கண்ணிமைக்கும் நேரத்தில் இலட்சக்கணக்கான உயிர்களை காவு கொண்ட சுனாமி!

பூத்திருந்த இந்து சமுத்திரம் காலைக் கதிரவனின் வரவை வழமை போல் வரவேற்கக் காத்திருந்த நேரம் மகா சமுத்திரத்தின் ஆழியில் ஏற்பட்ட பிறழ்வுகள் பூகம்பமாகி இந்தோனேசியாவின் சுமாத்திரா மேற்குப் பிரதேசத்திலிருந்து சுமார் ஆறு (06) மீற்றர் உயரம் கொண்ட இராட்சத பேரலையாக உருவெடுத்தது.
2004 டிசம்பர் 26ம் திகதி வரை சுனாமி என்றால் என்னவென்று தெரியாத மக்களுக்கு அது இயற்கையின் பேரழிவு என்ற செய்தியுடன் நாடுகள் பலவற்றின் கரையோரப் பிரதேசங்களைத் துடைத்தெறிந்தது. ஜப்பானியருக்குப் பரிச்சயமான சுனாமி என்ற சொல் அந்நாட்டு மொழியிலேயே பெயரெடுத்துள்ளது.

சுமத்திராவில் சரியாக 6.58 நிமிடத்தில் ஏற்பட்ட சுனாமி இலங்கை நேரப்படி காலை 9.25க்கு தனது வீச்சை வெளிக்காட்டியது. சுமார் 1600 கிலோ மீற்றர் தூரத்தை 2 மணி நேரத்தில் பயணித்துள்ளது.
சுனாமிப் பேரலைத் தாக்கத்தினால் இந்தோனேசியா, இந்தியா, இலங்கை, தாய்லாந்து, மாலைதீவு, சோமாலியா உட்பட மொத்தம் 14 நாடுகள் தமது நாட்டு உயிர்களையும், பொருளாதாரத்தையும் இழந்து அவல நிலைக்குள்ளாகின.
9.1 ரிச்டர் அளவுடைய (Magnitude) பேரலை அனர்த்தம் காரணமாக 230,000 தொடக்கம் 280,000 மக்கள் தமது இன்னுயிரை இழந்து தத்தமது குடும்பங்களை மீளாத் துயரில் விட்டுச் சென்றுள்ளனர். 2.5 மில்லியன் மக்களை இடம்பெயர வைத்து அகதி என்ற அந்தஸ்தையும் கொடுத்து பிறரின் உதவியை எதிர்பார்க்கும் மக்கள் தொகுதி ஒன்றையும் உருவாக்கியது.
கடற்கரைப் பிரதேசங்களை அண்மித்த குடாக்களில் மிக அமைதியாக அலையின்றி இருக்கும் கடல் நீரானது சுனாமிப் பேரலையின் தாக்கத்தினால் சுமார் 5 கிலோ மீற்றர் நிலப்பரப்புக்குக் குறையாத அளவு ஆர்ப்பரித்துக் கொண்டமையும் கற்பனைக்கு எட்டாதவைகளாக இருந்த போதும் கண்கூடாகக் கண்ட காட்சிகள் தான்.
ஆடிக்காற்றில் அம்மி பறக்கும் அரச இலை தாழும் என்று கதைகள் மூலம் கேள்விப்பட்டு என்ன கதை இது என்று மற்றவரிடம் கூறும் நமக்கு நமது கண்ணெதிரிலே பாரிய ரயில் வண்டிகளும், கனரக ஊர்திகளும், ஏனைய வாகனங்களும், கட்டிட இடிபாடுகளும், இவைகளோடு இழந்தால் என்றுமே மீளப் பெற முடியாத பெறுமதியற்ற உயிர்களும் பருமட்டமாக நீரில் அடித்துச் செல்லப்பட்ட காட்சிகள் யாரின் இதயங்களைத்தான் கசக்கிப் பிழியாமல் விட்டிருக்கும்.

பேரழிவை ஏற்படுத்திய சுனாமியினால் உலகில் உள்ள மிக முக்கியமான சுற்றுலாத்துறை பாதிக்கப்பட்டதுடன் நாடுகள் பேணிப்பாதுகாத்த சுற்றுலா மையங்களும் நாசமடைந்தன. மேலும் உலகின் மீன்பிடித் துறைமுகங்கள் அழிக்கப்பட்டதுடன் உலக மீன் நுகர்ச்சியும், மீன்பிடித்தொழிலும் அதன் மூலம் எட்டப்பட்ட வருமானமும் இல்லாதொழிந்ததுடன் பெருமளவு ஐஸ் தொழிற்சாலைகளும் தடம்புரண்டழிந்து போயின.
சுனாமி பாதிப்புக்கள் தொடர்பாக எமது நாட்டை எடுத்துக் கொண்டால் சுனாமியின் தாக்கம் முதலில் காலி பிரதேசத்தையும், பேருவளையையும் தாக்கிய சில விநாடிகளின் பின்னரே வட, கிழக்கு உட்பட நாட்டின் ஏனைய பிரதேசங்கள் அழிவுக்குள்ளாகின என்ற கருத்து முன்வைக்கப்பட்டுள்ளன.
பொருளாதார ரீதியில் காலூன்றிக் கொண்ட அபிவிருத்தி அடைந்துவரும் நாடுகள் என்ற வரையறைக்குள் தன்னைப் பெருமைப்படுத்திக் கொண்டிருந்த எமது நாடு இந்த பேரனத்தம் காரணமாக பாதிக்கப்பட்ட நாடுகள் என்ற வகையில் இரண்டாம் நிலையில் உள்ளது. மெஸ்புறோ MESPRO என்ற தன்னார்வ நிறுவனம் மேற்கொண்ட ஆய்வுகளின்படி அதன் பணிப்பாளர் டாக்டர் கே.எல்.நக்பர் அவர்களின் குறிப்பொன்றில் சுட்டிக்காட்டப்பட்டுள்ளபடி இந்த பேரனத்தம் சுமார் நாற்பதாயிரம் மக்களின் உயிர்களைக் காவு கொண்டதாகவும் இத் தொகை சற்று அதிகரிக்கவும் கூடும் என்று தெரிவிக்கப்பட்டிருந்தது.
அதேவேளை 2005 மார்ச் மாதம் 1ஆம் திகதி சுனாமி அனர்த்தம் தொடர்பாக எடுக்கப்பட்ட கணக்கறிக்கையின்படி 36,603 பேர் மரணமடைந்துள்ளதாகத் தெரிவிக்கப்பட்டுள்ளது. அத்துடன் எட்டு இலட்சம் பேர் (800,000) நேரடியாகப் பாதிக்கப்பட்டதுடன் 90,000 தொண்ணூறாயிரம் கட்டிடங்கள் இடிபாடடைந்து போயுள்ளன.
இலங்கையின் கரையோர மாவட்டங்கள் 12ல் அதிக உயிர்கள் காவு கொள்ளப்பட்ட மாவட்டமாக அம்பாறை மாவட்டம் திகழ்கின்றது. இம்மாவட்டத்தில் மொத்தம் 10,436 பேர் மரணத்தைத் தழுவியுள்ளனர். கல்முனை பிரதேச செயலாளர் பிரிவில் மட்டும் 4960 இன்னுயிரை ஈந்தவர்கள்.
குறிப்பாக வடக்கு, கிழக்கு மாகாணங்களைப் பொறுத்த மட்டில் முல்லைத்தீவில் 3000 பேரும், யாழ்ப்பாணத்தில் 2640 பேரும், மட்டக்களப்பில் 2794 பேரும், திருமலையில் 1077 பேரும், கிளிநொச்சியில் 560 பேருமாக மொத்தம் 20,507 பேர் சுனாமிப் பேரலையின் கோரப்பிடிக்கு தம் உயிரைத் தாரைவார்த்தவர்கள்.
மனித உயிர்களையும், பொருளாதாரத்தையும், உளவியல் ரீதியான தாக்கங்களையும், வறிய மக்களின் வாழ்வாதாரத்தையும் தட்டிப்பறித்துச் சென்று விட்டது என்ற கூற்றின் கசிவுத் தன்மை மனித சமூகம் சுமார் 14 பில்லியன் அமெரிக்க டொலர்களை வாழ்வாதார மீட்சிப்பணிகளுக்காக வழங்கியது.
இதுதவிர வடக்கு, கிழக்கில் 4190 பேர் காணாமற் போயுள்ளதுடன் 1743 பேர் காயங்களுக்கும் ஆளாகினர். 102,879 குடும்பங்கள் நேரடியாகப் பாதிக்கப்பட்டதுடன் 57400 வீடுகள் முழுமையாகவும், 186,718 வீடுகள் பகுதியடிப்படையிலும் சேதமடைந்தன. நாடு பூராகவும் 21,441 பேர் காயங்களுக்கு உள்ளானதுடன் 516,150 பேர் இடம்பெயர்ந்தனர். சுனாமியினால் சுமார் 40,000 பேர் அனாதைகளாகவும், விதவைகளாகவும் ஆக்கப்பட்டனர்.
இலங்கையில் ஏற்பட்ட சுனாமி அனர்த்தம் தொடர்பாக உலக வங்கி மேற்கொண்ட ஆய்வின்படி 150,000 தொழில்களை இழந்துள்ளனர். இதில் மீனவர்கள் 75% பேர் என MESPRO அறிக்கையில் கூறப்பட்டுள்ளது. இது தவிர 10 மீன்பிடி துறைமுகங்களும், ஐஸ்கட்டி உற்பத்தி செய்யும் நிலையங்கள் 18ம் முற்றாகச் சேதமடைந்துள்ளன.
இலங்கையின் கரையோரப் பிரதேச மக்களின் ஜீவனோபாயத் தொழில் முயற்சிகளிலும், அந்நியச் செலாவணி மீட்டலிலும் முக்கிய இடத்தை வகிப்பது உல்லாசப் பணயத் துறையாகும். இத்துறையைப் பொறுத்தமட்டில் நட்சத்திர ஹோட்டல்கள் 53ம், சிறிய ஹோட்டல்கள் 248ம், உணவு விடுதிகள் 210ம் என சேதத்துக்குள்ளானவைகளாகும்.
கரையோரப் பிரதேச தோப்புகள் கொண்ட இடங்களிலிலருந்த தும்புத் தொழிற்சாலை, நெசவுத் தொழில், பிரதேச ரீதியாகப் பிரபல்யம் பெற்று விளங்கும் கைப்பணிப் பொருட்கள் அதன் மூலப் பொருட்கள் என்பவற்றுக்கும் ஏற்பட்ட சேதம் சில இடங்களில் உள்ள மக்களை யாசிக்கும் நிலைக்கும் தள்ளியதெனலாம்.
சுனாமி தாக்கம் காரணமாக எமது நாட்டுக்கு ஏற்பட்ட மற்றுமொரு பாரிய நஷ்டம் கரையோர ரயில் போக்குவரத்துத் துறைக்கு ஏற்பட்ட பாதிப்பாகும். இதன்போது 69 புகையிரத நிலையங்கள் பாதிப்புற்றதுடன் பிரதான புகையிரதப் பாதைகள் 1615 கிலோ மீற்றர் சேதமடைந்தன. இதன் மூலம் ரயில்வே திணைக்களத்துக்கு ஏற்பட்ட நஷ்டம் 70620 மில்லியனாகும். (MESPRO REPORT) அத்துடன் 25 பாலங்கள் உடைந்து சேதமடைந்தன. மின்சாரக் கட்டமைப்பும் சீர்குலைந்து போயின.

