டிசம்பர் 31 வரை அவகாசம்

வேண்டுமென்றே சேதப்படுத்தப்பட்ட, மாற்றம்செய்யப்பட்ட அல்லது உருச்சிதைக்கப்பட்ட நாணயத்தாள்களுக்கு 2017 திசெம்பா 31ம் திகதிக்குப் பின்னா அனைத்து வங்கிகளினாலும் கொடுப்பனவு செய்யப்படமாட்டாது.









சிந்தித்துப் பாருங்கள் நீங்களும் மக்களின் பணத்தை வீணடிப்பவரா?

நாணயத்தாள்களை வேண்டுமென்றே சேதப்படுத்துதல்,மாற்றம் செய்தல்
அல்லது உருச்சிதைத்தல் போன்றவை குற்றமாகக் கருதப்படுவதுடன்
 அச்செயல்களுக்கு சிறைத்தண்டனை,தண்டப்பணம் அல்லது இரண்டும்
 விதிக்கப்படலாம்.
 இவ்வாரான நாணயத்தாள்கள் 2017 டிசம்பர் 31ம் திகதிக்குப்பின்னர்
 எந்த ஒரு வங்கியினாலும் ஏற்றுக்கொள்ளப்பட மாட்டாது.உங்களிடம்
 உள்ள இவ்வாரான நாணயத்தாள்களை 2017 டிசம்பர் 31ம் திகதிக்கு
முன்னர் அருகிலுள்ள வர்தகவங்கிக்கிளையில் மாற்றிக்கொள்ளுங்கள்
 நீங்களும் சட்டத்தை மதிக்கும் இலங்கைப் பிறஜையாகுங்கள்.
இலங்கை மத்திய வங்கியின் இவ்வறிவித்தலை மக்கொன நியூஸ்
 வாசகர்களே உங்கள் நண்பர்களுக்கும் பகிரவும்.

சூறைக்காற்று; கனத்த மழை

நேற்று முன்தினம் இரவு கடும் மழை மற்றும் காற்றுடன்
ஆரம்பமான சீரற்ற காலநிலையால் பாதிக்கப்பட்ட எமது பாடசாலை
உட்பட ஊரின் சில காட்சிகள்

கிந்தொட்ட கலவரத்தில் நாசமாக்கப்பட்ட முஸ்லிம்களின் சொத்துக்கள்

காலி கிந்தொடயில் 17ம் திகதி இடம்பெற்ற கலவரத்தில் முஸ்லிம்களின் பள்ளிவாயல், வீடுகள், வியாபார நிலையங்கள் என்பன தீ வைக்கப்பட்டும், கல்வீச்சுத் தாக்குதலுக்கு உள்ளாகியும் இருந்தன. பொலிஸார் குவிக்கப்பட்ட போதும் நிலைமையைக் கட்டுப்படுத்த முடியாமல் போனதனால் அப்பகுதியில் ஊரடங்கு அமுல்படுத்தப்பட்டிருந்தமை குறிப்பிடத்தக்கது.

Azhan Haneefa

"டாக்டர் ரயீஸின் முஸ்லிம்களுக்கான, முக்கிய அறிவுறுத்தல்கள்" பிள்ளை வளர்ப்பில் ஒவ்வொரு பெற்றோரும் எவ்வளவு தூரம் தமது பிள்ளைகளுடன் தொடர்பு படுகின்றனறோ அந்த அளவிற்கு அது நன்மை பயக்கும், கார்ட்டூன்...

மக்கொனை உட்பட சில பிரதேசங்களில் 09 மணி நேர நீர்வெட்டு

அத்தியவசிய திருத்தப் பணிகள் காரணமாக களுத்துறை மாவட்டத்தில் சில பிரதேசங்களில் எதிர்வரும் 2017.10.10 ம் திகதியன்று 09 மணி நேர நீர் வெட்டு அமுல்படுத்தப்படும் என்று தேசிய நீர் வழங்கல் மற்றும் வடிகாலமைப்புச் சபை தெரிவித்துள்ளது.

அதன்படி அன்றைய தினம் காலை 09 மணி முதல் மாலை 06 மணி வரை இவ்வாறு நீர் வெட்டு அமுல்படுத்தப்பட உள்ளது.

பயாகலை, மக்கொனை, பேருவளை, களுவாமோதரை, மொரகொல்ல, அளுத்கம, தர்காநகர் மற்றும் பெந்தோட்டை போன்ற பகுதிகளில் இந்த நீர் வெட்டு அமுல்படுத்தப்பட உள்ளது.

இதன்காரணமாக பொது மக்களுக்கு ஏற்படுகின்ற அசௌகரியத்திற்கு வருத்தம் தெரிவிப்பதாக தேசிய நீர் வழங்கல் மற்றும் வடிகாலமைப்புச் சபை தெரிவித்துள்ளது.

Video captures the death of a Makkah Imam after finishing prayer

JEDDAH: Video footage captured the death of an Imam in Makkah moments after leading worshipers in prayers on Wednesday.
Khalid Al-Qurashi died soon after leading the afternoon prayer at Abdul Qadir Arab Mosque in the Awali area of the holy city.
Al-Qurashi, who was a faculty member at Makkah’s Umm Al Qura University, is seen on CCTV footage keeling over after the completion of the Asr prayer. Worshipers are seen rushing to the Imam and carrying his body.
Those who knew the him say he was a good man who always had a smile
Source:Arab News

லாஸ் வேகஸ் தாக்குதல் - துப்பாக்கிதாரியா, பயங்கரவாதியா?

லாஸ்வேகஸில் நடந்த இசை நிகழ்ச்சியில் துப்பாக்கி சூடு நடத்தி குறைந்தது 59 பேர் கொல்லப்படுவதற்கு காரணமான சந்தேகத்துக்குரிய துப்பாக்கிதாரி ஸ்டீஃபன் பேடக் பற்றிய விவரங்கள் வெளிவரத் தொடங்கியநிலையில் ஏன் அவரை ஒரு பயங்கரவாதி என்று குறிப்பிடப்படவில்லை என இணையத்தில் விவாதம் தொடங்கியுள்ளது.

64 வயதான ஸ்டீஃபன் பேடக் குறித்து குறிப்பிடும் செய்தி ஊடகங்கள், அவரை ஒரு 'தனி மனிதர்' என்றும், ஒரு முதியவர் என்றும் 'சூதாட்டக்காரர்' மற்றும் 'முன்னாள் கணக்காளர்' என்று குறிப்பிடுகின்றன. அவரை பயங்கரவாதி என்று குறிப்பிடுவதில்லை. இது வலைதளவாசிகள் மத்தியில் விவாத பொருளாக மாறியுள்ளது.

புலமைப்பரிசில் பரீட்சை 2017-அல் ஹஸனியாவின் நால்வர் சித்தி

மாஷா அல்லாஹ், இம்முறை நடைபெற்ற ஐந்தாம் தர புலமைப்பரிசில் பரீட்சையில் களு/அல் ஹஸனியா மகா வித்தியாலயத்தின் நான்கு மாணவர்கள் சித்திபெற்று தம் குடும்பத்திற்கும் பாடசாலைக்கும் பெருமை சேர்த்துள்ளனர்.
இவ்வுயர் அடைவுக்கு காரணமாக அமைந்த அல்லாஹ்வுக்கு முதலில் நன்றி செலுத்தும் இதேநேரம், இம்மாணவர்களை சிறப்பாக கற்பித்து, நல்ல பெறுபேறுக்கு வித்திட்ட பாடசாலை, அதன் அதிபர்,வகுப்பாசிரியை ரிஸ்வியா ஜுஹைம்  மற்றும் அனைத்து ஆசிரியர் குழாமுக்கும் நன்றி கூறுவதில் பேரானந்தமடைகிறோம்.

சிமர் ரிஸான்-177 மாவட்டத்தில் இரண்டாம் இடம்

நஷீத் நப்ஹான்-164

ஆமினா ரிஸ்கர்-161

பஜீலா அல் அமீன்-159

களுத்துறை மாவட்டத்தில் முதல் இடத்தை  178 புள்ளிகளைப் பெற்று களுத்துறை முஸ்லிம் மத்திய பாடசாலையில் கல்வி கற்று வரும் முகம்மத் இஸ்மத் முகம்மத் பெற்றுள்ளார்.

2017ம் ஆண்டில் நடைபெற்று முடிந்த தரம் 05 புலமைப் பரிசில் பரீட்சை 3014 பரீட்சை மத்திய நிலையங்களில் நடைபெற்றிருந்ததுடன், 356,728 மாணவர்கள் பரீட்சைக்கு தோற்றியிருந்தனர்.

2017ம் ஆண்டில் நடைபெற்று முடிந்த தரம் 05 புலமைப் பரிசில் பரீட்சையின் மாவட்ட ரீதியான வெட்டுப்புள்ளிகள் பரீட்சைகள் திணைக்களத்தால் வௌியிடப்பட்டுள்ளது.
அதன் விபரம் வருமாறு,

கொழும்பு - 164 (சிங்களம்) 156 (தமிழ்)
கம்பஹா - 164 (சிங்களம்) 156 (தமிழ்)
களுத்துறை - 164 (சிங்களம்) 156 (தமிழ்)
கண்டி- 164 (சிங்களம்) 156 (தமிழ்)
மாத்தளை - 164 (சிங்களம்) 156 (தமிழ்)
நுவரெலியா - 158 (சிங்களம்) 154 (தமிழ்)
காலி - 164 (சிங்களம்) 156 (தமிழ்)
மாத்தறை - 164 (சிங்களம்) 156 (தமிழ்)
ஹம்பாந்தோட்டை - 162 (சிங்களம்) 152 (தமிழ்)
மன்னார் - 158 (சிங்களம்) 153 (தமிழ்)
வவுனியா - 161 (சிங்களம்) 154 (தமிழ்)
முல்லைத்தீவு - 160 (சிங்களம்) 154 (தமிழ்)
அம்பாறை - 159 (சிங்களம்) 154 (தமிழ்)
திருகோணமலை - 158 (சிங்களம்) 152 (தமிழ்)
குருணாகலை - 164 (சிங்களம்) 156 (தமிழ்)
புத்தளம் - 160 (சிங்களம்) 152 (தமிழ்)
அனுராதபுரம் - 160 (சிங்களம்) 153 (தமிழ்)
பொலன்னறுவை - 160 (சிங்களம்) 151 (தமிழ்)
பதுளை - 160 (சிங்களம்) 153 (தமிழ்)
மொனராகலை - 158 (சிங்களம்) 151 (தமிழ்)
இரத்தினபுரி - 162 (சிங்களம்) 154 (தமிழ்)
கேகாலை - 164 (சிங்களம்) 156 (தமிழ்)
மட்டக்களப்பு - 154 (தமிழ் மட்டும்)
யாழ்ப்பாணம் - 155 (தமிழ் மட்டும்)
கிளிநொச்சி - 154 (தமிழ் மட்டும்)

அல் ஹஸனியா சிறுவர் சந்தை

சிறுவர் தினத்தை முன்னிட்டு மக்கொன அல் ஹஸனியா மகா வித்தியாலயத்தில் இன்று சிறுவர் சந்தையொன்று இடம் பெற்றது.இச்சிறுவர் சந்தையில்  சிறார்கள் மிகுந்த உற்சாகத்துடன் பங்குபற்றிய அதேவேளை பெற்றோர்களும் ,பழைய மாணவர்களும் ஆர்வத்துடன் கலந்து கொண்டனர்.

கொடுக்கல்-வாங்கல் மற்றும் கணக்கு முறை அளவிடல் மற்றும் உரையாடல் ஆகியவற்றினை சிறுவர்களுக்கு பெற்றுக்கொடுக்கும் நோக்கில் இச்சிறுவர் சந்தை  நடை பெற்று வருவதாகவும் குறிப்பிடப்படுகின்றது.

