சூழ்நிலைகள் காரணமாக பல்வேறு
பாதிப்புக்களையும் எதிர்நோக்கிய இந்த யாழ் தேவி சேவையானது, 1990ம் ஆண்டு
ஜூன் 12ம் திகதி முறிகண்டியில் வைத்து கண்ணிவெடிக்கு இலக்காகியது.

இதனை அடுத்து காங்கேசன்துறை வரையான சேவை நிறுத்தப்பட்டு, மதவாச்சி வரை
மட்டுப்படுத்தப்பட்டு, பின்னர் அது வவுனியா வரை நீடிக்கப்பட்டது.
2009ம் ஆண்டு மீண்டும் யாழ் தேவி சேவையை யாழ்ப்பாணம் வரை நீடிக்க
நடவடிக்கை எடுக்கப்படுவதாக இலங்கை அரசு அறிவித்தது. இதன் முதற்கட்டமாக
யாழ்தேவி புகையிரதம் தாண்டிக்குளத்தை சென்றடைந்தது.
பின்னர் யாழ்தேவி 2011 மே மாதம் ஓமந்தையை சென்றடைந்தது.

அடுத்த கட்டமாக கிளிநொச்சி வரையான ரயில் பாதை புனரமைக்கப்பட்டமையால்,
2013 செப்டம்பர் 14 முதல் கிளிநொச்சி வரை யாழ் தேவியின் பயணம்
விஸ்தரிக்கப்பட்டது.
பின்னர் இந்த சேவை 2014 மார்ச் 4ம் திகதி பளை வரை நீடிக்கப்பட்டது.

இதனையடுத்து இந்திய அரசின் உதவியுடன் ரயில் பாதை மற்றும் ரயில் நிலையப்
புனரமைப்புப் பணிகள் நிறைவடைந்ததை அடுத்து, இன்று (திங்கட்கிழமை)
ஜனாதிபதி மஹந்த ராஜபக்ஷ யாழ்ப்பாணம் வரையான யாழ் தேவியின் பயணத்தை
உத்தியோகபூர்வமாக ஆரம்பித்து வைத்துள்ளார்.


Thanks:-
Adaderana
Bbc

புதிய மின் கட்டண முறை (அட்டவணை இணைப்பு)

ஜனாதிபதி மஹிந்த ராஜபக்ஷவின் உத்தரவுக்கமைய செப்டம்பர் மாதம் 16ம் திகதி அமுலுக்கு வரும் வகையில் வீட்டு இணைப்பு மின் நுகர்வோருக்கு மின் கட்டணம் 25% குறைக்கப்பட்டுள்ளது.

புதிய மின் கட்டண கணக்கீட்டு முறை குறித்த அட்டவணை.

தொகுதி (அலகு)_____________________	மாதாந்த மின் பாவனை(30 நாட்கள்) அலகு	16/09/2014 க்கு முன் மின் கட்டணம்(ரூ.)	25% குறையும் தொகை(ரூ.)	புதிய மாத மின் கட்டணம்(ரூ.)
0-30	30	142.50	37.50	105.00
31-60	60	371.85	91.35	280.50
61-90	90	1,146.00	285.00	861.00
91-120	120	2,772.00	688.50	2,083.50
121-180	180	5,334.00	1,330.50	4,003.50
181-210	210	7,203.00	1,789.50	5,413.50
211-240	240	8,967.00	2,203.50	6,763.50
241-270	270	10,731.00	2,617.50	8,113.50
271-300	300	12,495.00	3,031.50	9,463.50
301-900	900	47,775.00	11,311.50	36,463.50
901-1,000	1,000	53,655.00	12,691.50	40,963.50

ஒசாமா உடல் இரும்பு பெட்டியில் வைத்து 150 கிலோ சங்கிலியுடன் மூழ்கடிப்பு

"அல் கொய்தா தலைவர் ஒசாமா பின்லாடன் உடல் வைக்கப்பட்டிருந்த பெட்டியுடன்,
150 கிலோ இரும்பு சங்கிலிகள் இணைக்கப்பட்டு கட லில் மூழ்கடிக்கப்பட்டது"
என அமெரிக்க உளவு அமைப்பான சி.ஐ.ஏ.வின் முன்னாள் தலைவரும், அமெரிக்க
முன்னாள் பாதுகாப்புச் செயலாள ருமான லியோன் பனெட்டா தெரிவித்துள்ளார்.
ஒசாமா பின்லாடன் பாகிஸ்தானின் அபோதா பாத் நகரில் பதுங்கியிருந்த போது
2011இல் அமெரிக்க படையினரால் கொல்லப்பட்டார். அவ ரது உடல் அடையாளம் காண
முடியாத படி கட லில் மூழ்கடிக்கப்பட்டதாக கூறப்பட்டது. இந் நிலையில்,
அந்த நடவடிக்கைகள் மேற்கொள்ளப் பட்டபோது, அமெரிக்க பாதுகாப்புச் செயலாள
ராக இருந்த லியோன் பனெட்டா, இப்போது புத்தகம் ஒன்றை எழுதியுள்ளார். அதில்
அவர் தெரிவித்துள்ளதாவது:
ஒசாமா பின்லாடன் சுட்டுக் கொல்லப்பட்டார்;. அவர் உடலை ஏற்றிக் கொண்டு
அமெரிக்க ஹெலிகொப்டர், கடலில் காத்திருந்த யு.எஸ்.எஸ். கார்ல் வின்சன்
கப்பலில் இறங்கியது. ஒசாமா உடலுடன் பயணித்த அந்த கப்பலில் வைத்தே,
ஒசாமாவுக்கு இறுதிச்சடங்குகள் செய் யப்பட்டன. அரபி மொழியில், முஸ்லிம்
இறுதிச் சடங்கு வாசகங்கள் ஓதப்பட்டு, கறுப்பு நிற பையில் அவர் உடல்
வைக்கப்பட்டது.
அந்த உடல் கனமான இரும்புப் பெட்டியில் திறக்க முடியாத படி மூடப்பட்டது.
அதனுடன் 150 கிலோ எடையுள்ள இரும்பு சங்கிலிகள் இணைக் கப்பட்டன. வெள்ளை
நிற மேiஜயில் அந்த இரும்பு சவப்பெட்டி வைக்கப்பட்டு கப்பல் மேல் தளத்தில்
இருந்த இரும்பு தண்டவாளத்தில் வைக்கப்பட்டு, கப்பலின் ஓரத்திற்கு கொண்டு
செல்லப்பட்டது. கடலுக்குள் மேiஜயுடன் அப்படியே தாழ்த்தப்பட்டது.
இரும்பு பெட்டியில் கனமான இரும்பு சங்கிலிகள் இணைக்கப்பட்டிருந் ததால்,
அந்த பெட்டி, கடலின் அடிமட்டத்தை நோக்கி வேகமாக பயணித்து கடலின்
அடிமட்டத்தை அடைந்தது. எந்த இடத்தில் அந்த பெட்டி மூழ்கடிக்கப்பட்டது
என்பது யாருக்கும் தெரியாது. ஒசாமா கொல்லப்பட்டது குறித்து, பாகிஸ்
தானின் அப்போதைய இராணுவ தளபதி அஸ்பக் கயானியிடம் தெரிவித்த போது, "மிக
நல்லது இந்த விடயத்தை வெளிப்படையாக அறிவியுங்கள்" என்றார். இதன் மூலம்,
ஒசாமா படுகொலையில் பாகிஸ்தானுக்கு எந்த பங்கும் இல்லை என்பதை அவர்
உறுதிபடுத்த விரும்பி னார். இவ்வாறு அவர் எழுதியுள்ளார்.

இன்று சந்திரக் கிரகணம்: இலங்கையில் மாலையில் தென்படும்

2014ஆம் ஆண்டின் இறுதி சந்திரக்கிரகணம் இன்று புதன்கிழமை நிகழவுள்ளது.
இலங்கை நேரப்படி இன்று பிற்பகல் 1.46க்கு தொடங்கும் சந்திரக் கிரகணம்,
இரவு 7.04க்கு முடிவடையவுள்ளதாகவும், இலங்கையில் மாலை 6 மணிமுதல் 6.3
வரையான கலப்பகுதியில் இலங்கையில் தென்படுமெனவும் இலங்கையிலுள்ள
பேராசிரியர் சந்தன ஜெயரட்ண தெரிவித்துள்ளார்.
எனினும் இலங்கையர்களால் சந்திரக் கிரணத்தின் இறுதிப் பகுதியை மாத்திரமே
பார்க்கமுடியுமென அவர் மேலும் தெரிவித்தார்.
அவுஸ்திரேலியா, கனடா, வட அமெரிக்கா மற்றும் நியூசிலாந்து போன்ற நாடுகள்
சந்திரக் கிரகணத்தை முழுமையாக பார்க்கமுடியுமென தெரிவிக்கப்படுகிறது.
இதேவேளை இவ்வாண்டின் இறுதி சூரிய கிரகணம் இம்மாதம் 24ஆம் திகதி பிற்பகல்
1.08இற்கு தென்படவுள்ளது.
எனினும் இதனை இலங்கையர்களால் பார்க்க முடியாதென்றும் கனடா மற்றும்
அமெரிக்காவுக்கு முமையாக தென்படுமெனவும் தெரிவிக்கப்பட்டுள்ளமை
குறிப்பிடத்தக்கது.