கல்வித்துறையைப் பொறுத்தமட்டில் 182 பாடசாலைகள் சேதமடைந்ததுடன் 441 பாடசாலைகளில் அகதிகள் தஞ்சமடைந்திருந்த நிலைமையும் ஏற்பட்டது மேலும் சுனாமியின் தாக்கம் காரணமாக சில பல்கலைக்கழகங்கள் தொழில்நுட்பக் கல்லூரிகளும் பாதிக்கப்பட்டமை குறிப்பிடத்தக்கதாகும்.
பொதுப் போக்குவரத்தைப் பொறுத்தமட்டில் பெருந்தொகை
யாக நிறுத்தி வைக்கப்பட்டிருந்த அரச, தனியாருக்குச் சொந்தமான பேருந்துகள், வான்கள் மோட்டார் வண்டிகள், அதன் சார்பு வகைகள், தரிப்பு நிலையங்கள், பேருந்து நிலையங்கள் என்பனவும் சின்னாபின்னமாக வெள்ள நீரில் அடித்துச் செல்லப்பட்டன.
முழு உலகையுமே திரும்பிப்பார்க்கவைத்த சுனாமியினால் இந்தியாவின் தென்னிந்திய மாநிலமான தமிழ்நாடு, கேரளாவும், இலங்கை, மாலைதீவு, சோமாலியா போன்ற நாடுகள் மிகவும் வறுமைப்பட்ட அபிவிருத்தி அடைந்துவரும் நாடுகள் வரிசையில் தம்பாதங்களை ஏட்டி வைக்க முற்பட்ட வேளை எவருமே எதிர்பார்த்திராத பேரனத்தம் மேற்சொன்ன நாடுகளின் பொருளாதாரக் கட்டமைப்பை சீர்குலைத்தமையானது அந்நாடுகளின் அபிவிருத்தி முன்னேற்றப்பாதையில் ஆகக் குறைந்தது ஐந்து வருடங்களையாவது பின்னோக்கி நகர்த்தியதெனலாம்.
பொருளாதார, வாழ்வாதார, வளங்களின் அழிவுக்கான மாற்றீடுகளை காலப்போக்கில் நாடுகள் ஏற்படுத்திக்கொண்டாலும், எவ்வித பெறுமான அலகுகளாலும் அளவீடு செய்ய முடியாத இலட்சக்கணக்கான உயிர்களைப் பறிகொடுத்த உறவுகளின் உள்ளங்களை ஆற்றுப்படுத்தும் நடவடிக்கைகளில் உலகம் எவ்வளவு தூரம் வெற்றி கொண்டதென்பது விவாதத்துக்குரியதாகும்.
அழிவுக்குள்ளான நாடுகளில் டிசம்பர் 26ஆம் திகதியும் அதன் முன் – பின் திகதிகளும் மனித உள்ளங்களை கடந்த கால இழப்புக்களாக தடம்புரளச் செய்யும் நிலை நாம் வாழும் சமகாலத் தலைமுறை வரை நீடிக்கும் என்பதில் ஐயமில்லை.
இலங்கையைப் பொறுத்தமட்டில் சுனாமி ஏற்பட்ட கால சூழல் பயங்கரவாத நடவடிக்கைகளினால் வடக்கு, கிழக்கு சோபை இழந்த நிலையுடன் முழு நாடுமே அச்சத்தால் உறங்கியிருந்த காலம். சுனாமியின் தாக்கம் ஏனைய நாடுகளைப் பொறுத்தமட்டில் ஒருதலைப்பட்சமாக இருந்த போதிலும் இலங்கையில் மாத்திரம் மரத்தால் விழுந்தவனை மாடு ஏறி மிதித்த கதையாக மாறியதெனலாம்.
இவ்விரு நிலைமைகள் எமது நாட்டை ஆட்கொண்டபோது, சுனாமியினால் மனித மனங்களில் பாரிய மாற்றம் ஏற்பட்டு சமூகங்களுக்கிடையே பிணைப்புகளும் உருவாகின. அன்றைய நிலையில் சமூகக் காரணிகளினால் இனங்களுக்கிடையே காணப்பட்ட அசௌகரிய மனப்பாங்கு மாற்றம் பெற்று தமிழ், முஸ்லிம் சிங்களவர், கிறிஸ்தவர் என்ற வேறுபாடின்றி ஒருவருக்கொருவர் உதவும் மனப்பாங்கை வளர்த்துக்கொள்வதற்கும் இயற்கையின் சீற்றத்தையும், இறைவனின் ஏற்பாடுகளின் காரியங்களையும் கண்ட மக்களின் உள்ளங்கள் இறையச்ச உணர்வுகளுக்கு முழுவதுமாக தம்மை இயல்பாக்கிக் கொண்டன.
குறிப்பாக அண்மையில் தமிழ் நாட்டில் சென்னை உட்பட ஏனைய நகரங்களில் ஏற்பட்ட வெள்ளத்தின் போது பள்ளிவாசல்கள், கோயில்கள், தேவாலயங்கள், மற்றும் சமய நிறுவனங்களில் சாதி, மத வேறுபாடின்றி எல்லா மக்களும் மனித குலம் என்ற அடிப்படையில் மனித உணர்வுகள் மேலோங்கி நின்றதைக் குறிப்பிடலாம்.
சுனாமியின் தாக்க விளைவுகளை சீர்செய்வதில் அரசாங்கமும், உள்ளூர் மற்றும் சர்வதேச தன்னார்வத் தொண்டு நிறுவனங்களும் பாரியளவில் தமது பங்களிப்புக்களைச் செய்த போதும் மீள் கட்டுமான, வாழ்வாதார மறுமலர்ச்சி என்பன முழுமையாக ஏற்பட்டனவா என்ற கேள்விக்கு பூரணமான பதிலளிக்க முடியாத நிலைமையே நேரடி அவதானிப்பாளர்கள் மூலம் அறிய முடிகின்றது.
எப்படித்தான் எமது உள்ளங்கள் பண்பட்ட போதிலும், இலவசங்கள் கிடைக்கும் போது உரியவர்கள், தகுதியானவர்களுக்கு முன்னர் ஓடிச் சென்று அவற்றைப் பெற்றுக் கொள்ள முண்டியடிக்கும் மனநிலை கொண்ட மனிதர்களால் பாதிக்கப்பட்டவர்கள், பரிதாபத்துக்குரியவர்கள் சாதித்துக்கொள்வதற்குத் திராணியற்றவர்கள் ஏமாளியாகிவிடுகின்றனர்.
நிவாரணம் வழங்கல், நஷ்ட ஈட்டுக் கொடுப்பனவுகள் எனும் போது வழங்குபவர்கள், அதிகாரிகள், பெறுபவர்களுக்கிடையே நிலவிய உறவுகள் உண்மையாகப் பாதிக்கப்பட்ட மக்களுக்குக் கிடைக்காமல் போயின.
மீள் கட்டுமானப் பணிகளின் போது, குறிப்பாக பாதிப்புக்குள்ளான முக்கிய பாடசாலைகள் ஏனோ தானோ என்ற நிலையில் திருத்தி அமைக்கப்பட போதியளவு மாணவர்களே இல்லாத இடங்களில் பெருவாரியான கட்டிடத் தொகுதிகள் நிர்மாணிக்கப்பட்டமை சமன்பாட்டுத் தன்மைக்கு ஏற்றதாக அமையவில்லை.
மீள்குடியேற்றம் தொடர்பாக கவனத்தைச் செலுத்தும்போது, நாட்டின் பல்வேறு பகுதிகளிலும் பாதிப்புக்குள்ளானவர்கள் திருப்தி அடைந்தனரா என்ற வினா உள்ளது.
குறிப்பாக அம்பாறை மாவட்டத்தில் சுனாமியால் பாதிக்கப்பட்ட மக்களுக்காக சவூதி அரசாங்கத்தின் நிதி உதவியினால் நுரைச்சோலை என்ற இடத்தில் தலா 27 இலட்சம் ரூபா பெறுமதியில் நிர்மாணிக்கப்பட்ட 500 வீடுகள் இன்றுவரை பாழடைந்து கிடப்பதுடன் அங்கு நிர்மாணிக்கப்பட்ட சமூக நிலையங்களும் சேதமடைந்துள்ளன. இந்த வீடமைப்புத் திட்டத்தை உருவாக்குவதிலும் செயற்படுத்தியதிலும் முக்கிய பங்காற்றியவர் முன்னாள் வீடமைப்பு நிர்மாணத்துறை அமைச்சர் பேரியல் அஷ்ரஃபாகும். பல்வேறுபட்ட காழ்ப்புணர்ச்சிகள் காரணமாக புட்டம்பை போன்ற இடங்களிலிருந்து அக்கரைப்பற்று பிரதேச செயலாளர் பிரிவில் குடியேறிய சுனாமியால் பாதிக்கப்பட்ட மக்கள் இன்னும் அகதிகளாகவும், உறவினர் வீடுகளிலுமே தங்கி இருக்கின்றனர்.
சுனாமியால் பாதிக்கப்பட்டு ஏதோ ஒரு வகையில் மன உளைச்சலுக்கு ஆளான மக்கள் வருடா வருடம் டிசம்பர் 26ல் அரச நிறுவனங்களுக்கு முன்னால் ஆர்ப்பாட்டத்தில் ஈடுபட்டுவருவதை இதுவரை காணக்கூடியதாக இருக்கின்றது.
எனவே, சுனாமியால் நஷ்டமடைந்தவர்கள் இன்னும் தமது இருப்பைத் தக்கவைத்துக்கொள்ளாமல் இருப்பார்களேயானால் அவர்களின் பிரச்சினைகள் அடையாளங்காணப்பட்டுத் தீர்த்து வைக்கப்படுவது அரசுசார் நிறுவனங்களின் ஆரோக்கிய நடவடிக்கையாகவும், தார்மீகக் கடமையுமாகும்.
ஏற்கனவே குறிப்பிட்டது போன்று எம்மைப் போன்று சுனாமியால் பாதிக்கப்பட்ட நாடுகளைச் சார்ந்தவர்களுக்கு சுனாமி புதிதாக அல்லது புதிய பேரழிவுக்காரணியாக இருந்தாலும் ஜப்பானிய துறைமுக பிரதேச மக்கள் குறைந்தளவு ரிச்டர் அளவு பூகம்பத்தையும் அதனோடு கூடிய சுனாமியையும் கடந்த காலங்களில் கண்டிருக்கின்றனர்.
கலாபூஷணம் மீரா எஸ்.இஸ்ஸடீன்
நன்றி:சிலோன் முஸ்லிம்