பட உதவி ஜிப்ரியா இப்றாஹிம்

கொழுத்தப்படுவதும், கொல்லப்படுவதும்: மியான்மரில் ரோஹிங்கியா

 ‘அமைதிக்கான நோபல் பரிசுப் பெற்றவரின் கீழ் அமைதியாக நிகழ்த்தப்படும் ஓர் இனப்படுகொலை’.

“எங்கள் வீடு ராணுவத்தினரால் கொழுத்தப்பட்டது. நாங்கள் தப்பிக்க மலையை நோக்கி ஓடினோம். ஆனால் எனது இரண்டு குழந்தைகளையும், மனைவியையும் அவர்கள் சுட்டுக்கொன்றுவிட்டனர். நான் எனது மற்ற குழந்தைகளுடன் இங்கு தப்பி வந்திருக்கிறேன்” என்னும் இக்கதறல், பங்களாதேஷில் தஞ்சமடைந்துள்ள ஜமால் ஹூசைன் எனும் ரோஹிங்கியா அகதியினுடையது.

                                                   படம்: tribunalonmyanmar

செயற்கைக் கோள் புகைப்படங்களையும், ரோஹிங்கியா மக்களின் வாக்குமூலங்களையும் ஆராய்ந்துள்ள மனித உரிமைகள் கண்காணிப்பகம், “சேயின் கர் லீ(Chein Khar Li) என்ற ரோஹிங்கியா முஸ்லீம் கிராமத்திலிருந்த 700 கட்டிடங்கள் தீக்கரையாகி முழுமையாக அழிக்கப்பட்டுள்ளதைச் செயற்கைக்கோள் படங்கள் எடுத்துக் காட்டுகின்றன. வடக்கு ரக்ஹைனில் நடந்துக்கொண்டிருக்கும் அழிவு நினைத்துப் பார்ப்பதை விட மோசமாக இருக்கலாம்”எனத் தெரிவித்துள்ளது.

முஸ்லீம் கிராமத்திலிருந்த 700 கட்டிடங்கள் தீக்கரையாகி முழுமையாக அழிக்கப்பட்டுள்ளதைச் செயற்கைக்கோள் படங்கள் எடுத்துக் காட்டுகின்றன.

2,625 வீடுகளைத் தீவிரவாதிகள் கொழுத்தியுள்ளதாக மியான்மரின் அரச ஊடகமான குளோபல் நியூ லைட் கணக்குச் சொல்லியுள்ளது.

மூவாயிரம் பேரில் ஒருவராக நடந்தே பங்களாதேஷ் வந்தடைந்த மற்றொரு ரோஹிங்கியா அகதி ஜலால்அகமது,“எங்கள் கிராமத்திற்குள் 200 பேரோடு நுழைந்த ராணுவத்தினர், எங்கள் கிராமத்திலிருந்த அத்தனை வீடுகளையும் கொழுத்தினார்கள்” என்கிறார்.

மியான்மரில் ரோஹிங்கியாக்கள் பெரும்பான்மையாக வாழும் ரக்ஹைனில் ஆயுதக்கிளிர்ச்சியாளர்களின் தாக்குதலைக் காரணமாக வைத்துத் தற்போது மியான்மர் ராணுவம் நடத்திவரும் தாக்குதல்களும் முற்றுகைகளும் ஹூசைன், ஜமாலைப் போன்று இதுவரை 146,000 ரோஹிங்கியா முஸ்லீம்களைப் பங்களாதேஷில் தஞ்சமடைய வைத்துள்ளது. இத்தஞ்சப்பட்டியலில் இம்முறை 400க்கும் மேற்பட்ட ரோஹிங்கியா இந்துக்கள் சேர்ந்துள்ளனர். மியான்மரையும், பங்களாதேஷையும் பிரிக்கும் நாப் நதியில் மூழ்கி 19 குழந்தைகள், 18 பெண்கள், 9 ஆண்கள் உள்பட 46 ரோஹிங்கியாக்கள் இறந்துள்ளனர்.

மியான்மரையும், பங்களாதேஷையும் பிரிக்கும் நாப் நதியில் மூழ்கி 19 குழந்தைகள், 18 பெண்கள், 9 ஆண்கள் உள்பட 46 ரோஹிங்கியாக்கள் இறந்துள்ளனர். படம்: nytimes

இந்த வகையில் 1978, 1991-92, 2012, 2016 காலக்கட்டத்தைப் போல மீண்டும் கடந்த ஆகஸ்ட் 25 முதல் ரோஹிங்கிய இன மக்கள் ஓர் அதிபயங்கரக் கொலைக்காலத்தை எதிர்கொண்டு வருகின்றனர்.

ரோஹிங்கியாக்கள் குறிவைக்கப்படுவது ஏன்?

1982 மியான்மர்(பர்மா) குடியுரிமைச்சட்டத்தின் படி, தங்களுடைய முன்னோர்கள் 1823 க்கு முன்பே மியான்மரில் வசித்தவர்கள் என்பதற்கான ஆதாரத்தை வழங்கினால் மட்டுமே முழுமையான குடியுரிமை எனப்படுகிறது. இது ஆங்கிலேய ஆக்கிரமிப்புக்கு முந்தைய ஆண்டைக் குறிக்கின்றது. நூறாண்டுகளுக்கு முந்தைய ஆதாரம், நடைமுறையில் சாத்தியமற்றது என இச்சட்டத்தின் மீது கடுமையான விமர்சனங்கள் உள்ளன. 1824 முதல் 1885 வரை நடந்த மூன்று ஆங்கிலேய-பர்மியபோர்களுக்குப் பின்னர், பர்மா எனும் மியான்மர் பிரிட்டிஷ் இந்தியாவின் மாகாணமாக மாற்றப்பட்டது.

12 ஆம் நூற்றாண்டு முதல் ரோஹிங்கியா மக்கள் ரக்ஹைனில் வாழ்வதாக ரோஹிங்கியா அமைப்புகள் தெரிவிக்கின்றன. உலக வரைப்படத்தில் நவீனக்கால பர்மா இடம்பெறுவதற்குப் பல ஆயிரமாண்டுகளுக்கு முன்னதாகவே ரோஹிங்கியா இனம் அராகானில்(ரக்ஹைன்) வாழ்ந்து வருவதாக அராக்கன் ரோஹிங்கியா சல்வேசன் ஆர்மி என்ற ரோஹிங்கியா ஆயுதக் கிளிர்ச்சிக் குழுத் தெரிவிக்கின்றது.

                                                            படம் : indiatoday

ஆங்கிலேய ஆட்சியில் பங்களாதேஷிலிருந்து (பெங்கால் மாகாணம்) பர்மாவிற்கு விவசாயத் தொழிலாளர்களாகவும் ரோஹிங்கியாக்கள் அழைத்துச் செல்லப்பட்டுள்ளதாக அன்றையைக் குறிப்புகள் தெரிவிக்கின்றன. பர்மா, அன்றைய பிரிட்டிஷ் இந்தியாவின் அங்கமாக ஆளப்பட்டதால் இது உள்நாட்டில் நடந்த இடப்பெயர்வாகவே கருதப்படுவதாக மனித உரிமைகள் கண்காணிப்பகம் கூறுகின்றது.

இதை அத்தனையும் நிராகரிக்கும் மியான்மர், ரோஹிங்கியா மக்கள் பங்களாதேஷில் இருந்து குடியேறிய வந்தேறிகள் மட்டுமே என வாதிடுகிறது. இதன் அடிப்படையில் ரோஹிங்கியா இன மக்களுக்கு மியான்மர் குடியுரிமை மறுக்கப்படுகின்றது. மற்றொரு வகையில் இச்சட்டம் ரோஹிங்கியா மக்கள் மீதானப் புத்த பெரும்பான்மையினரின் வன்முறைக்குச் சட்டவடிவிலான ஆதரவை வழங்குகிறது. ரக்ஹைன், பயங்கரங்களின் இருப்பிடமாக மாற்றப்பட்டதற்குப் பின்னால் இச்சட்டத்திற்கு மிக முக்கியப் பங்குண்டு. ரக்ஹைனில் உள்ள ரோஹிங்கியா மக்கள் மியான்மரின் பிற பகுதிகளுக்குச் செல்வது சாத்தியமற்ற ஒன்றாகத் தெரிவிக்கப்படுகின்றது. கல்வி, அரசு வேலைவாய்ப்புகள் அனைத்தும் அவர்களுக்குச் சட்டரீதியாகவே அங்கு மறுக்கப்படுகின்றன. மியான்மரில் உள்ள 11 லட்சம் ரோஹிங்கியாக்களில் பெருமளவிலானோர் முஸ்லீம்களாகவும் சிறு எண்ணிக்கையில் இந்துக்களாகவும் உள்ளனர். உலகிலேயே அதிகம் துன்பப்படும் மக்களில் முதன்மையானவர்களாகக் குறிப்பிடப்படும் ரோஹிங்கியா இன மக்கள் நாடற்றவர்களாக அல்லாடிக்கொண்டிருக்கின்றனர்.

உலகிலேயே அதிகம் துன்பப்படும் மக்களில் முதன்மையானவர்களாகக் குறிப்பிடப்படும் ரோஹிங்கியா இன மக்கள் நாடற்றவர்களாக அல்லாடிக்கொண்டிருக்கின்றனர்.
படம்: opensocietyfoundations

கிளிர்ச்சிக் குழுவின் தாக்குதல்

மியான்மரில் ரோஹிங்கியாக்கள் பெரும்பான்மையாக வாழும் ரக்ஹைன் பகுதியில் அமைந்துள்ள 30க்கும் மேற்பட்ட காவல் மற்றும் ராணுவ நிலையங்கள் மீது கடந்த ஆகஸ்ட் 25 அன்று அராக்கன் ரோஹிங்கியா சல்வேஷன் ஆர்மி திடீர் தாக்குதலினை நடத்தியது. இதில் 77 ஆயுதக் கிளர்ச்சியாளர்கள் மற்றும் ஏழு மியான்மர் ராணுவத்தினர் பலியாகியதாக மியான்மர் அரசு தெரிவித்தது. இதன் தொடர்ச்சியாக ரோஹிங்கியா வாழும் கிராமங்கள் முற்றுகை என்ற போர்வைக்குள் ராணுவத்தினராலும் புத்த பேரினவாதிகளாலும் தீக்கரையாக்கப்படுவதாக அங்கிருந்த தப்பி வந்த மக்கள் தெரிவிக்கின்றனர். மியான்மர் ராணுவம் வெளியிட்டுள்ள குறிப்பில், ஐந்து நாள் நடத்தப்பட்ட தேடுதல் வேட்டையில் 370 பெங்காலில் தீவிரவாதிகள், 15 பாதுகாப்புப் படையினர் கொல்லப்பட்டுள்ளதாகத் தெரிவிக்கப்பட்டுள்ளது.

‘பெங்காலித் தீவிரவாதிகள் தாக்குதலை நடத்தியுள்ளனர்’ என அயலவர்கள் என்ற அடையாளத்தைச் சல்வேஷன் ஆர்மிக்கு சூட்டியுள்ளது மியான்மர் அரசு. கூடுதலாகச் சர்வதேச முஸ்லீம் தீவிரவாத அமைப்புகளுடன் சல்வேசன் ஆர்மிக்குத் தொடர்புள்ளதாக உலகிற்கு எச்சரிக்கைச் செய்தி விடுத்துள்ளது.

