'அமெரிக்காதான் உலக அமைதிக்கு மிகப் பெரும் அச்சுறுத்தல்'

உலக அமைதிக்கு மிகப் பெரிய அச்சுறுத்தலாக
இருப்பது அமெரிக்காதான் என்று உலக மக்களில் கால் பங்கினர்
கருதுவதாக சர்வதேச ஆய்வு ஒன்று கணிக்கிறது. வின்/கேலப் இண்டர்னேஷனல்
அமைப்பால் நடத்தப்பட்ட இந்த ஆய்வு , 65
நாடுகளில் சுமார் 67,000 பேரிடம் கருத்துக்களைக்
கேட்டறிந்திருக்கிறது. ஆனால், பெரும்பாலோனோர் மத்தியில், மக்கள் இடம்
பெயர்ந்து குடியேறத் தகுதியான நாடு அமெரிக்காதான் என்ற
கருத்தும் இருப்பதாக, இந்த ஆய்வில் தெரியவந்திருக்கிறது. இந்த ஆய்வில்
பங்கெடுத்துக்கொண்டோரில் ஏறக்குறைய பாதிப்பேர் ,
வரும் ஆண்டு, முடியப்போகும் 2013ஐ விட சற்று மேலும் நன்றாக
இருக்கும் என்று நம்புவதாகக் கூறினர். உலகில் அரசியல்வாதிகள்
பெரும்பாலோர் பெண்களாக இருந்தால்,
உலகம் இன்னும் மேம்பட்டதாக இருக்கும் என்று மூன்றில்
ஒரு பங்குக்கும் மேற்பட்டோர் கருதினர்.
Thanks:bbc
http://adf.ly/bQMr8

மது விற்க மறுத்த முஸ்லிம் ஊழியர்

பிரிட்டனின் மார்க்ஸ் அண்ட் ஸ்பென்சர் நிறுவனத்தில்,
வாடிக்கையாளர் ஒருவருக்கு, தனது மத நம்பிக்கை காரணமாக
மது விற்க ஒரு முஸ்லிம் ஊழியர் மறுத்த
சம்பவத்தை அடுத்து அந்நிறுவனம் மன்னிப்பு கோரியிருக்கிறது. லண்டனில் உள்ள
இந்நிறுவனத்தின் ஒரு கிளையில், வாடிக்கையாளர்
ஒருவர் ஷாம்பெயின் ( ஒரு வகை பிரெஞ்சு ஒயின்) வாங்க
முற்பட்டபோது, அதை அவருக்கு விற்க, விற்பனை ஊழியராக இருந்த
ஒருவர் மறுத்தாராம். அந்தப் பெண் ஊழியர், மிகவும் மன்னிப்புக்
கோரியதாகவும், ஆனால் தன்னால் அந்த மதுவை அவருக்கு விற்க
முடியாது என்றும் , வேறொரு, விற்பனை ஊழியரை அணுகி அதை
வாங்கிக்கொள்ளுமாறும் கூறியதாக
அந்த வாடிக்கையாளர், லண்டனிலிருந்து வெளியாகும்
"தெ டெலெகிராப்" பத்திரிகையிடம் கூறியிருந்தார். நம்பிக்கைகளுக்கு
இடமளிக்கிறோம்-நிறுவனம் தாங்கள் பொதுவாக, மத நம்பிக்கைகள் காரணமாக சில
பொருட்களைக்
கையாள முடியாத தங்கள் ஊழியர்களுக்கு, அவர்களுக்குப்
பொருத்தமான வேலைகளைத் தருவதாக மார்க்ஸ் அண்ட் ஸ்பென்சர்
நிறுவனம் கூறியிருக்கிறது. இது போன்ற ஊழியர்களுக்கு ஆடைகளை விற்கும்
பகுதிகளிலோ அல்லது ரொட்டிப் பொருட்கள் ( பேக்கரி) விற்கும்
பிரிவு போன்ற பகுதிகளிலோ வேலை தரப்படுவதாக அந்த நிறுவனம்
கூறியிருக்கிறது. இந்தக் கொள்கை, குறிப்பிட இந்தச் சம்பவத்தில்,
கடைப்பிடிக்கப்படவில்லை என்று அது கூறியிருக்கிறது. இது போல வேறு சில
நிறுவனங்களும் , தங்கள் நிறுவனங்களில்
வேலை செய்யும் முஸ்லிம் ஊழியர்களுக்கு,
மது அல்லது பன்றி இறைச்சி விற்பனை வேலைகளை அவர்கள்
விரும்பாவிட்டால் தருவதில்லை என்று கூறின. இது போல மற்ற மதத்தினருக்கும்
விதி விலக்கு அளிக்கப்படுகிறது என்று அந்நிறுவனங்கள்
கூறுகின்றன. ஆனால் மற்றுமொரு பிரிட்டிஷ் நிறுவனமான, ஜான் லூயிஸ்
இது போன்ற கொள்கை தனது நிறுவனத்தில்
கடைப்பிடிக்கப்படுவதில்லை என்று கூறியிருக்கிறது. நிறுவன
ஊழியர்கள் இது போல வாடிக்கையாளர்களுக்குத் தேவைப்படும்
பொருட்களை விற்க மறுக்க உரிமை தரப்படுவது சரியல்ல
என்று அந்நிறுவனத்தின் மேலாண் இயக்குநர் ஆண்டி ஸ்ட்ரீட் ரேடியோ 5
நிகழ்ச்சியின்போது கூறினார்.
நன்றி :BBC

பள்ளிவாசல்களை மிரட்டும் அசரீரி

விடிகாலை தொழுகைக்காக பள்ளிவாசல்களில் ஒலிக்கின்ற
‘அதான்’ (பாங்கு) ஒலியைக் கேட்டு நேரகாலத்துடன் கண்விழித்து,
தமது கடமைகளை அதிகாலை வேளையிலேயே ஆரம்பித்ததாக சிங்கள
தலைவர்கள் கூட பெருமையுடன் கூறிய காலமொன்று இருந்தது.
இன்று… பள்ளிகளில் ‘பாங்கு’ சொல்வதற்கும் தொழுவதற்கும்
தடைபோடுமளவுக்கு நாகரிகம் பின்னோக்கி கூர்ப்படைந்திருக்கின்றது. இனவாதம் நமது தேசத்தின் வெட்கக்கேடாக
வளர்ந்து கொண்டிருக்கின்றது அல்லது வளர்த்து
விடப்பட்டிருக்கின்றது.
வரலாற்றை மீள் வாசிப்புச் செய்கின்ற போது, இனவாதிகளும்
அவர்களது மத சகிப்புத்தன்மையில்லா மனநிலையும்
சிறுபான்மை இனங்கள் மீதான கட்டுங்கடங்கா காழ்ப்புணர்வும் இன்னும்
கூர்ப்படையாமல் ‘கரப்பான் பூச்சி’ போல
மாற்றமின்றி அப்படியேதான் இருந்து கொண்டிருக்கின்றன
என்பதை நம்பும் காலம் வெகுதொலைவில் இல்லை. தார்ப்பரியத்தை சீர்தூக்கிப் பார்க்கும் ஆற்றலுள்ள சிங்கள
சகோதரர்கள் கூட முகம் சுழிக்கும்
அளவுக்கு சிறுபான்மை இனங்களின் - அதிலும் குறிப்பாக
முஸ்லிம்களின் மத அடையாளங்கள் மீதான சம்ஹாரமும்
இனவெறுப்பு பிரசாரமும் கொதிநிலைக்கு வந்திருக்கின்றது.
ஒரு சாக்கடையை மூக்கைப் பொத்திக் கொண்டு கடந்து செல்வது போல் அன்றேல் மாட்டுச்சாணம் காலில் படாமல் விலகிச் செல்வது போல்
இனவாதத்தை கடந்து செல்வதைத் தவிர
வேறு வழியில்லை என்பது போன்றதொரு மாயை நம்மையெல்லாம்
சூழ்ந்திருக்கின்றது. தொடர் நாடகங்கள் ஒரு தொலைக்காட்சித் தொடர்நாடகம் போல இனவாதத்தின் காட்சிகள்
தினந்தோறும் அரங்கேறிக் கொண்டிருக்கின்றன - முடிவின்றி.
இவ்வார காட்சி தெஹிவளை,
கொஹுவலை பள்ளிவாசல்களுக்கு எதிரான அச்சுறுத்தல் மற்றும்
கல்லெறிதல் பற்றியது. கொழும்பின் புறநகர் பகுதியான தெஹிவளை மற்றும்
கொஹூவலை பிரதேசங்களில் இருக்கும் மூன்று பள்ளிவாசல்கள்
அச்சுறுத்தலுக்கு உள்ளாக்கப்பட்டிருக்கின்றன. இப்
பள்ளிவாசல்களின் பரிபாலன சபையினர் பொய் சொல்லவில்லை என்றால்
இந்தச் செய்தி நம்பகரமானது. அதன்டிபடி, தெஹிவளை அத்திட்டிய
மஸ்ஜிதுல் ஹிபா, கொஹுவலை தாருல் ஷாபி தெஹிவளை தாருல் அர்கம் ஆகிய பள்ளிவாசல்களில் அல்லது தொழுகை நடத்துமிடங்களில்
இனிமேல் தொழுகை நடத்த வேண்டாம் என்று பொலிஸ் உடையணிந்தவர்கள்
வந்து கடுந்தொனியில் கட்டளையிட்டுச் சென்றிருக்கின்றனர். இப் பள்ளிவாசல்களை பௌத்த சாசன அமைச்சில் பதிவு செய்ய வேண்டும்
அதுவரைக்கும்
தொழுகை நடத்தக்கூடாது என்று சொல்லப்பட்டிருக்கின்றது.
அதற்கமைய கிட்டத்தட்ட தொழுகைகள் கைவிடப்பட்டிருந்த நிலையில்,
கொஹு வலை கடவத்தை வீதியில் அமைந்துள்ள தாருல்
ஷாபி பள்ளிவாசல் மீது கல்லெறித் தாக்குதல் நடத்தப்பட்டுள்ளது. இது தொடர்பாக அமைச்சர் றிசாட் பதியுதீன் பொலிஸ் மா அதிபரின்
கவனத்திற்கு கொண்டு வந்துள்ளார். இது தொடர்பாக
அறிக்கை ஒன்றை விடுத்துள்ள அமைச்சர் றிசாட்,
“பாராளுமன்றத்தால் இயற்றப்பட்ட சட்டங்களுக்கு அமைவாக
உருவாக்கப்பட்ட வக்பு சபையே இலங்கையில்
பள்ளிவாசல்களை நிர்வகிக்கின்றது. எனவே அவற்றை புத்தசாசன அமைச்சில் பதிவு செய்ய வேண்டிய
கட்டாயம் கிடையாது. எனவே இவ்வாறான
நடவடிக்கைகளை எடுப்பதானது முஸ்லிம்களிடையே மீண்டும்
ஒருவித அச்சத்தையும் மனக்கிலேசத்தையும் ஏற்படுத்தியுள்ளது.
எனவே இவ்வாறான நிலைமைகள் ஏற்படாது தடுக்க வேண்டும்”
என்று குறிப்பிட்டுள்ளார். இதேவேளை, முஸ்லிம் காங்கிரஸ் தலைவரும் நீதிக்கான
அமைச்சருமான ஹக்கீம் இது குறித்து ஜனாதிபதியின்
நேரடி கவனத்திற்கு கொண்டு வந்திருக்கின்றார். ஹக்கீம்
இது பற்றி தன்னிடம் எடுத்துக்கூறும் வரை தனக்கு இச்சம்பவம்
தொடர்பில் எதுவுமே தெரியாது எனவும், புறநகர்ப்பகுதியில்
குர்ஆன் மத்ரசா ஒன்றில் தொழுகை நடத்துவது பற்றிய முறைப்பாடு கிடைத்தது குறித்தே தான்
கேள்விப்பட்டிருந்ததாகவும் ஜனாதிபதி குறிப்பிட்டுள்ளார்.
எவ்வாறிருப்பினும் இது விடயமாக கவனம் செலுத்துவதாக
அமைச்சருக்கு அவர் உறுதியளித்திருக்கின்றார். இதற்கிடையில், வழமைபோல ஆச்சரியம்
ஒன்று நிகழ்ந்திருக்கின்றது. அதாவது – மேற்குறிப்பிட்ட
பள்ளிவாசல்களில் ‘தொழுகை நடத்த வேண்டாம்’ என பொலிஸார்
எந்தவொரு தடையையும் விதிக்கவில்லை என்றும் அவ்வாறான
அதிகாரம் எதுவும் பொலிஸாருக்கு கிடையாது எனவும் பொலிஸ்
பேச்சாளரான சிரேஷ்ட பொலிஸ் அத்தியட்சர் அடித்துக் கூறியுள்ளார்.
சீருடையில் வந்தோர்

இந்தச் சம்பவங்களை கோர்வையாக நோக்க வேண்டியிருக்கின்றது.
பள்ளிவாசலுக்கு சீருடைதாரிகள் வந்ததாக நிர்வாகம்
முறையிட்டுள்ளது, கல்வீச்சு தாக்குதல் நடத்தப்பட்டுள்ளது.
அதனை அமைச்சர்கள் ஜனாதிபதிக்கு எத்தி வைத்திருக்கின்றனர்.
ஆனால் அப்படி எதுவுமே நடக்கவில்லை என்று பாதுகாப்பு தரப்பு
கூறுகின்றது. இப்படித்தான் முஸ்லிம்களுக்கு எதிரான பல
நடவடிக்கைகளுக்கு யாரும்
உரிமை கோருவதில்லை அல்லது அப்படி எதுவுமே நடக்கவில்லை
என்றும் கூறப்படுவதுமுண்டு. கடைசியில் அப்படி ஒன்றும்
நடக்கவில்லை, எல்லாம் அசரீரி அல்லது மாயத் தோற்றம்
என்று கழிவிரக்கம் கொள்வதைத் தவிர அம்மக்களுக்கு வேறுவழி இருப்பதில்லை. முஸ்லிம்களுக்கு தொழுகை என்பது அவர்களின் மார்க்கத்தின்
அடிநாதமாக இருக்கின்றது.
நேரம்
தவறாது தொழுகையை நிறைவேற்றுமாறு அவர்களது மார்க்கம்
கட்டாயப்படுத்தியிருக்கின்றது. சனத்தொகைப் பரம்பலும்
மேற்குறிப்பிட்டது போன்ற சில காரணங்களுமே பள்ளிவாசல்கள் தோற்றம் பெறுவதை தவிர்க்கவியலாததாக ஆக்கியிருக்கின்றது. இதுதவிர, பள்ளிவாசல்கள் ஒருக்காலும் சிங்கள மக்களை மதம்
மாற்றுவதற்காகவோ தமிழ்
மக்களை அசௌகரியத்திற்கு உள்ளாக்குவதற்காகவோ
உருவாக்கப்படுவது கிடையாது. ஆனால் அப்படியான
ஒரு கருத்துநிலையை பேரினவாதிகளே கிளப்பி
விட்டிருக்கின்றார்கள். தமிழர்களுக்கு பாடம் புகட்டிவிட்டதாக இறுமாப்புக் கொள்கின்ற கடும்போக்குவாதம், முஸ்லிம்களையும்
ஒன்றுக்கும் இயலாதவர்களாக மாற்றிவிட
ஒரு மனக்கணக்கு போட்டிருக்கின்றது. அதன் தொடர்
விளைவுகளாகத்தான் - ஹலாலும் பர்தாவும் பள்ளிவாசல்களும்
காவு கொள்ளப்பட்டுக் கொண்டிருக்கின்றன. தெஹிவளை பள்ளிவாசல்கள் அச்சுறுத்லுக்கு உள்ளாகியுள்ளதாகவும்
சீருடைதாரிகள் வந்து தொழ வேண்டாம் என்பது கூறியதாகவும்
பள்ளிவாசல் நிர்வாகிகள் கூறியது உண்மை என்றால், அப்படி ஒன்றும்
நடக்கவில்லை எனும் பொலிஸ் தரப்பின் மறுப்புரையில் லொஜிக்
பிழைக்கின்றது. மறுபுறத்தில் பொலிஸ் பேச்சாளர் மிகச் சரியான,
உண்மைக்குண்மையான அறிக்கையையே வெளியிட்டுள்ளார் என்றால், பள்ளிவாசல் நிர்வாகிகள் பொய் சொல்லியிருக்கின்றார்கள்
என்றே அர்த்தமாகும். அவ்வாறு இல்லை, இரண்டும் சரியே என்று இரண்டும் கெட்டான்
நிலைப்பாட்டை எடுக்க வேண்டுமென்றால், சீருடையில் வந்தவர்கள்
யார்? என்பதற்கு பதில் கிடைக்க வேண்டும். உண்மையில்
அவ்வாறு வந்தவர்கள் பொலிஸ் காரர்கள்
என்பது கண்டுபிடிக்கப்பட்டால் யாருடைய நிகழ்ச்சி நிரலுக்காக
தலைமையகத்திற்கு தெரியாமல் செயற்பட்டிருக்கின்றார்கள் என்பதை கண்டறிய வேண்டும். அதேபோல் அவர்கள் போலி பொலிஸ் உடையில் வந்த விசமிகள் என்றால்
அவர்கள் யார் என்பதை கண்டுபிடித்து பகிரங்கப்படுத்த வேண்டும்.
இச்சம்பவங்கள் தொடர்பாக விசாரிப்பதற்காக நியமிக்கப்பட்டுள்ள
இரு பொலிஸ் குழுக்களும் நிறைவேற்ற வேண்டுமென மக்கள்
எதிர்பார்க்கின்ற பணிகள் இவைதான்.