பயாகல

இறைத் தூதர் முஹம்மது (ஸல்) அவர்கள்

காற்றோட்டமில்லாத அறையில் தூங்காதீர்கள்

நீங்கள் 10அடிக்கு 10 அடி அறைக் கதவை பூட்டிக் கொண்டு, சன்னல்களையும் பூட்டிக் கொண்டு தூங்குகின்றவரா?
அப்படியானால் அவசியம் படியுங்கள்....
சிறுநீரக கோளாறு – ஏன் ஏற்படுகிறது ? - எப்படி தடுப்பது ?
நீங்கள் 10அடிக்கு 10 அடி அறைக் கதவை பூட்டிக் கொண்டு, சன்னல்களையும் பூட்டிக் கொண்டு தூங்குகின்றவரா, அப்படியானால் உங்களுக்கு சிறுநீரக செயலிழப்பு(KIDNEY FAILURE), மூட்டுக்களில் வலி (RHEUMATOID ARTHRITIS) (கழுத்து, முழங்கை, முன்கை மணிக்கட்டு, கீழ்முதுகு வலி, முதுகுத் தண்டுவட எலும்பில் வலி,முழங்கால் மூட்டு வலி,கணுக்கால் எலும்பில் வலி,குதிங்கால் வலி ), சிறு நீரகக் கல், இவை எல்லாம் உண்டாக வாய்ப்புள்ளது. இதை வாத நோய்கள் என்பார்கள்.
பழந்தமிழர் வாழ்வியலின்படி , ஒரு பெரியவர் சன்னலை மூடித் தூங்கினால் காற்று தீட்டுப்பட்டுவிடும் என்று கூறினார். நான் அப்போது இது என்ன கூத்து காற்றுக்கும் தீட்டா என்று எண்ணினேன்.அதை விளக்கிக் கூறவும் கேட்டேன்.அவரால் விளக்க முடியவில்லை.ஆனால் அக்கு பஞ்சர் விஞ்ஞானம் இதற்கு விளக்கம் அளித்தது.
அக்கு பஞ்சரில் சிறுநீரகத்தை இரண்டாவது நுரையீரல் என்பார்கள்.ஒரு நீங்கள் 10அடிக்கு 10 அடி அறைக் கதவை பூட்டிக் கொண்டு, சன்னல்களையும் பூட்டிக் கொண்டு ஒருவர் மட்டுமே தூங்கினாலே 3அல்லது 31/2 மணி நேரத்திற்குள்ளாக அறைக்குள்ளே உள்ள காற்றில் உள்ள பிராண வாயுவின்,(ஆக்ஸிஜன்,OXYGEN,02) அளவு குறைந்துவிடும். இதையே அந்தப் பெரியவர் தீட்டு என்கிறார்.
பொதுவாக காற்றில் பிராண வாயுவின் அளவு 21% இருக்கும்.ஆனால் பூட்டிய அறையில் ஒருவர் தூங்கும்போது மூச்சின் அளவு அதிகரிக்கும் வேகத்தாலும் சாதாரணமாக உட்கார்ந்திருக்கும் போது 15 மூச்சும்,தூங்கும்போது 64 மூச்சும்) அறையில் உள்ள காற்றில் பிராண வாயுவின் அளவு குறைந்து 10% சதவிகிதத்துக்கும் கீழே வந்துவிடும்.
அப்போது நுரையீரலால் இரத்தத்தில் பிராண வாயுவின் அளவை சரியாக வைக்க முடியாத போது,உடலில் உயிர் காப்பாற்றப்பட பிராண வாயுவின் தேவை அதிகரிக்க அதிகரிக்க,சிறுநீரகம் அந்த அத்தியாவசியமான வேலையை செய்ய முற்படுகிறது. அது நம் உடலில் தண்ணீரில் உள்ள ஆக்ஸிஜனை எடுத்து உடலுக்கு கொடுக்கும் வேலையை செய்கிறது.(தண்ணீரில் இரு பங்கு ஆக்ஸிஜனும் ஒரு பங்கு ஹைட்ரஜனும் உள்ளது,இது போக நீரில் ஆக்ஸிஜனும் கரைந்து உள்ளது).எனவேதான் சிறுநீரகம் இரண்டாவது நுரையீரல் என்றழைக்கப்படுகிறது.
சிறுநீரகம் மேற்கண்ட வேலையை செய்ய ஆரம்பித்தவுடன் அதுவரை அது செய்து கொண்டிருக்கும் வேலையான இரத்தத்தை வடிகட்டி சுத்தப்படுத்தும் வேலை நிறுத்தப்படுகிறது.நம் உடலில் உள்ள தண்ணீரில் ஆக்ஸிஜன் அளவு குறைந்தவுடன் அந்த கழிவு நீர் வெளியேற நமக்கு சிறுநீர் கழிக்கும் உணர்வு தூண்டப்படுகிறது
.மீண்டும் புதிய ஆக்ஸிஜன் நிறைந்த தண்ணீர் தேவைப்படுவதால் தண்ணீர் தாகமும் தூண்டப்படுகிறது.இதனாலேயே சிறுநீரகம் அதீதமான வேலைப் பழுவுடன் தள்ளாடுகிறது.
இதனால் சிறுநீரகத்தில் அழுக்குகள், தேங்குவதோடு, இரத்தத்தில் யூரிக் அமிலம் முதலான அழுக்குகள் அதிகரிக்கின்றது
,மூட்டுகளில் மூட்டுகளில் யூரிக் அமிலம் படிவங்களாக படிகின்றன.
விளைவு யூரிக் அமிலம் படிவுகளாக சிறுநீரகத்தில் படிந்து கற்களாக மாறுகிறது.இரத்த
த்தில் யூரிக் அமிலத்தால் இரத்தம் அழுக்கடைந்து இரத்தத்தின் தடிமம் அதிகரித்து இரத்த அழுத்தம் அதிகரிக்கிறது. இதனால் இதயம் அதிக வேலைப் பழுவுக்கு ஆளாகிறது.
மூட்டுகள் யூரிக் அமிலப் படிவங்களால் அரிக்கப்படுகின்றன. இதனால் மூட்டுக்களில் வலி உண்டாகின்றது. இதனாலேயே A/C அறையில் தூங்கும் போது அதிக தண்ணீர் தாகம் எடுக்கிறது. மூட்டுக்களில் வலி வருகிறது
இவ்வளவு பிரச்சினைகளையும் உண்டாக்கும் காற்றோட்டமில்லாத அறையில் தூங்காதீர்கள். ஆரோக்கிய வாழ்வுக்கு அடிப்படையான இது போன்ற விடயங்களை நண்பர்களுடன் பகிர்ந்து கொள்ளுங்கள்.

நன்றி:உணவே மருந்து முகப்புத்தகம்

உஸ்மான் (ரலி) வங்கி கணக்கும் "பிர் உஸ்மான் " கிணறும்

முஸ்லிம்களின் நலனிற்காக மிக மிக அதிகம் வாரி வழங்கிய வள்ளல்களில் மிகவும் முக்கியமான நபிதோழர் மூன்றாம் கலிபா உஸ்மான் இப்னு அஃபான் ரலியல்லாஹு அன்ஹு அவர்கள்
ஒருமுறை மதினாவில் தண்ணீர் பஞ்சம் ஆனால் ருமாத் அல் ஜிஃபாரி என்ற ஒரு யூதனின் கிணற்றில் மட்டும் தண்ணீர் இருந்தது... பஞ்சத்தை முதலாக்கினான் அந்த யகூதி... ஒரு குடம் தண்ணீருக்கு முஸ்லிம்களிடம் அதிக விலை வாங்கினான் அந்த யகூதி...
அப்போது நபிகள் நாயகம் (ஸல்) ஒரு அறிவிப்பை செய்தார்கள்... " உங்களில் யார் அந்த கிணற்றை வாங்கி முஸ்லிம்களுக்கு நியாயமான முறையில் தண்ணீர் கிடைக்க உதவுகிராரோ அவருக்கு சுவனம் நிச்சயம்" என்றார்கள்...

அந்த யூதனை அணுகினார் உஸ்மான் ரலி... அவனோ தண்ணீர் வியாபாரம் சூடு பிடித்துள்ள நிலையில் அந்த கிணற்றை விற்க மறுத்தான்... மிகச்சிறந்த வியாபார தந்திரங்கள் மிக்கவராக விளங்கிய உஸ்மான் அவர்கள் அவனிடம் அந்த கிணற்றை முழுவதும் தராவிட்டாலும் பரவாயில்லை பகுதியை தா என்றார்கள்... அதற்கு மிகப்பெரிய அளவில் ஒரு தொகையையும் வாக்களித்தார்கள்.. அதன்படி வியாபார ஒப்பந்தம் ஆனது ஒருநாள் உஸ்மான் தண்ணீர் எடுக்கலாம்... மறுநாள் யூதன் தண்ணீர் எடுப்பான்... இதுவே அந்த ஒப்பந்தம்
உஸ்மான் அவர்கள் தனது தினத்தில் அனைவருக்கும் இலவசமாக தண்ணீரை வழங்கினார்கள்... மறுநாள் யூதனின் வியாபாரம் நடக்கவில்லை... உஸ்மானின் புத்திகூர்மையை உணர்ந்த யூதன் கிணற்றை முழுவதுமாக உஸ்மான் அவர்களுக்கே விற்றுவிட்டான்.
அந்த கிணற்றை உஸ்மான் அவர்கள் மதினாவின் ஏழைகளுக்கு வக்ஃப் செய்துவிட்டார்கள்... இன்றும் அந்த கிணறு மதினாவின் ஒரு பகுதியை செழிப்பாக வைத்துள்ளது...
மஸ்ஜிதுன் கிபிலைதைன் அருகில் இருக்கிறது "பிர் உஸ்மான் " (உஸ்மான் ரழி யின் கிணறு)

கடலில் விழவுள்ள மர்மப்பொருள்: வெடிப்புச் சிதறல்களை தொட வேண்டாமென எச்சரிக்கை!

வெள்ளியன்று முற்பகலில் தென்பகுதி கடலில் விழலாமென எதிர்பார்க்கப்படும் மர்மப் பொருள் இடைவழியில் வெடித்து சிதறினால் நிலப் பகுதியில் விழும் அதன் பாகங்களை எவரும் தொட வேண்டாம் என்று கொழும்பு பல்கலைக்கழகத்தின் பெளதீகவியல் பீட பேராசிரியரும் வான சாஸ்திர விஞ்ஞானியுமான சந்தன ஜயரட்ன நேற்று  தெரிவித்தார்.