கடந்த மார்ச் 2017 யில் சல்வேசன் ஆர்மி என்ற ரோஹிங்கியா ஆயுதக் கிளிர்ச்சிக்குழு வெளியிட்டுள்ள அறிக்கையில், “பர்மிய ஆட்சியாளர்களும் 1970 க்குப் பின் பர்மிய அரசாங்கங்களும் ரோஹிங்கியா மக்களுக்கு எதிராகப் படிபடியாக இனப்படுகொலையையும் மனிதக்குலத்திற்கு எதிரான குற்றங்களும் நிகழ்த்துகின்றன. மியான்மர் அரசு சொல்வது போல, எங்களுக்கு உலகிலுள்ள எந்தத் தீவிரவாத அமைப்புகளோடும் தொடர்பில்லை. மதரீதியாகவோ, இனரீதியாகவோ எந்த மக்கள் மீதும் எங்கள் தாக்குதல் நடத்துப்படுவதில்லை. சர்வதேச விதிகளின் படி எங்கள் கோரிக்கைகள் ஏற்கப்படும் வரை எங்களை ஒடுக்கும் பர்மிய ஆட்சியாளர்களுக்கு எதிராக நாங்கள் போரிடுவோம்” எனும் இக்கிளர்ச்சிக்குழு ரோஹிங்கியா மக்களுக்கான அங்கீகாரத்தை மியான்மர் அரசு அளிக்க வேண்டும் எனக் கோருகிறது.

மியான்மரிலிருந்து பாகிஸ்தானில் தஞ்சமடைந்த ரோஹிங்கியா குடும்பத்தில் பிறந்த அதா உல்லா(Ata Ullah), இக்கிளிர்ச்சிக் குழுவின் தலைவராக அறியப்படுகிறார். சவுதி அரேபியாவில் கல்விக்கற்ற அதா உல்லா அங்கு இஸ்லாமிய மதத்தலைவராகவும் இருந்துள்ளார்.

2013 ஆம் ஆண்டு ரக்ஹைனுக்கு வந்தவர், நம்பிக்கை இயக்கத்தைத் தொடங்கியுள்ளார். பின் அராக்கன் ரோஹிங்கியா சல்வேசன் ஆர்மி என்ற கிளிர்ச்சிக் குழுவாக மாற்றப்பட்ட இவ்வியக்கம் அக்டோபர் 2016 யில் மியான்மர் காவல் மற்றும் ராணுவ அரண்கள் முதல் தாக்குதலினை நடத்தியது.

கொலைகளுக்குத் துணை நிற்கும் ஆங் சான் சூகி

மியான்மரின் ராணுவ ஆட்சிக்காலத்தில் ஜனநாயகத்தைப் பேசியவரும், அமைதிக்கான நோபல் பரிசைப் பெற்றவருமான ஆங் சூன் சூகி இன்று ராணுவத்தின் இனவாத/மதவாதச் செயலை ஆதரிக்கும் அரசமுகமாக உருவெடுத்திருக்கிறார். ஏனெனில் அவர் இன்று மியான்மரின் நடைமுறை தலைவராக உள்ளார். அன்றைய ராணுவ ஆட்சியில் இனவாத/மதவாதக் குகைக்குள் கிடந்த மியான்மர், இன்றைய ஜனநாயக ஆட்சியில் ஆயுதக்கிளர்ச்சிக்குழுவை ஒடுக்குவதன் பெயரிலும் அக்குழுவிற்கு ‘ஜிகாதி’ அடையாளத்தைக் கொடுப்பதன் மூலமும் ரோஹிங்கியா மக்கள் மீது நேரடியான போரை இப்போதைய உலக ஒழுங்கின் கீழ் நியாப்படுத்தலாம் என ராஜதந்திர வேடமிட்டுள்ளது. அதன் சூத்திரதாரியாக இருக்கும் ஆங் சன் சூகி, ‘மனித உரிமைப் பிரச்னைகள் இல்லாத நாடு எது என்று காட்டுங்கள்’ எனப் பத்திரிகையாளர் அமைதிகாணக்  கூச்சலிட்டார்.

ஜனநாயகத்தைப் பேசியவரும், அமைதிக்கான நோபல் பரிசைப் பெற்றவருமான ஆங் சூன் சூகி இன்று ராணுவத்தின் இனவாத/மதவாதச் செயலை ஆதரிக்கும் அரசமுகமாக உருவெடுத்திருக்கிறார்.
படம்: theindependent

ஐ.நா.விற்கு அனுமதி மறுப்பு


கடந்த அக்டோபர் 2016 யில் எல்லைக் காவல் அரண்கள் மீது ஆயுதக் கிளிர்ச்சியாளர்கள் தாக்குதல் நடத்தியதைக் காரணமாக வைத்து இதே போன்று ரோஹிங்கியா மக்களின் கிராமங்களுக்குள் புகுந்த மியான்மர் ராணுவத்தினர் அம்மக்களைச் சுட்டுக்கொல்லுதல், கத்தியில் வெட்டிக்கொல்லுதல், கூட்டுப் பாலியல் வன்புணர்வுகள், சூறையாடல்கள் மற்றும் சொத்துக்களை அழிப்பதில் ஈடுபட்டதாகப் பங்களாதேஷூக்கான ஐ.நா. மனித உரிமைகள் ஆணையாளர் குழுவின் அறிக்கை உறுதிச்செய்கிறது. இந்தக் காலக்கட்டத்தில் 75,000 ரோஹிங்கியா முஸ்லீம்கள் பங்களாதேஷில் தஞ்சமடைந்துள்ளனர்.

படம்: voanews

இதன் தொடர்ச்சியாக, கடந்த மார்ச் 2017 யில் மியான்மரில் ரோஹிங்கியா சிறுபான்மையினருக்கு எதிராக நிகழும் மனித குலத்திற்கு எதிரான குற்றங்கள், இனச்சுத்திக்கரிப்புத் தொடர்பான குற்றச்சாட்டுகளை விசாரிப்பதற்கான தீர்மானம் நிறைவேற்றப்பட்டது. சுதந்திரமான சர்வதேச உண்மை கண்டறியும் குழு அமைப்பதற்கான இத்தீர்மானத்திற்கு மியான்மர் எதிர்ப்புத் தெரிவித்தது. மியான்மரோடு எல்லையைப் பகிர்ந்து கொள்ளும் இந்தியாவும், சீனாவும் இத்தீர்மானத்தில் விலகி நின்றன. மியான்மர் ஜனநாயக அரசிற்கு மேலும் காலம் அவகாசம் தேவை என்றது இந்தியா. சீனாவோ, ஒரே இரவில் தீர்க்கக்கூடிய பிரச்னையல்ல இது என மியான்மருக்குத் துணைநின்றது.

‘ஐ.நா.வின் தீர்மானத்தை ஏற்றுக்கொண்டால் மியான்மரில் உள்ள பல்வேறு இனங்களுக்கிடையே பெரும் விரோதப் போக்கு உருவாகக்கூடும்’ என்றார் ஆங் சான் சூகி. இதுநாள் வரை ரோஹிங்கியா மக்களுக்கு எதிரான குற்றங்களை விசாரிப்பதற்கான ஐ.நா. குழுவிற்கு மியான்மர் அரசாங்கம் விசா வழங்க மறுக்கிறது. ரக்ஹைனை சுதந்திரமாகப் பார்வையிடுவதற்கு ஐ.நா.விற்கு மட்டுமல்ல ஊடகங்களுக்கும், மனித உரிமை அமைப்புகளுக்கும் மியான்மர் அரசு தடை விதித்துள்ளது.

அதே சமயம் கடந்த ஆண்டு முன்னாள் ஐ.நா. பொதுச்செயலாளர் கோபி அனான் தலைமையில் ஓர் ஆணையத்தை ஆங் சான் சூகி நியமித்தார். ரக்ஹைனில் புத்த மதத்தவருக்கும், ரோஹிங்கியா முஸ்லீம்களுக்கும்  இடையே உள்ள நீண்டகாலப் பிணக்குகளைத் தீர்ப்பதற்கான பரிந்துரைகளைக் கொடுப்பதற்கான ஆணையமாக இது அமைக்கப்பட்டிருந்தது. ஆயுதக் கிளர்ச்சிக்குழுவின் தாக்குதலுக்கு ஒரு நாளுக்கு முன்னர் அறிக்கையை வெளியிட்ட கோபி அனான், “தீவிரவாத போக்கை மேலும் வளர்க்கக்கூடாது என மியான்மர் விரும்பினால் ரோஹிங்கியா சிறுபான்மையினர் நடமாடுவதற்கு விதிக்கப்பட்டுள்ள தடைகள் நீக்கப்பட வேண்டும். அவர்களுக்குக் குடியுரிமை வழங்க வேண்டும்” எனப் பரிந்துரைத்துள்ளார்.

படம்: Bernat Armangue

இந்த ஆணையம் ரோஹிங்கியா முஸ்லீம்களுக்கு எதிராக இழைக்கப்பட்ட குற்றங்கள் தொடர்பாகவோ, மனித உரிமை மீறல்களுக்கு எதிராகவோ எந்தவித விரிவான விசாரணையையும் மேற்கொள்ளவில்லை.

கோபி அனான் ஆணையத்தின் அறிக்கை வெளிவருவதைச் சீர்குலைக்கும் நோக்கில்  ரக்ஹைனில் ராணுவத்தினரைக்  குவித்து மியான்மர் ராணுவம் பதற்றத்தைத் தூண்ட முயற்சித்தது. தேடுதல் வேட்டை என்ற பெயரில் ரோஹிங்கியா கிராமங்களில் கொலைகளையும், சூறையாடல்களையும் ராணுவம் நடத்தியதைத் தொடர்ந்தே தற்காப்புத் தாக்குதலை நடத்தினோம்” எனத் தனது டீவிட்டர் பக்கம் மூலம் அராக்கன் ரோஹிங்கியா சல்வேஷன் ஆர்மி தாக்குதலுக்குப் பொறுப்பேற்றிருந்தது.

உலகெங்கும் அகதிகளாக…

1970 முதல் மியான்மரிலிருந்து வெளியேறத் தொடங்கிய ரோஹிங்கியா முஸ்லீம்கள் உலகெங்கும் பல்வேறு நாடுகளில் அகதிகளாகத் தஞ்சமடைந்துள்ளனர்.

இன்றைய எண்ணிக்கைகளின் அடிப்படையில்,

பங்களாதேஷ்- 5 லட்சம்+

பாகிஸ்தான்- 3.5 லட்சம்+

சவுதி அரேபியா- 2 லட்சம்+

மலேசியா- 50 ஆயிரம்+

இந்தியா- 40 ஆயிரம்+

படம்: newsweek

‘மனிதாபிமானப் பேரழிவு’ என வருந்தியுள்ள ஐ.நா.வின் பொதுச் செயலாளர் அண்டோனியோ கட்டரஸ், இனப்படுகொலைக்கான ஆபத்து உள்ளதாக எச்சரித்துள்ளார். இந்தோனேசியா, மலேசியா, துருக்கி, பாகிஸ்தான், ஆப்கானிஸ்தான் உள்ளிட்டப் பல்வேறு நாடுகள் ரோஹிங்கியா முஸ்லீம்களுக்கு எதிரான வன்முறைக்கு மியான்மருக்குக் கண்டனம் தெரிவித்துள்ளன. மியான்மரில் சுற்றுப்பயணம் மேற்கொண்டுள்ள இந்தியப் பிரதமர் நரேந்திர மோடி, ‘நாங்கள் உங்கள் கவலைகளில் கூட்டாளிகளாக இருக்கிறோம்’ என மியான்மருக்கு ஆதரவு நல்கியுள்ளார்.