இலக்கின் ரிஷிமூலம்

கொழும்பின் புறநகர் பகுதிகளான வெல்லம்பிட்டிய, ராஜகிரிய,
தெஹிவளை பிரதேசங்களில் அதிகமான தமிழ், முஸ்லிம்கள்
வீடு காணிகளை வாங்கி குடியேறி இருக்கின்றார்கள். ஆனால்
அதனை பொறுத்துக் கொள்ளும் அளவுக்கு கடும்போக்கு சிங்களவர்கள்
பக்குவப்படவில்லை. அந்த வகையில், ராஜகிரியவில் பள்ளிவாசல்
ஒன்றின் இருப்பு எதற்காக கேள்விக்குட்படுத்தப்பட்டதோ அந்த நோக்கத்திற்காகவே தெஹிவளை, கொஹுவலை பள்ளிகளும்
இலக்கு வைக்கப்பட்டிருக்கலாம். எது எப்படியிருப்பினும், அவரவர் தாம் விரும்பிய
மார்க்கத்தை கடைப்பிடிப்பதற்கு அனுமதி அளிக்கும் ஜனநாயக
நாடொன்றில், அதற்கு தடை ஏற்படுத்துவது ஜனநாயக விரோத
செயலாகும். பள்ளிவாசல்கள் ‘வக்பு’ சபையின் கண்காணிப்பின் கீழ்
இயங்குகின்றன. இவற்றை புத்தசாசன அமைச்சில் பதிய வேண்டும் என்ற
எந்தக் கடப்பாடும் முஸ்லிம்களுக்கு இல்லை. அப்படி என்றால் அது குறித்து அரசாங்கம் முன்கூட்டியே பகிரங்க அறிவித்தல்
ஒன்றை வெளியிட வேண்டும். அதுவும் முஸ்லிம் சமய கலாசார
திணைக்களத்தின் மேற்பார்வையிலேயே அது மேற்கொள்ளப்பட வேண்டும்.
அதைவிட்டு விட்டு தொடர்ச்சியாக
பள்ளிவாசல்களை வீம்புக்கு இலக்கு வைத்தல் நல்லதற்கல்ல. அதற்காக எல்லாப் பிழைகளையும்
இனவாதிகளே செய்து கொண்டிருக்கின்றார்கள் என்று கூறவரவில்லை.
முஸ்லிம்களின் பக்கத்திலும் தவறுகள், ஆவணப் பற்றாக்குறைகள்,
ஓட்டைகள் இருக்கலாம். உதாரணத்திற்கு நாட்டிலுள்ள
ஏதோவொரு பள்ளிவாசல் தொடர்பான எதேனும் ஒரு ஆவணத்தில்
பிடிகொடுக்கக் கூடிய விடயங்கள் ஏதாவது இருப்பதற்கு வாய்ப்புள்ளது. கண்ணுக்குள் எண்ணெய் ஊற்றிக்
கொண்டு பார்த்துக் கொண்டிருக்கின்ற இனவாத
சக்திகளுக்கு இதுவே ஒரு துருப்புச் சீட்டாக அமைந்து விடும். அதேவேளை, மத்ரசாக்களிலும் தொழ முடியும்
என்பது முஸ்லிம்களின் உரிமை என்பதில் மறு கருத்தில்லை. அரச
தலைவரிடம் அமைச்சர் ஹக்கீம் கோரியிருப்பது போல் அதற்கான
அனுமதியும் கிடைக்க வேண்டும்தான். ஆயினும் சிங்களவர்கள்
செறிந்து வாழும் சூழலில் அமைந்துள்ள மார்க்க
போதனை பாடசாலை ஒன்றில் வெளியில் தெரியும்படி தொழுகை நடத்துவது இனவாதிகளின்
கண்களை குத்தவே செய்யும் என்ற யதார்த்தத்தை முஸ்லிம்கள் ஏற்றுக்
கொள்ள வேண்டியிருக்கின்றது. கொஹுவலை பகுதியிலிருந்தும் அவ்வாறான
ஒரு குற்றச்சாட்டு முன்வைக்கப்பட்டு அது அரச தலைமையின்
காது வரைக்கும் சென்றிருக்கின்றதென்றால் பார்க்க
வேண்டியதுதானே! மத்ரசா ஒன்றில்
தொழுகை நடாத்துதவற்கு எதிராக பிக்கு ஒருவர் செய்த
முறைப்பாட்டை பாதுகாப்பு தரப்பினர் பரிசீலிக்க தொடங்கியுள்ளனர். இங்கு ‘மத்ரசா’
என்று கூறப்படுவது மேற்குறிப்பிட்ட பள்ளிவாசல்களில்
ஒன்றையா என்பதில் சிறிது மயக்கம் இருந்தாலும், பள்ளிகளில்
தொழுவதற்கே விடாதவர்கள் மத்ரசாக்களில்
தொழுவதை விரும்பமாட்டார்கள் என்பதில் எவ்வித ஐயப்பாடும்
கிடையாது.

வருத்தத்திலும் வருத்தம்

இந்த 3 பள்ளிவாசல்களிலும் தொடர்ச்சியாக தொழுகை நடத்தினால்
பிரச்சினை வரலாம் என்ற நல்லெண்ணத்திலேயே பொலிஸார் (என
நம்பப்படும் நபர்கள்) தொழ வேண்டாம் என கூறியதாகவும்
ஒரு கருத்து இருக்கின்றது. அது உண்மையாகக் கூட இருக்கலாம்.
இப்படிப் பொறுப்புடன் நடந்து கொண்ட அவர்கள்,
தொழுகை கைவிடப்பட்ட கொஹுவலை பள்ளிவாசல் தாக்குதலுக்கு இலக்காகாத வண்ணம் முன்கூட்டியே பாதுகாக்க
தவறிவிட்டனர் என்பது வருத்தத்திற்குரியது. அதைவிட வருத்தமான செய்தி ஒன்று இருக்கின்றது. கேட்டுக்
கேட்டுப் புளித்துப் போன சேதி. அதாகப்பட்டது –
கொழும்பிற்கு மிக அருகில் இருக்கின்ற 3 பள்ளிவாசல்களில்
தொழுகை நடத்துவது யாராலோ தடுக்கப்பட்டிருக்கின்ற போதும் 2
முஸ்லிம் அமைச்சர்களும் இரண்டு மூன்று மக்கள்
பிரதிநிதிகளும்தான் இதுபற்றி வாய்திறந்து ஏதோ பேசியிருக்கின்றார்கள்.
இரண்டு ‘டசினுக்கும்’ அதிகமான முஸ்லிம் எம்.பி.க்கள் மற்றும்
முழு, அரை அமைச்சர்களில் மற்றைய எல்லாரும் ‘பிடில்’
வாசித்துக் கொண்டிருக்கின்றனர். கொழும்பில் கோலோச்சும் முஸ்லிம் மக்கள் பிரதிநிதிகளும் இதில்
உள்ளடக்கம். தங்களின் கால் செருப்பு அறுந்ததில் இருக்கின்ற
கரிசனை அளவுக்குக் கூட, முஸ்லிம்களின் இனத்துவ அடையாளங்கள்
பறிக்கப்படுவது குறித்த அக்கறை அவர்களிடம் இருப்பதாக இந்த
பழாய்ப்போன வாக்காளப் பெருமக்களுக்கு தெரியவில்லை. கோயில் இல்லாத ஊரில் குடியிருக்காதே என்று தமிழில்
ஒரு பழமொழி உண்டு. இங்கு ‘கோயில்’ எனக்
குறிப்பிடப்படுவது எல்லா மத வழிபாட்டுத் தலங்களும்தான்.
ஏனென்றால் மனிதனை நல்வழிப்படுத்தும்
போதனை மையங்களாகவே எக்காலத்திலும்
அவை இருந்து கொண்டிருக்கின்றன. விகாரைகளும் கோவில்களும் தேவாலயங்ளும் பள்ளிவாசல்களும் இவ்வகையானவையே. இவற்றில்
நடக்கின்ற பிரித் வைபவத்தை, பூசைகளை, திருப்பலிகளை,
தொழுகைகளை நிறுத்துவதற்கோ தடை விதிப்பதற்கோ உத்தியோகபூர்வ
அதிகாரமோ தார்மீக உரிமையோ எந்த சக்திக்கும் இம்மியளவும்
கிடையாது. நாட்டில் மூடப்பட வேண்டிய அல்லது சட்ட வரைமுறைக்குள்
கொண்டு வரப்பட வேண்டிய விடயங்கள் வேறுபல இருக்கின்றன.
போலி மருத்துவ நிலையங்கள், சட்ட விரோத
கருக்கலைப்பு மையங்கள், விபசாரத்திற்காக நடத்தப்படுகின்ற
மசாஜ் நிலையங்கள், போதைப் பொருள் கடத்தல் நிறுவனங்கள் … போன்ற
இன்னும் ஏகப்பட்ட நாசகார வேலைகளை ஒழிக்க வேண்டியிருக்கின்றது.

வரலாற்றின் படிப்பினை
அதைவிட்டு விட்டு எந்த மதத்தினதும் வழிபாட்டிடத்திலான
வழிபாடுகளை தடை செய்வது மிகப் பெரிய சமூக எதிர்
விளைவுகளை கொண்டு வரும்.
தானுண்டு தன்பாடுண்டு என்று வாழ்ந்து வருகின்ற சகோதர
இனங்களுக்கு இடையில் பரஸ்பரம் வேண்டத்தகாத புதிய பிளவுகள்,
மனக்கசப்புக்கள், நம்பிக்கையீனங்கள் ஏற்படவும் காரணமாகிவிடும். 1990 களில் பள்ளிகளுக்குள் தொழுது கொண்டிருந்த
அப்பாவி முஸ்லிம்களை விடுதலைப் புலிகள் படுகொலை செய்தனர்.
காத்தான்குடியிலும், ஏறாவூரிலும் வேறு சில இடங்களிலும்
இறைவனை வழிபட்டுக் கொண்டிருந்த முஸ்லிம்களின்
முதுகுகளை நோக்கி புலிகள் துப்பாக்கியால் உரக்கப்
பேசினார்கள். அதுகாலவரைக்கும் தமிழர் விடுதலைப் போராட்டத்தை மானசீகமாக ஏற்றுக் கொண்டிருந்த முஸ்லிம் மக்கள்
அந்தப் பள்ளியில் முரண்பட்டனர். இறைவனை தொழுமிடத்திற்குள் புகுந்து மனிதம்
வேட்டையாடப்பட்டதை எக்காரணத்திற்காகவும் மன்னிக்க அவர்கள்
கடைசி வரையும் மறுத்துவிட்டனர். ஆக, பள்ளிவாசலிலான
தமது வழிபாடு அச்சுறுத்தலுக்குள்ளானமையே புலிகளை
முஸ்லிம்கள் நிராகரிக்க அடிப்படைக் காரணங்களில் ஒன்றாக
அமைந்து விட்டது. இதுதான் வரலாறு. இப்போது அதற்கு ஒப்பான ஒரு கைங்கரியத்தையே பேரினவாதமும்
முடுக்கி விட்டிருக்கின்றது. தொழுகை நடத்தும் இடங்கள்
அச்சுறுத்தலுக்கு உள்ளாக்கப்பட்டுள்ளன. தொழுவதற்கு சிவப்புக்
கொடி காட்டப்படுகின்றது. இது இப்படியே போனால்… விடுதலைப் புலிகள் முஸ்லிம்களால்
எவ்வாறு வெறுத்தொதுக்கப்பட்டார்களோ அவ்வாறே சிங்கள
இனவாதிகளும் அதற்கு சூடம் காட்டுபவர்களும் நோக்கப்படுவார்கள்.
அதன் பின்னணியில், காலவோட்டத்தில் சிங்கள – முஸ்லிம் உறவிலும்
கீறல் விழும் என்பதை வரலாறுகளில் இருந்து கற்றுக் கொள்ள
வேண்டும்.
வரலாறு முக்கியம் அமைச்சரே !
-ஷேக்ராஜா
நன்றி :வீரகேசரி

11 வயதில் தகவல் தொழில்நுட்பத்தில் பட்டம் பெற்று தமிழ்ச் சிறுமி சாதனை

ஒன்பது வயதில்
இணையத்தளத்தை வடிவமைத்து உலகில் இரண்டாம்
இடத்தைப் பெற்று சாதனை படைத்த
சிறுமி வஷினியா பிரேமானந்த் 11 வயதில் தகவல் தொழில்நுட்பத் துறையில்
பட்டப்படிப்பை பூர்த்தி செய்து உலகில்
முதலாம் இடத்தைப் பெற்று தாய் மண்ணுக்கு பெருமையைத் தேடிக்
கொடுத்துள்ளார். இந்தச் சிறுமி பொம்மைகளுக்கும் விளையாட்டுப் பொருட்களுக்கும்
பெருவாரியான நேர காலத்தை பொழுது போக்காகக் கழிக்காமல்
கூடுதலான காலத்தை தகவல் தொழில்நுட்பப் பாடத்துறையில்
செலவிட்டு அயராது முயற்சி செய்து சாதனை படைத்துள்ளார். பிரேமானந்த நடராஜ்
மற்றும் லக்ஷி பிரேமானந்த் தம்பதிகளின்
ஒரே ஒரு புதல்வியான வஷினியா கண்டியிலுள்ள
கொழும்பு சர்வதேச பாடசாலையில் 9 ஆம் ஆண்டில்
கல்வி பயிலுகின்றார். வஷினியா 2002 -05-13 ஆம் திகதி பிறந்தவர். தகவல் தொழில்
நுட்பம் தொடர்பாக பிரித்தானிய கணினித்
துறை கற்றை நெறி சங்கத்தின் பட்டதாரியாக (BCS IT
DEGREE ) பூர்த்தி செய்துள்ளார். இவருக்கான
பட்டமளிப்பு விழா இங்கிலாந்து கல்வி நிலையத்தினால்
எதிர்வரும் 2014 ஆம் ஆண்டு செப்டெம்பர் மாதம் அளவில் கொழும்பில்
நடத்தப்படவுள்ளது. இந்தச் சாதனை இலங்கைக்கு மாத்திரமல்ல முழு உலகிற்குமாகும்.
இந்தப் பட்டடிப்படிப்புத் தொடர்பான பெறுபேறு இணையத்தன் ஊடாக
கடந்த 12-12-2013 வியாழக்கிழமை வெளியாகியது. சிறுமி தன்னுடைய மூன்று
வயதிலேயே மின்னஞ்சல்
முகவரியை திறந்து கொண்டார். சர்வதேச கணினியல்
டிப்ளோமா கற்கை நெறியில் சான்றிதழ் பெற்றுள்ளார். வணிகம்
இணையத்தள பொறியியல் துறைகளில் சர்வதேச தரச்
சான்றிதழ்களை தன்னுடைய ஒன்பது வயதிலேயே பெற்றுள்ளார். அதேபோன்று சிறு
வயதிலேயே இணையத் தளத்தை வடிவமைத்தமைக்கான
பெருமை இந்தச் சிறுமையே சாரும். இதில் இரண்டாம்
இடத்தை இந்தியாவைச் சேர்ந்த சிறுமி ஒருவர் பெற்றுள்ளார். இந்தக்
கால எல்லைக்குள் கண்டி நகரிலுள்ள கணினி உயர்
கல்வி நிலையங்களில் தகவல் தொழில் நுட்பம் தொடர்பாக
பிரித்தானிய கணினி கற்கை நெறி சங்கத்தின் பட்டடிப் படிப்புக்காக
விண்ணப்பித்து 2 ½ வருட காலத்திற்குள்
பட்டப்டிப்பை பூர்த்தி செய்து கொண்ட இவர் தன்னுடைய 11 வயதில்
பட்டம் பெற்று உலகில் முதலாவது இடத்தைப் பெற்றுக் கொண்டுள்ளார். வஷினியா
சிறு வயது முதல் நல்ல குண நலங்களைக் கொண்டவர்.
இந்து சமய வழிபாட்டைப் பின் பற்றிய போதிலும்
எட்டு வயதிலிருந்து கெட்டம்பே அருகிலுள்ள விஹாரைக்குச்
சென்று பௌத்த சமய வழிபாடுகளிலும்
ஈடுபாடு காட்டி வருகின்றார். அதேபோன்று சிறு வயது முதல் ஸ்ரீ
செல்வவிநாயகர் கோவலிலுக்குச்
சென்று வழிபடுவார். இவர் கடவுள் மீது அதிக பக்தி கொண்டவர்.
இந்தச் சிறு பிள்ளை ஒன்பதாம் வகுப்பு படிக்கின்றார் எனும்
போது எமக்கு ஆச்சரியமாகத்தான் இருக்கும்.
இரு முறை இரட்டை வகுப்பேற்றம் செய்து சாதனை படைத்துள்ளார். அது
மாத்திரமல்ல 2010 ஆம் ஆண்டு க.பொ.த. சாதாரண தரப்
பரீட்சையில் ஆங்கிலப் பாடத்தில் தோற்றி ´ஏ´ தரத்தில் விசேட
சித்தியடைந்துள்ளார். வஷினியாவின் தந்தை நடராஜ் பிரேமானந்த் குருநாகல்
மல்லவப்பிடியிலுள்ள ஒட்டோ மொபைல் கம்பனி ஒன்றின் பணிப்பாளர்.
தாயின் பெயர் லக்ஷி பிரேமானந்த் சில வருடங்கள் புகழ்மிக்க
கணினி நிறுவனம் ஒன்றில் போதனாசிரியராகக்
கடமையாற்றியுள்ளார். வஷினியாவின் வயதை ஒத்த பிள்ளைகள் பொம்மைகளோடு விளையாடிக்
கொண்டிருக்கும் காலத்தில் வஷினியா, தனது தாயாருடைய
நூல்களுக்குள்ளும் கணினிகளுக்குள்ளும் மூழ்கியிருந்தார். இரண்டு வயதிலேயே
வஷினியா ஆங்கில மொழியின்
அரிச்சுவடிகளை மனப்பாடம் செய்து விட்டார். கணினி விசைப்
பலகை குறியீடுகளெல்லாம் வினியாவுக்கு கை வந்த
கலையாகி விட்டது. இவர் மூன்று வயதில் குருநாகல் சர்வதேசப் பாடசாலை ஒன்றில்
அனுமதிக்கப்பட்டு அங்கு இரு வருடங்கள் கல்வி பயின்றார். இதன்
பின் கண்டியிலுள்ள கொழும்பு சர்வதேசப் பாடசாலைக்கு 5 வயதில்
இணைந்து கொண்டார். பெரும்பாலானோருக்கு ஓர் இணையத்தளத்தை வடிவமைப்பதற்கு அதில்
ஒரு கடிமான பகுதி உண்டு. ஆனால் அது அவருக்கு சாதாரண
விடயமாகவுள்ளது. அதை அவர் இணையம் மூலம் தேடி இணைப்பதற்கேற்ப
பதிவிறக்கம் செய்கின்றார். அதற்கு அவர் ஒரு தந்திரோபாயாயமும்
வைத்திருக்கின்றார். அவர் முதலாவது வடிவமைத்த இணையத்தள முகப்பு, தகவல்கள்,
தங்களைப் பற்றி புத்தக ஒன்லைன், கேள்விகள், படத்தொகுப்பு எனப் பல
பிரிவுகள் கொண்டுள்ளது. அத்துடன் குறித்த நிறுவனம் வழங்கும்
சேவைகளும் அவற்றுக்குள் அடங்கியுள்ளன. இது ஒரு இலாபகரமான
தொழில் என்றாலும் அது மிகவும் கடிமானது எனவும் ஒத்துக்
கொள்கிறார். வஷினியாவின் விசேட திறமையைக் கண்டு கண்டி BCAS உயர்
கல்வி நிறுவனத்தின் பணிப்பாளர் ஜே.எம். நிவாஸினால் கணினித்
துறை அறிவை மேலும் மேம்படுவத்துவதற்காக (Artificial
Intelligence And robotics)
கற்பதற்கு வாய்ப்பு வழங்கப்பட்டுள்ளது. இதனூடாக
ரோபோ தயாரிப்பதற்கான அறி திறனைப் பெற்று வஷினியா சாதனை படைப்பார்
என்பதில் சந்தேகம் இல்லை. அவர் கல்விப் படிப்புக்கு எந்தவிதமான
இடையூறுகளுமின்றி பாடசாலை செல்கின்றார். விளையாட்டில்
ஈடுபடுகின்றார். பாடசாலை வேலைகள் அனைத்தினையும்
அன்றே செய்து முடிப்பார். விடுறை நாட்களிலேதான் இந்தத் தகவல்
தொழில் நுட்ப பாடங்களைக் கற்றுள்ளார். இவர் தமிழ், சிங்களம், ஆங்கிலம்,
பிரான்ஸ், மற்றும் ஜேர்மன்
மொழிகளைப் எழுதவும் வாசிக்கவும் கூடியவர். ஓகன், பியானோ,
வாசிப்பதில் சிறந்தவர். பல பரிசில்களையும் பெற்றுள்ளார். இந்தச் சின்னஞ்
சிறிய தாய் நாடு பற்றி உலகமெங்கும் மதிக்க
வேண்டும் என்பதுடன் ஒரு வைத்தியராக
வந்து மக்களுக்கு சேவையாற்ற வேண்டும்
என்பதே வஷினியா இலக்காகும்.
Source:http://adf.ly/aw3eK

அணகொண்டாவை விழுங்கியது அணகொண்டா

தெஹிவலை மிருகக்காட்சி சாலையில் இருந்த பெண் அணகொண்டா, அதன்
துணையான ஆண் அணகொண்டாவை நேற்றிரவு விழுங்கியதாக
தெரியவந்துள்ளது. இந்த அணகொண்டா பாம்புகள் கடந்த நான்கு வருடங்களாக ஜோடியாக
வாழ்ந்து வந்துள்ளதாக தேசிய வனவிலங்குகள் திணைக்கள
பணிப்பாளர் அனுர டி சில்வா குறிப்பிட்டார். இந்த அணகொண்டா ஜோடிக்கு
மூன்று தடவைகள் குட்டிகள்
பிறந்துள்ளதாகவும் அவர் சுட்டிக்காட்டினார். அணகொண்டா பாம்புகள், தமது
இனத்தைச் சார்ந்த தம்மைவிட சிறிய
உயிரினங்களை விழுங்கிவிடக்கூடியவை என்றும் வனவிலங்குகள்
திணைக்கள பணிப்பாளர் தெரிவித்தார்.
Source:http://adf.ly/avwEx