Source: ATHAVANNEWS

புலமைப் பரிசில் பரீட்சை: அல் ஹஸனியாவின் இருவர் சித்தி

இவ்வருடத்திற்கான ஐந்தாம் தரப் புலமைப் பரிசில் பரீட்சைப் பெறுபேறுகள்
இன்று வெளியாகியுள்ளன.

கடந்த ஆகஸ்ட் மாதம் 17ம் திகதி இடம்பெற்ற ஐந்தாம் தரப் புலமைப் பரிசில்
பரீட்சைக்கு மூன்று இலட்சத்து 27,648 மாணவர்கள் தோற்றினர்.

இம்முறை நடைபெற்ற ஐந்தாம் தரப் புலமைப் பரிசில் பரீட்சையில் மக்கொன அல்
ஹஸனியா மகாவித்தியாலய மாணவி பாத்திமா ரிசாதா ரிஸ்வான் 177 புள்ளிகளையும்
மாணவன் இம்தாத் பைஸான் 165 புள்ளிகளையும் பெற்றனர்.
அதேநேரம், இம்முறை நடைபெற்ற ஐந்தாம் தரப் புலமைப் பரிசில் பரீட்சையில்
மாவனல்லை சாஹிரா கல்லூரி மாணவி பாத்திமா ஸாமா 197 புள்ளிகளைப் பெற்று
இலங்கையில் தமிழ் மொழியில் முதலாம் இடத்தையும், அகில இலங்கை ரீதியில்
முன்றாவது இடத்தைப் பெற்றுள்ளார்.
இவ்வருடத்திற்கான ஐந்தாம் தரப் புலமைப் பரிசில் பரீட்சையில் அதிக புள்ளிகளைப் பெற்ற மாணவர்களின் விபரம் இதோ
01) டப்ளியூ.ஏ.வெனுஜ நிம்சத் - 199 புள்ளிகள் - எம்பிலிபிடிய கனிஸ்ட பாடசாலை


02) எச்.எம்.மாலக நெத்மால் திலஹரத்ன - 198 புள்ளிகள் - ரோயல் கனிஸ்ட பாடசாலை, பொலன்னறுவை

03) நிஸ்வார் பாத்திமா ஸாமா - 197 புள்ளிகள் - ஷாகிரா மத்திய கல்லூரி, மாவனெல்லை

03) ஜி.ஷானி யசோதரா குணசேகர - 197 புள்ளிகள் - பிடியேகெதர கனிஸ்ட பாடசாலை, பெம்முல்லை

04) என்.வி.அதீஷ ஆலோக - 196 புள்ளிகள் - அளுத்வெவ கனிஸ்ட பாடசாலை, அகுணகொலபெலச


04) டப்ளியூ.ஈ.பி.டிலினி திஸர - 196 புள்ளிகள் - விஹாரமஹா தேவி பெண்கள் பாடசாலை, பதுளை


04) எச்.என்.நிஷார டி சில்வா விஜேசிங்க - 196 புள்ளிகள் - குளுபென கனிஸ்ட பாடசாலை - பொகுனுவிட்ட

04) கே.ஓ.சி.சேனல்ய கருணாநாயக்க - 196 புள்ளிகள் - யசோதரா தேவி பாலிகா வித்தியாலயம், கம்பஹா

04) கே.ஜே.பி.ருச்சிர செஹான் ஜெயவீர - 196 புள்ளிகள் - வெஸ்லி கல்லூரி, கொழும்பு
.

- பட உதவி:Riflan Rasheed

ஜனாதிபதி, பாதுகாப்பு செயலாளர் இல்லாத நிலையில் இன்றை மாநாடு திட்டமிடப்பட்டு நடைபெறுகிறது

நாட்டில் ஜனாதிபதி மற்றும் பாதுகாப்புசெயலாளர்கள் இல்லாத நிலையில் இன்று
பௌத்த பிக்குகள் நான்காயிரம் பேர் ஒன்றிணைந்து, இலங்கையை பௌத்த நாடுஎன
நிரூபிக்கவுள்ளதாக தமிழ்த் தேசியக் கூட்டமைப்பின் பாராளுமன்ற
உறுப்பினர்சட்டத்தரணி சுமந்திரன் குற்றம் சாட்டியுள்ளார்.
தமிழரசுக் கட்சியின் தலைவர்களை கௌரவிக்கும் நிகழ்வு நேற்று
மட்டக்களப்பில் இடம்பெற்றபோதே அவர் இவ்வாறு தெரிவித்தார்.
மேலும் அவர் அங்கு கருத்துத் தெரிவிக்கையில், இந்நிகழ்வு தற்செயலாக
நடக்கின்றவிடயமாக கொள்ள முடியாது. நேரத்தினை சரியாக தெர்ந்தெடுத்து
வன்செயலினை ஆரம்பிப்பதற்கான முறையாக நாங்கள் இதனை அவதானிக்க முடிகின்றது.
இதனை தற்செயலாக நடைபெறுவதாக நினைத்தால் இது எமது மடமை. இந்த நாட்டினை
பௌத்த சிங்கள நாடு என உணர்த்தும் தேவை அரசுக்கு இன்றுஏற்பட்டிருகின்றது.
இலங்கை அரசுக்கு பல்வேறு கோணங்களின் வெளிநாட்டு அழுத்தங்கள்
கூடுதாலாகஇடருந்து கொண்டு இருகின்றது. இதனை தவிர உள்நாட்டிலும்
வித்தியாசமானஅழுத்தங்கள் அரசுக்கு தற்போது ஏற்பட்டிருக்கின்றது.
யுத்த வெற்றியினை வைத்துக் கொண்டு இந்த நாட்டினை
இருபத்தைந்துவருடங்களுக்கு ஆட்சி நடாத்துவோம் என்று கூறிவந்த
ஜனாதிபதிக்கு இன்று ஐந்துவருடங்களுக்குள் ஆட்டம் கண்டுள்ளனர்.
இதனால்தான் இவர்கள் தேவையற்ற பிரச்சினையை தூண்டி விடுகின்றனர்.
இந்தநாட்டில் ஏனையவர்களுக்கு இருக்கக் கூடிய உரிமையைத்தான்
நாங்கள்கேட்கின்றோம்.
இந்தநாட்டின் உரிமைக்கு நாங்கள் உரித்துடையவர்கள். ஒரு
நாட்டுக்குள்நாங்கள் இறைமையின்றி இருக்கக் கூடாது. எமது உரிமைக்கு
ஏற்றபடி அரசியல்யாப்பு முறைகள் மாற்றியமைக்கப்பட வேண்டும்.
இவ்வாறு நடந்தால் தங்களது ஆதிக்கம் இல்லாம் போய்விடும்.
என்பதற்காவேபேரினவாதத்தினை தூண்டி விடுகின்றனர். இதற்கு நாங்கள் இடமளிக்க
முடியாதுஎனத் தெரிவித்தார்.


Source:-Meelparvai

கற்றலினால் ஆன பயன் தான் என்ன ?