இது தொடர்பாக அவர் மேலும் குறிப்பிடுகையில்:-

இலங்கையின் தென்பகுதியிலுள்ள தேவேந்திரமுனையிலிருந்து 65 கிலோ மீற்றர் தூரத்தில் கடலில் மர்மப் பொருளொன்று நாளை மறுதினம் வெள்ளிக்கிழமை முற்பகல் 11.50 மணிக்கு விழவிருக்கின்றது.

இப்பொருளுக்கு WT1190F எனப் பெயரிடப்பட்டுள்ளது. சந்திரன் தற்பொது இருக்கும் இடத்திலிருந்து இரு மடங்குகளுக்கு அப்பாலான தூரத்திலிருந்தே இப்பொருள் பூமியை நோக்கி வருகின்றது. இந்தப் பொருள் இரண்டு மீற்றர்கள் நீளமானதாக (07 அடிகள்) காணப்படுகின்றது. குழாய் வடிவில் துளை

கொண்டதாகக் காணப்படும் இப்பொருள் ஏற்கனவே சந்திரனுக்கு ஏவப்பட்ட ரொக்கட்டின் பாகமாக இருக்கலாம் என்று நம்பப்படுகின்றது.

இப்பொருள் மேற்கிலிருந்து கிழக்கு நோக்கியே வந்து

கொண்டிருக்கின்றது. என்றாலும் இன்னும் வளி மண்டலப் பகுதிக்குள் உட்பிரவேசிக்கவில்லை. அவ்வாறு பிரவேசிக்கும் போது வெப்ப நிலை அதிகரித்து ஒரு பகுதி தீப்பற்றி எரிந்து விட முடியும். அப்பொருள் ரொக்கட்டின் என்ஜின் பாகம் என்றால் வளிமண்டலத்தில் சுமார் நூறு கிலோ மீற்றர்கள் செல்லும் போது வெப்ப நிலை அதிகரித்து வெடித்து சிதற முடியும். அவ்வாறு வெடித்துச் சிதறும் போது அதன் பாகங்கள் நிலப் பகுதியிலும் விழலாம்.

இதன் பாகங்கள் நிலப்பகுதியில் விழுந்தால் அவற்றை எவரும் தம் கைகளால் பிடிக்க வேண்டாம். ஏனெனில் அப்பாகங்களில் கதிர் தாக்கங்கள் காணப்படலாம். அதனால் அப்பாகங்கள் விழுந்திருக்கும் இடம் தொடர்பான தகவலை உடனடியாக எமக்கு அறியத் தாருங்கள். அவை தொடர்பான ஆய்வுகளை மேற்கொள்ளவென நாம் குழுவொன்றை அமைத்துள்ளோம். இப்பொருள் வளிமண்டலத்தினுள் பிரவேசித்த பின் தீபந்து போன்று கூட காட்சியளிக்கலாம்.

இப்பாகம் விழுவது குறித்து எவரும் அச்சம் கொள்ளத் தேவையில்லை. ஏனெனில் இவ்வாறான பொருட்கள் உலகின் பல பிரதேசங்களில் ஏற்கனவே விழுந்துள்ளன. அதே நேரம் இப்பொருள் கடலில் விழுவதால் சுனாமி பேரலை ஏற்படும் என்றும் அஞ்சத் தேவையில்லை.

என்றாலும், இப்பொருள் முற்பகல் 11.50 மணிக்கு விழவிருப்பதால் அதற்கு முன்னரான ஒரு மணித்தியாலம் முதல் பின்னரான ஒரு மணித்தியாலம் வரையும் மீனவர்கள் கடலுக்குச் செல்ல வேண்டாமென கேட்டுக் கொள்ளுகின்றோம். அதே நேரம் இப்பொருள் எமக்கு அருகிலுள்ள சர்வதேச கப்பல் போக்குவரத்து பாதை பகுதியிலேயே விழவிருக்கின்றது.

அதனால் இக்காலப்பகுதியில் இப்பகுதியின் ஊடாக கப்பல் போக்குவரத்தை தவிர்த்துக் கொள்ளுமாறும் அறிவூட்டுவதற்குத் திட்டமிட்டுள்ளோம். அத்தோடு விமானங்களையும், ஹெலிக்கொப்டர்களையும் இக்காலப் பகுதியில் இப்பகுதியில் பயணிக்க வேண்டாம் எனவும் ஆலோசனை வழங்கியுள்ளோம் என்றும் அவர் குறிப்பிட்டார்.


நன்றி:தினகரன்

மர்மப்பொருள் விழும் அபாயம்! வெள்ளிக்கிழமை தென்பகுதிக் கடலில், மீன்பிடிக்கவும், விமானங்கள் பறக்கவும் தடை விதிக்கப்படலாம்?

 விண்வெளியில் இருந்து WT 1190F எனப் பெயரிடப்பட்டுள்ள மர்மப்பொருள், வரும் 13ம் நாள், வெள்ளிக்கிழமை விழும் என்று எதிர்பார்க்கப்படும், இலங்கையின் தென்பகுதிக் கடலில், மீன்பிடிக்கவும், விமானங்கள் பறக்கவும் தடை விதிக்கப்படலாம் என்று எதிர்பார்க்கப்படுகிறது.

விண்கலம் ஒன்றின் பாகமாக இருக்கலாம் என்று கருதப்படும், 2 மீற்றர் நீளமான – WT 1190F எனப் பெயரிடப்பட்டுள்ள மர்மப்பொருள், வரும் 13ம் நாள் இலங்கைக்குத் தெற்கில், 100 கி.மீ தொலைவில், கடலில் விழும் என்று விண்வெளி ஆய்வாளர்கள் தெரிவித்துள்ளனர்.

வரும் 13ம் நாள் வெள்ளிக்கிழமை, உள்ளூர் நேரப்படி, காலை 11.48 மணியளவில், கடலில் விழும் என்று எதிர்பார்க்கப்படுகிறது.

இந்த மர்மப் பொருளினால் இலங்கைக்கு ஆபத்து ஏற்படாது என்றும், அது வளிமண்டலத்துக்குள் நுழையும் போது பெரும்பாலும் நடுவானிலேயே எரிந்து போய் விடும் சாத்தியம் உள்ளதாக கொழும்பு பல்கலைக்கழக பௌதிகவியல் துறைத் தலைவர் கலாநிதி சந்தன ஜெயரத்ன தெரிவித்துள்ளார்.
அதேவேளை, சிறிய துண்டுகள் நிலத்தில் விழுவதற்கான சாத்தியங்களை நிராகரிக்க முடியாது என்று ஆர்தர் சி கிளார்க் நிலையத்தின், மூத்த ஆய்வாளரான விஞ்ஞானி சரோஜ் குணசேகர குறிப்பிட்டுள்ளார்.
எல்லாப் பகுதிகளும் எரிந்து போகத் தவறினால், சிறிய துண்டுகள் நிலத்தை வந்தடைய வாய்ப்புகள் உள்ளன என்றும் அவர் கூறியுள்ளார்.
இந்த நிலையில், ஆர்தர் சி கிளார்க் நிலையம் மற்றும், அனர்த்த முகாமைத்துவ நிலையம் ஆகியவற்றின் தகவல்களின் அடிப்படையில், வரும் வெள்ளிக்கிழமை தெற்கு கடல் பகுதியில் விமான பறப்புக்குத் தடைவிதிப்பது குறித்து அவதானித்து வருவதாக, விமான சேவைகள் கட்டுப்பாட்டாளர் கிரிசாந்தி திசேரா தெரிவித்துள்ளார்.
அதேவேளை, மாத்தறை, காலி, அம்பாந்தோட்டை மாவட்ட கடற்றொழில் திணைக்கள அதிகாரிகளை, அந்தப் பகுதிகளில் மீன்பிடித் தடையை நடைமுறைப்படுத்தும் படி அறிவுறுத்தியுள்ளதாக, கடற்றொழில் திணைக்கள பணிப்பாளர் பெர்னான்டோ கூறியுள்ளார்.
தகவல்:இனையம்
பட உதவி:spaceflight 101.com

சாம்சங் கேலக்ஸி ஸ்மார்ட் போன் பயன்படுத்துபவர்கள் அறிந்திருக்க வேண்டிய அருமையான ஐந்து வசதிகள்

இன்று அதிகமானவர்கள் சாம்சுங் ஸ்மார்ட் போன்களை விரும்பி பயன்படுத்தி வருகின்றனர்.




இதற்கு பலவும் காரணமாக அமைந்துள்ளன. இன்று அறிமுகப்படுத்தப்படும் அதிகமான சாம்சுங் ஸ்மார்ட் போன்கள் Android இயங்குதளத்தை கொண்டிருக்கின்றமையும், வாடிக்கையாளர்கள் எதிர்பார்க்கும் வசதிகளுடன் மலிவு விலையில் பெற்றுக்கொள்ள முடிகின்றமையும் இதற்கு முக்கிய காரணங்களாக குறிப்பிடலாம்.
அந்த வகையில் நீங்களும் சாம்சங் கேலக்ஸி ஸ்மார்ட் போனை பயன்படுத்துபவர் எனின் உங்களுக்கு பின்வரும் தகவல்கள் மிகவும் பயனுள்ளதாக அமையும்.

பல் சொத்தை வருவது ஏன்?

முகத்தின் முக்கிய அம்சங்களில் ஒன்றான பற்கள் பாதிக்கப்பட்டால் பல்வேறு நோய்கள், நம்மைத் தாக்கத் தொடங்கும். 'பல் போனால் சொல் போகும்' என்பார்கள் பெரியோர். பற்களின் ஆரோக்கியத்தைக் காத்தால், உடலின் ஆரோக்கியத்தையே பாதுகாக்கலாம் என்கின்றனர் மருத்துவர்கள்.
பல்லின் அமைப்பு
பல்லானது வேதி அமைப்பில் கால்சியம், பாஸ்பரஸ் தாதுகளால் ஆனது. ஒவ்வொரு பல்லிலும் வெளியில் தெரிகிற மேற்பகுதிக்கு மகுடம் (Crown) என்று பெயர். பல், ஈறுக்குள் புதைந்திருக்கும் பகுதிக்கு வேர் (Root) என்று பெயர். பல் ஈறின் அடிப்பாகத்திலிருந்து, ஒவ்வொரு பல்லுக்குள்ளும் நடுவில் நரம்புகளும் ரத்தக்குழாய்களும் செல்கின்றன. இந்தப் பகுதிக்குப் பல் கூழ் (Pulp) என்று பெயர். இதைச் சுற்றி டென்டைன் (Dentine) எனும் பகுதியும், அதற்கும் வெளியே வெள்ளை நிறத்தில் பல்லுக்கு ஓர் உறைபோல் அமைந்திருக்கும் எனாமல் (Enamel) எனும் கடினமான பகுதியும் உள்ளன.