தொப்பி, பர்தா அணிந்த புகைப்படங்களுக்கு அனுமதியில்லை என்பது மனித உரிமை மீறல்

புதிதாக அறிமுகப்படுத்தப்படவிருக்கும் ஆள் அடையாள
அட்டையில் தொப்பி மற்றும் பெண்களின் பர்தா போட்ட
புகைப்படங்களுக்கு அனுமதியில்லை என்பது இந்த நாட்டில்
அரங்கேறும் மற்றுமொரு மனித உரிமை மீறலாகும் என முஸ்லிம்
மக்கள் கட்சித் தலைவர் முபாறக் மௌலவி தெரிவித்தார்.
மேற்படி ஆளடையாள அட்டை சம்பந்தமான ஊடகவியலாளரின் கேள்விக்கு
பதிலளிக்கையிலேயே இவ்வாறு அவர் குறிப்பிட்டார்.
அவர் மேலும் தெரிவித்ததாவது,
முஸ்லிம் பெண்களைப் பொறுத்த வரை அவர்கள் பகிரங்க இடங்களில்
தலை மூடியிருப்பது சமயச் சட்டமாக இருப்பதுடன் அவர்களின்
கலாச்சாரமாகவும் உள்ளது. இந்த நிலையில் பகிரங்கமாக
எடுக்கப்படும் ஆளடையாள அட்டை எந்தவொரு கலாச்சாரத்தையும் பிரதி
பலிக்கக்கூடாது என்பதன் மூலம் முஸ்லிம் பெண்களின்
உரிமை பறிக்கப்படுவதுடன் முஸ்லிம் மக்களை கருவறுக்க வேண்டும்
என்பதற்காகவே இத்தகைய சட்டங்களை கொண்டு வருகிறார்கள்
என்றே நாம் பார்க்கிறோம்.
அதே போல் நமது நாட்டில் உள்ள சகல மத குருமார்களும் தமது மத
கலாச்சார ஆடைகளை அணிந்தே ஆளடையாள அட்டைக்காக புகைப்படம் எடுக்கிறார்கள்.
இந்த வகையில் மௌலவிமார் தொப்பி போட முடியாத
நிலையிலும் அதேபோல் கிறிஸ்தவ பாதிரிமார், மற்றும்
இந்து சாமிகள் தமது சமயத்தை பிரதிபலிக்கும் ஆடை அணிய
முடியாதவாறும் தடுக்கப்படுகிறது.
அதேவேளை பௌத்த குருமார் நிச்சயம் தமது சமய
முறைப்படி புகைப்படம் எடுக்க அனுமதிக்கப்படுவர் என்பதை உறுதியாக எம்மால்
கூற முடியும். ஏனெனில் அவர்கள்
ஆளடையாள அட்டை புகைப்படத்துக்காக என
முடி வளர்க்கவோ அல்லது டோப்பா போடவோ மாட்டார்கள்.
அத்துடன் கோட்டை அணிந்து புகைப்படம்
எடுத்தலை ஆட்பதிவு திணைக்களம் அனுமதிக்குமா என்றும்
கேட்கிறோம். அதனை அனுமதித்தால் ஆங்கில கலாச்சாரத்துக்கு இடமளிக்கும் இந்த
அரசாங்கம், தமது நாட்டின்
பாரம்பரிய கலாச்சாரங்களை மறுக்கின்றது என்றே ஆகிவிடும்.
அதே போல் தலை திறந்து புகைப்படம் எடுப்பது கூட சிங்கள, தமிழ்
கலாச்சாரம் என்பதால் அதனையும் தடை செய்ய வேண்டும்.
இப்படி பார்த்தால் ஆண்களும் பெண்களும்
தலையை மொட்டையடித்துக்கொண்டு நிர்வாணமாக புகைப்படம் எடுப்பதன் மூலம்தான்
எவரது கலாச்சாரத்தையும் பிரதிபலிக்காத
வகையில் புகைப்படம் அமையும். இதனைத்தான் இந்த அரசாங்கம் எதிர்
பார்க்கிறதா?
ஆக, எந்தவொரு மனிதனும் தனது சமய கலாச்சார
ஆடைகளை அணிவதற்கு மனித உரிமை சாசனம் இடமளித்துள்ளது.
இதற்கிணங்க ஆளடையாள அட்டையிலும் தமது சுய விருப்பத்தினாலான ஆடைகளை அணிய
இடமளிக்க வேண்டும்
என்பதை முஸ்லிம் மக்கள் கட்சி வலியுறுத்துகிறது.
source:http://adf.ly/alvmw

இந்திரிலிகொட அல்-அதபுஸ் ஸாலிஹ் பாலர் பாடசாலை மாணவர்களின் கல்விச் சுற்றுலா

அண்மையில் (10-12-2013) மக்கொன இந்திரிலிகொட அல்-அதபுஸ் ஸாலிஹ் பாலர்
பாடசாலை மாணவர்கள் கல்விச் சுற்றுலா மேற்கொண்டு இரத்மலானை விமானப்படை
அருங்காட்சியகத்துக்குச் சென்ற போது எடுக்கப்பட்ட புகைப்படங்கள் சில.

இளைஞர் யுவதிகளே மாரடைப்பு உங்களுக்கும் வரக் கூடுமா?

'எனக்கு நெஞ்சு வலிக்கிறது மாரடைப்பாக இருக்குமா? என
ஒரு இளைஞன் அல்லது யுவதி உங்களிடம் கேட்டால் விடை என்னவாக
இருக்கும். 'பீச்சல் பயந்தாங் கொள்ளியாக இருக்கிறான்' எனச் சொல்லித் தட்டிக்
கழித்துவிடுவீர்கள். மாறாக 'அக்கறையின்றி இருந்தால் உனக்கு கெதியிலை ஹார்ட் அட்டக்
வந்து விடும்' என மருத்துவர் ஒரு இள வயதினருக்கு சொன்னால்
என்ன நடக்கும். 'இவர் சும்மா வெருட்டுகிறார்' எனச்
சொல்லி மருத்துவரையே மாற்றிவிடக் கூடும். ஆனால் உண்மை என்ன? மாரடைப்பு
வருவதற்கான மாற்றங்கள்
இளவயதிலேயே தோன்றுகின்றன என்பதுதான். மாரடைப்பு எவ்வாறு? மாரடைப்பு
வருவதற்கு அடிப்படைக் காரணம் இரத்தக் குழாய்களில்
கொழுப்பு படிவதுதான். அவ்வாறு படிவதை மருத்துவத்தில்
atherosclerosis என்கிறார்கள். தமிழில் இதைத் தமனித் தடிப்பு
(தமிழ்நாட்டில்), அல்லது நாடித் தடிப்பு (இலங்கையில்) எனலாம். காலக்
கிரமத்தில்
கொழுப்பு படிவது மோசமாகி இருதயத்திற்கு இரத்தத்தைப்
பாச்சும் நாடிகளில் அடைப்பு ஏற்படும்போது மாரடைப்பு வரும்.
மூளைக்கான இரத்தக் குழாய்களில் அவ்வாறு நடந்தால் பக்கவாதம்
வரும்.

அத்திவாரம் இளவயதிலேயே

இந்தக் கொழுப்புப் படிவது இள
வயதிலேயே ஆரம்பித்துவிடுகிறது. அண்மையில் 18 முதல் 35 வயதிற்கு உட்பட்ட இளைஞர்
யுவதிகளிடையே ஒரு ஆய்வு செய்யப்பட்டபோது அவர்களது இரத்தக்
குழாய்களில் கொழுப்புப் படிந்திருப்பது தெளிவாகக்
காணப்பட்டது. முக்கியமான விடயம் என்னவென்றால் இவர்கள் நல்ல
ஆரோக்கியமானவர்கள். குருதிக் குழாய்களில் கொழுப்புப்
படிவதற்கான இடர்; காரணிகள் (Risk factors) எதுவும்
இல்லாதவர்கள் ஆவார். அதாவது அவர்களுக்கு கீழ்காணும் ஆபத்தான அடிப்படை இடர்
காரணிகள் எதுவும் கிடையாது என்பதுதான்.
*நீரிழிவு உயர் இரத்த அழுத்தம் *புகைத்தல் பழக்கம் இரத்தத்தில்
*கொலஸ்டரோல் அதிகரிப்பு பரம்பரையில் *இளவயதிலேயே மாரமடைப்பு வருவது
நாடித் தடிப்பு ஏற்படுவதற்கான இடர் காரணிகள் என
இதுவரை காலமும் நம்பியிருந்தவை எதுவும் இல்லாதபோதும் ஏன்
அவர்களுக்கு இரத்தக் குழாய்களில் கொலஸ்டரோல் படிந்தது?
காரணம் என்ன?
காரணம் இவர்களில் நலக்கேட்டிற்கான வேறு விடயங்கள் காரணிகளாக
இருந்தன. இவைதான் நாடித் தடிப்பு ஏற்படுவதற்கான புதிய
காரணிகள்.
அவை என்ன?
அவர்களின் வயிற்றறையின் சுற்றளவு அதிகமாக இருந்தது.
வயிற்றில் உள்ள உள்ளுறுப்புகளில் கொழுப்பு அதிகமாகப்
படிந்தமைதான் வயிறு பருத்ததற்குக் காரணமாகும். அதேபோல நெஞ்சறையின்
உள்ளுறுப்புளிலும் கொழுப்புப்
படியலாம்.
இந்த ஆய்வு கனடாவின் Heart and Stroke Foundation னால்
செய்யப்பட்டது. யுத்தத்திலும், விபத்துகளிலும் இறந்த
இளவயதினரிடையே செய்யப்பட்ட பரிசோதனைகளில் அவர்களில் 80
சதவிகிதமானோருக்கு நாடித் துடிப்பு இருந்ததை முன்பு ஓர்
ஆய்வு சுட்டிக் காட்டியது. எனவே அவர்கள் வெளிப்படையாக
ஆரோக்கியமானவர்களாக இருந்தபோதும் எதிர்காலத்தில்
மாரடைப்பு வருவதற்கான அத்திவாரம் போடப்பட்டமை உறுதியாகியது.
ஆபத்தைக் கணிப்பது எப்படி?
ஒருவரின் ஆரோக்கியத்தை அறிவதற்காக உயரம் (Height)>
எடை (Weight), உடற்திணிவுக் குறியீடு ஆகியவற்றை மட்டும்
அளந்து பார்ப்பது போதுமானதல்ல என்பதை மீண்டும்
உறுதிப்படுத்துகிறது. வயிற்றறையின்
சுற்றளவை அளப்பது முக்கியமானது. ஆண்களில் இது 102 செ.மி ஆகவும்,
பெண்களில் 88 செ.மி ஆகவும் இருக்க வேண்டும். வயிற்றின் சுற்றளவை விட,
வயிற்று சுற்றளவிற்கும், இடுப்புச்
சுற்றளவிற்கும் இடையோயன சதவிகிதம் முக்கியமானது என
நம்பப்படுகிறது.
இது பெண்களில் 0.8ற்று குறைவானவும், ஆண்களில் 0.9 க்குக் குறைவாகவும்
இருக்க வேண்டும
செய்ய வேண்டியது என்ன?
எனவே இளவயதிருக்கான செய்தி என்ன? 'எங்களுக்கு நல்ல உணவு கிடைக்க்pறது. நன்றாகச்
சாப்பிடுகிறோம். களைப்புக் கிடையாது. உடல் ஆரோக்கியமாக
இருக்கிறது. நாம் அதியுயர் மனிதர்கள்' என்ற மாயையில்
மூழ்கியிருக்காதீர்கள். எதிர்காலத்தில் பாரிய பிரச்சனைகளான மாரடைப்பு, பக்கவாதம்,
திடீர் மரணம் போன்றவை வருவதற்கான அடித்தளம்
ஏற்கனவே உங்களுக்கும் போடப்பட்டிருக்கலாம். ஆயினும் காலம்
கடந்துவிடவில்லை. உங்களுக்கு ஆபத்தைக்
கொண்டுவரக் கூடிய இடர் காரணிகளைக் கண்டறிந்து அதைத்
தடுப்பதற்கான முயற்சிகளை மேற்கொள்ளுங்கள். பருத்த
வயிறு முக்கியமான பிரச்சனை என்பதை மறக்காதீர்கள். ஆரோக்கியமான உணவு முறை,
தினசரி உடற் பயிற்சி போன்ற
வாழ்க்கை முறை மாற்றத்தைக் கடைப்பிடியுங்கள்.
இவற்றைச் செய்ய வேண்டிய வயது எனக்கு ஆகவில்லை என ஒருபோதும்
எண்ண வேண்டாம். இப்பொழுதே ஆரம்பியுங்கள்.
டொக்டர்.எம்.கே.முருகானந்தன்.


Source:hainalama .wordpress.com

எயிட்ஸ் எச்.ஐ.வி: 307 பேர் உயிரிழப்பு 1649 பேர் எச்.ஐ.வி. பீடிப்பு

எச்.ஐ.வி. மற்றும் எயிட்ஸ் நோயினால் இதுவரை 307 பேர் இலங்கையில்
இறந்துள்ளதோடு 1649 எச்.ஐ.வி. பீடிக்கப்பட்டோர் அடையாளங்
காணப்பட்டிருப்பதாக பிரதி சுகாதார அமைச்சர் லலித் திசாநாயக்க
தெரிவித்தார். அவர்களிடயே எயிட்ஸ் நிலைக்கு தள்ளப்பட்டோர் 432 பேர்
இருப்பதாகவும் அவர் கூறினார். வாய்மூல விடைக்காக பீ. ஹெரிசன் எம்.பி.
எழுப்பிய கேள்விக்குப் பதிலளித்த அவர் மேலும் கூறியதாவது 2010ல் 121
எச்.ஐ.வி. நோயாளர்களும் 2011ல் 146 பேரும் 2012ல் 186 பேரும் அடையாளம்
காணப்பட்டனர். 2010ல் 44 பெண்களும் 77 ஆண்களும் அடையாளங் காணப்பட்டதோடு
2011ல் 64 பெண்களும் 82 ஆண்களும் அடையாளங் காணப்பட்டனர். 2012ல் 66
பெண்களும் 120 ஆண்களும் அடையாளங் காணப்பட்டார்கள். கொழும்பு, கம்பஹா,
குருநாகல், கண்டி, களுத்துறை, காலி, புத்தளம் மாவட்டங்களிலேயே
கூடுதலானவர்கள் அடையாளங் காணப்பட்டனர். ஏனைய நாடுகளுடன் ஒப்பிடுகையில்
இலங்கையில் எயிட்ஸ் நோய் பரவுவது குறைவாகவே உள்ளது. பாடசாலை மட்டம் முதல்
எயிட்ஸ் குறித்து அறிவூட்டப்படுகிறது.




Source:http://adf.ly/a5qM1

கொட்டைகளை சாப்பிட்டால் ஆயுள் அதிகம்

பாதாம், வால்நட் போன்ற கொட்டைகளை சாப்பிடுவது, இதய நோய்
மற்றும் புற்று நோயால் இறக்க நேரிடும் ஆபத்தைக் கணிசமாகக்
குறைப்பதாக புதிய ஆய்வு ஒன்று காட்டுகிறது. எவ்வளவுக்கெவ்வளவு கொட்டைகளை
சாப்பிடுகிறோமோ
அவ்வளவுக்கவ்வளவு அதிக காலம் நாம் வாழலாம்
என்று "நியூ இங்கிலாந்து மருத்துவ சஞ்சிகை"யில்
வெளியிடப்பட்டுள்ள ஆய்வு அறிக்கை ஒன்று கூறுகிறது. அமெரிக்காவில் 30
ஆண்டு காலகட்டத்தில் சுமார் 1 லட்சத்து 20
ஆயிரம் பேரிடம் நடத்தப்பட்ட ஆய்வின் அடிப்படையில் இந்த
முடிவுகள் வந்துள்ளன. தினமும் ஒரு கையளவு கொட்டைகளை சாப்பிடுவதால், எந்த
ஒரு காரணத்தாலும் இறப்பதை 20 சதவீதம் என்ற அளவில்
குறைக்கிறது என்று இந்த ஆய்வு கூறுகிறது. கொட்டைகளை உண்பவர்கள்
மற்றவர்களைக் காட்டிலும் சராசரியாக
சற்று கூடுதலாக உடல் நலன் குறித்து அக்கறையுடன்
இருக்கிறார்கள் என்று ஆய்வாளர்கள் கூறுகிறார்கள். அவர்கள் அதிகம்
புகைப்பதில்லை, கூடுதலாக
உடற்பயிற்சி செய்யக்கூடியர்களாக இருக்கிறார்கள், பழங்கள்
மற்றும் காய்கறிகளை சாப்பிடுபவர்களாக இருக்கிறார்கள் ---
இவையெல்லாம் இந்த ஆய்வு முடிவுகளில் கணக்கில்
எடுத்துக்கொள்ளப்பட்டன என்று ஆய்வாளர்கள் கூறுகிறார்கள்.



Thanks:bbc

இலங்கையருக்கு பிரகாசமான வால் நட்சத்திரத்தை காணும் வாய்ப்பு

இன்று முதல் ஏழு நாட்களுக்கு பிரகாசமான வால்
நட்சத்திரமொன்றை காண்பதற்கான சந்தர்ப்பம்
இலங்கை மக்களுக்கு கிட்டவுள்ளது. இந்த நூற்றாண்டில் மிகவும் பிரகாசமான
வால் நட்சத்திரமாக
இது கருதப்படுகின்றமை குறிப்பிடத்தக்கது. ஐசோன் என பெயரிடப்பட்டுள்ள இந்த
வால் நட்சத்திரத்தை இன்று முதல்
ஒரு வாரத்திற்கு கிழக்கு வான் பரப்பில்
அதிகாலை நான்கு மணிக்கும் ஐந்து மணிக்கும் இடைப்பட்ட நேரத்தில்
காண முடியும் என கொழும்பு பல்கலைக்கழகம் அறிவித்துள்ளது.


Source:newsfirst .lk

எயர் அராபிய விமானத்தில் குழந்தை பிரசவித்த இலங்கை பெண் (வீடியோ இணைப்பு)

துபாயிலிருந்து இலங்கையைநோக்கிப் பறந்து கொண்டிருந்த எயர் அராபிய
விமானத்தில் இலங்கை வீட்டுப் பணிப்பெண் பிள்ளையொன்றைப் பிரசவித்த
சம்பவமொன்று (31-10-2013) இடம்பெற்றுள்ளது விமானத்தை அவசரமாகஓமானில்
தரையிறக்கி அப்பெண்ணையும் குழந்தையையும் ஓமான் வைத்தியசாலையில் அனுமதிக்க
ஏற்பாடு செய்ததாம். துபாயில் பணிப்பெண்ணான இந்த கர்ப்பிணிப்
பெண்,இவ்விமானத்தில் இலங்கைக்கு வரும் போது மேல் வானில ட பிரசவ வலி
ஏற்படவே விமானத்தில் இருந்த பணியாட்கள் மற்றும் இலங்கை பனிப் பெண் ஒருவர்
அருகில் இருந்துள்ளனர்.