கடந்த 23ம் தேதி எல்லாரையும் பதை பதைக்க வைத்திருக்கிறது டில்லி உயிரியல் பூங்கா.அந்த 15 நிமிட வீடியோ காட்சி நம் கண் முன்னேயே நிழலாடுகிறது.
..
மெக்சூத் என்ற அந்த வாலிபர், 10 நிமிடமாக, விஜய் என்று பெயரிடப்பட்ட வெள்ளைப் புலியைக் கையெடுத்துக் கும்பிட்டுக்கொண்டிருந்த காட்சி பார்க்கிற எல்லோரையும் கண்ணீர் வர வைத்துவிடும்.
..
ஆனால் இந்த நிகழ்ச்சியைப் பார்த்த பிறகு, இரவு தூக்கம் இல்லாமல் தவிக்கும் அந்த அர்த்த ராத்திரியில் ஒரே ஒரு கேள்விதான் என் மனதில் நின்றது.
..
அது –
..
கற்றலினால் ஆன பயன் என்ன?
..
எதை எதையெல்லாமோ படிக்கிறோம்..பட்டங்கள் வாங்குகிறோம்..கல்வியாளர் என்று அழைக்கப்படுகிறோம்..அறிவாளிகள் என்று போற்றப்படுகிறோம்..விஞ்ஞானிகள் என்று மதிக்கப்படுகிறோம்..டாக்டர்கள் என்று கெளரவிக்கப்படுகிறோம்.
எல்லாம் சரிதான்.
..
ஆனால்..கற்றலினால் ஆன பயன் தான் என்ன?
ஒரு புலியை நேருக்கு நேராய் சந்திக்கும்பொழுது எப்படி தப்பிப்பது என்று ஒரு கல்வியும் நமக்குக் கற்றுக் கொடுக்கவில்லையே..
..
ஒரு உயிர் ஒரு புலியிடம் மாட்டிக் கொண்டு 10 நிமிடங்களாக கையெடுத்துக் கும்பிட்டுக்கொண்டேயிருக்கும் பொழுது அந்த உயிரை எப்படிக் காப்பாற்றுவது என்பதை பார்வயாளர்கள் யாருக்கும் நம் கல்வி கற்றுக்கொடுக்கவேயில்லையே..
..
அலெக்ஸாண்டரின் குதிரையின் பெயர் என்ன? தெரிந்து வைத்திருக்கிறோம்.
..
ஆப்பிரிக்காவில் தங்கம் எந்த இடத்தில் கிடைக்கிறது? தெரிந்து வைத்திருக்கிறோம்.
..
கெளதம புத்தரின் இயற்பெயர் என்ன? தெரிந்து வைத்திருக்கிறோம்.
..
“கொங்குதேர் வாழ்க்கை அஞ்சிறைத் தும்பி
காமம் செப்பாது கண்டது மொழிமோ
பயிலியது கெழீஇய நட்பின் மயிலியற்
செறி எயிற்று அரிவை கூந்தலின்
நறியவும் உளவோ நீ அறியும் பூவே.”
..
என்ற பாடலை காரணமேயில்லாமல், வக்கனையாய் மனப்பாடமாய் அறிந்து வைத்திருக்கிறோம்.
..
ஆனால் ஆபத்து நேரத்தில் எப்படி செயல்படுவது என்பதை அறிந்து வைத்திருக்கிறோமா?
..
அந்த வாலிபன், அந்த இடத்தில் அமைதியாய் எழும்பி நின்றிருந்தால் அந்தப் புலி ஒருவேளை தன் உயரத்தை விட வளர்த்தியாய் இருக்கிறானே..இவனை எப்படி எதிர் கொள்வது என்று அமைதியாகத் திரும்பிப் போயிருந்திருக்கும்.
ஏனென்றால் அது பசியினால் அவனைத் தாக்கவில்லை. அப்படித் தாக்கியிருந்தால் அவன் சரீரத்தை அங்கு விட்டு விட்டுப் போயிருக்காது. அதுமாத்திரமல்ல..10 நிமிடங்கள் அவனை அப்படியே பார்த்துக்கொண்டேயிருக்கிறது. தாக்க முனையவேயில்லை.
..
ஆனால் பார்வையாளர்கள் மேலிருந்து கல்லெறிந்த உடன்..அது சினம் கொள்கிறது. மேலே பார்த்து உறுமுகிறது. பார்வையாளர்கள் விடவில்லை. தொடர்ந்து கல்லெறிகிறார்கள். கூச்சலிடுகிறார்கள்.
..
அதன்பிறகுதான் அந்தப் புலி, அந்த வாலிபனைத் தாக்க முயற்சிக்கிறது. அதுவும் இறையைத் தூக்கிக் கொண்டு தன்னிடத்திற்கு தூக்கிக் கொண்டு சென்று விட வேண்டும் என முடிவு செய்து அவனுடைய கழுத்தைக் கவ்விப் பிடிக்கிறது.
இவையெல்லாமே தவிர்க்கப்பட்டிருக்கலாம்.
..
காரணம்..அறிவின்மை.. என்ன செய்வது என்கிற அறிவின்மை.
மிருகங்கள் சப்தத்திற்கு மிரளும். ஆனால் நெருப்பிற்கு பயப்படும்.
..
கூடியிருந்த அத்தனை பார்வையாளர்களில் யாராவது ஒருவர், தன் சட்டையைக் கழற்றி, அதில் நெருப்பு வைத்து, அதை அந்த வாலிபனிடத்தில் எறிந்திருந்தால் புலி மிரண்டு ஓடியிருந்திருக்கும்.
..
இந்த அறிவைக் கூட கற்றுக் கொடுக்காமல் (a+b)2 =a2 + 2ab + b2 என்று கற்றுக் கொண்ட வெற்றுத் தேற்றத்தினால் எனக்கு என்ன பயன்?
..
ஒரு விலங்கு தன்னைத் தாக்க வரும் பொழுது, வேறு எந்த உதவியுமே தனக்கு அந்த இடத்தில் கிடைக்கவில்லை.. தப்பித்து ஓடவும் முடியவில்லை..மிருகமோ தன்னிலும் பலத்த உருவம்.. அது முதலையாக இருக்கலாம்..சிங்கமாக இருக்கலாம்.. அல்லது.. யானையாக இருக்கலாம். அதை எப்படி எதிர்கொள்வது என்ற அறிவைக் கற்றுக் கொடுக்காத கல்வியினால் எனக்கென்ன பயன்?
..
அந்த விலங்குகளின் கண்களை நம் கை முஷ்டியினால் பலங்கொண்ட மட்டும் ஓங்கித் தாக்கினால் அவை நிலை குலைந்து ஓடி விடும். நாமும் தப்பிப்பதற்கு ஒரு வாய்ப்பு கிடைக்கும். அல்லது சிறு மண் துகள்களை அள்ளி அதன் கண்களில் தூவினால் போதும் அவை அந்த இடத்திலிருந்து தப்பித்துச் செல்லத்தான் முயற்சிக்கும்.
..
இந்த அறிவைக்கூடக் கற்றுக்கொடுக்காமல்.. பட்டங்கள் என்ன.. சட்டங்கள் என்ன.. பல்கலைக் கழகங்கள் என்ன?
..
தென்னாப்பிரிக்காவிலும், ஆஸ்திரேலியாவிலும் என்ன தோண்டியெடுக்கிறார்கள் என்பதை கற்றுக்கொடுப்பதை விட.. வாழ்க்கைக் கல்வியை முதலில் கற்றுக் கொடுங்கள்.
..
மற்றவர்களை மதிப்பது எப்படி.. மற்றவா்களின் உணர்வுகளைப் புரிந்து கொள்வது எப்படி? சாலை விதிகள் என்ன? ஏன் சாலை விதிகளைப் பின்பற்ற வேண்டும்? அடிப்படைச் சட்டங்கள் என்ன? நமக்கான உரிமைகள் என்ன? காவல் நிலையங்களை எப்படி அணுகுவது?
..
விபத்து ஏற்பட்டால் அதை எப்படி எதிர் கொள்வது? விஷக்கடிகளில் எப்படித் தப்பிப்பது? மாரடைப்பு வந்தால் என்ன செய்வது? நோய்களை எவ்வாறு கண்டறிவது? எந்த மருந்துக்கள் எல்லாம் தடை செய்யப்பட்டவை..பின் விளைவுகள் உள்ளவை?
..
மனைவியிடம் எப்படி நடந்து கொள்வது? கணவனிடம் எப்படி நடந்து கொள்வது? மற்றவர்களை நேசிப்பது எப்படி? நேர்மையாய் இருப்பது எப்படி?
..

இவை எதையுமே கற்றுக் கொடுக்காத கல்வியினால் ஆன பயன் தான் என்ன?
..

சர்ச்சைக்குரிய விராது தேரர் இலங்கையில்! வி.ஐ.பி. மரியாதையுடன் வரவேற்பு

பொதுபல சேனா அமைப்பு நாளை நடத்தும் தேசிய மாநாட்டின் பிரதம அதிதியாகக்
கலந்து கொள்ளும் நோக்கில் அவரது இலங்கை விஜயம் அமைந்துள்ளது.
இவரை வரவேற்பதற்காக விமான நிலையத்தில் விசேட வரவேற்பு ஏற்பாடுகள்
மேற்கொள்ளப்பட்டிருந்தன. ஏனைய நாடுகளின் இரண்டாம் நிலை அரச தலைவர்கள்
இலங்கைக்கு வருகை தரும்போது அளிக்கப்படும் வரவேற்பு விராது தேரருக்கும்
அளிக்கப்பட்டுள்ளது.
மேலும் பொது பல சேனாவின் வேண்டுகோளுக்கு இணங்க இலங்கையில் இருக்கும்
காலப்பகுதியில் விராது தேரருக்கு அமைச்சரவைப் பாதுகாப்புப் பிரிவின்
மூலம் விசேட பாதுகாப்பு ஏற்பாடுகளையும் அரசாங்கம் மேற்கொண்டுள்ளது.
மியன்மாரில் சிறுபான்மையாக வாழும் முஸ்லிம்கள் விராது தேரரின் 969
அமைப்பினரால் வன்முறைகள் கட்டவிழ்த்து விடப்பட்டுள்ளன. பௌத்த
சிந்தனைகளின் பேரில் கொடூரமான முறையில் உயிருடன் எரித்தும், அடித்தும்
கொலை செய்யப்படும் நிகழ்வுகள் இன்னும் தொடர்ந்து கொண்டிருக்கின்றது.
இந்நிலையில் இலங்கை முஸ்லிம்களுக்கெதிரான கடும்போக்குவாத அமைப்பான பொதுபல
சேனாவின் மாநாட்டில் விராது தேரர் கலந்து கொள்வது தொடர்பில் இலங்கை
முஸ்லிம்கள் மத்தியில் கடும் அச்சம் ஏற்பட்டுள்ளது.