முஹர்ரம் மாதமும் ஆஷூரா நோன்பும்

மனிதனின் ஆன்மீக உணர்வுகளை உற்சாகப்படுத்தி ஊக்கப்படுத்துவதற்காக இஸ்லாம் சில காலங்களை ஏற்படுத்தியுள்ளது. ரமழான் மாதம், துல்ஹஜ் மாதம் போன்றவற்றை இதற்கு உதாரணமாகக் கூறலாம். இத்தகைய மாதங்களில் ஒன்றுதான் முஹர்ரம் மாதமாகும்.

புனித மாதம்:
இந்த மாதம் போர் செய்வது தடுக்கப்பட்ட புனித மாதங்களில் ஒன்றாகும்.

‘அல்லாஹ்விடம் நிச்சயமாக மாதங்களின் எண்ணிக்கை, வானங்கள் மற்றும் பூமியைப் படைத்த நாள் முதல் அல்லாஹ்வின் பதிவேட்டில் பன்னிரெண்டு மாதங்களாகும். அவற்றில் நான்கு புனிதமானவையாகும். இதுதான் நேரான மார்க்கம். இவைகளில் (போர் செய்து) உங்களுக்கு நீங்களே அநியாயம் செய்து கொள்ளாதீர்கள். இணைவைப்போர் உங்கள் அனைவருடனும் போர் புரிவது போன்று நீங்களும் அவர்கள் அனைவருடனும் போர் புரியுங்கள். நிச்சயமாக அல்லாஹ் பயபக்தியாளர்களுடன் இருக்கின்றான் என்பதை நீங்கள் அறிந்து கொள்ளுங்கள்.’
(9:36)

இந்த மாதத்தில் போர் செய்யக் கூடாது என்ற விதி அன்று வாழ்ந்த அறபிகளிடம் ஏற்றுக் கொள்ளப்பட்ட பொது விதியாகவே பின்பற்றப்பட்டு வந்தது. உலகில் யுத்தங்களும் யுத்த அழிவுகளும் தொடர்ந்து கொண்டே இருக்கின்றன. இஸ்லாம் யுத்தங்களை முழுமையாகத் தடுக்கவில்லை. நான்கு மாதங்கள் அதாவது, வருடத்தில் 1/3 பகுதியில் எதிரிகள் தாக்கினாலே தவிர போர் செய்யக் கூடாது என இஸ்லாம் தடுத்துள்ளது என்பது இஸ்லாத்தைப் பயங்கரவாதமாகக் காட்ட முற்படுபவர்கள் அவசியம் உன்னிப்பாகக் கவனிக்க வேண்டிய விடயமாகும்.

"ஆஸ்த்மா மருந்து குழந்தைகளின் உயரத்தைக் குறைக்கும்"

ஆஸ்த்மாவால் பாதிக்கப்பட்ட குழந்கைளில் இரண்டு வயதிற்கும் குறைவான குழந்தைகளுக்கு ஆஸ்த்மா மருந்து கொடுக்கப்பட்டால், அந்த மருந்து அவர்கள் வளர்ந்து பெரியவராகும்போது அவர்களின் உடல் உயரத்தை குறைக்கிறது என பூர்வாங்க ஆய்வறிக்கை ஒன்று தெரிவிக்கின்றது.
பின்லாந்தை சேர்ந்த 12000 குழந்தைகள் மத்தியில் இது குறித்து மேற்கொள்ளப்பட்ட ஆய்வில், ஐசிஎஸ் என்று சுருக்கமாக அழைக்கப்படும் கார்டிகோ ஸ்டீராய்டு மருந்துகள் தொடந்து கொடுக்கப்பட்ட பிள்ளைகள், பிற்காலத்தில் உயரம் குன்றியிருந்தது கண்டறியப்பட்டது.
இது குறித்து முன்னர் மேற்கொள்ளப்பட்ட ஆய்வும் இந்த மருந்துகள் குழந்தைகளின் உயரத்தை ஒடுக்கும் என்று குறிப்புணர்த்தியிருந்தது.
பள்ளி செல்லும் வயதுக்கும் குறைவான சிறார்களுக்கு ஸ்டீரொய்ட்டு மருந்துகள் மிகுந்த எச்சரிக்கையுடனே வழங்கப்பட வேண்டும் என்பதை இந்த ஆய்வு வலியுறுத்துவதாக மருத்துவ நிபுணர்கள் கருத்துத் தெரிவித்துள்ளனர்.
அதேசமயம், ஆஸ்த்மாவை கட்டுப்படுத்துவதற்காக வழங்கப்படும் கார்டிகோ ஸ்டீராய்டு மருந்துகள் ஆஸ்த்மா நோயின் அறிகுறிகளையும் பாதிப்புகளையும் கட்டுப்படுத்துவதில் முக்கிய பங்கு வகிப்பதாகவும், சிறு குழந்தைகளை அடிக்கடி மருத்துவமனைகளுக்கு கொண்டு செல்ல வேண்டிய தேவையையும் மட்டுப்படுத்துகிறது என்றும் ஆஸ்த்மா யு கே என்ற ஆஸ்த்மாவுக்கான அறக்கட்டளை நிறுவனம் தெரிவித்துள்ளது.
பிரிட்டனில் உள்ள சிறுவர்களில் 11 பேரில் ஒருவர் ஆஸ்த்மாவால் அவதியுறுவதாகவும்; இதுவே சிறுவர்கள் மத்தியில் உள்ள பொதுவான நாள்பட்ட சுகயீனமாக உள்ளதாகவும் ஆய்வில் தெரிவிக்கப்பட்டுள்ளது.

பாஸியத்துல் நஸ்ரியாவின் சித்தியெய்தியவர்கள் விபரம்

பேருவல மருதான அல் பாஸியத்துல் நஸ்ரியா பாடசாலையிலிருந்து
இம்முறை புலமைப்பரிசில் பரீட்சையில் 6 மாணவியர் சித்தியெய்தினர்,
அவர்கள்,
1.நூர் ஸப்ரினா இசாக்-191  மேல் மாகாணம் தமில் மொழி மூலம் முதலிடம்
2.ஜாஹிதா ஸம்ஸுதீன் -159
3.ஹம்தா முஈஸ் -158
4.ஸைனப் பஸ்லூன் -157
5.ரஹ்னா ரிம்ஸான் -155
6.சம்லா பஹ்மி -154

அல் பாஸியத்துல் நஸ்ரியா மாணவி நூர் ஸப்ரினா இசாக் மேல் மாகாணத்தில் சாதனை

தரம் 5 புலமைப்பரிசில் பரீட்சை முடிவுகளின்படி தமிழ் மொழி மூலம் 191
புள்ளிகள் பெற்று களுத்துறை மாவட்டத்தில் மற்றுமன்றி மேல் மாகாணத்திலும் முதலிடத்தைப் பெற்று செல்வி நூர் ஸப்ரினா இசாக் சாதனை படைத்துள்ளார்.
அத்தோடு அகில இலங்கை ரீதியில் மூன்றாம் இடத்தையும் பெற்றுள்ளார்.
இவர் பேருவலை அல் பாஸியத்துல் நஸ்ரியா பாடசாலை மாணவியாவார்.
இன்னும் இவர் தரம் 1 முதல் 3 வரை மக்கொனை அல் ஹஸனியாவில்
கல்வி கற்றவர் என்பது குறிப்பிடத்தக்கது.
எமது "ஊரும் உலகும்" வலைப்பூவுக்கு செல்வி நூர் ஸப்ரினா இசாக் விசேடமாக
வழங்கிய செவ்வியில் தனது பாடசாலையான பேருவலை மருதான அல்
பாஸியத்துல் நஸ்ரியா ஆசிரியர்களுக்கும் தான் முன்பு கல்வி கற்ற மக்கொன
அல் ஹஸனியா பாடசாலை ஆசிரியர்களுக்கும் தனது உள்ளம்மார்ந்த நன்றிகளைத்
தெரிவித்துக்கொண்டார்.நாமும்  அவர் எதிர்காலத்தில் மென்மேலும் பிரகாசிக்கவும்,
ஈருலகிலும் சகல நற்பாக்கியங்களுடன் வாழ அல்லாஹ்வைப் பிரார்த்திக்கின்றோம்.
அவரது விசேட செவ்வி வீடியோ கீழே

2015 புலமைப்பரிசில் பரீட்சை:அல் ஹஸனியா பெறுபேறுகள்

2015 புலமைப்பரிசில் பரீட்சைப் பெறுபேறுகள் இன்று வெளியாகின,
இம்முறை மக்கொனை அல் ஹஸனியா மகா வித்தியாலய மாணவிகள்
 இருவர் சித்திபெற்றுள்ளனர்.அவர்கள்  இமாரா பிஸ்தாமி (160), அமானா இசாக் (158)ஆவர்.
அத்தோடு களுத்துறை மாவட்டத்தில் முதலிடத்தையும் அகில
இலங்கை ரீதியில் 6 ம் இடத்தையும் (தமிழ் மொழி மூலம் 3 ம் இடம்) பேருவள பாஸியத்துல் நஸ்ரியா
பாடசாலை மாணவி நூர் ஸப்ரினா இசாக் பெற்றுள்ளார்(191 புள்ளிகள்).
இன்னும் இவர் தரம் 1 முதல் 3 வரை மக்கொனை அல் ஹஸனியாவில்
கல்வி கற்றவர் என்பது குறிப்பிடத்தக்கது.

மக்கா-ஜித்தாவுக்கிடையில் பத்து நிமிடத்துக்கு ஒருமுறை ரயில்சேவை

மக்கா மதீனா அதிவேக ரயில் சேவை நிர்மானப்பணிகள்
பூர்த்தியானதும் சுமார் 35 ரயில்கள் சேவையில் ஈடுபடும், 

     மக்காவுக்கும் ஜித்தாவுக்கும் பத்து நிமிடத்துக்கு ஒருமுறை
 ரயில்சேவை நடைபெறும் எனவும் மக்கா மதீனாவுக்கிடையில் 30 நிமிடத்துக்கு ஒருமுறை  ரயில்சேவை நடைபெறும் எனவும் அதிகாரி ஒருவர் தெரிவித்தார்.மேலும் மணிக்கு 300 KM வேகத்தில் ரயில்கள் பயணிக்கும் என அவர் தெரிவித்தார்.