Thanks: jaffna muslim,Hiru

சஹாரா பாலைவனத்தில் 'நடந்துமுடிந்த' சோகக் கதை

ஆப்பிரிக்க நாடான நைஜர், உலகில் உள்ள வறுமையான நாடுகளில்
ஒன்றாகும். இங்குள்ள மக்கள் உணவு பற்றாக்குறை காரணமாக
பட்டினியால் வாடி வருகின்றனர். வறுமையின் கொடுமை தாங்காத
அவர்களில் சுமார் 30 ஆயிரம் பேர் அகடெஸ் நகரிலிருந்து கடந்த
மார்சு முதல் ஆகஸ்ட் மாதம் வரையிலான காலக்கட்டங்களில் ஐரோப்பிய
நாடுகளுக்கு குடிபுக பல்வேறு குழுக்களாக வாகனங்களில் இடம்
பெயர்ந்துள்ளனர்.
அவ்வாறு செல்பவர்கள் உலகின் மிகப்பெரிய பாலைவனமான
சஹாரா பாலைவனத்தை கடந்து செல்லவேண்டும். பல குழுக்களாக
சென்ற அவர்கள் நாட்டின் வடக்கு பகுதியில் அமைந்துள்ள இந்த
சஹாரா பாலைவனத்தில் சிக்கிக்கொண்டனர்.
உயிர்தப்பிய
சிறுமி ஒருத்தி தங்களின் கொடூரமான பாலைவனப்
பயணத்தை பிபிசியிடம் விபரித்துள்ளார். தனது தாயையும் இரண்டு சகோதரிகளையும் அவள்
பாலைவனத்துக்கு பலிகொடுத்துள்ளாள். இவர்கள் செப்டெம்பரின் கடைசி அல்லது
அக்டோபரின் முற்பகுதியில்
நைஜரின் ஆர்லீட் நகரிலிருந்து பயணத்தைத் தொடங்கியுள்ளனர். நைஜர் ஊடாக
சஹாரா பாலைவனத்தைக் கடந்து அல்ஜீரியாவை அடைய
முயன்ற 90க்கும் மேற்பட்டவர்கள், இடைநடுவில் தங்களின் வாகனம்
பழுதடைந்ததால், பயணத்தைத் தொடரமுடியாமல், பல நாட்களாக தண்ணீர்
தாகத்தால் தவித்து உயிரிழந்தனர்.
தொழில்தேடி புறப்பட்டவர்களும் அவர்களின் குடும்பத்தினருமாக
52 சிறார்களும் 33 பெண்களும் இந்த பாலைவன பயணத்தில்
உயிரிழந்துள்ளதாக தற்போது தெரியவந்துள்ளது. வெப்பம் எரிக்கும்
பாலைவனத்தில், வாகனம் பழுதடைந்த
இடத்திலிருந்து இரண்டு நாட்களாக நடந்துசென்ற தமக்கு, அந்த
வழியால் வந்த ஒரு வாகனம் கூட உதவவில்லை என்று உயிர்தப்பிய
14 வயது சிறுமி ஷாஃபா பிபிசியிடம் கூறினாள். வரும்வழியில் உயிரிழந்த
தாயையும் இரண்டு சகோதரிகளையும்
தானே புதைத்துவிட்டு வந்ததாக அந்தச் சிறுமி தெரிவித்தாள். தேடுதல்
பணிகளில் ஈடுபட்டுள்ள மீட்புப் பணியாளர்கள், மக்கள்
கூட்டம் கூட்டமாக உயிரிழந்து காணப்பட்டதாகக் கூறியுள்ளனர்.
இவர்கள் அனைவரும் தாங்கள் செல்ல வேண்டிய,
அல்ஜீரியா நாட்டு எல்லைக்கு அருகில் வெறும் 3 கி.மீ. தூரத்திலேயே இறந்து
கிடந்துள்ளனர். கடந்த
திங்களன்று இதுபோன்று 30-க்கும் மேற்பட்டோர்
இறந்து கிடந்தது குறிப்பிடத்தக்கது. வறுமை காரணமாக
மேற்கு ஆப்பிரிக்காவை சேர்ந்தவர்கள் ஐரோப்பிய
நாடுகளுக்கு பயணம் மேற்கொள்ள
அல்ஜீரியா அல்லது லிபியா நாட்டு கடற்கரையை நோக்கி செல்கின்றனர் என்பது
குறிப்பிடத்தக்கது.
Thanks:bbc,maalaimalar

குளிர்காலத்தில் கண்ணாடிகள் மூலம் முதல் தடவையாக ஒளிபெறும் நகரம்

வழமையாக குளிர் காலத்தில் சூரிய
ஒளி இன்றி இருண்டு கிடக்கும் நோர்வேயின் ஒரு நகரான
யூகானுக்கு (Rjukan மக்கள் தொகை 3,400)மூன்று இராட்சத
கண்ணாடிகள்(heliostats) மூலம் முதற்தடவையாக
இந்த ஆண்டு ஒளி கிடைத்துள்ளது.
ஒரு ஆழமான பள்ளத்தாக்கில் அமைந்திருக்கும் இந்த நகருக்கு,
அதனைச் சூழ்ந்துள்ள மூன்று
மலைகளால் குளிர் காலத்தில்
6 மாதங்களுக்கு சூரிய ஒளி கிடைக்காது. அந்த மலைகள் சூரிய
ஒளியை அந்த நகருக்கு கிடைக்காமல் மறைத்துவிடும். ஆகவே இந்த நகருக்கு
இராட்சத கண்ணாடிகளை பயன்படுத்தி இந்தக்
காலகட்டத்தில் ஒளி வழங்க வேண்டும் என்ற யோசனை 100
ஆண்டுகளுக்கு முன்னதாக முன்வைக்கப்பட்டது. ஆனால், அதற்கான தொழில்நுட்பம்
2003 இல்தான்
கண்டுபிடிக்கப்பட்டது. குளிர்காலத்தில் முதல் தடவையாக சூரியனை வரவேற்க இந்த நகரம்
தற்போது பெரும் கொண்டாட்டத்துக்கு ஏற்பாடு செய்துள்ளது. எதிர்பாராத ஒளி
கண்பார்வையை கெடுத்துவிடலாம் என்பதற்காக
அந்த நகர பள்ளிக்கூடப் பிள்ளைகளுக்கு எல்லாம் கூளிங்கிளாஸ்
வழங்கப்பட்டுள்ளது.
இது $ 847,000 டொலர் செலவில் நிர்மாணிக்கப்பட்டுள்ளது.



Source:http://adf.ly/Ya8MG

அவதானம்! P67799159 என்ற தொடர் இலக்கத்தை கொண்ட போலி 2 ஆயிரம் ரூபா நாணயத்தாள்கள்

சுமார் 7 மில்லியன் ரூபா பெறுமதியான போலி நாணயத்தாள்கள்
மாலபே பகுதியில் கைப்பற்றப்பட்டுள்ளதோடு பணம் அச்சிட்ட
அச்சகமும் இன்று சுற்றி வளைக்கப்பட்டுள்ளது. கைப்பற்றப்பட்ட
அனைத்தும் போலி நாணயத் தாள்களும் இரண்டாயிரம் ரூபா நாணய
தாள்கள் என பொலிஸ் குற்ற புலனாய்வு திணைக்களம்
தெரிவித்துள்ளது. கைப்பற்றப்பட்ட அனைத்து போலி நாணயத்தாள்களிலும் P67799159
என்ற தொடர் இலக்கம் காணப்படுவதாகவும் இவ்வாறான
போலி நாணயத்தாள்கள் பல புழக்கத்தில் இருப்பதாகவும் அத்
திணைக்களம் குறிப்பிட்டுள்ளது.
எனவே P67799159 என்ற தொடரிலக்கத்தையுடைய 2000
ரூபா நாணயத் தாள்கள் கிடைக்கப்பெறுமாயின் உடனடியாக அருகில் உள்ள பொலிஸ்
நிலையத்திற்கு அறிவிக்குமாறு பொதுமக்களிடம்
வேண்டுகோள் விடுக்கப்பட்டுள்ளது.





Source:http://adf.ly/YNRFL

கொழும்பு -கட்டுநாயக்க அதிவேக நெடுஞ்சாலை ஜனாதிபதியால் திறந்து வைப்பு

இலங்கையில் அமைக்கப்பட்டுள்ள இரண்டாவது அதிவேக நெடுஞ்சாலையான கொழும்பு-
கட்டுநாயக்க அதிவேக நெடுஞ்சாலையினை ஜனாதிபதி மஹிந்த ராஜபக்ஷ இன்று காலை
9.30 மணியளவில் உத்தியோகபூர்வமாக திறந்து வைத்தார்.
இன்று காலை 9.30 மணிக்கு பேலியகொட களனி பாலத்திற்கு அருகில் இந்த அதிவேக
நெடுஞ்சாலையினை ஜனாதிபதி திறந்து வைத்தார்.
4500 கோடி ாய் சீன நிதி உதவியின் கீழ் அமைக்கப்பட்டுள்ள இந்த அதிவேக
நெடுஞ்சாலையானது சுமார் 26 கிலோமீற்றர் நீளமுடையது.
இதன் மூலம் கொழும்பிலிருந்து 20 நிமிடத்தில் கட்டுநாயக்கவுக்கு செல்ல
முடியும் என நெடுஞ்சாலைகள் அமைச்சு தெரிவித்துள்ளது.
இந்த நெடுஞ்சாலையானது திறந்து வைக்கப்பட்டதால் நீர்கொழும்பு மற்றும்
கண்டி வீதிகளின் போக்குவரத்து நெரிசல் ஓரளவு குறையும் என
எதிர்பார்க்கப்படுகிறது. இதே வேளை இந்த நெடுஞ்சாலையினூடாக நாளொன்றிற்கு
சுமார் 15,000 இற்கும் அதிகமான வாகனங்கள் பயணிக்கும் எனவும்
எதிர்பார்க்கப்படுகிறது.
இன்று காலை ஜனாதிபதியினால் இந்த அதிவேக நெடுஞ்சாலை
திறந்துவைக்கப்பட்டுள்ள அதேவேளை இன்று மாலை முதல் வாகன போக்குவரத்து
இடம்பெறும் எனவும் தெரிவிக்கப்பட்டுள்ளது.
இந்த நெடுஞ்சாலையில் பயணிக்கும் இலகு ரக வாகனங்களுக்கு
பேலியகொடையிலிருந்து கட்டுநாயக்கவுக்கு செல்ல 300 ரூபாவும் ஜ-எல வரை
செல்ல 200 ரூபாவும் அறவிடப்படும்.
இதேவேளை 9 ஆசனங்களையுடைய வேன் மற்றும் 33 ஆசனங்களையுடைய பஸ்
வண்டிகளுக்கும் பேலியாகொடையிலிருந்து ஜா-எல வரை 350 ரூபாவும்
கட்டுநாயக்கவுக்கு 450 ரூபாவும் ஜா-எலயிலிருந்து கட்டுநாயக்கவுக்கு 300
ரூபாவும் அறவிடப்படும்.
லொறி மற்றும் 33 க்கும் அதிகமான ஆசனங்களை கொண்ட பஸ்களுக்கும்
பேலியகொடையிலிருந்து ஜ-எல வரை 400 ரூபாவும் கட்டுநாயக்க வரை 600 ரூபாவும்
கட்டணமாக அறவிடப்படும் என தெரிவிக்கப்பட்டுள்ளது.



Source:http://adf.ly/YIEw0

மெல்ல கொல்லும் குடிநீர் ''பாட்டில்கள்''

ிநீர் தயாரிக்கும் கம்பெனி பெயர் பார்த்து விலை கொடுத்து வாங்குபவர்கள்,
பாட்டிலுக்கு அடியில் முக்கோணக் குறிக்குள் இருக்கும் எண்ணை
கவனிப்பதில்லை.
குடிநீர் பாட்டில்களில் 1 முதல் 7க்குள் ஏதேனும் ஒரு எண் இருக்கும்.
இந்த எண் மூலம் அந்த பாட்டில் எவ்வகை வேதிப்பொருளால் ஆனது, இது எந்த
பொருள் வைக்க தகுதி கொண்டது என்பதை அறியலாம். அடிப்புற முக்கோணத்திற்குள்
எண் ''1'' இருந்தால் அந்த பாட்டில் பிஇடி (பாலி எத்திலின் டெர்ப்தலேட்)
வேதிப்பொருளில் ஆனது. இதில் பானம், குளிரூட்டிய உடனடி உணவு இருக்கும்.
எண் ''2'' இருப்பின், ஹெச்டிபிஇ (ஹை டென்சிட்டி பாலிஎத்தனால்)
வேதிப்பொருளால் ஆனது. இதில் பால் உள்ளிட்ட பொருட்கள் விற்கப்படும். எண்
''3'' என இருந்தால், பிவிசி (பாலிவினைல் குளோரைடு) என்ற வேதி பொருளால்
தயாரிக்கப்பட்டவை. இதில் உணவுப்பொருட்கள், பழரசம் இருக்கும். எண் ''4''
எனில், எல்டிபிஇ (லோ டென்சிட்டி பாலி எத்திலின்) என்ற வேதி பொருளால்
உருவாகி, பொருட்களை அடைப்பதற்கான பாக்கெட்டுகளாக இருக்கும்.
எண் ''5'' பிபி (பாலி புரோபைலின்) வேதிப்பொருளால் ஆகி, மைக்ரோவேவ் போன்ற
உணவு பாத்திர பயன்பாட்டிலும், எண் ''6'' இருப்பின், பிஎஸ் (பாலிஸ்டிரின்)
வேதிப்பொருளில் உருவாகி முட்டைகளுக்கான கூடு, பொம்மை, எலக்ட்ரானிக்
பொருட்களுக்கான பிளாஸ்டிக்காக இருக்கும். இதுதவிர எண் ''7''
இடப்பட்டிருந்தால் மற்ற வகை பிளாஸ்டிக்காக குவளைகள், தட்டுகள் உள்ளிட்ட
பாத்திரங்களாக மட்டுமே பயன்படுத்தலாம்.
இந்த 7 பிளாஸ்டிக் வகைகளில் அடிப்புறம் 1, 3, 6 எண்களிட்ட பாட்டில்கள்
தரும் பாதிப்பு அதிகமிருக்கும். பள்ளி செல்லும் குழந்தைகள், பயணம்
செய்வோர் என பலரும் ஏற்கனவே உபயோகப்படுத்திய பழைய பாட்டில்களில் தண்ணீர்
நிரப்பி எடுத்துச் செல்வது அதிகரித்துள்ளது. புதிய மினரல் வாட்டர்
பாட்டிலை வெயிலில் வைத்தாலே வேதிவினைகள் நடந்து நீரில் எளிதில்
வேதிப்பொருட்கள் கலந்து விஷமாகுமென சமீபத்திய ஆய்வுகள் தெரிவிக்கின்றன.
இதைவிட மோசமாக, பழைய பாட்டிலில் குடிநீரை சுட வைத்து நிரப்புவது,
ஆண்டுக்கணக்காக இந்த ஓற்றை பாட்டிலில் நீர் நிரப்பி பயன்படுத்துவதென
மக்கள் அறியாமையில் உள்ளனர். இனிமேல் குடிநீரோ, உணவுப் பொருட்களோ
வாங்கும் பாட்டில்கள், பேக்கிங்குகளில் அடிப்புறத்து எண்ணை பார்ப்பது
அவசியம்.
தமிழக அரசு டாக்டர்கள் சங்க தலைவர் செந்தில் கூறுகையில், ''மறு
சுழற்சிக்கு தகுதியற்ற சாதாரண குடிநீர் பாட்டில்களை பல நாட்களுக்கு
அடுத்தடுத்து தொடர்ந்து பயன்படுத்தக்கூடாது. உணவுத் தரம் மிக்க
பிளாஸ்டிக்கில் செய்த பாட்டில்கள் விலை அதிகமிருப்பினும், அதில் தண்ணீர்
வைத்து குடிப்பதே உகந்தது. ''ஒன்ஸ் யூஸ்'' பாட்டில்களை ஒருமுறை
பயன்படுத்தியதும் உடைத்தெறிய வேண்டும். இதில் அந்த பாட்டிலின்
வேதிப்பொருள் அந்த நீர், உணவுடன் வினையாகி ''மெல்லக் கொல்லும் விஷமாகி''
நரம்பு மண்டலம் துவங்கி உடலின் அனைத்து பாகங்களையும் பாதிக்கும்''
என்றார்.

Source:http://adf.ly/Y2DTc

வழுக்கைக்கு வந்துவிட்டது தீர்வு?

உலக அளவில் ஆண்களின் மிகப்பெரிய பிரச்சனைகளில் ஒன்று வழுக்கைத்தலை.
ஆண்களின் அழகுக்கு மிகப்பெரிய எதிரியாக வழுக்கைத் தலை பார்க்கப்படுகிறது.
இதை தடுக்க விரும்பாத ஆண்களே இல்லை எனலாம்.
தலைப்பாகை துவங்கி, தொப்பியாக வளர்ந்து இன்றைய விக் வரை வழுக்கையை மறைக்க
ஆண்கள் பலவகையான தந்திரங்களை கையாண்டு வந்திருக்கிறார்கள். வழுக்கையை
தடுக்கும் மருந்துகள், முடி உதிராமல் தடுக்கும் மருந்துகள், உதிர்ந்த
முடி வளர்க்கும் மருந்துகள், கடைசியாக முடிமாற்று அறுவை சிகிச்சை முறை
என்று பலவகையான மருத்துவ தீர்வுகள் கண்டுபிடிக்கப்பட்டிருந்தாலும் இவை
எதுவுமே வழுக்கை பிரச்சனைக்கான நீடிக்கத்தக்க நிரந்தர தீர்வை தரவில்லை
என்றே பார்க்கப்படுகிறது.
ஆனால் வழுக்கைக்கான நிரந்தர தீர்வை தாங்கள் நெருங்கிவிட்டதாக
கூறுகிறார்கள் விஞ்ஞானிகள். ஐக்கிய ராஜ்ஜியத்தில் இருக்கும் டர்ரம்
பல்கலைக்கழகமும், அமெரிக்காவின் கொலம்பியா பல்கலைக்கழக மருத்துவ மையமும்
இணைந்து செய்த ஆய்வின் முடிவில், மனிதர்களின் முடியை செயற்கையாக
வளர்ப்பதற்கான புதிய உத்தி கண்டுபிடிக்கப்பட்டிருப்பதாக
அறிவிக்கப்பட்டிருக்கிறது.
அதாவது மனிதர்களின் முடியின் அடிப்பகுதியில் இருக்கும் நுண்ணிய திசுக்களை
எடுத்து, அவற்றை பரிசோதனைக்கூடத்தில் ஊட்டச்சத்து மிக்க சூழலில்
வளர்த்து, அப்படி வளர்க்கப்பட்ட அந்த திசுக்களை வழுக்கையான பகுதியில்
இருக்கும் தோலுக்கு அடியில் வைத்தால், அந்த பகுதியில் இருந்து புதிதாக
முடிவளர்க்க முடியும் என்று இந்த விஞ்ஞானிகள் செய்து
காட்டியிருக்கிறார்கள்.
மொத்தம் ஏழுபேரிடம் செய்த பரிசோதனைகளில், ஐந்துபேருக்கு ஆறுவாரங்களில்
புதிய முடி வளர்வதை இவர்கள் கண்டிருக்கிறார்கள். அதே சமயம், இந்த
பரிசோதனைகள் ஆரம்பகட்டத்தில் இருப்பதாக தெரிவித்திருக்கும், டர்ரம்
பல்கலைக்கழக பேராசிரியர் கோலின் ஜஹோடா, தமது இந்த ஆய்வின் முடிவுகள்
வழுக்கைத் தலையர்களுக்கு பயன்படுவதற்கு கடக்கவேண்டிய தடைகள் இன்னும் சில
இருக்கின்றன என்கிறார்.
ஆனாலும் இந்த ஆய்வின் முடிவு, வழுக்கையை முழுமையாக நிரந்தரமாக
குணப்படுத்த முடியும் என்பதற்கான சாத்தியப்பாட்டை
நிகழ்த்திக்காட்டியிருப்பதாக கூறுகிறார் அவர்.