Source:-Netrikkan

உங்கள் வாக்குரிமையை இணையத்தில் இப்போதே சோதித்துப் பாருங்கள்

வாக்காளர் இடாப்பில் தனது பெயர் உள்ளதா என உறுதி செய்து கொள்ள முடியும் என தேர்தல்கள்
ஆணையாளர் மஹிந்த தேசப்பிரிய தெரிவித்துள்ளார்.
2014ஆம் ஆண்டுக்கான வாக்காளர் இடாப்பை http://www.slelections.gov.lk/id/index.aspx என்ற இணையத்தள முகவரியில் பார்வையிடலாம்.
செப்டெம்பர் 30ஆம் திகதி வரை குறித்த இணையத்தள முகவரிக்குச் சென்று தனது மாவட்டம் மற்றும் தேசிய அடையாள அட்டை இலக்கத்தை கொடுத்து தனது பெயர் வாக்காளர் இடாப்பில் உள்ளதாக என உறுதி செய்து கொள்ள முடியும்.
வாக்காளர் இடாப்பில் பெயர் இல்லாத நபர்கள் செப்டெம்பர் 30ஆம் திகதிக்கு முன்னர் தமது கிராம சேவகர் ஊடாக விண்ணப்பப் படிவம் ஒன்றை பெற்று மாவட்ட தேர்தல் அலுவலகத்திற்கு அனுப்புவதன் மூலம் வாக்காளர் இடாப்பில் சேர்த்துக் கொள்ளப்படும் என தேர்தல்கள் செயலகம் அறிவித்துள்ளது.
அத்துடன் எதிர்வரும் 30 ஆம் திகதி வரை 2014 ஆம் ஆண்டுக்கான வாக்காளர் இடாப்பு பிரதேச கிராம சேவகர் அலுவலகத்தில், பிரதேச செயலாளர் அலுவலகத்தில், உள்ளூராட்சி சபை அலுவலகங்களில் காட்சிப்படுத்தப்படும் என அவர் மேலும் தெரிவித்துள்ளார்.

களுத்துறை மோதலில் பலர் காயம்(Video)

களுத்துறை கட்டுக்குருந்த பிரதேசத்தில் காவல்துறையினருக்கும் பொதுமக்களுக்கும் இடையே ஏற்பட்ட மோதலில் பலர் காயமடைந்துள்ளதாக உள்ளூர் செய்தியாளர்கள் கூறுகின்றனர்.
கிறிஸ்தவ தேவாலயம் ஒன்றுக்குச் செல்லும் வழியில் வழிபாட்டுக்காக கிறிஸ்தவ திருவுருவச் சொரூபம் ஒன்றை அமைப்பதற்கு நடவடிக்கை எடுக்கப்பட்டிருந்த போது ஏற்பட்ட குழப்ப நிலைமைகளைத் தொடர்ந்தே இந்த மோதல் ஏற்பட்டுள்ளது.
ஆரம்பத்தில் உள்ளூர் கிறிஸ்தவர்களுக்கும் பொலிஸாருக்கும் இடையே மோதல் நிலை ஏற்பட்டதாக உள்ளூர் செய்தியாளர் ரத்னசிறி கமகே பிபிசி சிங்கள சேவையிடம் கூறினார்.
அதேவேளை அருகில் கூடியிருந்த சிங்கள ராவய உள்ளிட்ட பௌத்த அமைப்புகளைச் சேர்ந்த பிக்குகள் காவல்துறையிடம் சட்டம் - ஒழுங்கை நிலைநாட்டுமாறு கூறியதாகவும் அவர் தெரிவித்தார். இதனைத் தொடர்ந்து காவல்துறையினர் தண்ணீரைப் பீய்ச்சியடித்து, கண்ணீர்ப்புகையை பிரயோகித்ததாகவும் அவர் கூறினார்.




Source:-BBC

தென் கொரியாவின் கோலாகலமாக தொடங்கிய 17வது ஆசிய விளையாட்டுப் போட்டி

இன்சியான்:
17-வது ஆசிய விளையாட்டுப் போட்டி தென் கொரியாவின் இன்சியான் நகரில்
இன்று கோலகலமாக தொடங்கியது. கொரியன் பாப் பாடகர் கங்னம் ஸ்டைல் புகழ்
சை நடனமாடி பார்வையாளர்கள் உற்சாகத்தில் ஆழ்த்தினார் இன்று முதல் 16 நாட்கள் நடைபெறும் இந்தப் போட்டி அக்டோபர் 4-ம்
தேதி நிறைவடைகிறது. இந்தப் போட்டி 3-வது முறையாக தென் கொரியாவில்
நடைபெறுகிறது. இதற்கு முன்னர் 1986 (சியோல்), 2002 (புசான்) ஆகிய ஆண்டுகளில்
ஆசிய விளையாட்டுப் போட்டியை தென் கொரியா நடத்தியிருக்கிறது. இந்தப் போட்டிக்கான அதிகாரப்பூர்வமாக வாசகமாக "பன்மயம் ஒளிர்கிறது இங்கே" என்ற
வார்த்தை இடம்பெற்றுள்ளது. ஆசியாவின் வரலாறு, கலாச்சாரம் உள்ளிட்டவற்றின்
முக்கியத்துவத்தைக் குறிக்கும் வகையில் மேற்கண்ட வாசகம் இடம்பெற்றுள்ளது.

சின்னம் ‘மேஸ்காட்’
போட்டியின் சின்னமாக (மேஸ்காட்) இன்சியானின் சாங்டோ தீவில் வசிக்கும் கடல்
நாய்கள் (ஸ்பாட் சீல்ஸ்) அறிவிக்கப்பட்டுள்ளன. அவை பரேமி, சுமுரோ, விச்வோன் என
அழைக்கப்படுகின்றன. கொரிய மொழியில் பரேமி, சுமுரோ,
விச்வோனுக்கு முறையே காற்று, நடனம், ஒளி என்பது பொருள். வட கொரியா மற்றும்
தென் கொரியா இடையே அமைதியை வலியுத்தும் வகையில் மேற்கண்ட
சின்னத்தை தேர்வு செய்துள்ளனர் போட்டி ஏற்பாட்டாளர்கள்.

இலச்சினை
போட்டிக்கான அதிகாரப்பூர்வ இலச்சினை ஆசியாவின் முதல் எழுத்தான ‘ஏ'
வை உள்ளடக்கியதாக அமைந்துள்ளது. ‘ஏ' வின் இடது மேற்பகுதியில் சூரியன்
இடம்பெற்றுள்ளது. ஆசிய மக்கள் வானத்தை தங்களின் கையில் பிடித்திருப்பதைக்
குறிக்கும் வகையில் இந்த இலச்சினை அமைக்கப்பட்டுள்ளது.

45 நாடுகள்
ஆசிய கண்டத்தில் உள்ள இந்தியா, சீனா, ஜப்பான், வடகொரியா, பாகிஸ்தான் உள்ளிட்ட
45 நாடுகளைச் சேர்ந்த 13 ஆயிரம் வீரர், வீராங்கனைகள் உள்பட மொத்தம் 20 ஆயிரம்
பேர் இதில் பங்கேற்கிறார்கள்.

36 வகையான போட்டிகள்

36 வகையான விளையாட்டுகளில் 439 பிரிவுகளில் போட்டிகள் நடைபெறவுள்ளன.
இதில் 28 வகையான விளையாட்டுகள் 2016-ல் நடைபெறவுள்ள ரியோ ஒலிம்பிக்
போட்டியில் இடம்பெறுகின்றன. மொத்தம் 49 மைதானங்களில் போட்டிகள்
நடைபெறுகின்றன. அதில் 23 மைதானங்கள் புதிதாக கட்டப்பட்டவையாகும்.


Official Name: 17th ASIAN GAMES INCHEON 2014 Duration: September 19, 2014 - October 4, 2014 (16 days) Venues: In and around Incheon Metropolitan City Participants: About 13,000 athletes and officials and about 7,000 media from the 45 OCA member states Staff: Approx. 30,000 Host: The Olympic Council of Asia (OCA) Organizer: The 2014 Incheon Asian Games Organizing Committee (IAGOC) No. of Sports: 36


ASIAN GAMES INCHEON 2014 36Sports
Aquatics, Archery, Athletics, Badminton, Basketball, Boxing, Canoe & Kayak, Cycling, Equestrian, Fencing, Football, Golf, Gymnastics, Handball, Hockey, Judo, Modern Pentathlon, Rowing, Rugby, Sailing, Shooting, Table Tennis, Taekwondo, Tennis, Triathlon, Volleyball, Weightlifting, Wrestling, Baseball, Bowling, Cricket, Kabaddi, Karate, Sepaktakraw, Squash, Wushu