மினாவில் 717 ஹாஜிகள் வபாத்

இன்று ஈதுல் அல்ஹா தினம் மினாவில் ஏற்பட்ட நெரிசலில் குறைந்தது 717 ஹஜ் யாத்ரீகர்கள் உயிரிழந்ததாகவும்,805க்கும் மேற்பட்டோர் காயமடைந்துள்ளதாகவும் ஸவூதி சிவில் பாதுகாப்பு படைகள் தெரிவித்துள்ளனர்.மேலும் 4000 மீற்புப்படையினறும் 220 ஆம்புலஸ் வண்டிகளும் சேவையில் ஈடுபடுத்தப்பட்டுள்ளது.இதுபற்றிய வீடியோ கீழே

மஸ்ஜிதுல் அக்ஸாவுக்காக போராடும் நம் சகோதரர்கள்(வீடியோ)

புனித இறைஇல்லம்  அல் அக்ஸாவை பாதுகாப்பதற்காகப்
இஸ்ரேல் இராணுவத்துடன் போராடும் இம் முஸ்லிம்களுக்
காக அல்லாஹ்விடம் பிரார்திப்போம்,
இவ் வீடியோக்காட்சி சென்ற 15-09-2015 அல் ஜஸீரா
நிருபரால் பிடிக்கப்பட்டது,

சிலியில் பூகம்பம், சுனாமி: பத்து லட்சம் பேர் கரையோரப் பகுதிகளிலிருந்து வெளியேற்றம்

தென்னமெரிக்காவிலுள்ள சிலியில் வலுவான பூகம்பம் ஏற்பட அந்நாட்டின் சில பகுதிகளை நாலரை மீட்டர் வரை உயரமான சுனாமி அலைகள் தக்கிய நிலையில், கடலை ஒட்டி வாழ்பவர்கள் சுமார் பத்து லட்சம் பேர் கரையோரப் பகுதிகளிலிருந்து வெளியேற்றப்பட்டுள்ளனர்.
பூகம்பத்திலும் சுனாமியிலுமாக குறைந்தது ஐந்து பேர் உயிரிழந்துள்ளதாக இதுவரை தெரியவந்துள்ளது.
8.3 வலுக்கொண்ட நிலநடுக்கம் தலைநகர் சந்தியாகோவுக்கு வட மேற்காக 250 கிலோமீட்டர் தூரத்தில் மையம் கொண்டிருந்தது.
பூகம்பத்தின் பின்னரும் 6 புள்ளிகள் அளவுக்கு வலுவான பல பின் அதிர்வுகள் அப்பகுதியில் ஏற்பட்டுள்ளன.
கொகிம்போ, வல்பரைஸோ போன்ற இடங்களில் போன்ற ஊருக்குள்ளே வெள்ளம் பெருக்கெடுத்து ஓடுவதை தொலைக்காட்சிப் படங்கள் காட்டுகின்றன.
வீடுகளில் இருந்து வெளியேற்றப்பட்டவர்கள், தாழ்வான பகுதிகளுக்கு செல்லவேண்டாம் என அதிபர் மிஷெல் பஷெலெட் வலியுறுத்தியுள்ளார்.
BBC

பாம்புக் கடியும் விஷ முறிவு மருந்தும்: ஒரு புரிதல்

உலகளவில் ஒவ்வொரு ஆண்டும் ஒரு லட்சம் பேர் வரை பாம்புக் கடியால் உயிரிழக்கின்றனர்.
பாம்பின் நஞ்சு மிகவும் கடுமையானதாக இருக்கும் நிலையில், விஷமுறிவு மருந்துகளின் தயாரிப்பும் குறைந்துவருவதாக வல்லுநர்கள் கூறுகிறார்கள்.
ஆண்டொன்று ஐம்பது லட்சம் பேர் பாம்புக் கடிக்கு இலக்காகின்றனர், அதில் ஒரு லட்சம் பேர் உயிரிழப்பதோடு, நான்கு லட்சம் பேர் முடமாக்கப்பட்டோ அல்லது உருக்குலைந்தோ போகிறார்கள் என்று கணக்கிடப்பட்டுள்ளது.
பாம்பு விஷத்தில் என்னவுள்ளது?
பாம்பு விஷமானது பல நூறு புரதங்களால் ஆனது. அவை ஒவ்வொன்றும் ஒவ்வொரு வகையில் மனித உடலின் மீது தாக்கத்தை ஏற்படுத்தும்.
ஒரே வகையைச் சேர்ந்த பாம்புகளில்கூட ஒவ்வொரு பாம்பின் விஷத்தின் வீரியமும் மாறுபடும்.
விஷத்தை வெளியிடும் மற்ற எந்த விலங்கினத்தைக் காட்டிலும் பாம்புகளே மனிதர்களுக்கு மிகவும் அருகில் சென்று தாக்கி கூடுதலான உயிரிழப்புகளை ஏற்படுத்துவதும் ஆய்வுகளில் தெரிய வந்துள்ளன.
உடலை எப்படி தாக்கும்?
பாம்பு மனிதர்களை கடித்து விஷத்தைச் செலுத்தியவுடன் அது இரண்டு வகைகளில் மனிதர்களின் உடலைத் தாக்கும்.
ஒன்று, ரத்த ஓட்டத்தை தாக்கி கடும் விளைவுகளை ஏற்படுத்தும் அல்லது நரம்பு மண்டலத்தை முடக்கும். இவை இரண்டு மரணம் வரை இட்டுச் செல்லக் கூடும்.
ரத்தத்தில் பாம்பின் விஷம் கலக்கும்போது அவை சிற்சிறு அளவில் ரத்தம் கட்டிப்போகச் செய்து, ரத்தக் குழாய்களில் துளைகளை ஏற்படுத்தி அதன் மூலம் ரத்தக்கசிவை ஏற்படுத்தி மரணம் ஏற்படலாம்.
சிலவகை நஞ்சுகள் நரம்பு மண்டலத்தை விரைவாகத் தாக்கி உடலில் மற்ற பகுதிகளுக்கு நரம்புகள் மூலம் கொண்டுசெல்லப்படும் சமிஞ்கைகளை பாதித்து உடலை முடங்கிப் போகச் செய்யலாம். மரணமும் ஏற்படக் கூடும்.
விஷமுறிவு மருந்து
பாம்பு கடித்தவுடன் எவ்வளவு விரைவாக விஷமுறிவு மருந்து கொடுக்கப்படுகிறதோ அந்த அளவுக்கு நல்லது என மருத்துவர்கள் கூறுகிறார்கள்.
விஷ முறிவு மருந்து என்பது பாம்பின் நஞ்சிலிருந்தே தயாரிக்கப்படுகிறது.
பாம்பிலிருந்து எடுக்கப்பட்ட நஞ்சானது நீர்த்துப்போகச் செய்யப்பட்டு பின்னர் குதிரைகள் அல்லது செம்மறி ஆடுகளில் செலுத்தப்பட்டு, அதன் உடலில் உருவாகும் நோய் எதிர்ப்புச் சக்திகளைப் பிரித்தெடுத்து, அதிலிருந்து விஷ முறிவு மருந்து தயாரிக்கப்படுகிறது.
ஆனால் உலகளவில் மிகக் குறந்த அளவுக்கே விஷ முறிவு மருந்துகள் தயாரிக்கப்படுவதும் அவற்றில் விலை மிகவும் அதிகமாக உள்ளதும் பாம்புக் கடி பட்டவர்களை காப்பாற்றுவதில் பின்னடைவை ஏற்படுத்துகின்றன என மருத்துவர்கள் தெரிவிக்கின்றனர்.
source:BBC

துல் ஹிஜ்ஜா தலைப்பிறை தென்பட்டது

இலங்கையின் பலபாகங்களிலும் ஹிஜ்ரி 1436 துல்ஹிஜ்ஜா மாதத்திற்கான தலைப்பிறை தென்பட்டதால் 24-09-2015 ஹஜ்ஜுப்பெருநாள் என அகில இலங்கை ஜம்இய்யத்துல் உலமாவினால் அறிவிக்கப்பட்டுள்ளது.எனவே 23-09-2015 அரபா தினமாகும்.
இதேவேளை சவூதிஅரேபியா உற்பட  அரபு, ஆபிரிக்க, ஐரோப்பிய நாடுகளிலும் வியாழக்கிழமை, 24 ஆம் திகதி ஹஜ்ஜுப் பெருநாள் கொண்டாடப்படுகின்றது.

விபத்து நேரத்தில் ஹரம் ஷரீபில் 8 லட்சம் பேர்!

நேற்று மாலை சீரற்ற காலநிலையின் விளைவில் நிர்மாணப் பணிகளுக்காக மஸ்ஜிதுல் ஹரத்தைச் சுற்று நிறுத்தி வைக்கப்பட்டிருந்த 15 கிரேன்களில் ஒன்று குடை சாய்ந்து 107 பேர் உயிரிழந்தும் 238 பேர் காயமடைந்திருப்பதாகவும் (இதுவரை) தகவல்கள் வெளியாகியுள்ள நிலையில் விபத்து நேரத்தில் மஸ்ஜிதில் 8 லட்சம் பேர் இருந்ததாக தற்போது தகவல் தெரிவிக்கப்பட்டுள்ளது.

பலத்த காற்றும், மழையுமாக இருந்த போதிலும் பாதுகாப்பு அச்சமற்ற சூழ்நிலையே இருந்தமையும் எதிர்பாராத விதமாக இடம்பெற்ற இவ்விபத்து தொடர்பில் தற்போது மேலதிக விசாரணைகள் இடம்பெற்று வருகின்றமையும் குறிப்பிடத்தக்கது.

இது தவிரவும், இரத்த தானம் செய்வதற்காக ஆயிரக்கணக்கானோர் படையெடுத்து வரும் நிலையில் தூதரகங்கள் தமது நாட்டுப் பிரஜைகள் தொடர்பில் தகவல்கள் திரட்டுவதில் மும்முரமாக ஈடுபட்டு வருகின்றன. இலங்கையர் எவரும் பாதிக்கப்படவில்லையென தகவல வெளியிடப்பட்டுள்ள அதேவேளை பங்களதேஷ், பாகிஸ்தான், இந்தியா மற்றும் மலேசியாவைச் சேர்ந்த பலர் காயமுற்றிருப்பதாக அந்நாடுகளின் தூதரகங்கள் தெரிவித்துள்ளன.

ஹஜ் கடமைகள் இன்னும் சில நாட்களில் ஆரம்பமாகவுள்ள நிலையில் 2.2 மில்லியன் பேர் ஒரே நேரத்தில் வணக்க வழிபாடுகளில் ஈடுபடும் வகையில் விஸ்தரிப்புப் பணிகள் அங்கு இடம்பெற்று வருகின்றமை குறிப்பிடத்தக்கது.

source:sonakar.com

புதிய அமைச்சர்கள் விபரம்

இலங்கை ஜனநாயக சோசலிச குடியரசின் எட்டாவது பாராளுமன்றத்துக்கான அமைச்சரவை நேற்று ஜனாதிபதி மைத்திரிபால சிறிசேன முன்னிலையில் பதவியேற்றது.

இது இலங்கை வரலாற்றில் முதற் தடவையாக அமைக்கப்பட்டுள்ள தேசிய அரசாங்கத்தின் அமைச்சரவையாகும்.

44 பேர் கொண்ட புதிய அமைச்சரவையில் ஸ்ரீலங்கா சுதந்திரக் கட்சியைச் சேர்ந்த 11 களும் ஐக்கிய தேசிய முன்னணியைச் சேர்ந்த 33 களும் அங்கம் வகிக்கின்றனர்.