Source: roar tamil

ரோஹிஞ்சா முஸ்லிம்களின் வீடுகளுக்கு தீ வைப்பது யார்? பிபிசி செய்தியாளரின் அனுபவங்கள்

மியான்மரின் ரகைன் மாநிலத்தில் இரண்டு வாரங்களுக்கு முன்பு ஏற்பட்ட வன்முறையைத் தொடர்ந்து, சுமார் 1,64,000 ரொஹிஞ்சா முஸ்லிம்கள் வங்கதேசத்துக்குள் வந்து குவிந்துள்ளனர்.
ரோஹிஞ்சா தீவிரவாதிகள் போலீசாரின் நிலையைத் தாக்கியதைத் தொடர்ந்து, ராணுவமும் ரகைன் பெளத்தர்களும் தங்களை விரட்டியடிப்பதற்காக, தங்கள் கிராமங்களை அழித்து வருவதாக அவர்கள் கூறுகிறார்கள்.
ஆனால், அரசாங்கம் அதை நிராகரிக்கிறது. தீவிரவாதிகளும், அங்குள்ள முஸ்லிம்களும் தங்கள் கிராமத்துக்கு தாங்களே தீ வைப்பதாக அரசு கூறுகிறது.
ஆனால், அங்குள்ள பிபிசியின் தென்கிழக்கு ஆசிய செய்தியாளர் ஜொனாதன் ஹெட், முஸ்லிம் கிராமத்துக்கு ரகைன் பெளத்தர்கள் தீ வைத்ததை தான் நேரில் கண்டதாகக் கூறுகிறார். தான் நேரில் கண்டதை அவர் விவரிக்கிறார்:

மவ்ங்தாவில் நிலைமை எப்படி இருக்கிறது என்பதை நேரில் பார்ப்பதற்காக மியான்மர் அரசால் அழைத்துச் செல்லப்பட்ட பத்திரிகையாளர் குழுவில் நானும் ஒருவன். அந்தக் குழுவில் இணைக்கப்படுவதற்கான நிபந்தனை என்னவெனில், யாரும் தனியாகச் செல்லாமல் தொடர்ந்து அந்தக் குழுவுடன் இணைந்திருக்க வேண்டும் என்பது. அரசால் தேர்ந்தெடுக்கப்பட்ட இடங்களுக்கு நாங்கள் அழைத்துச் செல்லப்பட்டோம்.

அருகிலுள்ள பகுதிகளுக்குச் செல்லுமாறு கோரிக்கை வைக்கப்பட்ட போதிலும், அவை பாதுகாப்பனவை அல்ல என்று கூறி நிராகரிக்கப்பட்டது.

மங்தாவின் தெற்கே அல் லெ தான் கியாவ் நகருக்குச் சென்றுவிட்டுத் திரும்பிக் கொண்டிருந்தோம். சற்று முன்னர்தான் வீடுகளுக்குத் தீ வைக்கப்பட்டது என்பதை உணர்த்தும் வகையில் அங்கு புகை வெளிப்பட்டுக் கொண்டிருந்தது.

கடந்த ஆகஸ்ட் 25-ஆம் தேதி, ரோஹிஞ்சா தீவிரவாத அமைப்பினர் போலீஸ் நிலையைத் தாக்கியதை அடுத்து, அங்குள்ள மக்கள் தங்கள் கிராமத்தை விட்டு தப்பியோடிவிட்ட போதிலும், அங்கு குடியிருக்கும் மக்கள்தான் தீ வைத்தார்கள் என போலீசார் தெரிவித்தனர்.

அங்கு மூன்று தொகுப்புக்களாக புகை வெளிப்பட்டுக் கொண்டிருந்ததைப் பார்க்க முடிந்தது. தானியங்கி ஆயுதங்களைக் கொண்டு சுடப்படும் தொடர் சத்தமும் கேட்டுக் கொண்டிருந்தது.
நாங்கள் திரும்பி வரும்போது, நெல் வயல்களில் உள்ள மரங்களுக்கிடையில் இருந்து பெரும் புகை வந்து கொண்டிருந்தது. அவை கிராமத்துக்கான அடையாளமாக இருந்தன.
நாங்கள் கீழே இறங்கி, அந்த வயல்வெளியை நோக்கி விரைந்தோம். அப்போதுதான் கிராமத்தின் முன்பகுதியில் இருந்த கட்டடங்கள் தீயில் எரிந்துகொண்டிருந்தன. அந்த கிராமத்தில் இருந்த வீடுகள், 20-30 நிமிடங்களில் தீயில் எரிந்து சாம்பலாகிவிட்டன. அப்போதுதான் தீ வைக்கப்பட்டது என்பது தெளிவாகத் தெரிகிறது.
நாங்கள் தொடர்ந்து அந்த கிராமத்துக்குள் சென்றபோது, கட்டுமஸ்தான உடலுடன் சில இளைஞர்கள், ஆயுதங்களை ஏந்தியவாறு வந்தார்கள். நாங்கள் அவர்களிடம் கேள்வி எழுப்பியபோது, படம் பிடிக்க அனுமதிக்க மறுத்துவிட்டார்கள்.
எனினும், மியான்மரைச் சேர்ந்த எனது சக பத்திரிகையாளர்கள், அந்த நபர்களுடன் கேமராவில் பதிவு செய்யப்படாமல் பேசினார்கள். அவர்கள் ரகைனைச் சேர்ந்த பெளத்தர்கள் என்று தெரிவித்தனர். அவர்களில் ஒருவர், தாங்கள்தான் தீ வைத்ததாகவும், போலீசார் தங்களுக்கு உதவி செய்வதாகவும் தெரிவித்தார்.
நாங்கள் மேலும் தொடர்ந்து சென்றபோது, அங்குள்ள இஸ்லாமிய மதப்பள்ளியான மதரஸாவின் கூரையில் தீ எரியத் தொடங்குவதைப் பார்த்தோம். எதிரில் உள்ள ஒரு வீட்டிலும் தீப்பற்றி எரியத் தொடங்கியது. மூன்று நிமிடங்களில் பெரும் தீ கொளுந்துவிட்டு எரிந்தது.
அந்த கிராமம் வெறிச்சோடிக் கிடந்தது, அங்கு தீ வைத்து வன்முறைக்குக் காரணமாக இருந்தவர்களைத் தவிர. குழந்தைகளின் விளையாட்டு பொம்மைகள், பெண்களின் ஆடைகள் என வீதியெங்கும் பொருட்கள் சிதறிக் கிடந்தன. சில குவளைகள் பெட்ரோல்களுடன் கிடந்தன.
நாங்கள் அங்கிருந்து வெளியேறும்போது, எரிந்த வீடுகள் அனைத்தும், சிதைந்து, சிதிலங்களாகிவிட்டன.

Thanks:bbc

104 வயதான மூதாட்டி புனித ஹஜ் யாத்திரைக்கு வந்துள்ளார்

Riyadh: இந்தோனேசியாவில் இருந்து 104 வயதான  மாரியா மர்கானி என்ற மூதாட்டி புனித ஹஜ் யாத்திரைக்கு வந்துள்ளார். இந்த ஆண்டு இந்தோனேசியாவில் இருந்து சுமார் 221,000 ஹஜ்ஜாஜிகள் மத்தியில் மிகவும் வயதானவர் இவர்ராகும்.
ஜித்தாவின் இந்தோனேசிய துணை தூதரகத்தின் துணைத் தூதரான முகம்மது  ஷரீபுத்தீன் மரியா நல்ல ஆரோக்கியத்தில் இருப்பதாகவும், ஹஜ் கிரியைகளை எந்தவித பிரச்சனையும் இன்றி செய்ய முடியும் என்றும் கூறினார்.

அவர் சனிக்கிழமை புறப்பட்ட போது இந்தோனேசியா மத விவகார அமைச்சகத்தின் அதிகாரிகளால் சிறப்பு உதவி வழங்கப்பட்டது என ஷரீபுத்தீன் கூறினார்.
அவர் சிறப்பாக ஹஜ் கடமைகளை செய்து,அங்கீகரிக்கப்பட்ட ஹஜ்ஜாக அமைய அல்லாஹ்வைப் பிரார்த்திப்போம்.

மதிப்புமிக்க "கணிதவியலில் ஃபீல்ட்ஸ் பதக்கம்" பெற்ற முதலாவது பெண் மர்யாம் மிர்ஸகானி, அமெரிக்காவில் காலமானார்.

மதிப்புமிக்க "கணிதவியலில் ஃபீல்ட்ஸ் பதக்கம்" பெற்ற முதலாவது பெண் மர்யாம் மிர்ஸகானி, அமெரிக்காவில் காலமானார்.

நாற்பது வயதான அவருக்கு ஏற்பட்ட மார்பகப் புற்றுநோய், எலும்புகளுக்கும் பரவியிருந்தது.

"கணிதவியலுக்கான நோபல் பரிசு" என அழைக்கப்படும் ஃபீல்ட்ஸ் பதக்கம், நாற்பது வயதுக்கு உள்பட்ட கணித மேதைகளுக்கு நான்கு ஆண்டுகளுக்கு ஒருமுறை வழங்கப்படுகிறது.

இந்த பதக்கம் இரானியரான பேராசிரியர் மிர்ஸகானிக்கு 2014-இல் "சிக்கலான வடிவியல் மற்றும் இயக்கவியல் முறைகள்" (complex geometry and dynamical systems) பங்களிப்புக்காக வழங்கப்பட்டது.

"ஒரு விளக்கு இன்று அணைக்கப்பட்டு விட்டது. அது எனது இதயத்தை நொறுக்குகிறது... வெகு தூரத்துக்கு விரைவாகவே சென்று விட்டார்" என்று மிர்ஸகானியின் நண்பரும் நாசா விஞ்ஞானியுமான ஃபிரோஸ் நதேரி, இன்ஸ்டாகிராமில் பதிவிட்டுள்ளார்.

1977-ஆம் ஆண்டில் பிறந்த பேராசிரியர் மிர்ஸகானி, இரானின் புரட்சிக்கு பிந்தைய காலத்தில் வளர்ந்தவர்.

பருவ வயதினருக்கான சர்வதேச கணித ஒலிம்பியாட் போட்டியில் அவர் இரு தங்கப்பதக்கங்களை வென்றுள்ளார்.

ஹார்வர்ட் பல்கலைக்கழகத்தில் 2004-இல் முனைவர் பட்டம் பெற்ற பின்னர், ஸ்டான்ஃபோர்ட் பல்கலைக்கழகத்தில் பேராசிரியராக இருந்தார்.

மூன்று ஆண்டுகளுக்கு முன்பு, அவருக்கு கணிதவியல் ஃபீல்ட்ஸ் பதக்கம் கிடைத்ததும், 1936-இல் நிறுவப்பட்ட அப்பதக்கத்துக்காக நீண்ட காலம் காத்திருந்த கணித சமுதாய பெண்களின் நிலை முடிவுக்கு வந்தது.

அப்பதக்கத்தைப் பெறும் முதலாவது இரானியராகவும் அவர் திகழ்ந்தார்.

ஆக்ஸ்ஃபோர்ட் பல்கலைக்கழகத்தைச் சேர்ந்த பதக்கத்துக்கான தேர்வுக் குழு உறுப்பினரான பேராசிரியர் டேம் பிரான்ஸிஸ் கிர்வான் ஒரு முறை கூறும்போது, "இந்த நாட்டிலும் உலகம் முழுவதும் தங்கள் சுயதிறன் மீது நம்பிக்கை கொள்ளவும், எதிர்காலத்தில் ஃபீல்ட்ஸ் பதக்கம் பெறுபவராக வர வேண்டும் என்ற நோக்கத்துடனும் செயல்பட ஏராளமான சிறுமிகளையும் இளம் பெண்களையும் இந்த விருது ஊக்கப்படுத்தும் என்று நம்புகிறேன்" என்றார்.


Source:bbc

எல்பிட்டிய வர்த்தக நிலையம் தீ வைப்பு

காலி மாவட்டம் எல்பிடிய பிரதேசத்தில் உள்ள முஸ்லிம் வர்த்தகருக்கு சொந்தமான வர்த்தக நிலையம் மீது தீ மூட்டப்பட்டுள்ளது.