Source:BBC

இம்முறை ஹஜ் கடமையில் 1.38 மில். யாத்திரிகர்கள் பங்கேற்பு

இம்முறை ஹஜ் கடமையை நிறை வேற்ற 118 நாடுகளிலி ருந்து சுமார் 1.38
மில்லியன் யாத்திரிகர் சவூதி அரேபியா வந்திருப் பதாக அந்நாட்டின் உள்துறை
அமைச்சரும் ஹஜ் உயர்மட்டக் குழுவின் தலைவருமான இளவரசர் முஹம்மத் பின்
தையாப் அறிவித்து ள்ளார். இந்த யாத்திரிகர்கள் பாதுகாப்பாகவும்
சிக்கலின்றியும் நாட்டை வந்தடைந்ததாக இரு புனித பள்ளிவாசல்களின் பொறுப்பா
ளரான மன்னர் அப்துல்லா வெளியிட்ட அறிக்கையில் குறிப்பிடப்பட்டுள்ளது.
1,379,531 வெளிநாட்டு ஹஜ் யாத்திரிகர்களில் 55 வீதமானவர்கள் அதாவது
752,424 ஆண்கள் என்றும் 627,107 பேர் (45 வீதம்) பெண் யாத்திரிகர்கள்
என்றும் இளவரசர் முஹம்மத் குறிப்பிட்டார். கடந்த ஆண்டுடன் ஒப்பிடு கையில்
இந்த ஆண்டில் 377,439 (21 வீதம்) வெளிநாட்டு யாத்திரிகர்களின் எண்ணிக்கை
குறைவடைந்துள்ளது. ஹஜ் கடமைக்காக 1.29 மில்லியன் யாத்திரிகர்கள் வான்
வழியாகவும், 72,000க்கும் மேற்பட்ட யாத்திரிகர்கள் கடல் வழியாகவும்,
14,898 யாத்திரிகர்கள் தரைவழியாகவும் ஹஜ் கடமைக்காகக் வந்திருப்பதாக
இளவரசர் முஹம்மத் மேலும் கூறினார்.


Source:thinakaran .lk

அரபா நோன்பின் மாண்பு

'அரபா தினம்' என்பது ஹிஜ்ரி ஆண்டின் பனிரெண்டாம் மாதமான துல்ஹஜ் பிறை
ஒன்பதாம் நாளன்று கடைப்பிடிக்கப்படுகிறது. அது வரலாற்று சிறப்பு மிக்க
தினம். அன்றைய தினத்தில் தான் எல்லாம் வல்ல அல்லாஹ் அண்ணல் நபி (ஸல்)
அவர்களுக்கு இஸ்லாமிய மார்க்கம் எனும் வாழ்வியல் நெறியை
முழுமைப்படுத்தினான். 'இன்று உங்களது மார்க்கத்தை உங்களுக்காக நான்
முழுமையாக்கி விட்டேன். எனது அருட்கொடையையும் உங்கள் மீது நான் நிறைவு
செய்துவிட்டேன். இன்னும் உங்களுக்காக இஸ்லாத்தை உங்களது மார்க்கமாக
ஏற்றுக் கொண்டுவிட்டேன்' (திருக்குர்ஆன் 5:3)
இந்த வசனம் ஹிஜ்ரி 10–ம் ஆண்டு நபி (ஸல்) அவர்கள் மேற்கொண்ட ஹஜ்ஜின்
போதும், துல்ஹஜ் பிறை 9–ம் நாளான அரபாதினத்தின் போதும் தான் இறங்கியது.
இந்த வசனம் குறித்து அப்போதைய யூதர்கள் உமர் (ரலி) அவர்களிடம்
கூறும்போது, 'நீங்கள் ஓர் இறை வசனத்தை ஓதுகிறீர்கள். அந்த வசனம் மட்டும்
எங்களிடையே இறங்கியிருந்தால், அந்நாளை நாங்கள் பண்டிகை நாளாக ஆக்கிக்
கொண்டிருப்போம்' என்றார்கள். அதற்கு உமர் (ரலி) அவர்கள், 'அது எப்போது
இறங்கியது? எங்கே இறங்கியது? அது இறங்கிய வேளையில் அரபா (துல்ஹஜ் 9–ம்)
நாளில் அல்லாஹ்வின் தூதர் (ஸல்) அவர்கள் எங்கே இருந்தார்கள்
என்பதையெல்லாம் நான் அறிவேன். அல்லாஹ்வின் மீது ஆணை! நாங்கள் அப்போது
அரபாவில் இருந்தோம்' என்று கூறினார்கள். (அறிவிப்பாளர்: தாரிக்பின்
ஷிஹாப் (ரஹ்) புகாரி: 4606)

'அரபா தான் ஹஜ்'
ஹஜ் என்பதே அரபா (வில் தங்குவது) தான். துல்ஹஜ் பத்தாம் இரவில்
அதிகாலைக்கு முன்பு ஒருவர் (அரபாவுக்கு) வந்துவிட்டால், அவர் ஹஜ்ஜை
அடைந்து கொள்வார் என நபி (ஸல்) அவர்கள் கூறினார்கள். (அறிவிப்பாளர்:
அப்துர் ரஹ்மான் பின் யஃமுர் (ரலி) நூல்கள்: அஹ்மது, அபூதாவூத், நஸயீ,
திர்மிதி)

அரபாவில் எங்கே தங்கவேண்டும்?
அரபா மைதானத்தில் குறிப்பிட்ட இடத்தில் தான்
தங்கவேண்டும் என்பதில்லை. அரபா மைதானத்தின் எந்த ஒரு இடத்தில்
வேண்டுமானாலும் தங்கலாம். துல்ஹஜ் 9–ம் நாளின் அதிகாலை 'சுபுஹ்' எனும்
தொழுகையை முடித்துவிட்டு, சூரியன் உதயமானபின்பு 'மினா' எனும்
இடத்திலிருந்து அரபாவை நோக்கி புறப்படவேண்டும். அரபாவிற்கு வந்து சேர
நண்பகலாக ஆகிவிடும். இந்த நண்பகலில் இருந்து மறுநாள் அதிகாலை வரைக்கும்
எப்போது வேண்டுமானாலும் அரபாவில் தங்கினாலோ,
அல்லது அரபா மைதானத்தை கடந்து சென்றாலோ புனித ஹஜ் நிறைவேறிவிடும்.
அரபாவில் இவ்வளவு நேரம்தான் தங்கவேண்டும் என்ற வரம்பு கிடையாது.

அரபாவில் என்ன செய்ய வேண்டும்?

அரபாவில் உலக அமைதிக்காகவும், உலக நன்மைக்காகவும், தாய் நாட்டின்
வளர்ச்சிக்காகவும், சமய நல்லிணக்கத்திற்காகவும், சமூக ஒற்றுமைக்காகவும்,
மனித வளத்திற்காகவும், பசியிலிருந்து விடுதலை பெறவும், பயத்திலிருந்து
விடுபடவும், நோயிலிருந்து நிவாரணம் பெறவும், கடனிலிருந்து நிம்மதி
பெறவும், மனிதவளம் மேம்படவும், மன அமைதி பெறவும் எல்லாம் வல்ல இறைவனிடம்
பிரார்த்திக்க வேண்டும். மேலும் அரபாவில் நண்பகல் தொழுகையான 'லுஹரையும்'
மாலை நேரத் தொழுகையான 'அஸரையும்' நண்பகலில் சேர்த்து தொழுதிட வேண்டும்.
'நபி (ஸல்) அவர்கள் அரபா நாளில் உரையாற்றினார்கள். (அவ்வுரையில்)
உங்களின் ரத்தங்களுக்கு உங்களின் செல்வங்களும் புனிதமானவை என்று
தொடங்கும் நீண்ட உரையை நிகழ்த்தினார்கள். பிறகு தொழுகைக்கான அழைப்பு
(பாங்கு) கூறி, தொழுகையில் நிற்பதற்குரிய வாசகம் (இகாமத்) கூறி லுஹர்
தொழுது, பிறகு அஸரும் தொழுதார்கள்' (அறிவிப்பாளர்: ஜாபிர் (ரலி) நூல்:
முஸ்லிம்) நான் அரபாவில் நபி (ஸல்) அவர்களின் பின்னே (ஒட்டகத்தில்)
அமர்ந்திருந்தேன். அவர்கள்
தமது கைகளை உயர்த்தி பிரார்த்தனை செய்தார்கள்
. (அறிவிப்பாளர்: உஸாமா பின் ஸைத் (ரலி) நூல்: நஸயீ) புனித ஹஜ்ஜிக்கு
செல்லும் இஸ்லாமியர்கள் மக்கா நகரில் ஆங்காங்கே தங்கியிருந்து, குழு
குழுவாக தங்களது ஹஜ் கடமைகளை ஆற்றுவார்கள். இவர்களுக்குப் பிறகு, பின்
வரக்கூடியவர்கள், பின் வரக்கூடியவர்களுக்குப் பின் வருபவர்கள் என
தொடர்ந்து வந்துகொண்டே இருப்பவர்கள் கடமையை ஆற்றிவிட்டு, பின்
வரக்கூடியவர்களுக்கு இடமளிப்பார்கள். அரபாவைத் தவிர ஒட்டுமொத்தமாக ஒரே
இடத்தில், ஒரே நேரத்தில் யாரும் ஒன்று கூடமாட்டார்கள். அவரவர் தமது
கடமையை நிறைவேற்றிவிட்டு, அடுத்த கடமைக்கு முன்னேறி விடுவார். உலகின் பல
பாகங்கலிருந்தும் மக்காவுக்கு வருகை தரக்கூடிய அனைத்து முஸ்லிம்களையும்
ஒன்றிணைக்கக்கூடிய ஒரு ஒப்பற்ற தினம்தான் 'அரபா தினம்'. அன்றைய தினத்தில்
'அரபா திடலில்' அனைவரும் ஒன்று திரண்டு, நிறம், மொழி, குலம், நாடு, பணம்,
பதவி, சாதி, அமைப்பு அனைத்தையும் துறந்து, வேற்றுமையை குழிதோண்டி
புதைத்து, தீண்டாமையை வேரோடு சாய்த்து உலக ஒற்றுமையை நிலைநாட்டி
வைக்கிறார்கள். உலக ஒற்றுமையை வலியுறுத்தும் உலக மகாநாடு அரபா தினத்தில்,
அரபா திடலில் நடை பெறுவது வரலாற்று முக்கியத்துவம் வாய்ந்ததாக அமைகிறது.
மக்காவும், அதன் சுற்றுப்புறமும் ஆசீர்வதிக்கப்பட்ட பகுதியாகவும்,
மகத்துவம் நிறைந்த பகுதியாகவும் இருந்துவரும் வேளையில் அரபா எனும் பகுதி
ஆசீர்வதிக்கப்பட்ட, மகத்துவம் வழங்கப்பட்ட பகுதிக்கு அப்பால் இருக்கிறது.
இதனால் அன்றைய அறியாமைகால அரபிகள் (குறைஷிகள்) தங்களுக்கு மற்ற அரபுகளை
விடத்
தனிச்சிறப்பு உண்டு. காரணம் புனித கஅபா நமது ஊரில் இருப்பதும், நாம் அதன்
எல்லை வாசலில் இருப்பதும் தான் என கருதிவந்தனர். இதனால் அவர்கள் மக்களோடு
மக்களாக அரபாவில் தங்காமல் 'முஸ்தலிபா' எனும் இடத்தில் தங்குவார்கள்.
காரணம் 'முஸ்தலிபா' புனித கஅபாவின் எல்லைக்கு உள்ளேயும், 'அரபா' புனித
கஅபாவின் எல்லைக்கு வெளியேயும் இருப்பது தான். உயர் குலத்தவரான குறைஷிகள்
மட்டும் புனித எல்லையில் தங்கிவிட்டு, அரபா என்பது ஊருக்கு வெளியே
ஒதுக்கப்பட்டவர்களுக்கான இடமாக கருதி வந்தார்கள். இத்தகைய தீண்டாமைக்
கொடுமையை இஸ்லாம் பின்வருமாறு ஒழித்துக்காட்டியது. 'பின்னர் மக்கள்
(அனைவரும்) திரும்பி வருகின்ற (அரபா எனும்) இடத்திலிருந்து
திரும்பிவாருங்கள்' ( திருக்குர்ஆன் 2:199) (அறியாமைக் காலத்தில் ஹஜ்ஜின்
போது) குறைஷியரும், அவர்களின் மதத்தவர்களும் முஸ்தலிபாவிலேயே
தங்கிவிடுவார்கள். (கஅபாவின் புனித எல்லையை விட்டு வெளியேற மாட்டார்கள்)
அவர்கள் (இந்த விஷயத்தில்) உறுதிமிக்கவர்கள் என பெயரிடப்பட்டு வந்தனர்.
மற்ற அரபுகள் அனைவருமே அரபாவில் தங்கி வந்தார்கள். இஸ்லாம் வந்த போது நபி
(ஸல்) அவர்களுக்கு (துல்ஹஜ் 9–ம் நாளில்) அரபா சென்று, அங்கே
தங்கியிருந்து விட்டு திரும்ப வேண்டும் என அல்லாஹ் (2:199 வது வசனத்தில்)
கட்டளையிட்டான். (அறிவிப்பாளர்: ஆயிஷா (ரலி) புகாரி: 4520) இஸ்லாத்தில்
தீண்டாமைக்கு அணு அளவுகூட அனுமதி இல்லை என்பதை அரபா தினம் படம்பிடித்து
காட்டுகிறது. பாடம் பெறுபவர்கள் பக்குவம் பெறலாம்! பயனை அடையலாம்!

அரபா நோன்பின் மாண்பு:
அரபா தினத்தில் ஹஜ்ஜிக்கு செல்லாதவர்கள் நோன்பு நோற்பது சிறப்பான
வழிபாடாகும். புனித ஹஜ்ஜிக்கு செல்பவர்கள் அரபா தினத்தில் அதிகமதிகம்
நன்மைகள் பலவற்றை புரிவதற்கும், உத்வேகத்துடனும், விவேகத்துடனும்,
புத்துணர்ச்சியுடனும் செயல்படுவதற்கும் ஹாஜிகள் நோன்பு நோற்கத்
தேவையில்லை! 'அரபா நாளின் நோன்பைப் பற்றி நபி (ஸல்) அவர்களிடம்
கேட்கப்பட்டது. அதற்கு நபி (ஸல்) அவர்கள் 'அது கடந்துபோன ஓராண்டு மற்றும்
எதிர்வரும் ஓராண்டு நிகழும் சிறு
பாவங்களுக்கு பரிகாரமாக அமையும்' என கூறினார்கள்'. (அறிவிப்பாளர்:
அபூகதாதா (ரலி) நூல்: முஸ்லிம்) அரபா தினத்தை விட சிறந்தநாள் வேறெதுவும்
கிடையாது. மற்ற தினங்களைவிட அன்றைய தினத்தில் அதிகமான நரக கைதிகளுக்கு
எல்லாம் வல்ல அல்லாஹ் விடுதலை அளிக்கிறான். அன்று அல்லாஹ் அடியார்களிடம்
நெருங்கி வந்து, அவர்களின் மாண்பு குறித்து வானவர்களிடம் பெருமை
பாராட்டுகிறான் என நபி (ஸல்) கூறினார்கள். (அறிவிப்பாளர்: ஆயிஷா (ரலி)
நூல்: முஸ்லிம்).

–மவுலவி அ.செய்யது அலி,


நன்றி :dailythanthi .com

ஆண்ட்ராய்ட் 4.4 கிட்காட் (Android 4.4 KitKat)

கிட்காட் - ஆண்ட்ராய்ட் இயங்குதளத்தின் அடுத்த
பதிப்பிற்கான பெயர். மிகுந்த
எதிர்பார்ப்புடன் இருக்கும் கிட்காட் பற்றிய
புதிய தகவல்களை இங்கே பார்ப்போம்.

ஆண்ட்ராய்ட் 4.4 கிட்காட்

ஆண்ட்ராய்ட் பதிப்புகளின் பெயர்கள் இனிப்பின்
பெயர்களாகவும், ஆங்கில எழுத்துக்களின்
(Alphabets) வரிசைப்படியும் அமைந்திருக்கும்.

*Android 1.5 Cupcake
*Android 1.6 Donut
*Android 2.0 Eclair
*Android 2.2 Froyo
*Android 2.3 Gingerbread
* Android 3.0 Honeycomb
*Android 4.0 Ice Cream Sandwich
*Android 4.1 Jelly Bean

இந்த வரிசையில் Android 5.0 பதிப்பாக "Key Lime Pie" வெளிவரலாம் என
எதிர்பார்த்த நிலையில் Android 4.4, KitKat என்று தனது புதிய பதிப்பின்
பெயரை அறிவித்தது கூகுள்.

Have a Kit Kat! Have a Nexus Tablet!

ஆண்ட்ராய்ட் கிட்காட் பதிப்பை பிரபலப்படுத்த
முதல்கட்டமாக கிட் காட் சாக்லேட்டின்
தயாரிப்பாளரான நெஸ்ட்லே நிறுவனத்துடன்
இணைந்து போட்டி ஒன்றை அறிவித்துள்ளது.
ஆண்ட்ராய்ட் படத்துடன்கூடிய கிட் காட்
சாக்லேட்டில் பிரத்யேக எண்கள் இருக்கும். அதனை www.android.com/kitkat
என்ற முகவரிக்கு சென்று உங்கள் விவரத்துடன்
கொடுத்தால் புதிய நெக்ஸஸ் டேப்லட் பரிசாக
பெறும் வாய்ப்பை பெறலாம்.

எதிர்பார்க்கப்படும் வசதிகள்

ஜெல்லி பீன் தோற்றத்திலிருந்து சில மாற்றங்களை செய்துள்ளதாக இணையத்தில் பரவும்
சில புகைப்படங்கள் தெரிவிக்கின்றன. மேலும்
android.com தளத்தில்
"It's our goal with Android KitKat to make an amazing Android
experience available for everybody."
என்று தெரிவித்துள்ளது. இதன் அர்த்தம்
குறைந்தபட்சம் 512 MB Ram கொண்ட அனைத்து ஆண்ட்ராய்ட் மொபைல்களிலும்
இதை பயன்படுத்தலாம் என நம்பப்படுகின்றது.
இதுமட்டும் உண்மையானால் நிச்சயம் ஆப்பிள்
நிறுவனத்துக்கு பெரும் சவாலாக அமையும்.

ஆண்ட்ராய்ட் 4.4 கிட்காட் இம்மாதம் வெளியீடு

இந்த மாதம் 15-ஆம் தேதி புதிய Nexus 5 மொபைலுடன் சேர்த்து கிட்காட்
பதிப்பை வெளியிடப்படலாம் என
எதிர்பார்க்கப்படுகிறது.

நன்றி :ப்ளாக்கர் நண்பன்

25 மாவட்டங்களில் நாளை அனர்த்த முன்னெச்சரிக்கை ஒத்திகை

நாட்டில் உள்ள 25 மாவட்டங்களில் நாளைய தினம்
(11) சுனாமி, மண்சரிவு, வெள்ளம் உள்ளிட்ட
அனர்த்தங்கள் தொடர்பான
முன்னெச்சரிக்கை ஒத்திகை நிகழ்வு இடம்பெறும்
என அனர்த்த முகாமைத்துவ மத்திய நிலையம்
தெரிவித்துள்ளது. சர்வதேச அனர்த்தக்
குறைப்பு தினத்தை முன்னிட்டு இந்த
முன்னெச்சரிக்கை ஒத்திகை
முன்னெடுக்கப்படவுள்ளதாக அனர்த்த
முகாமைத்துவ நிலையம் குறிப்பிட்டுள்ளது.
நாளை (11) வெள்ள அனர்த்தம் தொடர்பான விழிப்புணர்வு ஊட்டும்
நிகழ்வு அநுராதபுரம், பொலன்னறுவை,
வவுனியா, மொனராகலை, குருநாகல் ஆகிய
மாவட்டங்களில் முற்பகல் 11 மணியிலிருந்து 12
மணிவரை முன்னெடுக்கப்படும்.
மண்சரிவு அனர்த்த ஒத்திகை இரத்தினபுரி, நுவரெலியா, பதுளை, கேகாலை, மாத்தளை,
கண்டி ஆகிய மாவட்டங்களில் பிற்பகல் 2
மணியிலிருந்து 3
மணிவரை முன்னெடுக்கப்படும்.
சுனாமி ஒத்திகை அம்பாறை, மட்டக்களப்பு,
திருகோணமலை, அம்பாந்தோட்டை, மாத்தறை, காலி, களுத்துறை, கம்பஹா, கொழும்பு, புத்தளம்,
மன்னார், யாழ்ப்பாணம், முல்லைத்தீவு,
கிளிநொச்சி ஆகிய மாவட்டங்களில் பிற்பகல் 3
மணியிலிருந்து 4
மணிவரை முன்னெடுக்கப்படும்.
சுனாமி முன்னெச்சரிக்கை ஒத்தினையின் போது ஹம்பாந்தோட்டை பொலிஸ்
பிரிவு மணிக்கோபுரம், திவினுவர
மீன்பிடி துறைமுக மணிக்கோபுரம்,
முல்லைத்தீவு வெள்ளமுள்ளிவாய்க்கால்
மணிக்கோபுரம் என்பவற்றில்
ஒலி எழுப்பப்படும் என அனர்த்த முகாமைத்துவ நிலையம் தெரிவித்துள்ளது.