 வெளிவிவகார அமைச்சராக மங்கள சமரவீர ஏற்கனவே சத்தியப் பிரமாணம் செய்து கொண்டிருந்த நிலையில் 43 அமைச்சர்களே சத்தியப் பிரமாணம் செய்ய வேண்டியிருந்தது. இதில் பாராளுமன்ற உறுப்பினர் மலிக் சமரவிக்கிரமவை தவிர்ந்த ஏனைய 42 பேரும் நேற்றைய தினம் அமைச்சரவை அமைச்சர்களாக சத்தியப்பிரமாணம் செய்து கொண்டனர்.

புதிய அமைச்சரவையில் கட்சித் தலைவர்களான மனோ கணேசன், பி. திகாம்பரம், ரவூப் ஹக்கீம். ரிஷாட் பதியுதீன், சம்பிக்க ரணவக்க ஆகியோருக்கும் அமைச்சர் அந்தஸ்து வழங்கப்பட்டுள்ளன.

மேற்படி உத்தியோகபூர்வ அரச நிகழ்வு ஜனாதிபதி தலைமையில் நேற்று பிற்பகல் 12.10 மணியளவில் ஜனாதிபதி செயலகத்தில் ஆரம்பமானது.

அமைச்சரவை அமைச்சர்களாக நிய மனம் பெறுவதற்கு அங்கு வருகை தந்திருந்த பிரதமர் உள்ளிட்ட பாராளுமன்ற உறுப்பினர்கள் ஜனாதிபதி முன்னிலையில் தத்தமது மொழிகளில் உறுதிமொழி எடுத்தனர்.

பிரதமர் ரணில் விக்கிரமசிங்க தேசிய கொள்கைகள் மற்றும் பொருளாதார அலுவல்கள் அமைச்சராக ஜனாதிபதி முன்னிலையில் சத்தியப் பிரமாணம் செய்துகொண்டார்.

அதனைத் தொடர்ந்து ஏனைய அமைச்சரவை கள் சத்தியப் பிரமாணம் செய்தனர்.

புதிய அமைச்சர¨யில் பி. திகாம்பரம், மனோகணேசன் மற்றும் டி. எம். சுவாமிநாதன் ஆகிய மூன்று தமிழ் களுக்கு நியமனம் வழங்கப்பட்டுள்ளன.

அதேபோன்று ரிஷாட் பதியுதீன், கபீர் ஹாஷிம், ரவூப் ஹக்கீம், அப்துல் ஹலீம் மொஹமட் ஹாசிம் ஆகிய நான்கு முஸ்லிம் களுக்கும் அமைச்சரவை அந்தஸ்து வழங்கப்பட்டுள்ளன.

இதேவேளை 45 பிரதியமைச்சர்கள் மற்றும் இராஜாங்க களை நியமிப்பதற்கு பாராளுமன்றம் அனுமதி அளித்துள்ள போதும் நேற்றைய தினம் இவர்கள் சத்தியப் பிரமாணம் வழங்கவில்லை. பிறிதொரு நாளில் அவர்கள் சத்தியப் பிரமாணம் எடுக்க ஏற்பாடு செய்யப் படுமெனவும் தெரிவிக்கப்பட்டது.


1. தேசிய கொள்கை மற்றும் பொருளாதார நடவடிக்கைகள் அமைச்சு - ரணில் விக்ரமசிங்க



2. சுற்றுலாத்துறை அபிவிருத்தி, கிறிஸ்தவ சமய அமைச்சு - ஜோன் அமரதுங்க



3. நிலைபேறு அபிவிருத்தி மற்றும் வனசீவராசிகள் அமைச்சு -  காமினி ஜயவிக்ரம



4. போக்குவரத்து அமைச்சராக - நிமால் சிறிபால டி சில்வா



5. சமூக நலன்புரி மற்றும் சமூக வலூவூட்டல் அமைச்சு - எஸ்.பி. திஸாநாயக்க



6. தொழிலாளர் மற்றும் தொழில் நலன்புரி அமைச்சு - டப்ளியூ.ரி.ஜே. செனவிரத்ன



7. பல்கலைக்கழக கல்வி, நெடுஞ்சாலைகள் அமைச்சு - லக்ஸ்மன் கிரியெல்ல

8. அனர்த்த முகாமைத்துவ அமைச்சு - அநுர பிரியதர்சன யாபா



9. தொழில்நுட்பம், தொழில்நுட்ப கல்வி மற்றும் தொழில் அமைச்சு - சுசில் பிரேமஜயந்த



10. நீதி மற்றும் சமாதான மற்றும் சிறைச்சாலைகள் அமைச்சு - திலக் மாரப்பன



11. சுகாதார, போசணை, சுதேச மருத்துவ அமைச்சு - ராஜித சேனாரத்ன



12. நிதி அமைச்சு - ரவி கருணாநாயக்க



13. திறன்கள் அபிவிருத்தி மற்றும் தொழில் பயிற்சி அமைச்சு - மஹிந்த சமரசிங்க



14. உள்நாட்டலுவல்கள் அமைச்சு - வஜிர அபேவர்தன



15. உள்ளக அபிவிருத்தி, வடமேல்மாகாண அபிவிருத்தி மற்றும் கலாசார அமைச்சு - எஸ்.பி நாவின்ன



16. மாநாகர மற்றும் மேல் மாகாண அபிவிருத்தி அமைச்சு - சம்பிக ரணவக



17. கடற்றொழில், நீரியல் வள அமைச்சு - மஹிந்த அமரவீர



18. பெருந்தோட்ட கைத்தொழில் அமைச்சு - நவீன் திஸாநாயக்க



19. மின்வலு மற்றும் மீள் புதுப்பிப்பு அமைச்சு - ரஞ்சித் சியம்பலாபிட்டிய



20. கமத் தொழில் அமைச்சு - துமிந்த திஸாநாயக்க



21. புத்தசாசன அமைச்சு - விஜயதாஸ ராஜபக்‌ஷ



22. கிராமிய பொருளாதார அபிவிருத்தி அமைச்சு - பி. ஹரிசன்



23. அரச பரிபாலனம் மற்றும் முகாமைத்து அமைச்சு -  ரஞ்சித் மத்தும பண்டார



24. பாராளுமன்ற புனரமைப்பு, ஊடகத்துறை அமைச்சு - கயந்த கருணாதிலக



25. வீடமைப்பு மற்றும் நிர்மாணத்துறை அமைச்சு - சஜித் பிரேமதாஸ



26. துறைமுகங்கள் மற்றும் கப்பல்துறை அமைச்சு - அர்ஜுண ரணதுங்க



27. காணி அமைச்சு - எம்.கே.டி.எஸ். குணவர்தன



28. மலையக கட்டுமான அடிப்படை வசதிகள், சமூக அபிவிருத்தி அமைச்சு - பி. திகாம்பரம்



29. பெண்கள் மற்றும் சிறுவர் அலுவல்கள் அமைச்சு - சந்திராணி பண்டார



30. வெளிநாட்டு வேலைவாய்ப்பு அமைச்சு - தலதா அத்துகோரள



31. கல்வி அமைச்சு - அகில விராஜ் காரிய வசம்



32. புனர்வாழ்வு மற்றும் மீள்குடியேற்றம், இந்து சமய அமைச்சு - டி.எம். சுவாமிநாதன்



33. பெற்றோலிய மற்றும் பெற்றோலிய வாயு - சந்திம வீரக்கொடி


34. விளையாட்டு அமைச்சு - தயாசிறி ஜயசேகர



35. தெற்கு அபிவிருத்தி அமைச்சு - சாகல ரத்நாயக்க



36. தொலைத்தொடர்புகள் டிஜிற்றல் அடிப்படை வசதிகள் அமைச்சு -ஹரீன் பெனாண்டோ



37. தேசிய கலந்துரையாடல் அமைச்சு - மனோ கணேசன்



38. ஆரம்ப கைத்தொழில் அமைச்சு - தயா கமகே



39. கைத்தொழில் வாணிப அமைச்சு - ரிஷாத் பதியுதீன்



40. அரச தொழில் முயற்சிகள் அபிவிருத்தி அமைச்சு - கபீர் ஹாஸிம்



41. நகர திட்டமிடல் மற்றும் நீர் வழங்கல் அமைச்சு - ரஊப் ஹக்கீம்



42. தபால், தபால் சேவைகள் மற்றும் முஸ்லிம் விவகார அமைச்சு – அப்துல். ஹலீம்

ஏற்கனவே வழங்கப்பட்டவை


43. வெளிவிவகார அமைச்சு - மங்கள சமரவீர



44. நீதி அமைச்சு - விஜயதாஸ ராஜபக்‌ஷ

மற்றும்



45. அபிவிருத்தி உபாய மார்க்கம் மற்றும் சர்வதேச வர்த்தகம் - மலிக் சமரவிக்ரம (பதவி ஏற்கவில்லை)


நன்றி:தினகரன்

இஸ்ரேல் இராணுவம் செய்த கொடூரம் – நெஞ்சைப் பிழியும் வீடியோ

இஸ்ரேல் – காசா எல்லைப்பகுதியின் அருகாமையில் உள்ள வெஸ்ட் பேங்க் பகுதியில் போராட்டம் நடத்துபவர்கள் மீது இஸ்ரேல் ராணுவத்தினர் எத்தனை மனிதாபிமானமற்ற வகையில் நடந்து கொள்கிறார்கள்? என்பதை தெளிவுப்படுத்தும் வீடியோ காட்சி தற்போது வெளியாகியுள்ளது.

கடந்த வெள்ளிக்கிழமை (28-ம் திகதி) நடைபெற்ற இந்த போராட்டத்தின்போது, பெண்கள் மற்றும் சிறுவர்கள் மீது காட்டுமிராண்டித்தனமாக அடக்குமுறை தாக்குதல் நடத்திய ராணுவ வீரர்களில் ஒருவர், சுமார் 12 வயது மதிக்கத்தக்க பாலஸ்தீனச் சிறுவனை கைது செய்வதற்காக மலைப்பகுதியில் விரட்டிக் கொண்டு ஓடுகிறார்.

இடது கை உடைபட்டு கட்டுடன் கழுத்தில் தொங்கிய நிலையில் ஓடும் அந்த சிறுவனை முகமூடி அணிந்திருக்கும் அந்த ராணுவ வீரர் ஒரு இடத்தில் மடக்கிப் பிடிக்கிறார்.

அவரிடம் இருந்து திமிறியப்படி தப்பிச்செல்ல முயற்சிக்கும் சிறுவனின் கழுத்தை தனது இரு முழங்கைகளால் நசுக்கி அவனை மூச்சுத்திணற வைக்க அவர் முயல்வதைக் கண்டு சிறுவனின் தாயும், சகோதரியும், உறவினர்களும் பதறியபடி ஓடி வருகின்றனர்.