லவர்ஸ் பக் என்ற குறித்த வர்த்த நிலையத்தின்  உரிமையாளரின் நெருங்கிய உறவினர் இது தொடர்பில் மடவளை நியுஸுக்கு கருத்து வெளியிடுகையில்

இன்று நள்ளிரவு வேளை இந்த சம்பவம் இடம்பெற்றுள்ளதாகவும் வர்த்தஙக
நிலையத்தின் ஒருபகுதி தீக்கிறையாகியுள்ளதாகவும் உரிமையாளர் பேருவளை பிரதேசத்தை சேர்ந்தவர் இர்ஷாத் எனவும் அவர் குறிப்பிட்டார்.

நண்பர்களுடன் பகிரவும்:

source:madawala news

சமூக வலைகளில் தீயாக பரவும் HIV வைரஸ் ஊசி விவகாரம்.. சுகாதார சேவை பணிப்பாளரின் விளக்கம் இதோ.

வீடுகளுக்கு வந்து இலவசமாக இரத்த மாதிரி பரிசோதனை செய்வதாக கூறி எச்.ஐ.வி வைரஸ்ஸை ஊசி மூலம் உட்செலுத்துவதாக தற்போது சமூகவலைத்தளங்களில் செய்தியொன்று அதிகளவில் பகிரப்பட்டு வருகின்றது.

வீடுகளுக்கு வந்து இலவசமாக இரத்த மாதிரி பரிசோதனை செய்வதாக கூறி எச்.ஐ.வி வைரஸ்ஸை ஊசி மூலம் உட்செலுத்துவதாக அந்த செய்தியில் குறிப்பிடப்பட்டுள்ளது.

இது ஐ.எஸ் தீவிரவாதிகளின் திட்டம் என அதில் குறிப்பிடப்பட்டுள்ளது.

தமிழ் சிங்களம் மற்றும் ஆங்கில மொழிகள் ஊடாக சமூகவலைத்தளங்களில் இந்த செய்தி தற்போது உலாவருகின்றது.

இதன் உண்மை விபரம் தொடர்பில் சுகாதார சேவை பணிப்பாளர் நாயகம் இவ்வாறு கருத்து தெரிவித்தார்,

"நாட்டின் பல மாவட்டங்களில் இரவு வேளையில் பொது சுகாதார பரிசோதகர்கள், அவர்களது சீருடையில் உத்தியோகபூர்வ அடையாள அட்டையுடன் வீடுகளுக்கு வருவார்கள் யானைக் கால் நோய் தொடர்பில் இரத்த மாதிரிகளை சேகரிப்பதற்கான உரிய பிரதேங்களுக்கு.

இது இலங்கையில் சுகாதார சேவையில் ஏற்றுக்கொள்ளப்பட்ட தேசிய திட்டத்தின் ஒரு பகுதியாகும்.

எனவே போலியான எச்சரிக்கையை விடுத்து மக்களை அச்சுறுத்துவதற்காக முன்னெடுக்கப்படும் ஒரு முயற்சி இது என்பதால் யாரும் ஏமாற்றம் அடைய வேண்டாம்.

இது போன்ற சந்தர்ப்பங்களில் எவருக்காது சந்தேகம் ஏற்படுமாயின் அவர்களின் உத்தியோகபூர்வ அடையாள அட்டையை கோரமுடியும்.

எனவே இது போன்ற பொய்யான தகவல்களால் ஏமாற வேண்டாம்" என அவர் தெரிவித்துள்ளார்.

அதேவேளை சம்பவம் தொடர்பில்   இதுவரை எவ்வித முறைப்பாடுகளும் கிடைக்கப்பெறவில்லை என காவற்துறை ஊடகப் பேச்சாளரும்  தெரிவித்துள்ளார்.

பொது சுகாதார பரிசோதகர்கள் தவிர்ந்த வேறு யாராவது இது போன்று வீடுகளுக்கு வந்தால் அருகில் உள்ள காவற்துறைக்கோ, அல்லது 119 என்ற அவசர தொலைபேசி இலக்கத்திற்கோ அழைத்து அறிவிக்குமாறு அவர் மேலும் கோரியுள்ளார்.



நண்பர்களுடன் பகிரவும்:





Source:Madawala news

மியன்மார் அகதிகளை மனிதாபிமானத்துடன் பார்த்த மல்லாகம் நீதிவான் கருணாகரன்

புகலிடம் கோரி இலங்கை கடற்பரப்பில் தத்தளித்துகொண்டிருந்த நிலையில் இலங்கை கடற்படையினரால் காப்பாற்றப்பட்ட 30 மியன்மார் நாட்டை

சேர்ந்த அகதிகள் அனைவரையும் யாழ்ப்பாணம் சட்ட வைத்திய அதிகாரி முன்னிலையில் முற்படுத்தி பரிசோதனைகளை மேற்கொண்ட பின்னர் உடனடியாக அவர்களது உணவு காலாச்சாரமானது வேறுபட்டதாக உள்ளமையால் அவர்களுக்கு தரமான உலர் உணவுகளை வழங்க மல்லாகம் நீதிவான் உத்தரவிட்டிருந்தார்.

கடந்த ஞாயிற்றுக்கிழமை காலை காங்கேசன்துறை கடற்பரப்பில் தத்தளித்துக்கொண்டிருந்த மியன்மார் நாட்டை சேர்ந்த 30பேரை இந்திய மீனவர்கள் இருவர் காப்பாற்ற முயன்றிருந்தனர். இதன்போது அங்கு சென்ற காங்கேசன்துறை கடற்படை முகாமை சேர்ந்த கடற்படையினர் அவர்கள் அனைவரையும் பாதுகாப்பாக மீட்டு காங்கேசன்துறை பொலிஸாரிடம் ஒப்படைத்திருந்தனர். இதில் 6 குடும்பங்களை சேர்ந்த 16 சிறுவர்களும் 7ஆண்களும் 7பெண்களும் காணப்பட்டதுடன் இவர்களில் ஒருவர் திருமணமாகாத பெண்ணாகவும் மற்றுமொருவர் கர்ப்பிணி பெண்ணாகவும் காணப்பட்டிருந்தனர்.
இந்நிலையில் நேற்றைய தினம் (2-5-2017) வரை விளக்கமறியலில் வைக்கப்பட்டிருந்த இவர்களை மீண்டும் நேற்று(2-5-2017) மல்லாகம் நீதிவான் நீதிமன்றில் சிறைச்சாலை அதிகாரிகள் முற்படுத்தியிருந்தனர். இதன்போது காங்கேசன்துறை பொலிஸார் இவர்கள் மீது குடிவரவு குடியகல்வு சட்டத்தின் 45 சி பிரிவின் கீழ் பி அறிக்கையொன்றையும் மன்றில் சமர்பித்திருந்தனர்.

இந்நிலையில் மியன்மார் அகதிகள் அனைவரையும் நுகேகொட மிரிஹானை தடுப்பு முகாமில் வைக்குமாறும் அத்துடன் எனைய இரு இந்தியர்களையும் சட்டமா அதிபரின் உத்தரவு கிடைக்கும் வரை தடுத்து வைக்கவும் மல்லாகம் நீதவான் நீதிமன்ற நீதிவான் கருணாகரன் உத்தரவிட்டிருந்தார்.
 இதேவேளை ஆசிய பசுப்பிக் பிராந்திய அகதிகள் குழுமத்தினர் சிவில் அமைப்புக்கள் அகில இலங்கை மக்கள் காங்கிரசின் சட்டப்பிரிவு ஆகியோர் விடுத்த கோரிக்கைகளுக்கு அமைய இவ் மியன்மார் முஸ்லீம் அகதிகள் சார்பில் சட்டத்தரணி ருஸ்தி ஹபீப் மன்றில் முன்னிலையாகியிருந்தார்.

மன்றில் முன்னிலையான சட்டத்தரணி இலங்கையானது அகதிகள் அந்தஸ்த்து உடன்படிக்கையில் கைச்சாத்திடாத போதும் 2005ஆம் ஆண்டு ஏற்படுத்தப்பட்ட ஜக்கிய நாடுகள் அகதிகள் அமைப்பு உடன்படிக்கையின் பிரகாரம் புகலிடம் வழங்க கூடிய நாட்டுக்கு அனுப்பி வைக்கும் வரை இவர்களை மிரிஹானை தடுப்பு முகாமிற்கு அனுப்ப வேண்டும் என கோரியிருந்தார். அத்துடன் இவ் வழக்கு நடவடிக்கையும் மிரிஹானை பகுதிக்கு அண்மையான நீதிமன்றுக்கு மாற்ற வேண்டும் எனவும் அவர் மன்றை கோரியிருந்தார்.
இவ்வாறு செய்வதனூடாக இவர்களுக்கு சர்வதேச ரீதியான அகதிகள் அந்தஸ்த்தும்இ பாதுகாப்பும் கிடைக்கும் எனவும்இ ஜக்கிய நாடுகள் அகதிகள் அமைப்பினூடாக அகதி அந்தஸ்த்து வழங்க கூடிய வேறொரு நாட்டிற்கு அனுப்ப முடியும் எனவும் அவர் மன்றில் குறிப்பிட்டிருந்தார்.
இதனை தொடர்ந்து குறித்த மியன்மார் தேசத்தவர்களை மனிதாபிமானத்துடன் பார்த்த நீதிவான் அவர்கள் அனைவரையும் யாழ்ப்பாணம் சட்ட வைத்திய அதிகாரி முன்னிலையில் முற்படுத்தி பரிசோதனைகளை மெற்கொண்ட பின்னர் உடனடியாக மிரிஹானை தடுப்பு முகாமிற்கு மாற்றுமாறு உத்தரவிட்டார். அத்துடன் அவர்களது உணவு காலாச்சாரமானது எம்மில் இருந்து வேறுபட்டதாக உள்ளமையால் அவர்களுக்கு தரமான உலர் உணவுகளை வழங்கவும் உத்தரவிட்டிருந்தார். அத்துடன் அவர்களை காப்பாற்றிய இரண்டு இந்திய மீனவர்களையும் விடுதலை செய்வதற்கான சட்டமா அதிபர் திணைக்கள உத்தரவு கிடைக்கப்படும் வரை தடுத்து வைக்கவும் நீதிவான் கருணாகரன் உத்தரவிட்டிருந்தார்.
மேலும் வழக்கு நடவடிக்கையானது மிரிஹானை பகுதிக்கு அண்மையான நீதிமன்றுக்கு மாற்றுவது தொடர்பில் சட்டமா அதிபர் திணைக்களமே முடிவெடுக்க வேண்டும் எனவும் நீதிவான் குறிப்பிட்டிருந்தார்.
இதேவேளை குறித்த 30 மியன்மார் நாட்டை சேர்ந்த முஸ்லிம் மக்களும் கடந்த 2012ஆம் ஆண்டு அங்கு காணப்பட்ட இன ஒடுக்கு முறை காரணமாக புகலிடம் கோரி இந்தியாவிற்கு சென்றிருந்தனர். இதன்போது இந்தியாவில் தடுத்து வைக்கப்பட்டிருந்த இவர்கள் அங்கு வழக்கு இடம்பெற்று அங்கிருந்து வெளியேற்றப்பட்டிருந்தனர். இவ்வாறு வெளியேற்றப்பட்ட மக்கள் புகலிடம் கோரிரே இலங்கை கடல் எல்லைக்குள் நூழைந்தே விபத்தில் சிக்கிய நிலையில் கடற்படையினரால் மீட்கப்பட்டிருந்தமை குறிப்பிடத்க்கதாகும்.

Source:madawala news

Indonesian Qur’an reciter dies live on-air

Indonesian reciter Sheikh Ja’afar Abdulrahman died while reciting verses of the Qur’an during a live broadcast Tuesday during a national ceremony in the presence of the Indonesian Social Affairs Minister.
The four-minute video clip that caught the moment of the Sheikh’s death has been widely circulated on social media.
The late reciter appeared to have been struck by a sudden collapse while reading verses from the Al-Mulk chapter, where he kept on reciting until he was rescued by a medical team and removed on a stretcher.
A number of social media users who circulated the footage praised the reciter’s death saying “what an honorable way to die” and wishing the same fate for them and their loved ones.