Thanks:-
oneindia
incheon2014ag.org

எபோலாவால் குணமடைந்தவர்களின் ரத்தத்திற்கு கடும் கிராக்கி

மேற்கு ஆப்பிரிக்க நாடான கினியாவில் கடந்த பிப்ரவரி மாதம்
தென்படத் தொடங்கிய எபோலா என்னும் விஷத் தொற்றுநோய்
அண்டை நாடுகளான லைபீரியா, சியரா லியோன், நைஜீரியா,
காங்கோ ஆகிய நாடுகளிலும் பரவி இதுவரை 2461 உயிர்களைப்
பலி வாங்கியுள்ளது.
இன்னும் ஆயிரக்கணக்கானோர் இந்த நோய்த்தாக்கத்திற்கான சிகிச்சைகளைப் பெற்று வருகின்றனர். அவர்களில் சிலர் பூரண
குணமடைந்து வீடு திரும்பி விட்டதாகவும்
அறிவிக்கப்பட்டுள்ளது.
இந்நிலையில், எபோலா நோய்த்தொற்று தாக்கி, வைத்தியசாலைகளில்
அனுமதிக்கப்பட்டு, உரிய சிகிச்சைக்குப் பின்னர்
குணமடைந்தவர்களின் ரத்தம் கள்ளச்சந்தையில் விற்கப்படுவதாகவும், இதற்கு ஆப்பிரிக்க நாடுகளில் கடும்
கிராக்கி ஏற்பட்டுள்ளதாகவும் உலக சுகாதார நிறுவனம்
அறிவித்துள்ளது.
லைபீரியாவில் எபோலா ஒழிப்புப் பணியில் ஈடுபட்டுவந்த
அமெரிக்காவைச் சேர்ந்த சமூகச் சேவகரான டாக்டர் ரிச்சர்ட்
ஸக்ரா என்பவரையும் சமீபத்தில் எபோலா நோய்த்தொற்று பற்றிக் கொண்டது.
உடனடியாக, லைபீரியாவில் இருந்து விமானம் மூலம் அவர்
அமெரிக்காவுக்கு ஏற்றிச் செல்லப்பட்டார். அங்கு அவருக்கு தீவிர
சிகிச்சை அளிக்கப்பட்டது.
மருத்துவ சிகிச்சை நீங்கலாக, அவருக்கு ஒரு மாதம் முன்னதாக
எபோலா நோய்த்தொற்றுக்காக சிகிச்சை பெற்று, பூரண குணமடைந்த மற்றொரு அமெரிக்கரான டாக்டர் கெண்ட் பிராண்ட்லி என்பவரின்
ரத்தமும், டாக்டர் ரிச்சர்ட் ஸக்ரா-வுக்கு ரத்த
மறுசுழற்சி முறை மூலம் செலுத்தப்பட்டது.
இந்த சிகிச்சையையடுத்து, டாக்டர் ரிக் ஸக்ரா தற்போது பூரண
குணமடைந்து விட்டதால், எபோலா தாக்கி, உரிய
சிகிச்சை பெற்று குணமடைந்தவர்களின் ரத்தமானது, எல்லா கொடிய நோய்களையும் குணப்படுத்தும் ஆற்றல் வாய்ந்தது என்னும்
நம்பிக்கை ஆப்பிரிக்க மக்களிடையே தற்போது வேகமாக
பரவி வருகிறது.
இதனால், எபோலா தொற்றுக்காக
சிகிச்சை பெற்று குணமடைந்தவர்களின்
ரத்தத்தை எவ்வளவு விலை கொடுத்தாவது வாங்கி சேமித்து வைத்துக் கொள்ள அந்நாட்டைச் சேர்ந்த பல செல்வந்தர்கள் தயாராக உள்ளனர்.
இந்த தேவை அதிகரித்து வருவதால்,
எபோலா தாக்கி சிகிச்சை பெற்று, குணமடைந்து,
வீடு திரும்பியவர்களை தற்போது தரகர்கள் கூட்டம் வட்டமிடத்
தொடங்கியுள்ளது.
அவர்களது ரத்தப்பிரிவு உள்ளிட்ட விபரங்களை சேகரித்துக் கொண்டு, அதே ரத்த வகையை சேர்ந்த செல்வந்தர்களிடம் இந்த
தரகு கும்பல் பெரும் தொகைக்கு பேரம் பேசி, அதில் ஒரு சிறிய
தொகையை ரத்தம் விற்பனை செய்யும் நபருக்கு அளித்துவிட்டு,
இதைப் போன்ற கள்ளச்சந்தை வியாபாரத்தின் வாயிலாக கொழுத்த லாபம்
சம்பாதித்து வருவதாக உலக சுகாதார நிறுவனம்
அறிவித்துள்ளது. அதே வேளையில், இதைப்போன்ற நபர்களிடமிருந்து பெறப்படும்
ரத்தத்தை செலுத்திக் கொள்பவர்கள், உரியமுறையிலான மருத்துவ
கண்காணிப்பை தொடர்ந்து பெறத் தவறினால், ’எந்த நோயையும்
தாக்குப்பிடிக்கும் ஆற்றல் வாய்ந்தது’ என்று ஆப்பிரிக்க மக்கள்
கருதும் இதே ரத்தம், புதிதாக செலுத்திக் கொள்பவர்களின்
உயிரையே பறித்து விடும் வாய்ப்புகள் அதிகம் உள்ளதாகவும் உலக சுகாதார நிறுவனத்தின் டைரக்டர் ஜெனரல் மார்கரெட் சான்
எச்சரித்துள்ளார்.



Thanks:-
Ada derana
BBC

சிறுமூளை இல்லாமல் வாழும் சீனப்பெண்: மருத்துவர்கள் வியப்பு

மூட்டு இயக்கம் மற்றும் பேச்சு போன்றவற்றிற்கு முக்கிய காரணமாக
விளங்கும் சிறுமூளை இல்லாமலே 24 வயதுடைய சீனப் பெண் ஒருவர்
மற்றவர்களைப்போல் சாதாரண வாழ்க்கை வாழ்ந்து வருவது சமீபத்தில்
தெரிய வந்துள்ளது.
வாந்தி மட்டும் குமட்டல் புகார்களுடன் அந்தப் பெண் மருத்துவமனைக்கு
வந்தபோது மருத்துவர்கள்
அவருக்கு சிடி மற்றும் எம்ஆர்ஐ ஸ்கேன் செய்துள்ளனர். அப்போதுதான்
அவரது சிறுமூளைக்குப் பதிலாக அந்த இடத்தில்
மூளைப்பகுதியைப் பாதுகாக்கும் வெறும் திரவம்
மட்டுமே நிறைந்திருந்தது கண்டுபிடிக்கப்பட்டது. மருத்துவ
வரலாற்றிலேயே இது மிகவும் அரிதான விஷயமாகக் கருதப்படுகின்றது.
பொதுவாக இவ்வாறான பாதிப்பு ஏற்படுபவர்களுக்கு நடப்பதிலும்,
பேசுவதிலும் பெரும் குறைபாடுகள் காணப்படும். ஆனால் இவர்
நேராக நடக்கும்போது சிறிதளவு மயக்கமாக உணர்வதுடன்
பேசுவதில் சிறிது தெளிவில்லாத முறையில் இருப்பது தவிர
சராசரியாகவே காணப்படுகின்றார். இவரது தாயாரைத் தொடர்புகொண்டபோது, தனது மகள்
ஆறு வயதில்தான் சுயமாக நடக்க ஆரம்பித்தாள் என்றும் அந்த
வயதில்தான் சற்று தெளிவாகப் பேச ஆரம்பித்தாள் என்றும்
குறிப்பிட்டார். அதுபோல் அவர்
பள்ளிக்கு செல்லவில்லை என்பதையும் அவர் கூறினார்.
திருமணமாகி ஒரு பெண் குழந்தைக்கும் தாயாக உள்ள இவர், மருத்துவ உலகிற்கே
ஒரு வியப்பு என்று மருத்துவர்கள்
குறிப்பிட்டுள்ளனர். இவரது மூளையின்
அனுசரிப்புத்தன்மை மகத்தானது என்று அமெரிக்க நரம்பியல்
அறுவை சிகிச்சை மருத்துவரான ராஜ் நாராயண்
கருத்து தெரிவித்துள்ளார்.

நன்றி:மாலைமலர்

தக்காளி சாப்பிட்டால் புற்றுநோயை குறைக்கலாம்

உணவில் தக்காளியை தொடர்ந்து சாப்பிட்டால் ஆண்களைத் தாக்கும்
இரண்டாவது பெரிய புற்றுநோயான புராஸ்டேட்
புற்றுநோயை கணிசமான அளவுக்கு தடுக்க முடியும்
என்று பிரிட்டிஷ் விஞ்ஞானிகள் தெரிவித்துள்ளனர். சராசரியாக ஒரு வாரத்துக்கு சுமார்
ஒன்றரைகிலோ தாக்காளியை தமது உணவில் சேர்த்துக்கொள்ளும்
ஆண்களுக்கு புராஸ்டேட் புற்றுநோய் ஏற்படுவதற்கான சாத்தியம் 20
சதவீதம் குறைவதாக இவர்கள் கூறுகிறார்கள். உலக அளவில் ஆண்களுக்கு ஏற்படும்
இரண்டாவது பெரிய
புற்றுநோயாக புராஸ்டேட் சுரப்பியில் ஏற்படும் புற்றுநோய்
காணப்படுகிறது. இங்கே பிரிட்டனில் மட்டும் ஆண்டுக்கு 35,000
ஆண்களுக்கு இந்த புற்றுநோய் ஏற்படுகிறது. அவர்களில் 10,000
பேர் இந்த நோய் காரணமாக இறந்து போகிறார்கள். பொதுவாக புற்றுநோய் வராமல்
தடுக்கவேண்டுமானால் உணவில்
பச்சைகாய்கறிகள் மற்றும் பழங்களை அதிக அளவில்
சேர்த்துக்கொள்வதோடு, இறைச்சியின் அளவையும், கொழுப்பு மற்றும்
உப்பின் அளவையும் குறைக்க வேண்டும் என்பது மருத்துவர்களின்
பரிந்துரையாக இருந்து வருகிறது. பிரிஸ்டல் பல்கலைக்கழகத்தைச் சேர்ந்த
ஆய்வாளர்கள் சுமார் 20,000
ஆண்களிடம் புராஸ்டேட் புற்றுநோய் குறித்து ஆய்வு செய்தனர். இந்த
ஆய்வில் பங்கேற்றவர்களின் வயது 50 முதல் 69 வயதுவரையானதாக
இருந்தது. இந்த ஆய்வில் பங்கேற்றவர்களின் உணவுப்பழக்கம் மற்றும்
வாழ்வியல் முறைகள் ஆய்வுசெய்யப்பட்டன. இதில்
வாரத்துக்கு குறைந்தது 1500 கிராம் தக்காளியை உணவில்
சேர்த்துக்கொண்டவர்களிடம் புராஸ்டேட் புற்றுநோய் தோன்றுவதன்
சாத்தியம் 18 சதவீதம் வீழ்ச்சியடைந்ததை இவர்கள் கண்டறிந்தனர்.