Source:அத தெரண - தமிழ்

விமான ஒலியால் இதய நோய், மூளைச் செயலிழப்பு அதிகமாகும் ? -

'விமான ஒலியால் நோய்
ஆபத்து அதிகரிக்கிறது'-- ஆய்வு


விமான ஒலி மிக அதிகமாக இருக்கும்
பகுதிகளில் வசிப்பவர்களுக்கு இதய நோய்
அல்லது ஸ்ட்ரோக் எனப்படும் மூளைக்கு ரத்தம்
எடுத்துச் செல்லும் குழாய்களில்
அடைப்பு ஏற்பட்டு மூளை செயலிழக்கும்
வாய்ப்பு அதிகம் காணப்படுவதாக பிரிட்டனில் நடத்தப்பட்ட மருத்துவ
ஆய்வொன்று தெரிவிக்கிறது. மேற்கு லண்டன் பகுதியில் உள்ள ஹீத்ரோ விமான
நிலையத்திற்கு அருகே வசிக்கும் சுமார் 35
லட்சம் மக்களை ஆய்வு செய்த ஆய்வாளர்கள் இந்த
முடிவுக்கு வந்துள்ளனர். விமானங்களின் ஒலி மிக அதிகமாக இருக்கும்
பகுதிகளில் வசிக்கும் மக்கள் ஸ்ட்ரோக்
காரணமாகவோ அல்லது இதய நோய்
காரணமாகவோ மருத்துவமனைக்கு
அனுமதிக்கப்படுவது அல்லது இறக்கும்
நிகழ்வுகள் சாதாரணமாக மற்ற பகுதிகளில் இருப்பதைக் காட்டிலும் 10லிருந்து 20 சதவீதம்
அதிகமாக இருப்பதாகக்
கண்டறிந்திருக்கிறார்கள். விமான ஒலி மக்களின் ரத்த
அழுத்தத்தை அதிகப்படுத்துவது இதற்கு ஒரு
காரணமாக இருக்கலாம் என்று பிரிட்டிஷ்
மருத்துவ சஞ்சிகையில் இந்தக்
கட்டுரையை வெளியிட்ட ஆராய்ச்சியாளர்கள்
கூறியிருக்கிறார்கள்.


Source:BBC

புதிய கட்டுநாயக்க அதிவேகப் பாதையில், 3 நாட்கள் இலவசமாக பயணிக்கலாம் (வீடியோ)

எதிர்வரும் 28ம் திகதி திறக்கவிருக்கும் கொழும்பு - கட்டுநாயக அதிவேக
பாதையை மூன்று நாட்களுக்கு இலவசமாக பொதுமக்கள் உபயோகிக்கலாமென துறைமுக
மற்றும் பெரும்தெருக்கள் அபிவிருத்தி அமைச்சர் நிர்மலா கொத்தலாவல
தெரிவித்துள்ளார். இதன்படி 23.24.25ம் திகதிகளில் பொதுமக்களுக்காக
திறந்திருக்கும் இவ் வீதியில் விளையாட்டு மற்றும் கலாச்சார நிகழ்வுகளும்
இடம்பெறுமென அவர் மேலும் கூறியுள்ளார். கொழும்பு கட்டுநாயக்க வரை
செல்வதற்கு தற்போது உங்களுக்கு ஒரு மணித்தியாளதிற்கும் அதிக நேரம்
செலவாகும். எனினும் இன்னும் ஒரு சில தினங்களில் 20 நிமிடங்களில் அந்தப்
பயணத்தை நிறைவு செய்ய முடியும். குறித்த அதிவேக வீதிகளில் பயணிப்பதற்கான
சந்தர்ப்பம் 08-10-2013 ஊடகவியலாளர்களுக்கு கிடைத்தது.

www.youtube.com/watch?v=kuvwBbS4R0k

Thanks:jaffna muslim

உலக சிறுவர் தினத்தில்இலங்கை சிறுவர்களுக்கு அதிர்ச்சி! மனிதஉரிமை ஆணைக்குழு விசாரணை

உலக சிறுவர் தினத்தன்று தரம்
ஐந்து புலமை பரிசில் பரீட்சை முடிவுகள்
வெளியானமை குறித்து அரச நிறுவனங்களிடம்
கருத்தறிய இலங்கை மனித உரிமைகள்
ஆணைக்குழு தீர்மானித்துள்ளது.
அதன்படி, 35 அரச நிறுவனங்களின் பிரதிநிதிகளை எதிர்வரும் 10ம்
திகதி இலங்கை மனித உரிமைகள்
ஆணைக்குழுவிற்கு வருமாறு அழைப்பு
விடுத்துள்ளதாக அதன் தலைவர்
பிரதிபா மஹநாமஹேவா தெரிவித்துள்ளார்.
கல்வி அமைச்சின் செயலாளர், பரீட்சைகள் ஆணையாளர், தேசிய சிறுவர்
பாதுகாப்பு அதிகார சபையின் தலைவர்
உள்ளிட்ட குழுவினருக்கு இவ்வாறு அழைப்பு
விடுக்கப்பட்டுள்ளது.
உலக சிறுவர் தினத்தன்று தரம்
ஐந்து புலமை பரிசில் பரீட்சை முடிவுகள் வெளியிடப்பட்டதால் சர்ச்சை ஏற்பட்டுள்ளது.
சித்தியடைய தவறிய மாணவர்கள் சிறுவர்
தினத்தன்று வீட்டைவிட்டு வெளியில்
விரட்டப்பட்டமை, சூடு வைக்கப்பட்டமை,
திட்டப்பட்டமை, மனம் நோகடிக்கப்பட்டமை போன்ற
பல சம்பவங்கள் நாடு முழுவதும் இடம்பெற்றதாக தெரியவந்துள்ளது.


அத தெரண - தமிழ்

3 பேருக்கு மருத்துவத்துக்கான நோபல் பரிசு

மருத்துவத்துக்கான நோபல் பரிசு பெறும்
உயிரியல் பேராசிரியர்கள்


மருத்துவதுறைக்கான நோபல் பரிசு, மனித
செல்கள்(கலங்கள்) குறித்த உரியியல்
ஆய்வுகளைச் செய்த
மூன்று பேராசிரியர்களுக்கு கூட்டாக
வழங்கப்படுகின்றது. இரசாயனங்களை உடலில் உள்ள செல்கள்
கொண்டு செல்லும் முறை குறித்த
இவர்களது ஆய்வுகளுக்காக இந்த
பரிசு அவர்களுக்கு வழங்கப்படுகின்றது. அமெரிக்கார்களான ஜேம்ஸ் றொத்மன்,
ராண்டி ஷெக்மன் மற்றும் ஜேர்மனியில் பிறந்த
தோமஸ் சுதோவ்
ஆகியோருக்கு இது வழங்கப்படுகிண்றது. நொதிமங்கள் மற்றும் ஹோர்மோன்கள் போன்ற மனித
செல்களினால் தயாரிக்கப்படும் மூலக்கூறுகள்,
வெசிக்கல்ஸ் என்ற சிறு பொதிகளாக உரிய
நேரத்தில் உரிய
இடத்துக்கு எவ்வாறு கொண்டுசெல்லப்படுகின்றன
என்பதை இவர்கள் கண்டுபிடித்திருக்கிறார்கள். நீரிழிவு மற்றும் மூளை
குறைபாடுகள் போன்ற
நோய்கள் குறித்த ஆய்வுகளுக்கு இந்த
கண்டுபிடிப்பு உதவும்
என்று நம்பப்படுகின்றது.


Source:BBC

களுத்துறை முஸ்லிம் பாலிக்கா வித்தியாலயம்,மாவட்டத்தில் சாதனை படைத்தது

வெளியாகியுள்ள 5 ஆம் தர புலமைப் பரிசில் பரீட்சை முடிவுகளின்
அடிப்படையில் களுத்துறை முஸ்லிம் பாலிக்கா மகா வித்தியாலயத்தில் 7
மாணவிகள் சித்தியடைந்துள்ளனர்

1. Aiman Fais 187 (District wise 1st)

2. Hafsa Fousul Careem 185 (District wise 2nd)

3. Rasla Rasool 170

4. Zainab Fayas 167

5. Ashfa Ali 161

6. Fathima Nifal 160

7. Nafra Niswan 157

Thanks:jaffna muslim

பன்றி இறைச்சி இல்லாத பேக்கன், மது இல்லாத ஷாம்பெய்ன்: லண்டன் ஹலால் உணவுத் திருவிழா

இலங்கையிலும் சில ஐரோப்பிய நாடுகளிலும்
ஹலால் உணவுக்கு அண்மையில்
எதிர்ப்பு கிளம்பியிருந்தது. ஆனால் ஐக்கிய
ராஜ்ஜியத்திலோ முதல்முறையாக ஹலால் உணவுத்
திருவிழா ஒன்று சென்ற வாரக் கடைசியில்
அரங்கேறியது. "ஹலால் ஃபுட் ஃபெஸ்டிவெல் 2013" என்ற பெயரில்
நடக்கும் உணவுத் திருவிழாவின்
இயக்குநர்களில் ஒருவரான நோமன் கவாஜா இந்த
திருவிழாவின் நோக்கம்
பற்றி பிபிசி தமிழோசையிடம் விளக்கினார். "நீங்கள் ஒரு முஸ்லிம் அதனால்
உங்களுக்கு ஃபெர்ராரி சொகுசுக் கார் ஓட்டும்
உரிமை இல்லை என்று சொன்னால்
எப்படியிருக்குமோ அதுபோலத்தான் நீங்கள்
ஒரு முஸ்லிம் அதனால் நீங்கள் மிஷலின்
நட்சத்திர அந்தஸ்து பெற்ற உணவு விடுதிகளில் சாப்பிட
முடியாது என்று சொல்வதும் இருக்கிறது.
முஸ்லிம்களுக்கும் அதுமாதிரியான
இடங்களில் சென்று சாப்பிட
உரிமை இருக்கிறது. அவர்களுக்கென சில
ஹலால் உணவுகளையும் அவ்விடுதிகள் பரிமாறுவது அவசியம்," என அவர்
வாதிட்டார். ஐக்கிய ராஜ்ஜியத்தில் மொத்தம் கிட்டத்தட்ட
முப்பது லட்சம் முஸ்லிம்கள் வாழுகின்றனர். நல்ல வேலையில் உள்ளவர்களாகவும், நல்ல
வருவாய் ஈட்டுபவர்களாகவும் பிரிட்டனின்
இரண்டாம் தலைமுறை முஸ்லிம்கள் குடியேறிகள்
பலர் உருவாகியிருக்கின்றனர். பிரிட்டனின் முஸ்லிம் மக்களுடைய வாழ்க்கைத்
தரம் உயர்ந்துவருகின்ற சூழலில்
அவர்களுக்குரிய
உணவுகளை தயாரித்து வழங்குவதில் வியாபார
நலன் இருப்பதை பிரிட்டிஷ்
உணவு நிறுவனங்களும், மேட்டுக்குடி மக்களுக்கான
உணவு விடுதிகளும் உணர்ந்துள்ளன
என்பதை பறைசாற்றுவதாக இந்த
நிகழ்வு அமைந்திருந்தது. ஹலால் என்றால் என்ன? ஹலால் என்பது
முஸ்லிம்களுக்கு இஸ்லாத்தினால்
அனுமதிக்கப்பட்ட விஷயங்களைக் குறிக்கிறது. உணவு என்று வரும்போது, ஆரோக்கியமாகவும்
உயிரோடு இருக்கும்
விலங்குகளை மட்டுமே அறுக்க வேண்டும்,
விலங்கின் குரல்வளையை ஒரே வெட்டில் வேகமாக
அறுத்து, அதனுடைய எல்லா ரத்தத்தையும்
முழுமையாக வடியவிட வேண்டும் என்றுள்ளது. பன்றி இறைச்சியை சாப்பிடக்கூடாது,
மது கலந்திருக்கக்கூடாது போன்ற
நிபந்தனைகளும் உண்டு. ஐரோப்பா, அமெரிக்கா போன்ற இடங்களில்,
உணவுக்காக விலங்குகளைக் கொல்லும்போது,
அது அறவே வலியை உணராமல் இருக்கவேண்டும்
என்பதற்காக
அதனை உணர்விழக்கச்செய்து பின்னர் கொல்ல
வேண்டும் என்ற விதி உள்ளது. தலையில் இரும்பு குட்டி ஒன்றை சட்டென
அடித்தோ, மின்சாரத்தை பாய்ச்சியோ,
சுயநினைவு இழக்கச்செய்கிற
மருந்து கொடுத்தோ விலங்கை உணர்விழக்கச்
செய்யும் வழிமுறைகள் கையாளப்படுகின்றன. ஆனால் முஸ்லிம் சமூகத்தாருக்கும், யூத
சமூகத்தாருக்கும் மதக்
காரணங்களை முன்னிட்டு இந்த விதியில்
இருந்து விலக்கு அளிக்கப்பட்டுள்ளது. ஹலால் முறையில் சுயநினைவோடு இருக்கும்
விலங்கைக் கொல்வதில் மிருகச்
சித்ரவதை அடங்கியிருக்கிறது என
மேற்குலகில் பலர் கருதுகின்றனர். ஆனால் ஹலால் முறையில் விலங்குகளைக்
கொல்வதில் சித்ரவதை இல்லை என உணவுத்
திருவிழாவின் தோற்றுநர் இம்ரான் கவுசர்
வாதிடுகிறார். "கூரான கத்தியால் கழுத்தை ஒரே வெட்டில்
அறுக்க வேண்டும் என்பதேகூட
விலங்குக்கு வலியைக் குறைக்க வேண்டும் என்ற
நோக்கில்தான்," என்கிறார் அவர். உணர்விழக்கச் செய்து அறுத்தால் ஹலாலா?
இன்று ஐக்கிய ராஜ்ஜியத்தில் சந்தையில்
கிடைக்கும் ஹலால் இறைச்சியில் 80
சதவீதத்துக்கும்
அதிகமானவை முன்கூட்டியே உணர்விழக்கச்
செய்து பின்னர் ஹலால் முறையில் அறுக்கப்பட்ட
விலங்குகள்தான். விலங்கை உணர்விழக்கச் செய்து பின்னர் ஹலால்
முறையில் அறுத்தாலும் அது ஹலால்
ஆகுமா என்ற
வேறு ஒரு கருத்தொற்றுமை இல்லாத
விவகாரமும் இதில் உள்ளது. இந்த ஹலால் உணவுத் திருவிழாவுக்கு சில
எதிர்ப்புகளும் எழாமல் இல்லை. ஆனால்
தற்போது லண்டன் வாழ் மக்களில் பத்தில் ஒருவர்
முஸ்லிம் என்பதை சுட்டிக்காட்டி மாநகரின்
மேயர் போரிஸ் ஜான்சன் இந்த
நிகழ்ச்சிக்கு ஆதரவு நல்கியிருந்தார்.


source:bbctamil

பென்ட்ரைவை RAM ஆக்கலாம் வாங்க

நம்மில் சிலருக்கு நம் கம்ப்யூட்டரில் உள்ள
RAM காரணமாக நம்மால் வேகமாக செயலாற்ற
முடியாது. RAM இன் விலை காரணமாக
அதை சிலர் வாங்காமல் இருப்போம்.
மாற்று வழியாக பென்ட்ரைவை RAM ஆக
பயன்படுத்தலாம்வாங்க. பென்ட்ரைவை கம்ப்யூட்டரில் செருகவும். My Computer
மீது Right Click செய்யவும். இப்போது Properties என்பதை செலக்ட்
செய்யவும். இப்போது அதில் Advanced Option/ Advanced
settings செல்லவும். இப்போது வரும் Pop- up விண்டோவில்
Performance என்பதில் Settings ஐ கிளிக்
செய்யவும். இப்போது வரும் புதிய pop-up விண்டோவில்
Advanced என்பதை செலக்ட் செய்யவும். இப்போது Change என்பதை தெரிவு
செய்யவும். இப்போது மேலே உள்ளது போல வட்டமிட்டுள்ள
பகுதியை கிளிக் செய்யாமல் விட்டு,
கீழே உள்ளதில் இருந்து உங்கள் பென்
ட்ரைவை தெரிவு செய்யவும். இப்போது உங்கள் பென் ட்ரைவ் மெமரிக்கு ஏற்ப
அது RAM ஆக work ஆக ஆரம்பிக்கும். இப்போது இதனை save செய்யவும்.
கம்ப்யூட்டரை Restart செய்யவும்.

Source:karpom .com/2011/04/ram.html

துருக்கியில் ஹிஜாப் தடை நீக்கம்

துருக்கி பிரதமர் ரிசப் தய்யிப் எர்டொகனின் புதிய அரசியல் சீர்திருத்த
திட்டத்தின் கீழ் அந்நாட்டு அரச நிறுவனங்களில் பெண்கள் ஹிஜாப் அணிய
விதிக்கப்பட்டிருக்கும் தடை விலக்கிக் கொள்ளப்படவுள்ளது. "பொது
நிறுவனங்களில் ஹிஜாப் தடையை அகற்றுகிறோம்" என்று பிரதமர் அறிவித்தார்.
அதேபோன்று புதிய சீர்திருத்த திட்டத்தில் நாட்டின் குர்த்கள் மற்றும்
ஏனைய சிறுபான்மையினருக்கு மேலும் உரிமைகள் வழங்கப்பட்டுள்ளது. இதில்
குர்திஷ் ஆதரவு மற்றும் சிறு கட்சிகளுக்கு பாராளுமன்றத்திற்கு நுழைய
இருந்த தடை விலக்கிக் கொள்ளப்படவுள்ளதோடு தனியார் பாடசாலைகளில் குர்திஷ்
மொழி கல்விக்கு அனுமதி அளிக்கப்படவுள்ளது. இது வரலாற்று முக்கியத்துவம்
வாய்ந்த தருணம் என்று நேற்று புதிய அரசியல் சீர்திருத்தத்தை அறிவித்த
எர்டொகன் கூறினார். "துருக்கி நகரங்களுக்கு மீண்டும் குர்திஷ் பெயர்
வைக்கப்படும். குர்திஷ் எழுத்துக்கான தடை விலக்கிக் கொள்ளப்படும்" என்று
எர்டொகன் குறிப்பிட்டார். துருக்கியில் தடை செய்யப்பட்ட குர்திஷ்
தொழிலாளர் கட்சியுடனான அரசின் அமைதிப் பேச்சுவார்த்தையின் ஓர் அங்கமாகவே
இந்த சீர்திருத்தங்கள் அறிவிக்கப்பட்டுள்ளன. இதில் அரச சேவையில்
இருக்கும் பெண்களுக்கு நடைமுறையில் இருந்த உடை கட்டுப்பாடு
விலக்கிக்கொள்ள எர்டொகனின் அரசியல் சீர்திருத்தத் திட்டத்தில் அறிவிக்கப்
பட்டுள்ளது. இதன்மூலம் பெண்களுக்கு ஹிஜாப் அணிய அனுமதியளிக்கப்படுகிறது.
அதேபோன்று ஆண்களுக்கான கட்டுப்பாடுகளும் தளர்த்தப்பட்டுள்ளது. இதன் மூலம்
அரச சேவையில் இருக்கும் ஆண்களுக்கு தாடி வைக்க அனுமதி வழங்கப்படுகிறது.
மதச்சார்பற்ற துருக்கியில் இஸ்லாமிய பின்னணியுடன் ஆட்சிக்கு வந்த பிரதமர்
எர்டொகன் அரசு, நாட்டின் ஹிஜாப் தடையை விலக்க நீண்ட காலமாக போராடி வந்தமை
குறிப்பிடத்தக்கது.