இரவில் அடிக்கடி சிறுநீர் கழிப்பவரா நீங்கள்? சிக்கல்களை வெளிப்படுத்துகிறது ஆய்வு

இரவில் சிறுநீர் கழிக்க தூக்கத்திலிருந்து எழுபவர்கள் தங்கள் உணவில் எடுத்துக் கொள்ளும் உப்பின் அளவைக் குறைத்து கொள்ள வேண்டும் என ஜப்பான் மருத்துவர்கள் பரிந்துரைக்கின்றனர்.

இரவில் அதிகப்படியான சிறுநீர் கழிக்கும் நிலையான நாக்டுரியா, குறிப்பாக 60 வயதை தாண்டியவர்களுக்கு வருகிறது; அதனால் இரவில் தூக்கம் தடைபடுவதால் அது வாழ்க்கை நடைமுறையை பாதிக்கிறது.
300 தன்னார்வலர்களிடம் மேற்கொண்ட ஆய்வில், உப்பின் அளவை குறைவாக எடுத்துக் கொள்வதனால் குறைந்த அளவில் சிறுநீர் கழிக்க வழிவகுக்கிறது என ஆய்வாளர்கள் கண்டறிந்துள்ளனர்.
சமச்சீர் உணவு, இந்த பிரச்சனையை சரி செய்ய உதவும் என பிரிட்டன் மருத்துவர்கள் தெரிவிக்கின்றனர்.

லண்டனில் நடைபெற்ற ஐரோப்பிய சிறுநீரகவியல் கூட்டமைப்பு கூட்டத்தில், நாகசாகி பல்கலைக் கழகத்தின் ஆய்வாளர்கள் தங்கள் ஆய்வுகளை சமர்பித்தனர்.
மூன்று மாதங்களாக அதிக உப்பை எடுத்துக் கொள்ளும் நோயாளிகள் மற்றும் உறக்க கோளாறு இருக்கும் நோயாளிகளிடம் அவர்களின் உப்பின் அளவை குறைத்துக் கொள்ளுமாறு அறிவுறுத்தி பின் அவர்களை கண்கானித்தனர்
அதன்பிறகு சராசரியாக, இரண்டு முறை சிறுநீர் கழிப்பது, ஒரு முறையாக குறைந்தது.
இந்த மாற்றம், பகல் மற்றும் இரவு ஆகிய இரண்டு வேளைகளிலும் ஏற்பட்டது. மேலும் அவர்கள் வாழ்க்கை தரமும் உயர்ந்தது.
சிறுநீர் கழிக்கச் செய்யும் உணர்வு
***********************************

மாறாக, 98 பேர், வழக்கத்தை காட்டிலும் அதிகப்படியான உப்பை உட்கொண்டார்கள். எனவே இரவு நேரத்தில் அவர்கள் அடிக்கடி சிறுநீர் கழிக்க நேர்ந்தது
அதிக அளவில் உப்பு எடுத்துக் கொள்ளுதல் மற்றும் சிறுநீர் கழித்தல் ஆகிய இரண்டிற்கும் உள்ள தொடர்பை உறுதி செய்ய மேலும் ஆய்வுகள் தேவை ஆனால் இந்த விளைவு முதியவர்களுக்கு உதவும் என இந்த அய்வை மேற்கொள்ளும் பேராசிரியர் மாட்சூ டாமஹீரோ தெரிவித்தார்.
"எளிய உணவுமுறை மாற்றத்தின் மூலம் குறிப்பிடத்தக்க அளவில் வாழ்க்கை தரத்தை மாற்ற இயலும் என்பதை இந்த ஆய்வு சாத்தியமாக்கியுள்ளது" என அவர் தெரிவித்துள்ளார்.
பிரிஸ்டல் பல்கலைக்கழகத்தின் நாக்டுரிய நிபுணர் பேராசிரியர் மார்கஸ் டிரேக், பொதுவாக அடிக்கடி சிறுநீர் கழிக்கும் பழக்கத்திற்கு மக்கள் உட்கொள்ளும் உப்பின் அளவு காரணமல்ல என்று தெரிவித்துள்ளார்.

பொதுவாக படுக்கைக்குச் செல்லும் முன் எடுத்துக் கொள்ளும் குடிநீரின் அளவு, சிறுநீர்ப்பை மற்றும் ஆண்களில் பிராஸ்டேட் சுரப்பிகளின் பிரச்சனைகள் ஆகியவற்றில் மருத்துவர்கள் கவனம் செலுத்துவர் என்று அவர் தெரிவித்துள்ளார்.
"இந்த பிரச்சனைக்கான அனைத்து காரணத்தையும் சரி செய்வது எப்படி என்ற பயனுள்ள ஆய்வு நம்மிடம் உள்ளது" என்று அவர் தெரிவித்துள்ளார்.
இரவில் சிறுநீர் கழிக்க எழும்பும் பிரச்சனை பாதியளவிலான 50வயதுக்கு மேற்பட்ட ஆண் மற்றும் பெண்களை பாதிக்கின்றது.
இது வயது முதியவர்களிடம் அதிகமாக காணப்படுகிறது; அவர்கள் குறைந்தது இரண்டு முறையாவது இரவில் தூக்கித்திலிருந்து எழும்புகிறார்கள்.
இரண்டு அல்லது அதற்கு மேற்பட்ட முறை சிறுநீர் கழிக்கச் செல்லும் போது தூக்கம் கலைகிறது அதனால் மன அழுத்தம், உடல் சோர்வு மற்றும் சகிப்புத்தன்மையற்ற நிலை ஏற்படுகிறது.
வயதாவதால் ஏற்படும் பக்க விளைவா?
*******************************************
வயதாகும் போது ஏற்படும் ஹார்மோன் மாற்றங்களாலும் இரவில் அதிக முறை சிறுநீர் கழிக்கும் நிலை ஏற்படுகிறது.
வயது அதிகமாக ஆண்களின் பிராஸ்டேட் சுரப்பிகளும் அளவில் பெரிதாகின்றன.
அதிக அளவு உடைய பிராஸ்டேட் சுரப்பி, உடலை விட்டு வெளியேறும் போது சிறுநீர் கடந்து செல்லும் குழாயை உரசுவதால் அது சிறுநீர் கழிக்கும் உணர்வை தூண்டுகிறது.
ஆனால் இது முழுமையான காரணம் அல்ல.
பிற உடல்நல பிரச்சனைகளான நீரிழிவு, இதய கோளாறுகள் அல்லது உறங்கும் போது மூச்சுத்திணறல் என்பது போன்ற உறக்கம் தொடர்பான கோளாறுகள் ஆகியவை நாக்டுரியாவின் காரணமாக இருக்கலாம்.

எந்த அளவு உப்பை எடுத்துக் கொள்ளலாம்?
************************************************

பிரிட்டனில் உள்ள 18 வயதிற்கு மேற்பட்டவர்கள் நாள் ஒன்றிற்கு 6 கிராம் உப்பிற்கு (2.4கிராம் அளவு சோடியம்) மேல் எடுத்துக் கொள்ள கூடாது என்று பரிந்துரைக்கப்பட்டுள்ளது
1-3வயதிற்குட்பட்ட குழந்தைகள் 2 கிராமிற்கும் குறைவான உப்பை எடுத்துக் கொள்ள வேண்டும்; 7-10 வயது குழந்தைகள் 5 கிராம் உப்பு வரை எடுத்துக் கொள்ளலாம்
11 வயதிற்கு மேற்பட்ட குழந்தைகள் 6 கிராம் உப்பு வரை எடுத்துக் கொள்ளலாம்.
எந்தெந்த உணவில் உப்பின் அளவு அதிக காணப்படுகிறது?
ரொட்டி மற்றும் காலை உணவு தானியங்களில் நாம் நினைக்கும் அளவைக் காட்டிலும் உப்பின் அளவு அதிகமாக இருக்கும்.
உணவுப் பொருட்களை வாங்கும் போது 100கிராம் உணவில் எத்தனை அளவு உப்பு கலந்துள்ளது என்பதை கவனிக்க வேண்டும்.
100கிராம் உணவில் 1.5 கிராம் அளவில் உப்பு இருந்தால் அது அதிக அளவாக கருதப்படுகிறது; இது, உணவு பாக்கெட்டுகளில் சிவப்பு நிற கோடிட்டு இருக்கும்.

வேகமாக வளரும் இஸ்லாம்: 2050இல் இந்தியாவே முஸ்லிம்கள் அதிகம் வாழும் நாடாக இருக்குமாம்

கிறிஸ்தவ மதத்துக்கு அடுத்தபடியாக உலகின் இரண்டாவது பெரிய மதமாக இஸ்லாம் இருக்கின்றது.

ஆனால், தற்போதைய மக்கள் தொகை வளர்ச்சிப்போக்கு தொடர்ந்தால் அந்த
நிலை மாறும்.

உலகின் வேகமாக வளரும் மதம் இஸ்லாமே என்கிறது அமெரிக்காவை தளமாகக்கொண்ட பீவ் ஆய்வு நிலைய ஆய்வு அறிக்கை.

இவை குறித்த பிபிசியின் விளக்க காணொளி.

உலகின் பார்வையிலிருந்து மறைக்கப்பட்ட மியன்மாரின் முஸ்லிம்களுக்கு எதிரான அதிரவைக்கும் காணொளிகள்