அத்துடன், சராசரியாக ஒரு நாளைக்கு தங்களின் மொத்த உணவில்
குறைந்தது 500 கிராம் பச்சை காய்கறிகளையும், பழங்களையும்
சாப்பிட்டவர்களுக்கு புராஸ்டேட் புற்றுநோய் தாக்குவதற்கான
சாத்தியம் 24 சதவீதம் அளவுக்கு குறைவதையும் இவர்கள்
கண்டறிந்தனர். புராஸ்டேட் புற்றுநோய் தடுப்பில் தக்காளி முக்கிய
பங்காற்றுவதாக தங்களின் ஆய்வு கண்டறிந்திருப்பதாக கூறும்
பிரிஸ்டல் பல்கலைக்கழகத்தின் சமூக மருத்துவத்துறையைச் சேர்ந்த
வனசா எர், அதேசமயம், இதை உறுதி செய்யவேண்டுமானால்
இது தொடர்பான மேலதிக ஆய்வுகள் தேவைப்படுவதாகவும்
தெரிவித்தார். தக்காளிக்கு சிகப்பு நிறத்தை அளிக்கும் லைகோபீன் என்கிற
இயற்கையான வேதிப்பொருள், மனித செல்களில் மரபணு மாற்றம்
ஏற்பட்டு அதன் காரணமாக அந்த செல்கள் வேகமாக
சிதைவுறுவதையோ அல்லது வேகமாக வளர்வதையோ தடுக்க வல்லது.
அதன்மூலம் இந்த லைகோபீன் மனித செல்களின் வேகமான
கட்டுப்படுத்தமுடியாத வளர்ச்சி புற்றுநோயாக உருவாவதை தடுக்கும் பணியை செய்வதாக மருத்துவ விஞ்ஞானிகள்
தெரிவித்திருக்கிறார்கள். தக்காளியில் இருக்கும் லைகோபீன் மட்டுமல்லாமல், நாம் அன்றாடம்
உண்ணும் உணவு வகைகளான கோதுமை மாவில்
இருந்து தயாரிக்கப்படும் ரொட்டி, பாஸ்தா போன்றவற்றில்
இருக்கும் செலீனியம் என்கிற வேதிப்பொருளும், பாலிலும்
அதிலிருந்து தயாராகும் அனைத்துவகையான
உணவுப்பொருட்களிலும் இருக்கும் கால்சியமும் கூட ஆண்களுக்கு உருவாகும் புராஸ்டேட்
புற்றுநோயை தடுக்கவல்லவை என்றும் விஞ்ஞானிகள்
தெரிவித்திருக்கிறார்கள். எனவே ஆண்கள், கணிசமான தக்காளியையும், மாவுப்பொருளில்
இருந்து தயாராகும் உணவுகள் மற்றும் பாலில்
இருந்து தயாரிக்கப்படும் உணவுகளை கூடுதலாக தங்களின் அன்றாட
உணவில் சேர்த்துக் கொள்வதன் மூலம் தங்களுக்கு புராஸ்டேட்
புற்றுநோய் வருவதை கணிசமான அளவுக்கு கட்டுப்படுத்த
முடியும் என்றும் இந்த ஆய்வாளர்கள் பரிந்துரை செய்திருக்கிறார்கள்.

Source:-BBC

பாகிஸ்தானில் வெள்ள நிலைமை மேலும் மோசமடைகிறது - video

Sep.10
பாகிஸ்தானில் வெள்ளப்பகுதியில் நீரில் அழுத்ததை குறைக்கவும்,
நகரப் பகுதிகளைக் காக்கவுமாக அங்குள்ள ஒரு கேந்திர
முக்கியத்துவம் மிக்க அணையை அதிகாரிகள்
உடைத்திருக்கிறார்கள். இதன் காரணமாக 7 லட்சத்துக்கும் அதிகமான மக்கள்
தமது வீடுகளை விட்டு வெளியேறும் நிலை ஏற்பட்டுள்ளது. பெரும்பாலான வெள்ள நீர் இந்திய காஷ்மீர் பகுதியில் இருந்துதான்
பாகிஸ்தானுக்குள் புகுந்துள்ளது. இந்தியப் பகுதிகளில் தற்போது வெள்ளம் வடிந்து வருகின்றது. குடிபெயர்ந்து வேலை செய்யும் தொழிலாளர்களும், சுற்றுலாப்
பயணிகளும் வெளியேற முற்பட்டதால், ஸ்ரீநகர் விமான நிலையத்தில்
ஸ்தம்பித நிலை ஏற்பட்டுள்ளது.



Source:-BBC

சிறுவர்களின் கண் பார்வையை மங்க வைக்கும் கெரட்ரோகோனஸ் நோய்

புலனுறுப்புகளில் கண் மிகவும் பிரதான உறுப்பாக இருக்கின்ற­
மைக்கு காரணம் இந்த உலகை எமக்கு காட்சிப்படுத்துவது கண் என்­
பதால் தான். கண் இல்லாது விட்டால் வாழ்க்கையே இருண்டு போய்
விடும். அதிலும் ஏற்கனவே பார்வை இருந்த ஒருவர் பார்­
வையை இழந்து விட்டால் சொல்லவும் வேண்டுமா சிறுவர்களின்
பார்வையை மெல்ல பாதித்து குருடாக்கி விடக்கூடிய ஆபத்தான ஒரு நோய் தான்
கெரட்ரோகோனஸ் (keratoconus)நோயாகும். பெரிதாக வளரும் பிள்ளைகளில்
ஏற்படும் இந்த நோய் கண்ணின் மணி­
யாக கருவிழி மென்மையடைவதால் ஏற்படுகிறது. இதற்கான சரி­
யான காரணம் இனங்காணப்படாவிட்டாலும் இந்நோயை ஆரம்ப நிலையில்
இனங்கண்டால் குணப்படுத்த முடியும்.
நன்றாக படித்து கொண்டிருந்த சிறு பிள்ளைகள் படிப்பில் பின்­
தங்கி விடுவதற்கு இந்நோயினால் ஏற்படுகின்ற பார்வை குறை­ பாடு ஒரு
காரணமாகும். பார்வை குறைபாட்டிற்கு பல்வேறு கார­
ணங்கள் இருக்கின்றன.
கண் வில்லை(lens) இயல்புக்கு மாறான அளவில் இருக்கும்
போது அதன் குறைப்பாட்டை பரிசோதித்து அறிந்து அதற்கான தீர்வாக
பொருத்தமான மூக்கு கண்ணாடியை அணிவதை அறிவீர்கள்.
விம்பம் விழித்திரையில் சரியாக விழாத பட்சத்தில் பார்வை வில்­ லைகள்
மூலம் அதை விழித்திரையில் சரியாக வடிவமைத்து சீர் செய்­
யப்படுகின்றது. எனினும் இவ்வாறான குறைபாடு பெரும்பாலும்
40 வயதிற்கு மேற்பட்டவர்களிடையே ஏற்படுகிறது. சில வேளை­
களில் சிறுவர்களுக்கும் ஏற்படலாம். சிறுவர்களை பொறுத்த­
வரை விட்டமின் A குறைபாட்டினால் ஏற்படும் கெரரோ மலே­
சியா (Kerato malesia) பார்வையை பாதிக்கக்கூடியது என்பதை அறிந்திருப்பீர்கள். ஒருவ­
ரது உணவில் போதியளவு விட்டமின் A கிடைக்காத பட்சத்தில்
கண்ணின் முன்புறமாக உள்ள வெண்விழி (Conjuntiva) கரு­
விழி (Cornia) என்பன பாதிப்புக்குள்ளாகி பார்வை குறை­
பாடு ஏற்படுகின்றது. விட்டமின் A நிறைந்த மீணெண்னை, கரட், மீன்
முதலான உணவுகளை உட்கொள்வதன் மூலம் இக்குறைபாடு ஏற்படு­ வதை தவிர்க்க முடியும்.
ஏற்கனவே குறைபாடு இனங்காணப்பட்டுள்ளவர்களில் விட்டமின் A
மாத்திரைகளை உட்கொள்ள வேண்டும். குழந்தைகளில்
இக்குறைபாடு ஏற்படுவதை தவிர்ப்பதற்கு சிறுவர் கிளினிக்கில்
செறிவான விட்டமின் A மாத்திரைகள் வழங்கப்படுகின்றன.
கண்களில் ஏற்படும் காயங்கள், தொற்றுக்கள் என்பவற்றாலும் கண் பார்வை
பாதிப்பு ஏற்படும் சாத்தியம் உண்டு. கண்களில் நோய் ஏற்­
படும்போது கட்டாயம் உங்கள் வைத்தியரிடம் ஆலோசனை பெறுங்கள்.
ஆரம்பத்தில் குறிப்பிட்ட கெரட்ரோகோனஸ் நோய் பற்றி பார்ப்போம்.
படிக்கும் குழந்தைகளுக்கும் சிறுவர்களுக்கும்
திடீரென்று ஏதோ பார்வைக் கோளாறு என்று வைத்தியரிடம் கூட்டிக்­
கொண்டு வருவார்கள். இவ்வாறான சிறுவர்களை கண் வைத்திய நிபுணர்
பரிசோதிக்கும் போது சிலருக்கு இந்நோய் இருப்பது கண்டு பிடிக்­
கப்படுகின்றது. இவர்களின் கருவிழிகளின் வடிவம் அசாதாரணமாக
இருப்பதன் மூலம் தான் இந்நோய் கண்டுபிடிக்கப்படுகின்றது. பிறப்­
பிலேயே பலமில்லாத கருவிழிகள் உள்ள குழந்தைக்கே இந்நிலை ஏற்ப­
டுகிறது.
இவ்வாறான குழந்தைகள் வளரும் போது கருவிழிகளின் வடிவ­ மைப்பு
மாறுபடுகிறது. இதனால் பார்க்கும் பொருள் கடும் வெளிச்­
சமாகவும் சரியான விம்பத்தை பெறமுடியாமலும் இருக்கும்.
இது மெதுமெதுவாக ஏற்படுவதால் ஆரம்பத்தில் இதை அலட்சியப்ப­
டுத்தி விடுவார்கள்.
கண்களில் அரிப்பாகவும் சிவப்பு நிறமாகவும் இருக்கும். இவ்வா­
றான நிலை ஏற்பட்டவர்கள் கண்களைப் போட்டு கசக்கக் கூடாது. கண்ணில் வேறெந்த
நோய்தொற்று, அலர்ஜி என்பன ஏற்படும்போது கூட கசக்கக்
கூடாது. சுத்தமான தண்ணீர் கொண்டு கழுவலாம்.
கண் வைத்தியர் ரோபோ கிறாபி (tobo graphy) பரிசோதனை மூலம்
உங்கள் கண்களில் கெரட்ரோகோனஸ் இருப்பதை உறுதிசெய்வார்.
இந்நோயினால் கருவிழிகளின் வடிவம் மாறியிருப்பதை துல்லிய­
மாக கண்டறிய முடியும். இன்னும் சில பரிசோதனைகள் மூலம் நோயின் பாதிப்பின்
அளவை சரியாகக் கண்டறிந்து இதற்கு ஏற்ற­
வாறு சிகிச்சை அளித்திட முடியும்.
நவீன கருவிகள் மூலமும் உபகரணங்கள் மூலமும் நனோ தொழில்நுட்­
பத்தை பயன்படுத்தியும் கருவிழியை முப்பரிமாணத்தில் (Three
diamension) பார்த்து பாதிப்பின் அளவை துல்லியமாக
கணிக்கும் வழி முறைகள் நடைமுறைக்கு வந்துள்ளன. இதனால் மிக ஆரம்ப
நிலையிலேயே நோயை இனங்காண முடியும்.
நோய் தீவிரமடையும் முன்னர் ஆரம்ப காலத்தில் கண்டுபி­
டித்து விட்டால் சிகிச்சையளிப்பது சுலபம். கண் வைத்தியரின்
தொடர் கண்காணிப்பில் (கிளினிக்) இடையிடையே கண்ணாடியை மாற்ற
வேண்டியிருக்கும். பாதிப்பு சற்று அதிகமாக இருப்பின்
contect lens பாவிக்கப்படுகிறது. பிரத்தியேக ஒளியைச் செலுத்தியும்
சீர்செய்யும் முறையுண்டு. ஆனால் கோணியா மிக மோச­
மாக பாதிப்படைந்திருப்பின் பார்வை மிக மோசமடைவதுடன் முன்கு­
றிப்பிட்ட சிகிச்சைகள் பலனளிக்காது.
இவர்களில் விழித்திரை மாற்று (Corneal Tranplantasion)
சிகிச்சை மூலம் தான் குணப்படுத்த முடியும். இதற்கு தானமாக
கண்களைப் பெற்றே சிகிச்சையளிக்க முடியும். உயிருடன் இருக்கும் ஒருவர்
தனது கண்களை தானமாக, தான் இறந்ததும் வழங்க
ஏற்பாடு செய்ய முடியும்.குறிப்பிட்ட சில மணிகளுக்குள்
இறந்தவரின் கண்களைப் பெற்று பாதுகாத்து இன்னொருவரின்
கண்களுக்கு பாதுகாப்பு வழங்க முடியும்.
டாக்டர் ச.முருகானந்தன்