நன்றி:தினகரன்

புலமைப்பரிசில் பரீட்சை பெறுபேறுகள் வெளியானது;198 புள்ளிகளைப் பெற்று காலி மஹிந்த கல்லூரி மாணவன் முன்னிலை

தரம் 5 புலமைப்பரிசில் பரீட்சை பெறுபேறுகள்
தற்போது வெளியாகியுள்ளது.
பரீட்சை பெறுபேறுகள் www.doenets.lk என்ற
இணையதளத்திற்கூடாக பார்வையிட முடியும்.
வெளிவந்துள்ள 5ம் தர புலமைப் பரிசில்
பரீட்சை பெறுபேறுகளின் படி 198 புள்ளிகளைப்
பெற்று காலி மஹிந்த கல்லூரியின் மாணவன்
சந்தரு தத்சரா பலஹேவா அகில
இலங்கை ரீதியில் அதிக புள்ளிகள் பெற்ற
மாணவராக முன்னிலையில் இருப்பதாக இதுவரையில் அடையாளம் காணப்பட்டுள்ளார்.


Source:adaderana

5 ஆம் தர புலமைப் பரிசில் பெறுபேறுகள்நாளை

ஐந்தாம் தர புலமை பரிசில் பரீட்சையின்
பெறுபேறுகள் நாளை வெளியிடவுள்ளதாக
கல்வி அமைச்சர் பந்துல குணவர்தன
தெரிவித்தார்.
எதிர்வரும் காலங்களில் சர்வதேச சிறுவர்
தினமான ஒக்டோபர் மாதம் முதலாம் திகதியே பரீட்சையின்
பெறுபேறுகளை வெளியிட
நடவடிக்கை எடுப்பதாகவும் அமைச்சர் மேலும்
தெரிவித்தார்.
இதன்படி, சகல மாணவர்களும்
தமது பெறுபேறுகளை பரீட்சை திணைக்களத்தின் www.doenets.lk என்ற
இணையத்தளத்தினூடாக நாளை பிற்பகல் தெரிந்து கொள்ளலாம்.
இதேவேளை, இம்முறை ஐந்தாம் தர
புலமைபரிசில்
பரீட்சைக்கு மூன்று இலட்சத்து 22ஆயிரத்து 455
மாணவர்கள்
தோற்றியுள்ளமை குறிப்பிடத்தக்கது.




நன்றி :வீரகேசரி

'டைட்டானிக்' கப்பலின் பிணக் குவியல்:ஒரிஜினல் புகைப்படம் ஏலம்

லண்டன், செப்.30-



இங்கிலாந்து நாட்டை சேர்ந்த சொகுசு கப்பலான
'டைட்டானிக்' தனது முதல் பயணத்தின்
போதே நியூயார்க் நகருக்கு செல்லும் வழியில்
15-4-1912 அன்று கடலில்
மூழ்கி ஜலசமாதியானது. வட அட்லாண்டிக் பெருங்கடலில் இந்த கோர விபத்து நேர்ந்த
போது டைட்டானிக் கப்பலில் 2 ஆயிரத்து 224
பயணிகள் இருந்தனர்.
கப்பல் இரண்டாக பிளந்ததால் ஆயிரக்
கணக்கானவர்கள் கடல் நீரில் மூழ்கி உடல்
உறைந்து பரிதாபமாக பலியாகினர். 710 பேர் மட்டுமே மீட்பு படகுகளின் மூலம் உயிர்
தப்பி நியூயார்க் நகருக்கு வந்து சேர்ந்தனர்.
இந்த விபத்தில் பலியானவர்களின் பிரேதங்கள்
உரிய மரியாதையுடன் சிறப்பான முறையில்
அடக்கம் செய்யப்பட்டதாக
நேற்று வரை கூறப்பட்டு வந்தது. ஆனால், இந்த கூற்றை பொய்ப்பிக்கும்
வரலாற்று சிறப்புமிக்க அரிய புகைப்படம்
சமீபத்தில் வெளியிடப்பட்டுள்ளது.
நீரில் மூழ்கி இறந்த பயணிகளின்
பிணத்தை சாக்கு மூட்டைகளில்
கட்டி குவித்து வைத்திருக்கும் காட்சியும், இரண்டு கடற்படை சிப்பாய்கள்
சாக்கு மூட்டையில் கட்டப்பட்ட
ஒரு பிரேதத்தை அனாயசமாக
கொண்டு வந்து கீழே போடும் காட்சியும் இந்த
அரிய புகைப்படத்தில்
பதிவாகியுள்ளது குறிப்பிடத்தக்கது. 100 ஆண்டுகளுக்கு பிறகு பொதுமக்களின்
பார்வைக்கு வந்துள்ள இந்த
வரலாற்று சிறப்புமிக்க புகைப்படம் அடுத்த
(அக்டோபர்) மாதம் 19ம்
தேதி ஏலத்திற்கு வருகிறது.
இந்த புகைப்படம் ஒரு மிகப்பெரிய சோக வரலாற்றுடன் தொடர்புடையது என்பதால் சுமார்
5 ஆயிரம் பவுண்டுகள்
வரை விலை போகலாம் என
எதிர்பார்க்கப்படுகிறது.

நன்றி:மாலைமலர்

இன்று உலக இருதய தினம்-

இன்றைய சூழலில் இருதய நோயால்
பாதிக்கப்படுவோரின்
எண்ணிக்கை அதிகரிக்கிறது. உலகில் இருதய
நோய்களால் தான் அதிக உயிரிழப்புகள்
ஏற்படுகின்றன. ஆண்டுதோறும் 1 கோடியே 73
லட்சம் பேர் உயிரிழக்கின்றனர். இது 2030ல் 2 கோடியே 30 லட்சமாக உயரும்
எனவும் உலக சுகாதார நிறுவன
ஆய்வு தெரிவிக்கிறது. இதில் 80 சதவீத
மாரடைப்புகள், தடுக்கக் கூடியவை.
இருதயத்தை பாதுகாப்பது பற்றி
விழிப்புணர்வு ஏற்படுத்தும் விதமாக செப்டெம்பர் கடைசி ஞாயிறு (செப்டெம்பர் 29)
உலக இருதய தினமாக
கடைப்பிடிக்கப்படுகிறது.
இரவுப் பணி, முறையற்ற உணவு பழக்கம், அதிக
நேர பணி, குடும்பத்தில்
நிம்மதியின்மை போன்றவை இருதய நோய் சாத்தியக் கூறுகளை அதிகரிக்கின்றன. உலகில்
மாரடைப்பால் இறப்பவர்களில், 20 சதவீதம் பேர்
புகை பிடிப்பவர்கள். மற்றவர்களை விட,
புகை பிடிப்பவர்களுக்கு இருதய நோய் வரும்
வாய்ப்பு இரண்டு மடங்கு அதிகம்.
புகை பிடிப்பதால் இருதயத்துக்கு செல்லும் ஒட்சிஜன் அளவு குறைகிறது.
புகை பிடிப்பவர்கள், வெளியிடும்
புகையினால் அருகில் உள்ளவர்களும்
பாதிக்கப்படுகின்றனர். உடல் பருமன்
ஆதலாலும், சர்க்கரை நோய் காரணமாகவும்
இருதய நோய் ஏற்படலாம். சர்க்கரை நோயால் இருதயத்துக்கு செல்லும் ரத்தக்குழாய்கள்
சேதமடைவதால் மாரடைப்பு ஏற்படலாம்.
சர்க்கரை நோயாளிகளில் 75 சதவீதம்
பேருக்கு இக்குறைபாடு இருக்கிறது.
* புகை பிடிப்பதற்கு நோ சொல்லுங்கள்.
* உப்பு அதிகம் பயன்படுத்துவதால் ரத்தக்கொதிப்பு அதிகரிக்கும். இதன் மூலம்
இதய நோய் வாய்ப்பு அதிகரிக்கிறது.
* ரத்தத்ததில் கொலஸ்ட்ரால், சர்க்கரை, ரத்த
அழுத்தம் போன்றவற்றை சீராக வைத்திருக்க
வேண்டும்.
* யோகா மற்றும் தியானம் செய்வது நல்லது. உடல் எடை அதிகரிக்காமல் பார்த்துக்கொள்ள
வேண்டும், தினமும் குறைந்தது 30
நிமிடமாவது உடற்பயிற்சி செய்வது அவசியம்.
முறையான உடற்பயிற்சி, சரியான
உணவு பழக்கம், உரிய முறையில் மருத்துவம்
எடுத்துக்கொள்வது இருதய நோயிலிருந்து பாதுகாக்கும்.
* முடிந்தளவு எஸ்கலேட்டர், லிப்ட்
ஆகியவற்றை பயன்படுத்தாமல்,
மாடிப்படிகளை பயன்படுத்த வேண்டும்.
ஒரு நாளுக்கு சராசரியாக, 10 ஆயிரம் அடிகள்
நடக்க வேண்டும். * காய்கறிகள், அதிகம் எடுத்துக்கொள்ள வேண்டும்.
மதுப்பழக்கத்தை கைவிட வேண்டும்.
கொழுப்பு இல்லாத இறைச்சி, மீன்,
பருப்பு வகைகள், ஆலிவ் எண்ணெய், மக்காச்சோளம்,
சூரிய காந்தி எண்ணெய் ஆகியன,
ஓய்வின்றி உழைக்கும் இருதயத்துக்கு பாதுகாப்பளிக்கின்றன.
* சிரிக்கும் பழக்கத்தை வளர்த்துக்கொள்வது,
இதய நோயிலிருந்து விடுபடுவதற்கு சிறந்த
மருந்து.
இதயத்தை பாதுகாப்பது எப்படி? இதயத்திற்கு இதம் தரும் உணவுகள்,
மலர்களை பார்க்கும் போதும், மழலைகளைப்
பார்க்கும் போதும், மனதும், முகமும்
சிரிக்கும். ஓயாது துடிக்கும் நம் இதயமும்,
சிரிக்க வேண்டாமா? இன்று உலக இதய தினம்.
இதயம் இளமையாக சிரிக்க வேண்டுமா? இதயத்திற்கு இதம் தரும்
உணவுகளை சொல்கிறார்; மதுரை சித்தா டாக்டர்
ஜெ.ஜெய வெங்கடேஷ்.காதலையும், கோபத்தையும்
சமாளித்து துடிக்கும் இதயம், புகையாலும்,
மதுவாலும், எண்ணெய் உணவாலும் வலியால்
துடிக்கிறது. "அட்ரினலின், தைராக்ஸின்' ஹார்மோன்களால், கெட்ட கொழுப்பு, அதிக ரத்த
அழுத்தம், ரத்தக் குழாய் சுருக்கம்
போன்றவற்றால், இதயம்
சற்று பாதிக்கப்படுகிறது. தினம் ஒருவேளை,
30 கிராம் தயிர் சாப்பிடுவது நல்லது. பாலில்
உள்ள சத்துக்களை விட, தயிரில் அதிக சத்துக்கள் உள்ளன. சிவப்பு நிற பசலை,
பொன்னாங்கன்னி, கரிசாலை,
தண்டுக்கீரை, பீட்ரூட், கேரட் ஆகியவற்றில்,
இதயத்தை பாதுகாக்கும், "ஆன்தோசயனின்கள்'
உள்ளன. இவை, இதயத்திற்கும், ரத்தக்
குழாய்களுக்கும் இடையே உராய்வு அழுத்தத்தை,
குறைத்து மென்மைப்படுத்துகின்றன. குறைந்த தண்ணீரில் அவித்த சோளம், கொள்ளு இரண்டும்,
ரத்தக் குழாய்களில் கெட்ட
கொழுப்பு சேர்வதை தடுக்கின்றன.
சிவப்பு சோயா, பாதாம், பிஸ்தா,
சாரைப்பருப்பு, வெந்தயம், பட்டாணி, மீன்களில்
உள்ள, "ஒமேகா 3 அமிலம்', கெட்ட கொழுப்பை கரைத்து, நல்ல
கொழுப்பை அதிகப்படுத்துகிறது. தக்காளி,
வெண்டைக்காயை அதிகம் வேக வைக்கக் கூடாது.
பச்சையாக சாப்பிடுவது இன்னும் நல்லது.
இவற்றிலுள்ள, "லைக்கோபின்கள்' பித்தநீருடன்
வினைபுரிந்து, கெட்ட கொழுப்பு உருவாவதை தடுக்கின்றன. ஆப்பிள்,
ஸ்ட்ரா பெர்ரி, ஆப்ரிகாட், முலாம்பழம், கிவி,
மாதுளை, எலுமிச்சை, ஆரஞ்சு,
புளு பெர்ரி சாப்பிட்டால், நுண்ணிய ரத்தக்
குழாய்களில் நைட்ரஜன் ஆக்ஸைடு அதிகரித்து,
ரத்தக் குழாய் விரிவடைகிறது. இதனால் அடைப்பு மற்றும் சுருக்கம்
தவிர்க்கப்படுகிறது. இதிலுள்ள
"பீட்டா கரோட்டின், விட்டமின் இ' இரண்டும்,
இதயத்தை பாதுகாக்கின்றன.பப்பாளி, பிளம்சில்
உள்ள, மெக்னீசியம், பொட்டாசியம் இரண்டும்,
ரத்தத்தில் சோடியம் அதிகரிக்காமல் தடுத்து, இயல்பான நிலைக்கு கொண்டு வருகின்றன.
இதிலுள்ள, "விட்டமின் ஏ' செல்,
அழிவை தடுக்கிறது. நல்ல
கொழுப்பை அதிகரித்து வயிறு, இடுப்பு,
தொடைப்பகுதியில் உள்ள கெட்ட
கொழுப்பை கரைத்து, இருதயத்திற்கு தேவையற்ற சுமையை தவிர்க்கின்றன. சிறுமலை வாழை,
ரஸ்தாளியும் இருதய தசைக்கு ஏற்றது.
முளைவிட்ட தானியங்கள், பார்லி, ஓட்ஸ்,
மட்டை அவல், சிவப்பு அரிசி, கோதுமை, ஆலிவ்
எண்ணெய், கொழுப்பு நீக்கப்பட்ட பால்,
முட்டை வெள்ளைக்கரு, அதிக எடையுள்ள மீன்கள், தோலுரித்து, கொழுப்பு
நீக்கப்பட்ட கோழி,
சோயா சார்ந்த உணவுகள், குடலில்
கொழுப்பு படிவதைத் தடுக்கிறது.வெள்ளைநிற
அரிசி, ரவை, மைதா, சீனி, உப்பை குறைத்துக்
கொள்வது நல்லது. ஒவ்வொரு மாதமும், சமையல்
எண்ணெய் மாற்றி பயன்படுத்த வேண்டும்.கோபம், கவலை, மனஅழுத்தம், பயத்தாலும் இருதயம்
பாதிக்கப்படும். தியானம், மூச்சுப்பயிற்சி,
யோகா, எளிய உடற்பயிற்சிகளால்
இருதயத்தை பாதுகாப்போம். இவ்வாறு அவர்
தெரிவித்துள்ளார்.

Thanks:dinamalar ,

world-heart-federation.org

அல் ஹாக்கா - அந்த உண்மை நிகழ்ச்சி [AL-HAQQAH]

அத்தியாயம் : 69
அல் ஹாக்கா - அந்த உண்மை நிகழ்ச்சி
மொத்த வசனங்கள் : 52
இந்த அத்தியாயத்தின் முதல் வசனத்தில்
உண்மை நிகழ்ச்சி என்ற சொல் இடம்
பெற்றிருப்பதால் அதுவே இதன் பெயராக ஆனது.
அளவற்ற அருளாளனும், நிகரற்ற அன்புடையோனுமாகிய அல்லாஹ்வின் பெயரால்...
69:1
அந்த உண்மை நிகழ்ச்சி
69:2
உண்மை நிகழ்ச்சி என்றால் என்ன?
69:3
(முஹம்மதே!) உண்மை நிகழ்ச்சி எதுவென உமக்கு எப்படித் தெரியும்?
69:4
ஸமூது மற்றும் ஆது சமுதாயத்தினர் திடுக்கத்தை ஏற்படுத்தும் நிகழ்ச்சியைப் பொய்யெனக் கருதினர்.
69:5
ஸமூது சமுதாயத்தினரோ பெரும் சப்தத்தால் அழிக்கப்பட்டனர்.
69:6
ஆது சமுதாயத்தினரோ மிகக் கடுமை யான கொடிய காற்றால் அழிக்கப்பட்டனர்.
69:7
அதை ஏழு இரவுகளும், எட்டு பகல் களும் தொடர்ந்து அவர்களுக்கு எதிராக இயக்கினான். அக்கூட்டத்தார் வேருடன் வீழ்ந்து கிடக்கும் பேரீச்சை மரங்களைப் போல் வீழ்ந்து கிடப்பதைக் காண்கிறீர்.
69:8
அவர்களில் எஞ்சியோரை நீர் காண்கிறீரா?
69:9
ஃபிர்அவ்னும், அவனுக்கு முன் சென்றோரும் தலை கீழாகப் புரட்டப்பட்ட (லூத் நபியுடைய சமுதாயமான) ஊராரும் தீமைகளைச் செய்தனர்.
69:10
தமது இறைவனின் தூதருக்கு மாறு செய்தனர். எனவே அவர்களை அவன் கடுமையாகத் தண்டித்தான்.
69:11
(நூஹ் நபியின் காலத்தில்) தண்ணீர் எல்லை மீறிய போது உங்களை நாம் கப்பலில் சுமத்தினோம்.
69:12
அதை உங்களுக்கு ஒரு படிப்பினை யாக நாம் ஆக்குவதற்கும், கேட்கும் காதுகள் கேட்டு பேணிடவும் (இவ்வாறு செய்தோம்)
69:13,14,15
ஒரே ஒரு தடவை ஸூர் ஊதப்பட்டு, பூமியும், மலைகளும் தூக்கப் பட்டு தூள் தூளாக்கப்படும் போது, அந் நாளில் தான் அந்த நிகழ்ச்சி நடந்தேறும்.
69:16
வானம் பிளந்து விடும். அன்று அது உறுதியற்றதாக இருக்கும்.
69:17
வானவர்கள் அதன் ஓரங்களில் இருப்பார்கள். அந்நாளில் உமது இறைவனின் அர்ஷை தம் மீது எட்டுப் பேர் (வானவர்கள்) சுமப்பார்கள்.
69:18
அந்நாளில் (விசாரணைக்காக) நிறுத்தப்படுவீர்கள்.
உங்களிடமிலிருந்து எதுவும் மறையாது.
69:19,20
எனவே தமது வலது கையில் புத்தகம் வழங்கப்பட்டவர் ''வாருங்கள்! எனது புத்தகத்தை வாசியுங்கள்! நான் எனது விசார ணையைச் சந்திப்பவன் என்பதை நம்பிக் கொண்டிருந்தேன்'' எனக் கூறுவார்.
69:21,22
அவர் திருப்தியான வாழ்க்கை யிலும், உயரமான சொர்க்கச் சோலையிலும் இருப்பார்.
69:23
அதன் கனிகள் தாழ்ந்திருக்கும்.
69:24
சென்ற நாட்களில் நீங்கள் முற்படுத்தி யவை காரணமாக நீங்கள் மகிழ்வுடன் உண் ணுங்கள்! பருகுங்கள்! (எனக் கூறப்படும்)
69:25,26,27,28,29
புத்தகம் தனது இடது கையில் கொடுக்கப்பட்டவன் ''எனது புத்தகம் கொடுக்கப்படாமல் இருக்கக் கூடாதா? எனது விசாரணை என்னவாகும் என்பது தெரியவில்லையே! (இறப்புடன்) கதை முடிந்திருக்கக் கூடாதா? எனது செல்வம் என்னைக் காப்பாற்றவில்லையே! எனது அதிகாரம் என்னை விட்டும் அழிந்து விட்டதே''எனக் கூறுவான்.
69:30
அவனைப் பிடியுங்கள்! அவனுக்கு விலங்கு மாட்டுங்கள்!
69:31
பின்னர் நரகில் கருகச் செய்யுங்கள்!
69:32
பின்னர் எழுபது முழம் கொண்ட சங்கிலியால் அவனைப் பிணையுங்கள்! (எனக் கூறப்படும்.)
69:33
அவன் மகத்தான அல்லாஹ்வை நம்பாதவனாக இருந்தான்.
69:34
ஏழைக்கு உணவளிக்க அவன் தூண்டவுமில்லை.
69:35
இன்று இங்கே அவனுக்கு உற்ற நண்பன் எவனும் இல்லை.
69:36
சீழைத் தவிர வேறு உணவும் இல்லை.
69:37
குற்றவாளிகள் தவிர மற்றவர்கள் அதை உண்ண மாட்டார்கள்.
69:38,39
நீங்கள் பார்ப்பதன் மீதும், நீங்கள் பார்க்காததன் மீதும் சத்தியம் செய்கிறேன்.
69:40
இது மரியாதைக்குரிய தூதரின் கூற்றாகும்.
69:41
இது கவிஞனின் கூற்று அல்ல. குறைவாகவே நம்பிக்கை கொள்கிறீர்கள்.
69:42
இது சோதிடனின் கூற்றும் அல்ல. குறைவாகவே படிப்பினை பெறுகிறீர்கள்.
69:43
இது அகிலத்தாரின் இறைவனிடமிலிருந்து அருளப்பட்டது.
69:44,45
சில சொற்களை இவர் (முஹம்மது) நம்மீது இட்டுக் கட்டியிருந்தால் வலது கையால் இவரைத் தண்டித்திருப்போம்.
69:46
பின்னர் அவரது நாடி நரம்பைத் துண்டித்திருப்போம்.
69:47
உங்களில் எவரும் அவனைத் தடுப்பவர் அல்லர்.
69:48
இது (இறைவனை) அஞ்சியோருக்கு அறிவுரை.
69:49
உங்களில் பொய்யெனக் கருது வோர் உள்ளனர் என்பதை நாம் அறிவோம்.
69:50
இது (ஏக இறைவனை) மறுப்போருக்கு இழப்பாகும்.
69:51
இது உறுதியான உண்மை.
69:52
எனவே மகத்தான உமது இறைவனின் பெயரைத் துதிப்பீராக!