பகிர்க
மியன்மாரில் சுமார் பத்துலட்சம் ரோஹிஞ்சாக்கள் வாழ்ந்தாலும் அவர்களுக்கு அங்கே குடியுரிமை இல்லை.
அடிப்படை மனித உரிமைகளும் மறுக்கப்படுகின்றன.
வேண்டாத முஸ்லிம் சிறுபான்மையினரை பர்மிய இராணுவத்தினர் கையாளும் விதம் குறித்த தகவல்களை இரகசியமாக வைக்கவே பர்மிய அரசு முயல்கிறது.
ஆனால் உலகின் பார்வையிலிருந்து பெருமளவு மறைக்கப்பட்ட மியன்மாரின் ரக்கைன் மாகாணத்திலிருந்து பிபிசிக்கு மாதக்கணக்கில் அதிரவைக்கும் காணொளிகள் வந்தபடி இருந்தன.
கடந்த ஆறுமாதங்களில் எழுபத்தைந்தாயிரம் பேர் நாட்டிலிருந்து வெளியேறியுள்ளனர்.
அவர்களில் பலர் தற்போது வங்கதேசத்தில் தங்கியுள்ளனர்.
கொடூரமான கொலைகள், மோசமான பாலியல் பலாத்காரம் உள்ளிட்ட மோசமான மனித உரிமை மீறல்கள் தமக்கு இழைக்கப்பட்டதாக அவர்கள் பிபிசியிடம் தெரிவித்துள்ளனர்.
அவர்கள் சொல்வதை ஹெலிகாப்டரிலிருந்து எடுக்கப்பட்ட வீடியோக்கள் மூலம் பிபிசி ஆராய்ந்தது.
எரிந்த வீடுகளையும் ஏராளமான எரிந்த சடலங்களையும் அந்த காட்சிகள் காட்டின.
பரவலான பாலியல் வல்லுறப்புகார்களும் கூறப்படுகின்றன. அரசாங்க புலனாய்வாளர்களிடம் ரோஹிஞ்சா பெண்களுக்கு நடந்த கொடுமைகளை தைரியமாக பேசியதன் மூலம் ஜமலிடா பேகம் மியன்மாரில் பிரபலமானார்.
சிலமாதங்களுக்குப்பின் ஜமாலிடாவை பிபிசி வங்கதேசத்தில் சந்தித்தது. புகைப்படத்தின்மூலம் இராணுவத்தினர் தன்னை தேடியதால் வங்கதேசம் தப்பி வந்ததாக பிபிசியிடம் தெரிவித்தார்.
நூற்றுக்கணக்கானவர்கள் கொல்லப்பட்டு பலநூறுபேர் பாலியல் வல்லுறவுக்குள்ளாக்கப்பட்டதாக ரோஹிஞ்சா அகதிகள் தெரிவிக்கும் புகார்கள் ஐநா தூதரை அதிர்ச்சிக்குள்ளாக்கியிருக்கிறது.
இவை மனித குலத்துக்கு எதிரான குற்றங்களென்றே தான் நம்புவதாக தெரிவித்தார் மியன்மாரிலுள்ள ஐநாவின் மனித உரிமைகளுக்கான சிறப்பு பிரதிநிதி யாங்கீ லீ.
இவற்றுக்கு மியன்மார் தலைவி ஆங்க்சான் சூசியின் அரசாங்கம் பதில் சொல்ல வேண்டும் என்று வலியுறுத்திய யாங்க் லீ, “இறுதியில் சிவில் அரசாங்கமே இதற்கெல்லாம் பதில் சொல்லவேண்டும். சொந்த மக்கள் மீதே மோசமான சித்ரவதைகள், மனிதத்தன்மையற்ற குற்றங்கள் நிகழ்த்தப்பட்டிருப்பதற்கு அரசு தான் பதிலளிக்கவேண்டும்”, என்றார்.
ஆனால் இந்த விவகாரம் குறித்து மியன்மார் ஜனநாயகத்துக்கான முன்னாள் போராளியாக பார்க்கப்பட்ட ஆங் சான் சூசி பிபிசிக்கு பேட்டியளிக்க மறுத்துவிட்டார்.
விடாப்பிடியாக அவருக்கு நெருக்கமான தலைவர் ஒருவரிடம் பிபிசி பேசியது.
ஜனநாயகத்துக்கான தேசிய முன்னணி பேச்சாளர் வின் டேன், இது மனித குலத்துக்கு எதிரான குற்றங்களென்று தாங்கள் நம்பவில்லை என்றும் இது உள்நாட்டு விவகாரமேயன்றி வெளிநாட்டு பிரச்சனையல்ல என்றும் பிபிசியிடம் தெரிவித்தார்.
நூற்றுக்கணக்கான ரோஹிஞ்சாக்கள் கொல்லப்பட்டிருப்பதாக சொல்லப்படுவதையும் அவர் நிராகரித்தார்.
ஆங்சான் சூசி ஆட்சிக்கு வந்து ஏறக்குறைய ஓராண்டாகப்போகிறது. ஒருகாலத்தில் அவரோடு அடையாளப்படுத்தப்பட்ட கொள்கைகள், மதிப்பீடுகள் தொடர்பில் அவர் கடைபிடிக்கும் தற்போதைய மௌனமே ஆட்சி அதிகாரத்திற்கான அவரது விலையாக இருந்து வருகிறது.
இதில் வரும் காட்சிகள் சிலரை சங்கடப்படுத்தலாம்.

source:bbc

புற்றுநோய், மாரடைப்பைத் தடுத்து நிறுத்தும் பழம், காய்கறிகள் பட்டியல்

தற்போதைய காலகட்டத்தில் மனிதர்களுக்கு பெரும் பாதி்பபை ஏற்படுத்கக் கூடிய புற்றுநோய் மற்றும் மாரடைப்பு ஆகியவற்றை சரியான பழங்கள் மற்றும் காய்கறிகளை உண்பதன் மூலம் தடுக்க முடியும் என்று ஆராய்ச்சியாளர்கள் தெரிவித்துள்ளனர்.

ஜம்வு மற்றும் கஸர் தொழுகை சட்டங்கள்

ஜம்வு மற்றும் கஸர் தொழுகை சட்டங்கள் (ஃபிக்ஹ் தொடர்)
(பிரயாணத்தின்போது சேர்த்து மற்றும் சுருக்கித் தொழுதல்)
வழங்குபவர்: மவ்லவி K.L.M. இப்ராஹீம் மதனீ,
நாள்: 27.02.2017 (திங்கள்)
ஏற்பாடு: அழைப்பு மையம், ஸனாய்யா, ஜித்தா


நன்றி:இஸ்லாம் கல்வி.கொம்

'மன உளைச்சலால் பாதிப்படைந்தவர்களுக்கு புற்று நோயால் மரணம் ஏற்பட ஆபத்து அதிகம்'

கவலை மற்றும் மன அழுத்தத்தால் பாதிக்கப்பட்டவர்களுக்கு புற்றுநோயால் மரணம் ஏற்பட ஆபத்து அதிகம் உள்ளதாக ஆதாரங்களை விஞ்ஞானிகள் சமர்ப்பித்துள்ளனர்.
இங்கிலாந்து மற்றும் வேல்ஸில் புற்று நோய் பாதிப்பில்லாத ஒரு லட்சத்தி 60 ஆயிரம் பேர்களில் நடத்தப்பட்ட ஒரு ஆய்வில், குறைந்த அளவு மன உளைச்சல் அடைந்தவர்களை விட, மன உளைச்சலால் அதிக பாதிப்படைந்தவர்களுக்கு பல வகையான புற்று நோய்களால் ஏற்படும் உயிர் ஆபத்து மூன்று பங்கு அதிகமுள்ளதாக கண்டறியப்பட்டுள்ளது.
குடல், விந்துப்பை , கணையம் மற்றும் உணவுக்குழாய் ஆகியவற்றில் உண்டாகும் புற்றுநோய் ஆபத்து இவர்களுக்கு அதிகமுள்ளதாக கூறப்பட்டுள்ளது.
இது குறித்த ஒரு திட்டவட்டமான காரண இணைப்பை உருவாக்க மேலும் அதிக ஆய்வு பணி தேவைப்படுகிறது என பிஎம்ஜே என்றழைக்கப்படும் பிரிட்டிஷ் மருத்துவ இதழில் ஆராய்ச்சியாளர்கள் வலியுறுத்தியுள்ளனர்.

நன்றி:பிபிசி தமிழ்

குழந்தைகளுடனான பெற்றோரின் உறவு- உளவியல் ஆலோசனை

– றவூப் ஸெய்ன் –

குழந்தைகளுடனான பெற்றோரின் இங்கிதமான உறவுகள் அவர்களது எதிர்கால ஆளுமையில் நேரிடையான தாக்கங்களை ஏற்படுத்துகின்றன. குழந்தையின் ஆளுமையை வடிவமைப்பதில் பெற்றோருக்கும் குழந்தைகளுக்கும் இடையிலான இடைவினைகள் முக்கியமானவை. மிகக் குறிப்பாக குழந்தைகளுடனான ஆரோக்கியமான உரையாடல்கள் இன்றியமையாதவை.

குழந்தைகளுடனான உரையாடல்கள் அவர்களில் தன்னியல்பான அன்புத் தேவையை பெருமளவு பூர்த்தி செய்கிறது. தனிமை, மன இறுக்கம் போன்றவற்றை நீக்குவதோடு, மகிழ்ச்சியாக வைத்திருப்பதற்கும் உதவுகின்றது.

பிள்ளைகளின் எதிர்பார்ப்புக்களை பெற்றோர் அறிந்துகொள்ளவும் அவர்களை சாதகமான மனவெழுச்சிகளோடு (Positive Emotion) மகிழ்ச்சி, தன்னம் பிக்கை, மனஉறுதி- வளரவும், வளர்க்கவும் துணை செய்கின்றது. உரையாடல்கள் வெறும் உரையாடல்களுக்காக அன்றி குழந்தைகளின் அறிகை, மொழி, சமூக வளர்ச்சிக்கு பெருமளவு பங்காற்றுவதாக குழந்தை உளவியலாளர்கள் மற்றும் மருத்துவர்கள் உறுதி செய்கின்றனர்.

மனைவி மக்களின் சீர்திருத்தத்திற்காக வேண்டிய பிரார்த்தனை

ரியாத் தமிழ் தஃவா ஒன்றியம் வழங்கும்
மாதாந்த குடும்ப ஒன்றுகூடல் மார்க்க நிகழ்ச்சி
அல்குர்ஆன் விளக்கம் – மனைவி மக்களின் சீர்திருத்தத்திற்காக வேண்டிய பிரார்த்தனை
வழங்குபவர் : மவ்லவி. இல்ஹாம் உவைஸ்
தேதி : 17 – 02 – 2017
சுலை லூஃ லூஃ இஸ்திராஹா – ரியாத்
source:islam kalvi.com


நண்பர்களுக்கும் பகிரவும்

இதையும் பார்க்கவும்

கட்டுகுறுந்த படகு விபத்தில் 11 பேர் பலி (VIDEO)

 கட்டுகுறுந்த கடற்பரப்பில் இடம்பெற்ற படகு விபத்தில் உயிரிழந்தவர்களின் எண்ணிக்கை 11 ஆக உயர்ந்துள்ளது.

இதேவேளை, காணாமல் போனவர்களை தேடுவதற்காக 3 டோரா படகுகளும், ஹெலிகொப்டர் ஒன்றும் பயன்படுத்தப்பட்டுள்ளதாக தெரிவிக்கப்பட்டுள்ளது.

உயிரிழந்துள்ளவர்களில் 12 வயதான பிள்ளையொன்றும் உள்ள நிலையில், மேலும் கடலில் மூழ்கிய 32 பேர் மீட்கப்பட்டு மருத்துவனையில் அனுமதிக்கப்பட்டுள்ளனர்.
26 பேர் பேருவளை வைத்தியசாலையிலும், 6 பேர் நாகொட வைத்தியசாலையிலும் சிகிச்சை பெறுகின்றனர்.
இன்று காலை பேருவளையில் இருந்து களுத்துறை - ஸ்ரீகுருச தேவாலயத்திற்கு சென்ற நபர்கள் பயணித்த படகே இவ்வாறு விபத்திற்கு உள்ளாகியுள்ளது.

இதயம் காக்கும் பேஸ்மேக்கரில் புதிய தொழில்நுட்பம்!

பேஸ்மேக்கர் என்றால் என்ன?
நம் இதயத்தின் வலது மேலறையில் ஒரு சிறிய ஜெனரேட்டர் மாதிரியான பயன்பாட்டில் ‘மின் கணு’(SA Node) உள்ளது. இதுதான் மின்சாரத்தை உற்பத்திசெய்து இதயத்தைத் துடிக்கச் செய்கிறது. சிலருக்கு இந்த இயற்கை மின்னோட்டம் உற்பத்தி ஆவதிலும், இதைத் இதயத் தசைகளுக்குக் கொண்டுசெல்வதிலும் சிரமங்கள் ஏற்படும். அப்போது அவர்களுக்கு நாடித்துடிப்பு குறைந்துவிடும். அதனால், அடிக்கடி நெஞ்சில் படபடப்பு ஏற்படும். அதிகம் வியர்க்கும். தலை சுற்றி, மயக்கம் வந்து விழுந்துவிடுவார்கள். முக்கியமாக, 50 வயதைக் கடந்தவர்களுக்கு இந்தப் பிரச்சினை அதிகம்.

ஜனாஸாவுக்குச் செய்ய வேண்டிய கடமைகள்

இன்றைய கால சூழலில் ஒருவர் மரணத்தருவாயை அடையும் போதும் , மரணித்தவுடன் என்ன காரியங்கள் உடனடியாக செய்ய வேண்டும் என்று பெரும்பான்மையான மக்களுக்கு தெரியாமல் உள்ளனர் அல்லது தெரிந்துகொள்ள விரும்பாமல் இருக்கின்றார்கள். குறிப்பாக தவ்ஹீத் பேசும் நம்மில் பலருக்கும் இதே நிலைதான். மவ்லவி இம்தியாஸ் யூசுப் ஸலபி எழுதிய ஜனாஸாவுக்குச் செய்ய வேண்டிய கடமைகள் என்ற நூலை வாசகர்கள் பயன்பெறும் பொருட்டு (மின்னனு வடிவில்) இங்கு பதிவிடப்படுகின்றது இதனை படித்து பயன்பெறுமாறு கேட்டுகொள்கின்றோம்.