Source:-virakesari

நிகாராகுவா தலைநகரை தாக்கிய விண்கல்: 39 அடி பள்ளத்தை ஏற்படுத்தியது

லத்தீன் அமெரிக்காவில் உள்ள நிகராகுவா நாட்டின்,மனாகுவா என்ற தலைநகரில்.
விண்கல்ஒன்று 2014 செப்டம்பர் 7 ஞாயிறு அன்று தாக்கியது. இதனால்
39 அடிப் பள்ளம் ஏற்பட்டுள்ளது.
விண்கல் விழுந்த இடம் வனப் பகுதி என்பதால் யாருக்கும் எந்தக்
காயமும் ஏற்படவில்லை.விண்கல்விழுந்த அதிர்வு, மனாகுவா முழுவதும்
உணரப்பட்டதாகத் தெரிகிறது. மேலும் நிலநடுக்கத்தை அளவிடும் கருவிகளிலும்
இதன் தாக்கம் எதிரொலித்துள்ளது குறிப்பிடத்தக்கது.
விண்கல் விழுந்த போது ஏற்பட்ட அதிர்வால், அருகில் இருந்த விமான
நிலையத்திற்கு எவ்வித பாதிப்பும் ஏற்படவில்லை என்பது குறிப்பிடத்தக்கது.

அநீதியை விட்டும் விலகிக்கொள்ளுங்கள்! புகாரி நபிமொழித் தொகுப்பிலிருந்து சில..