source:www.tamilquran.in/69.php

மதிய தூக்கம் மழலையர் கற்றலை மேம்படுத்தும்

மூன்று வயதுமுதல் ஐந்துவயது வரையிலான
மழலைக் குழந்தைகளை மதியம் ஒரு மணி நேரம்
ஒரு குட்டித்தூக்கம் போடவைத்தால்
அது அவர்களின் கற்றல்
திறனை மேம்படுத்துகிறது என்று அமெரிக்க
ஆய்வாளர்கள் கண்டறிந்திருக்கிறார்கள். மதிய சாப்பாட்டுக்குப்பிறகான இப்படியான
தூக்கம் குழந்தைகளின்
மூளைத்திறனை மேம்படுத்துவதாக இந்த
ஆய்வாளர்கள் கருத்து தெரிவித்துள்ளனர். மூன்று வயது முதல் ஐந்துவயது வரையிலான
குழந்தைகள் மதியம் ஒருமணிநேரம்
தூங்கி எழுந்தால், அவர்கள் தங்களின்
மழலைப்பருவ பாடங்களை நன்றாக நினைவில்
வைத்திருப்பதாக இந்த ஆய்வில்
தெரியவந்திருக்கிறது. இயற்கை விஞ்ஞானத்துக்கான தேசியக் கழகத்தின்
விஞ்ஞான சஞ்சிகையில்
வெளியிடப்பட்டிருக்கும் இந்த ஆய்வின்
முடிவுகள் 40 சிறார்களிடம் மேச்சசூசெட்ஸ்
ஹம்ஹர்ஸ்ட் பல்கலைக்கழக ஆய்வாளர்களால்
மேற்கொள்ளப்பட்ட பரிசோதனைகளின் அடிப்படையில் எட்டப்பட்டிருக்கிறது. இப்படி மதியம் தூங்கி எழுந்த குழந்தைகளின்
மூளைத்திறன் மேம்பாடு மதியம்
தூங்கி எழுந்தபின்னர் அதிகரிப்பதுடன்,
மறுநாளும் இது நீடிப்பதாகவும் இவர்கள்
கண்டறிந்துள்ளனர். குழந்தைகளின் நினைவாற்றலை ஸ்திரப்படுத்தி
ஒழுங்குபடுத்துவதற்கும், ஆரம்பகால
கற்றலுக்கும் இந்த மதிய தூக்கம்
அவசியமாகிறது என்று இந்த ஆய்வாளர்கள்
கருத்து தெரிவித்திருக்கிறார்கள். மதிய உணவுக்குப் பிறகு தூங்க
அனுமதிக்கப்பட்ட குழந்தைகள்
தூங்கி எழுந்ததும் காலையில் கண்களால்
பார்த்து அதன்மூலம்
கற்றவற்றை நினைவுகூர்வதில் சிறப்பாக
செயற்பட்டதாகவும், மதியநேரம் தூங்க அனுமதிக்கப்படாத குழந்தைகளை விட
இவர்களின் நினைவாற்றல்
மேம்பட்டு இருந்ததாகவும் இந்த ஆய்வாளர்கள்
கூறியுள்ளனர். மேலும் இதே குழந்தைகளை மதிய நேரம்
தூங்கவிடாதபோது அவர்களின் கற்றல் திறன்
குறைவதையும் தாங்கள் கண்டறிந்ததாக
ஆய்வாளர்கள் தெரிவித்துள்ளனர். இந்த பரிசோதனையில் பங்கேற்ற 14 குழந்தைகள்
தூங்கும்போது அவர்களின் மூளையின்
கற்றலுக்கு பொறுப்பான பகுதிகள் வேகமாக
செயற்படுவதையும் இந்த ஆய்வாளர்கள்
பரிசோதனைகள் மூலம் கண்டறிந்தனர். தங்களின் இந்த ஆய்வின் மூலம் மழலையர்
பள்ளிக்குழந்தைகளுக்கு மதிய நேர தூக்கம்
அவசியம் என்பதை தாங்கள் மருத்துவரீதியில்
உறுதி செய்திருப்பதாக தெரிவித்தார் இந்த
ஆய்வுக்குழுவுக்குத் தலைமை தாங்கிய
ஆய்வாளர் ரிபெக்கா ஸ்பென்ஸர். குழந்தைகளுக்கு வயதாக ஆக, இந்த மதியநேர
தூக்கம் என்பது இயற்கையிலேயே இல்லாமல்
போகும் என்று கூறும் அவர், மழலையர்
பள்ளிகளில் குழந்தைகளை மதிய நேரத்தில்
தூங்க அனுமதிக்க வேண்டும்
என்று வலியுறுத்துகிறார். குறிப்பிட்ட வயதுக்குப் பிறகு மதியநேர
குட்டித்தூக்கம் மனிதர்களின் மூளைத்திறனை,
விழிப்புணர்ச்சியை அதிகப்படுத்தும்
என்பது ஏற்கெனவே ஆய்வுகள் மூலம்
நிரூபிக்கப்பட்ட செய்தி என்றாலும், மழலையர்
பள்ளி மாணாக்கர்களிடமும் இது நல்லபலனைத்தரும் என்பதை இந்த
ஆய்வு உறுதி செய்திருப்பதாக கூறுகிறார்,
ராயல் கல்லூரியின் சிறார் ஆரோக்கியம்
குறித்த சிறப்பு மருத்துவர் ராபர்ட் ஸ்காட்
ஜுப். மழலை வயதில் குழந்தைகள்,
இயற்கையாகவே தம்மைச்சுற்றி நடக்கும்
நிகழ்வுகளில் இருந்து ஏராளமான
தகவல்களை உள்வாங்கிக்கொள்ளும்
தன்மை கொண்டவர்கள். இந்த தகவல்களையெல்லாம்
அவர்களின் மூளை உள்வாங்கி பகுத்துப்பார்த்து சேமித்து
வைத்துக்கொள்வதற்கு சராசரியாக
ஒருநாளைக்கு 11 முதல் 13 மணிநேரம் அவர்கள்
தூங்குவது அவசியம். எனவே இரவு நேரத்
தூக்கத்தைப் போலவே, மதிய நேர தூக்கமும் இந்த
மழலையர்களுக்கு மிகவும் அவசியம் என்பதை இந்த ஆய்வுகள்
உறுதி செய்திருப்பதாக கருதுகிறார்
மருத்துவர் ராபர்ட். மதியநேரம் தூங்க அனுமதிக்கப்படாத
குழந்தைகள், களைப்படைந்தும், எரிச்சலுடனும்,
கவனம் செலுத்தி கற்க முடியாமலும்
திணறுவார்கள் என்றும் அவர் கூறுகிறார். தங்களின் குழந்தையின்
மழலைக்கற்றலை ஊக்குவிக்க நினைக்கும்
பெற்றோர்கள், அவர்களை மதியநேரம்
குறைந்தது ஒருமணிநேரமாவது தூங்கவிடுங்கள்
என்பதே இந்த மருத்துவர்கள் செய்யும்
பரிந்துரை.



Source:BBC TAMIL

மூன்று மாகாணங்களிலும் முதலிடம் பெற்றோர் இவர்கள்தான்

வடக்கு, மத்திய மற்றும் வடமேல் மாகாண
சபை தேர்தலில் போட்டியிட்டு வெற்றி பெற்ற
உறுப்பினர்களுக்கான விருப்பு வாக்குகள்
தற்போது வெளியிடப்பட்டுள்ளன.
நேற்று (22) இரவு 11.30 மணியளவில் சகல
விருப்பு வாக்குகளும் வெளியிடப்பட்டதாக தேர்தலுக்கு பொறுப்பான அதிகாரி ஒருவர்
தெரிவித்தார்.
மத்திய மாகாணம் கண்டி மாவட்டம் மற்றும்
வடமேல் மாகாணம் குருநாகல் மாவட்டம் ஆகிய
இரு மாவட்டங்களுக்குமான
விருப்பு வாக்குகள் அறிவிப்பில் தாமதம் ஏற்பட்டது.
மூவரது விருப்பு வாக்குகள் மீள
எண்ணப்பட்டமையே இத் தாமதத்திற்கான காரணம்
என கூறப்படுகிறது.
விருப்பு வாக்குள் அறிவிப்பதற்கு தாமதம்
ஏற்பட்டமையின் காரணமாக கண்டி மாவட்ட செயலகத்திற்கு முன்னால் நேற்று (22)
இரவு பதற்றமான சூழ்நிலை ஏற்பட்டது.
இம்முறை தேர்தலில் போட்டியிட்ட வேட்பாளர்கள்
மற்றும் அவர்களுடைய ஆதரவாளர்கள்
குழப்பநிலையை ஏற்படுத்தியதன் காரணமாக
கண்டி மாவட்ட செயலகத்திற்கு முன்னால் பதற்ற நிலை உருவானது.
வடமேல் மாகாண விருப்பு வாக்கு தொடர்பில்
அநேகரின் கவனத்தை ஈர்த்த, ஐக்கிய மக்கள்
சுதந்திர முன்னணி கட்சியில் போட்டியிட்ட
தயாசிறி ஜயசேகர அதிக
விருப்பு வாக்குகளை பெற்றார். இலங்கை மாகாணசபை தேர்தல் வரலாற்றில்
அதிகப்படியான
விருப்பு வாக்குகளை தயாசிறி ஜயசேகர
3,36,327 வாக்குகளை பெற்றுக்
கொண்டுள்ளமை குறிப்பிடத்தக்கது.
இதேவேளை அமைச்சர் ஜோன்ஸ்டன் பெர்ணான்டோவின் மகனான ஜொஹான் பெர்ணான்டோ - 1,34,443
விருப்பு வாக்குகளை பெற்றுக் கொண்டுள்ளார்.
மத்திய மாகாணம் கண்டி மாவட்டத்தில் ஐக்கிய
மக்கள் சுதந்திர முன்னணியில் போட்டியிட்ட
தி.மு.ஜெயரத்னவின் மகன் அனுரத்த ஜெயரத்ன -
107,644 விருப்பு வாக்குகளை பெற்று முதலிடத்தில்
உள்ளார்.
இவருக்கு அடுத்த படியாக இரண்டாம் இடத்தில்,
சரத் ஏக்கநாயக்க 70,174
விருப்பு வாக்குகளுடன் உள்ளார்.
இந்நிலையில் 25 வருடங்களின் பின்னர் இடம்பெற்ற வடக்கு மாகாண சபை தேர்தல்
முடிவுகளும் விருப்பு வாக்குகள்
விபரங்களும் விரைவில் வெளியிடப்பட்ன.
வடக்கு, தேசிய மற்றும் சர்வதேசிய ரீதியில்
அனைவரது கவனத்திற்கும் எதிர்பார்ப்புக்கும்
மத்தியில் வட மாகாண சபை தேர்தல் இடம்பெற்றது.
வடமாகாணசபை தேர்தலில் இலங்கை தமிழரசுக்
கட்சி 38 ஆசனங்களில் 30 ஆசனங்களைப்
பெற்று வரலாற்றுச் சாதனை படைத்தது.
இலங்கை தமிழரசுக் கட்சியின் முதலமைச்சர்
வேட்பாளர் சி.வி. விக்னேஸ்வரன் 132,255 விருப்பு வாக்குகளை பெற்றார்.
வடக்கு கிழக்கு தேர்தல் வரலாற்றில்
அதிகூடிய விருப்பு வாக்குகளை பெற்ற
பெருமையும் தமிழரசுக் கட்சியின்
முதலமைச்சர் வேட்பாளர் சி.வி.
விக்னேஸ்வரனையே சாரும். இவரைத் தொடர்ந்து இரண்டாம் இடத்தில் கூடிய
விருப்பு வாக்குகளை அனந்தி எழிலன் - 87,870
விருப்பு வாக்குகளை பெற்றுக் கொண்டுள்ள
அதேவேளை மூன்றாமிடத்தில் சித்தார்த்தன் -
39,715 விருப்பு வாக்குகளையும் பெற்றுக்
கொண்டுள்ளார்.



நன்றி :அத தெரண - தமிழ

ஆப்பிள் நிறுவனம் ஐஓஎஸ் 7-ஆம் பதிப்பை இன்று வெளியிடுகிறது.

                                  ஐஒஎஸ் 7 - ஆப்பிளை காப்பாற்றுமா?




ஆப்பிள் நிறுவனத்தின் நிறுவனர்களில் ஒருவரும், முன்னாள் CEO-வுமான ஸ்டீவ் ஜாப்ஸ் (Steve Jobs) மறைவுக்குப் பின் ஆப்பிள் நிறுவனம் சிறிது தடுமாறியது. தற்போது ஆப்பிள் நிறுவனத்தில் புதுமை (Innovation) இல்லை என்ற குற்றச்சாட்டு எழுந்தது. இதனையெல்லாம் கருத்தில் கொண்டு முதன்முறையாக தனது ஐஓஎஸ் 7-ஆம் பதிப்பில் இயங்குதள தோற்றத்தை முழுமையாக மாற்றியுள்ளது டிம் குக் (Tim Cook) தலைமையிலான ஆப்பிள் நிறுவனம்.
சிறப்பம்சங்கள்:

Control Center - Airplane Mode, Wi-fi, Bluetooth போன்ற பொதுவான அமைவுகளை உடனடியாக செயல்படுத்த உதவுகிறது. திரையில் கீழிருந்து மேலே நகர்த்தி இதனை பயன்படுத்தலாம்.

Notification Center - புதிய மெயில்கள், Missed Calls மற்றும் அப்ளிகேசன்களின் அறிவிப்புகளை காணலாம். இதனை பயன்படுத்த திரையில் மேலிருந்து கீழே நகர்த்தவும்.

Camera - சாதாரண புகைப்படம், வீடியோ, பனோரமா புகைப்படம், சதுர அளவிலான புகைப்படம் என்று நான்கு வகை அமைவுகள் இருக்கிறது. மேலும் புகைப்படத்திற்கு வண்ணங்கள் கொடுக்க எட்டு Filters இருக்கிறது.

Photos -நீங்கள் எடுத்துள்ள புகைப்படங்களை Moments, Collections, Years என்று மூன்றுவிதமாக பிரித்துப் பார்க்கலாம். உதாரணத்திற்கு 2012 என்பதை தேர்வு செய்தால் அந்த வருடம் எடுக்கப்பட்ட அனைத்து புகைப்படங்களும் திரையில் காட்டும்.

Find My iPhone - தொலைந்து போன ஐபோன்களை கண்டுபிடிக்க Find My iPhone வசதி ஏற்கனவே உள்ளது. திருடர்கள் கையில் உங்கள் போன் கிடைத்தால் எளிதாக அந்த வசதியை நிறுத்திவிடலாம். இனி அந்த வசதியை நிறுத்த ஆப்பிள் ஐடியும், கடவுச்சொல்லும் வேண்டும்.

AirDrop - உங்கள் ஐபோன்/ஐபேடிலிருந்து அருகிலிருக்கும் இன்னொரு ஐபோன்/ஐபேடிற்கு புகைப்படங்கள், வீடியோக்களை உடனடியாகவும், பாதுகாப்பாகவும் அனுப்பலாம்.

Multitasking - ஒரே சமயத்தில் இரண்டு, மூன்று அப்ளிகேசன்களை மாற்றி, மாற்றி பயன்படுத்தலாம். Home பட்டனை இரண்டு முறை அழுத்தினால் திறந்திருக்கும் அனைத்து அப்ளிகேசன்களையும் காட்டும்.

iTunes Radio - ரேடியோ மூலம் பாடல்கள் கேட்கலாம். உங்களுக்கென்று தனி ரேடியோ ஸ்டேசன் உருவாக்கலாம்.

மேலும் Safari உலவியையும், சிரி (Siri) அப்ளிகேசனையும் மேம்படுத்தியுள்ளது.

ஐஓஎஸ் 7 வெளியீடு:

ஆப்பிள் நிறுவனம் ஐஓஎஸ் 7-ஆம் பதிப்பை இன்று வெளியிடுகிறது. அமெரிக்க நேரப்படி காலையில் வெளியிடுவதால் அநேகமாக இன்று இரவு 10.30 மணிக்கு வெளியாகலாம்.

எந்தெந்த சாதனங்களில் இதனை பெறலாம்?

iPhone 4 மற்றும் அதற்கு பிந்தைய ஐபோன்கள்

iPod Touch 5th Generation

iPad 2, iPad Retina Display, iPad Mini

இன்றே இதை நிறுவலாமா?

புதிய இயங்குதளத்தை நிறுவும்போது எந்தவித பிரச்சனைகளும் வரலாம். பரவாயில்லை என்றால் உடனே நிறுவலாம். இல்லை என்றால் இரண்டு, மூன்று நாட்கள் காத்திருந்து நிறுவுவது நல்லது.

என்ன செய்ய வேண்டும்?

உங்கள் புகைப்படங்கள், வீடியோக்கள் மற்றும் தொடர்பு பட்டியல்களை பேக்கப் எடுத்துக் கொள்ளுங்கள்.

•  பிறகு Settings > General > Software Update பகுதிக்கு சென்று இயங்குதளத்தை அப்டேட் செய்துக் கொள்ளலாம்.

• source:   www.bloggernanban.com/2013/09/update-ios-7.html