ஜனாஸாவுக்குச் செய்ய வேண்டிய கடமைகள் (E-Book)
ஆசிரியர்: மவ்லவி இம்தியாஸ் யூசுப் ஸலபி

அட்டவணை – Index

1. மரணத்தருவாயில் செய்ய வேண்டியவை

2. உயிர் பிரிந்து விட்டால்

3. பொறுமையை கையாளுதல்

4. செய்யக்கூடாதவைகள்

5. மையித்தை பார்க்கும் போது

6. நல்ல மையியத்தின் அடையாளம்

7. மையத்தை குளிப்பாட்டுதல்

8. குளிப்பாட்டும் ஓழுங்குகள்

9. கபன் செய்தல்

a. ஆண் மையத்தின் கபன் துணி

b. பெண் மையத்தின் கபன் துணி

10. மவுனமாக விரைவாக எடுத்துச்செல்லல்

11. ஜனாஸா தொழுகை விவரம்

12. அடக்கம் செய்தல்

13. மையித்தை கப்ரில் வைக்கும் போது

14. தல்கீன்:

15. மையித்தை அடக்கிய பின்

16. தவிர்க்க வேண்டியவைகள்

17. பச்சை மட்டை நடுதல்

18. மையவாடிக்கு நுழையும் போது
விரிவாக படிக்க கீழுல்ல இனைப்பு மூலம் இதனை தரவிறக்கிக்கொள்ளவும்.
            ⬇
 E-BOOK - PDF


source:Islam kalvi.com

பார்வை இழப்பு- வயது சார்ந்த மக்கியூலா சிதைவு நோய்

வயதாகும்போது பார்வைக் குறைபாடுகள்

வயதாகும்போது பெரும்பாலானோருக்கு ஏற்படும் பார்வைக் குறைபாடுகளுக்கு பல்வேறு நோய்கள் காரணமாக உள்ளன. கற்றரக்ட் எனப்படும் கண்புரை நோய் சத்திரசிகிச்சை மூலம் பூரணமாகக் குணப்படுத்தக் கூடியதாகும்.


கண்ணில் பிரஷர் எனப்படும் குளுக்கோமா, நீரிழிவினால் ஏற்படும் விழித்திரைப் பாதிப்பு மற்றும் இங்கு தொடர்ந்து பேச இருக்கும் வயது சார்ந்த மக்கியூலா சிதைவு நோய் ஆகியன அவ்வாறல்ல. அவற்றை முற்று முழுதாகக் குணமாக்குவது சாத்திமல்ல.

ஆனாலும் ஆரம்ப கட்டத்தில் கண்டு பிடிப்பதாலும் தொடர்ச்சியான சிகிச்சைகளாலும் ஓரளவு குணமாக்குவதுடன், நோய் மேலும் மோசமடையமல் தடுக்கவும் முடியும்.
வயது சார்ந்த மக்கியூலா சிதைவு (age related macular degeneration- ARMD)

மக்கியூலா என்பது எமது கண்ணில் உள்ள ஓரு சின்னஞ்சிறு பகுதியாகும் இதன் விட்டம் 5 மில்லிமீற்றர் அளவு மட்டுமே. இருந்தபோதும் எமது பார்வைக்கு அவசியமான கலங்களான  rods and cones  மிகவும் செறிவாக நிறைந்துள்ள பகுதி இதுவாகும். நுணுக்கமான பார்வைக்கு மிகவும் அவசியமான பகுதி இதுவாகும். வாசிப்பது எழுதுவது முகங்களை இனங் காண்பது போன்ற நுண்ணிய விடயங்களுக்கு அவசியமானதாகும்.


விழித்திரையின் மிகுதிப் பெரும் பகுதி பரந்த பார்வைக்கு உரியதாகும். குறித்த ஒரு பகுதியை என்றல்லாது முழுக் காட்சியையும் உள்வாங்குவதாகும். எனவே மக்கியூலா சிதைவு நோயின் போது பார்வை முழமையக இல்லாது போகாது.

மக்கியூலா பகுதியில் உள்ள கலங்கள் சேதமடைவதற்குக் காரணம் விழித்திரை மற்றும் மக்கியூலாவின் பின் பகுதியில் இருந்து அதற்கான போசனைப் பொருட்களை வழங்குவதுடன் அதிலிருந்து கழிப்புப் பொருட்களையும் அகற்றும் பகுதியான retinal pigment epithelium (RPE) சேதமடைவதே ஆகும்.

இதனால் வெளியோறாத கழிவுப் பொருளான drusen என்பது விழித்திரையில் படிந்து விழித்திரைக் கலங்களான rods and cones  ற்கு பாதிப்பை ஏற்படுத்தும். இதுவே பார்வை பாதிக்கப்படக் காரணமாகும்.

தடுப்பது எப்படி

இவ்வாறு பாதிப்புகள் ஏற்படாதிருக்க தடுப்பது எப்படி என்ற கேள்வி எழுகிறது. இதற்குத் தெளிவான காரணங்கள் இல்லை.
புகைத்தல் ஒரு முக்கிய  காரணமாகச் சொல்லப்படுகிறது. புகைத்தானது சுவாசப்பையை பாதிப்பதும் புற்றுநோய்களுக்கு காரணமாக இருப்பதும் ஏற்கனவே தெரிந்ததே. எனவே புகைத்தலைத் தவிர்க்க வேண்டும்.

உயர் இரத்த அழுத்தம் உள்ளவர்களுக்கு இது வருவதற்கான சாத்தியம் அதிகம் எனச் சொல்லப்படுகிறது. எனவே பிரசர் இருக்கிறதா என்பதை கண்காணிப்பதும், பிரஷர் வந்துவிட்டால் அதைக் கட்டுப்பாட்டில் வைத்திருப்பதும் அவசியமாகும்.
பழவகைகள்;, விதைகள் உட்பட ஆரோக்கியமான உணவு முறையைக் கடைப்பிடிப்பது அவசியம்
குடும்பத்தில் ஒருவருக்கு இருந்தால் மற்றவர்களுக்கு ஏற்படக் கூடிய சாத்தியத்தை அதிகரிக்கும். இருந்தபோதும் இது பரம்பரை நோயாகக் கொள்ள முடியாது.

யாருக்கு வரும்

வயது சார்ந்த மக்கியூலா சிதைவு நோயை 60 வயதிற்குக் கீழ்பட்டவர்களில் காண்பது அரிது. 65 வயதிற்கு மேற்பட்டவர்களில் 20 பேரில் ஒருவருக்கு என்ற ரீதியில் வருவதாகச் சொல்லப்படுகிறது. வயது கூடக் கூட இது அதிகரிக்கும். 80 வயதிற்கு மேற்பட்டவர்களில் நான்கு பேரில் ஒருவருக்கு என்ற ரீதியில் பாதிப்பை ஏற்படுத்துவதாகத் தெரிகிறது.
75 வயதிற்குப் பின்னர் ஆண்களை விட பெண்களுக்கு அதிகமாகத் ஏற்படுகிறதாம்.

அறிகுறிகள்

மிக மெதுவாகவும் படிப்படியாகவும் ஏற்படுகிற நோய் என்பதால் நோயாளிகளின் கவனத்தை ஈர்ப்பதில்லை.
இருந்தபோதும் 60 வயதை அண்டியவர்கள் சில சாதாரண அறிகுறிகளைக் கவனத்தில் எடுப்பது அவசியம். வாசிப்பதற்கு வழமையை விட அதிக வெளிச்சம் தேவைப்படுவது, பத்திரிகை மற்றும் புத்தகங்களில் உள்ள எழுத்துக்கள் தெளிவற்றதாகத் தோன்றுவது, வண்ணங்கள் வழமையைவிட மங்கலாகத் தோன்றுவது, முகங்களை அடையாளங் காண்பது சிரமமாக இருப்பது போன்ற அறிகுறிகள் ஆரம்பத்தில் இருக்கலாம்.

அலட்சியம் பண்ணாதீர்கள்


மற்றொரு அறிகுறி முக்கியமானது. பொருட்களைப் பார்க்கும் போது அவற்றில் மாற்றங்கள் தெரியலாம். முக்கியமாக நேர் கோடுகள் வளைவாகவோ தாறுமாறாகவோ தோன்றலாம். உதாரணமாக நிலத்தில் பதித்துள்ள மாபிள் கல்லுகளுக்கு இடையே உள்ள கோடுகள் நெறிந்து முறிந்தோ வளைவாகவோ தோன்றுவது பிரத்தியேக அறிகுறியாகும்.


பார்வையில் கரும்புள்ளிகள் தோன்றலாம். மக்கியூலாவில் உள்ள கலங்கள் தொடர்ந்து சிதைவடையும்போது அவை அளவில் பெரிதாகும்.
பார்வை மோசமாகப் பாதிக்கப்படும்போது மாயத் தோற்றங்கள் ஏற்படலாம். இல்லாத பொருள்கள் இருப்பது போன்ற பிரமைத் தோற்றங்கள் வேறெந்த நோயால் பார்வை பாதிப்புற்றாலும் தோன்றலாம். இந்த நிலை பொதுவாக 18 மாதங்கள் வரை செல்லும்போது படிப்படியாக இல்லாது ஒழிந்துவிடும்.

சிகிச்சை

வயது சார்ந்த மக்கியூலா சிதைவு நோயில் இரண்டு வகைகள் உண்டு ஈரலிப்பான மக்கியூலா சிதைவு நோய் (Wet ARMD ).  வரட்சியான மக்கியூலா சிதைவு நோய் (Dry ARMD) என்பனவே அவை.
பெரும்பாலானவர்களைப் பாதிப்பது Dry ARMD ஆகும். இது படிப்படியாக மோசமாகிப் பார்வையைக் கடுமையாகப் பாதிக்க பல வருடங்கள் செல்லலாம். இதற்கெனச் சிறப்பான சிகிச்சை முறைகள் இல்லை. ஆயினும் பாதிப்பு அதிகமாகாதவாறு தடுப்பதற்கு சிகிச்சை அளிக்கபடும்.
மாறாக Wet ARMD  மிகக் குறைந்தவர்களையே பாதிக்கிறது. ஆயினும் ஒரு சில மாதங்களுக்குள் பார்வையை கடுமையாகப் பாதிக்கும். இருந்தபோதும் இதற்கான பல சிகிச்சை முறைகள் உள்ளன. புதிய மருந்துகளும் அறிமுகமாகின்றன. ஆயினும் அவற்றை இங்கு விபரிப்பது சாத்தியமானதல்ல.

இறுதியாக

மக்கியூலா சிதைவு நோயிற்கு தெளிவான அறிகுறிகள் ஆரம்ப கட்டத்தில் இல்லை என்பதை ஏற்கனவே கண்டோம். எனவே ஒழுங்கான கால இடைவெளியில் கண் மருத்துவரைக் காண்பதன் மூலமே அதை ஆரம்ப நிலையில் கண்டுபிடிக்கலாம்.
அதிலும் முக்கியமாக 60 வயதிற்கு மேற்பட்டவர்களும், குடும்பத்தில் இந்த நோயுள்ளவர்களும் இரு வருடங்களுக்கு ஒரு முறையாவது கண் மருத்துவரைக் காண்பது அவசியம். நீரிழிவு மற்றும் உயர் இரத்த அழுத்த நோயுள்ளவர்களுக்கும் இது பொருந்தும்.
வருமுன் உங்களைக் காத்துக்கொள்ளுங்கள்.

நன்றி:
டொக்டர்.எம்.கே.முருகானந்தன்.
MBBS(Cey), DFM (Col), FCGP (col)