இறைத்தூதர்(ஸல்) அவர்கள் கூறியதாக அப்துல்லாஹ் இப்னு உமர்(ரலி) அவர்கள்
அறிவிக்கிறார்கள், ஒரு முஸ்லிம் மற்றொரு முஸ்லிமின் சகோதரன் ஆவான்.
அவனுக்கு அநீதியிழைக்கவும் மாட்டான். அவனை (பிறரின் அநீதிக்கு
ஆளாகும்படி) கைவிட்டு விடவும் மாட்டான். தன் சகோதரனின் தேவையை நிறைவு
செய்வதில் ஈடுபட்டிருக்கிறவரின் தேவையை நிறைவு செய்வதில் அல்லாஹ்வும்
ஈடுபட்டிருக்கிறான். ஒரு முஸ்லிமின் ஒரு துன்பத்தை நீக்குகின்றவரைவிட்டு
அல்லாஹ்வும் மறுமை நாளின் துன்பங்களில் ஒன்றை நீக்குகிறான். ஒரு
முஸ்லிமின் குறைகளை மறைக்கின்றவரின் குறைகளை மறுமை நாளில் அல்லாஹ்வும்
மறைக்கிறான். (ஒரு முறை) நபி(ஸல்) அவர்கள், "உன் சகோதரன் அக்கிரமக்காரனாக
இருக்கும் நிலையிலும் அக்கிரமத்துக்குள்ளானவனாக இருக்கும் நிலையிலும்
அவனுக்கு உதவி செய்" என்று கூறினார்கள். மக்கள், "இறைத்தூதர் அவர்களே!
அக்கிரமத்துக்குள்ளானவனுக்கு நாங்கள் உதவுவோம். அக்கிரமக்காரனுக்கு
நாங்கள் எப்படி உதவுவோம்?" என்று கேட்டனர். நபி(ஸல்) அவர்கள், "அவனுடைய
கைகளைப் பிடித்து (அக்கிரமம் செய்யவிடாமல் தடுத்து)க் கொள்வாய் (இதுவே,
நீ அவனுக்குச் செய்யும் உதவி)" என்று கூறினார்கள் என்பதாக அனஸ்(ரலி)
அவர்கள் அறிவிக்கிறார்கள். அநீதி, மறுமை நாளில் பல இருள்களாகக் காட்சி
தரும் என இறைத்தூதர்(ஸல்) அவர்கள் கூறியதாக அப்துல்லாஹ் இப்னு உமர்(ரலி)
அறிவிக்கிறார்கள். அநீதியிழைக்கப்பட்டவரின் சாபத்திற்கு (உங்களால்
அநீதிக்கு ஆளானவர் இறைவனிடம் உங்கள் அநீதியைக் குறித்து முறையிட்டு
உங்களுக்குக் கேடாகப் பிரார்த்தனை புரிபவதைப் பற்றி) அஞ்சுங்கள்.
ஏனெனில், அதற்கும் அல்லாஹ்வுக்கும் இடையே எந்தத் திரையும் இல்லை" என்று
நபி(ஸல்) அவர்கள் முஆத்(ரலி) யமன் நாட்டுக்கு (ஆளுநராக) அனுப்பி
வைத்தபோது கூறினார்கள் என்பதாக இப்னு அப்பாஸ்(ரலி) அறிவிக்கிறார்கள்.
இறைத்தூதர்(ஸல்) அவர்கள் கூறியதாக அபூ ஹுரைரா(ரலி) அவர்கள்
அறிவிக்கிறார்கள், ஒருவர், தன் சகோதரனுக்கு அவனுடைய மானத்திலோ, வேறு
(பணம், சொத்து போன்ற) விஷயத்திலோ, இழைத்த அநீதி (ஏதும் பரிகாரம்
காணப்படாமல்) இருக்குமாயின், அவர் அவனிடமிருந்து அதற்கு இன்றே
மன்னிப்புப் பெறட்டும். தீனாரோ, திர்ஹமோ (பொற்காசுகளோ வெள்ளிக் காசுகளோ)
பயன் தரும் வாய்ப்பில்லாத நிலை (ஏற்படும் மறுமை நாள்) வருவதற்கு முன்னால்
(மன்னிப்புப் பெறட்டும்). (ஏனெனில், மறுமை நாளில்) அவரிடம் நற்செயல்
ஏதும் இருக்குமாயின் அவனுடைய அநீதியின் அளவுக்கு அவரிடமிருந்து எடுத்துக்
கொள்ளப்பட்டு (அநீதிக்குள்ளானவரின் கணக்கில் வரவு வைக்கப்பட்டு) விடும்.
அநீதியிழைத்தவரிடம் நற்செயல்கள் எதுவும் இல்லையென்றால் அவரின் தோழரின்
(அநீதிக்குள்ளானவரின்) தீய செயல்கள் (அவர் கணக்கிலிருந்து) எடுக்கப்பட்டு
அநீதியிழைத்தவரின் மீது சுமத்தப்பட்டு விடும். இறைத்தூதர்(ஸல்) அவர்கள்
கூறியதாக, ஸயீத் இப்னு ஸைத்(ரலி) அவர்கள் அறிவிக்கிறார்கள், பிறரின்
நிலத்தில் ஒரு பகுதியை அபகரித்தவர் ஏழு நிலங்களை (மறுமையில்) கழுத்தில்
மாலையாகக் கட்டித் தொங்க விடப்படுவார். இறைத்தூதர்(ஸல்) அவர்கள் கூறியதாக
அன்னை ஆயிஷா(ரலி) அவர்கள் அறிவிக்கிறார்கள், அல்லாஹ்விடம் மிகவும்
வெறுப்புக்குரியவன் யாரென்றால், மனிதர்களிலேயே கடுமையாக (எப்போது
பார்த்தாலும்) சச்சரவு செய்து கொண்டிருப்பவனேயாவான். உம்மு ஸலமா(ரலி)
அறிவிக்கிறார்கள், இறைத்தூதர்(ஸல்) அவர்கள், தம் அறையின் வாசலுக்கருகே
(சிலர்) சச்சரவிட்டுக் கொண்டிருந்ததைச் செவியுற்றார்கள். அவர்களிடம்
சென்று, "நான் ஒரு மனிதனே. என்னிடம் வழக்காடுபவர்கள் வருகிறார்கள்.
உங்களில் ஒருவர் மற்றவரை விட வாக்கு சாதுர்யம் மிக்கவராக இருக்கலாம்.
அவர்தான் உண்மையைப் பேசியுள்ளார் என்று கருதி, நான் அவருக்கு சாதகமாகத்
தீர்ப்பளித்து விடுவேனாயின், எவருக்கு ஒரு முஸ்லிமின் உரிமையை எடுத்துக்
கொள்ளும்படி (யதார்த்த நிலை அறியாமல்) நான் தீர்ப்பளிக்கிறேனோ (அவருக்கு)
அது நரக நெருப்பின் ஒரு துண்டேயாகும். அவன் (விரும்பினால்) அதை எடுத்துக்
கொள்ளட்டும் அல்லது அதை (எடுத்துக் கொள்ளாமல்)விட்டு விடட்டும்" என்று
கூறினார்கள். இறைத்தூதர்(ஸல்) அவர்கள் கூறியதாக, அப்துல்லாஹ் இப்னு
அம்ர்(ரலி) அவர்கள் அறிவிக்கிறார்கள், நான்கு குணங்கள் எவனிடத்தில்
உள்ளனவோ அவன் நயவஞ்சகனாவான். அல்லது அந்த நான்கு குணங்களில் ஒரு குணம்
அவனிடம் குடி கொண்டிருந்தாலும் அவன் அதை விட்டுவிடும்வரை நயவஞ்சகத்தின்
ஒரு குணம் அவனிடம் இருப்பதாகப் பொருள். (அந்த நான்கு குணங்கள் இவைதாம்)
அவன் பேசும்போது பொய் பேசுவான்; வாக்களித்தால் மாறு செய்வான்; ஒப்பந்தம்
செய்தால் மோசடி செய்வான்; வழக்காடினால் அவமதிப்பான்.

Thanks:islamkalvi

காட்டு ராஜாக்களை ஓட வைத்த கீரி (video)

சிங்கங்களுடன் சண்டையிட்டு வெற்றி பெற்ற கீரியின் அதிசய காணொளியொன்று வெளியாகியுள்ளது.
குறித்த சம்பவம் கென்னியாவின் மாஸாய் மாரா சரணாலயத்தில் இடம் பெற்றுள்ளது.
இரண்டு அடி உயரமான கீரி காட்டின் ராஜா என்று அழைக்கப்படும் சிங்கங்களுடன் சண்டையிட்டு பின்னர் அந்த சிங்களை விரட்டியமை குறிப்பிடத்தக்கதாகும்.
இந்த காணொளி 2011 ஆம் ஆண்டு ஜெரோம் எனும் புகைப்படபிடிப்பாளரால் படம்பிடிக்கப்பட்ட போதும் தற்போதுதான் வெளியிட்டுள்ளார்.

Thanks:newsfirst

காஸா வென்றது… காஸா தெருவோரமெங்கும் தக்பீர் முழக்கம்

இஸ்ரேலுக்கும் பலஸ்தீனத்திற்கு மிடையில் யுத்த நிறுத்தம்
மேற்கொள்ளப்பட்ட ிருப்பதாக பலஸ்தீன ஜனாதிபதி மஹ்மூத் அப்பாஸ்
அறிவித்துள்ளார் . எகிப்தின் கண்காணிப்பில் இடம்பெற்ற இந்த
யுத்தநிறுத்தத்த
ினை ஏற்படுத்த பங்களித்த கட்டார் மற்றும் அமெரிக்க வெளிவிவகார
அமைச்சர் ஜோன் கெரி ஆகியோருக்கு மஹ்மூத் அப்பாஸ்
நன்றி தெரிவித்துள்ளார ். யுத்த நிறுத்தம் குறித்த தகவல் வெளியிட்டுள்ள
இஸ்ரேலிய சென்னல் 2
தொலைக்காட்சி சேவை, யுத்த நிறுத்தத்திற்கு இஸ்ரேல் உடன்பட்டிருப்பத
ாகவும் அதனை இஸ்ரேலிய பிரதமர் அறிவித்துள்ளதாகவும் தெரிவித்துள்ளது .
ஹமாஸ் இயக்கத்தின் பேச்சாளர் ஸாமி அபூ ஸஹ்ரி தெரிவிக்கையில்,
இஸ்ரேலிய இராணுவத்தை போராளிகள் வென்றுள்ளனர். யுத்தநிறுத்தம்
அறிவிக்கப்பட சற்று முன்பதாக இரு இஸ்ரேலிய
இராணுவத்தினரை போராளிகள் கொன்றுள்ளனர் எனத் தெரிவித்துள்ளார ்.
பத்திரிகையாளர்க ளுக்கு கருத்து தெரிவித்த அபூ ஸஹ்ரி, காஸா
சுற்றுப்புறத்தி லிருந்து வெளியேறிச் சென்ற இஸ்ரேலியர்கள் மீண்டும் தமது
வீடுகளுக்குத் திரும்ப ஹமாஸ்
அனுமதியளிப்பதாகதெரிவித்துள்ளார ். இஸ்ரேல் மீது போராளிகள் வான்
முற்றுகையொன்றை மேற்கொண்டு ஒட்டு மொத்த அறபுப் படைகளால் இயலாமல்
போனதை பலஸ்தீனப் போராளிகள் சாதித்துக் காட்டியுள்ளனர்.
மில்லியன் கணக்கான இஸ்ரேலியர்கள் பாதுகாப்புத் தேடிச் செல்ல
நிர்ப்பந்திக்கப ்பட்டனர். அடக்கமுடியாத இராணுவம் என்று தம்மட்டமடித்துக
் கொண்டிருந்தவர்க ளின் மரியாதையை போராளிகள் காற்றில் பறக்க விட்டுள்ளனர்
எனவும் அவர்
மேலும் தெரிவித்துள்ளார ். இந்த யுத்த உடன்படிக்கை குறிப்பிட்ட கடவைகளை திறப்பதல்ல.
குத்ஸை விடுவித்து முழு பலஸ்தீன வரலாற்றுப் பூமியையும் மீட்கும்
வரை தொடரும் எனவும் ஹமாஸின் பேச்சாளர் மேலும் தெரிவித்துள்ளார
். இஸ்ரேலிய இராணுவத்தை படுதோல்வியடைச் செய்த
நிகழ்வையிட்டு ஆயிரக்கணக்கான பலஸ்தீனர்கள் தெருவோரங்களில்
இறங்கி மகிழ்ச்சியை கொண்டாடி வருகின்றனர்.





Thanks:Meelparvai Media Centre

sltj blood donation-maggona

SLTJ மக்கொன மற்றும் பேருவலைக் கிளைகள் இணைந்து நடாத்திய இரத்ததான முகாம் நேற்று (23/08/2014) மக்கொன அல் ஹஸனியா மகா வித்தியாலயத்தில் நடைபெற்றது.
இந் நிகழ்வில் 103 பேர் இரத்ததானம் செய்தனர்.அல்ஹம்துலில்லாஹ்.