அவன் சின்னப் பையன். ஒருகை வேறு உடைந்திருக்கிறது, அவனை விட்டு விடுங்கள் என அவர்கள் கதறுவதை பொருட்படுத்தாத அந்த ராணுவ வீரர், சிறுவனிடம் முரட்டுத்தனமாக நடந்து கொள்வதை கண்ட அவனது 15 வயது சகோதரி அவரது கையைப் பிடித்து கடித்து விடுகிறார்.

பின்னர், அவரை சுற்றிவளைக்கும் சில பெண்கள் சிறுவனை அவரிடம் இருந்து பலவந்தமாக மீட்கின்றனர். தனது முயற்சி பலிக்காததை நினைத்து திகைத்துப்போய் நிற்கும் அவரை காப்பாற்ற துப்பாக்கியுடன் அங்கு விரைந்துவந்த சக வீரர் ஒருவர் அவரை பாதுகாப்பாக அழைத்துச் செல்கிறார்.

போகிறபோக்கில், வெறுப்புடன் ஒரு கையெறி குண்டை அவர் வீசிவிட்டுச் செல்லும் இந்தக் காட்சியை உள்ளூர் மனித உரிமை ஆர்வலரும், பாதிக்கப்பட்ட சிறுவனின் உறவினருமான பிலால் தமிமி என்பவர் வீடியோவாக பதிவு செய்து பத்திரிகையாளர்களுக்கு அனுப்பியுள்ளார்.

பிரபல செய்தி நிறுவனமான ‘ரியூட்டர்ஸ்’ மூலம் யூடியூப்பில் பதிவேற்றம் செய்யப்பட்டுள்ள இந்த வீடியோவை இரண்டே நாட்களில் சுமார் 50 ஆயிரம் மக்கள் பார்த்துள்ளனர். பேஸ்புக் மூலம் பகிரப்பட்ட இந்த மனித உரிமை மீறல் 20 லட்சத்துக்கும் அதிகமான மக்களை கொதிப்படையச் செய்துள்ளது.

அந்த வீடியோ பதிவு, உங்கள் பார்வைக்கும்…

தமிழில் அத தெரன

300 தொன் தங்கத்துடன் 1945ல் மாயமான ரயில் கண்டுபிடிப்பு?

போலந்தில் 70 ஆண்டுகளுக்கு முன்னர் காணாமல்போன ரயில் ஒன்றில் நாஜி காலத்து தங்கப் புதையல்கள் காணப்படுவதாக வதந்திகள் பரவியுள்ள நிலையில், அந்த ரயில் இருக்கும் இடத்தை 'அனேகமாக கண்டுபிடித்துவிட்டதாக' அரசாங்க அதிகாரி ஒருவர் கூறியுள்ளார்.
நிலத்திற்குள் ஆழ ஊடுருவி பார்க்கும் ராடார் கருவி மூலம் கிடைத்துள்ள படங்களை தான் பார்த்துள்ளதாக போலந்தின் கலாசாரத்துறை அமைச்சர் கூறுகின்றார்.
வ்ரோக்லா நகருக்கு வெளியே, நிலத்துக்கு அடியில் உள்ள பதுங்குகுழி ஒன்றின் படங்கள் அவை என்று அவர் கூறியுள்ளார்.
'தங்க ரயில்' இருக்கின்ற இடமாக அது இருக்க 90 வீத வாய்ப்பு உள்ளதாக அவர் தெரிவித்துள்ளார்.
அந்த ரயிலில் என்ன இருக்கின்றது என்பது மர்மமாகவே இருக்கின்றது.
ஆனால், சோவியத் இராணுவம் 1945-ம் ஆண்டில் போலந்துக்குள் முன்னேறிவந்த போது, குறித்த ரயிலில் ஏற்றப்பட்ட தங்கப் பெட்டகங்களாக அவை இருக்கலாம் என்று உள்ளூர் நிபுணர்கள் கூறுகின்றனர்.
இதனுடன் சம்பந்தப்பட்டவர் என்று கூறிய நபர் ஒருவர் அளித்திருந்த மரண வாக்குமூலம் ஒன்றிலேயே இந்த ரயில் பற்றிய தகவல் வெளிப்பட்டுள்ளது.

நன்றி :BBC

பொதுபல சேனாவுக்கு வந்த சோதனை! மன்னிப்புப் கோரிக்கையை நிராகரித்தது நீதிமன்றம்

முன்னாள் அமைச்சர் றிஷாத் பதியுதீனின் அலுவலகத்தில் அத்துமீறி நுழைந்த விடயம் தொடர்பில் மன்னிப்புக் கோரும் பொதுபலசேனாவின் கோரிக்கை நிராகரிக்கப்பட்டுள்ளது.
கடந்த அரசாங்கத்தின் காலத்தில் பொதுபல சேனாவினர் தலைக்கனம் கொண்டு அடாவடித்தனங்களை கட்டவிழ்த்து விட்டிருந்தனர்.
அரசாங்க உயர்மட்டமும் அவர்களுக்கு ஆதரவாக இருந்த காரணத்தினால் அவர்களின் அத்துமீறல்கள் கட்டுக்கடங்காமல் இருந்தது.
இந்நிலையில் இனவாத பொதுபலசேனாவின் செயற்பாடுகளை கண்டித்த வட்டரெக விஜித தேரரை ஒளித்து வைத்திருப்பதாக கூறி பொது பல சேனாவினர் ஒரு தடவை றிஷாத் பதியுதீனின் கைத்தொழில் மற்றும் வர்த்தக அமைச்சு அலுவலகத்தினுள் புகுந்து அடாவடித்தனம் மேற்கொண்டிருந்தனர்.
வழக்கம் போன்று இந்த விடயத்திலும் அரசாங்க உயர்மட்ட ஆசீர்வாதத்துடன் பொலிசார் வேடிக்கை பார்த்திருக்க, சட்டத்தரணிகள் குழுவொன்று நியாயம் கோரி நீதிமன்றத்தை நாடியது.
தற்போது தமக்கு ஆதரவான முன்னைய அரசாங்கம் பதவியிலிருந்து அகற்றப்பட்டுள்ள நிலையில், பொது பல சேனாவினர் பெட்டிப்பாம்பாக அடங்கிப் போயுள்ளனர்.
இந்நிலையில் றிஷாத்தின் அமைச்சு அலுவலகத்தில் அத்துமீறி நுழைந்தமை தொடர்பிலான வழக்கு நேற்று கோட்டை மாஜிஸ்திரேட் நீதிமன்றத்தில் விசாரணைக்கு எடுத்துக் கொள்ளப்பட்டது.
வேறு வழி தெரியாத நிலையில், நடந்த சம்பவம் குறித்து தாங்கள் பகிரங்க மன்னிப்புக்கோரத் தயாராக இருப்பதாக பொதுபல சேனா பிக்குகள் நீதிமன்றத்தில் தெரிவித்திருந்தனர்.
எனினும் அதனை நிராகரித்த நீதிபதி பாலித லியனகே, சட்டவிரோதமான முறையில் ஒன்றுகூடியமை மற்றும் அத்துமீறி அரச அலுவலகத்துக்குள் நுழைந்தமை மன்னிக்க முடியாத குற்றங்கள் என்று கடுமையாக தெரிவித்திருந்தார்.
அத்துடன் நேற்றைய தினம் நீதிமன்றத்துக்கு சமூகமளிக்காத இரண்டு பிக்குமாரை நீதிமன்றத்தில் ஆஜர்படுத்துமாறும் பொலிசாருக்கு உத்தரவிட்டார்.
இதன் காரணமாக கடும் நெருக்கடிக்குள்ளான பொதுபல சேனாவின் பிக்குமார்கள் நால்வரும் றிஷாத் பதியுதீன் தரப்பு சட்டத்தரணி மைத்திரி குணரத்தின மற்றும் சிராஸ் நூர்தீன் ஆகியோரிடம் வழக்கை சமரசமாக முடித்துக் கொள்ள சம்மதிக்குமாறு கெஞ்சிக்கொண்டிருந்ததை அவதானிக்க முடிந்தது.
வழக்கின் அடுத்த தவணை விசாரணை எதிர்வரும் அக்டோபர் 1ம் திகதிக்கு ஒத்திவைக்கப்பட்டுள்ளது.


source:http://www.tamilwin .com/show-RUmtyIRdSVkszA.html

பயங்கரமான விமான தரையிரக்கங்கள் சில

உங்களை தூங்கவிடாமல் செய்யும் வீடியோ:தந்தைக்காக தூங்காமல் விழித்திருக்கும் சிறுமி?

இந்தியாவில் ஒவ்வொரு ஆண்டும் ஆயிரக்கணக்கான விவசாயிகள் தற்கொலை செய்துக்கொள்வது வாடிக்கையாகிவிட்டது. விவசாயிகள் தற்கொலை என்பது அன்றாடம் நடக்கும் ஒரு சாதாரண நிகழ்வாக மாறிவிட்டது.

இந்த பிரச்சனையை அடிப்படையாக கொண்டு ஒரு அற்புதமான குறும்படம் எடுக்கப்பட்டுள்ளது. இந்த படத்தில் மழை இல்லாததால் காய்ந்து கிடக்கும் வயலை பார்த்து கவலையுடன் இருக்கிறார் ஒரு விவசாயி. அவரின் செல்ல மகள், தனது அப்பாவைப் பின் தொடர்ந்தபடியே இருக்கிறாள். காரணம், மற்ற விவசாயிகளைப் போல தனது அப்பாவும் தற்கொலை செய்து கொள்வாரோ என்கிற பயம்தான். இரவில் கூட தந்தையை கட்டிப்பிடித்துக்கொண்டு தூங்காமல் நட்சத்திரங்களை எண்ணியபடி இருக்கிறாள். மேலும் வீட்டில் இருக்கும் ஒரு கயிற்றை அப்பாவுக்கு தெரியாமல் மறைத்து வைக்கிறாள். 

ஒரு நாள் காலை அந்த கயிற்றை காணவில்லை. மிகவும் பதற்றத்துடன் சிறுமி தந்தையை தேடி வயலை நோக்கி ஓடுகிறாள். அடுத்து என்ன நடக்கிறது என்பதை படத்தை பார்த்து தெரிந்துக்கொள்ளுங்கள்...

நன்றி:மாலைமலர்

இரட்டைத்தலை கொண்ட அபூர்வ நல்லபாம்பு: உண்ணாமல் உயிர் வாழும் அதிசயம் - வீடியோ

பீஜிங், ஆக. 12- 

பாம்புகள் ஒன்றாக விளையாடாது என்பதால் பாம்புகளின் உரிமையாளர்கள் அதனை தனித்தனியாக பிரித்து வைத்தே வளர்ப்பது வழக்கம். ஒன்றாக இருந்தால், ஒன்றை ஒன்று உண்டுவிடும், உணவுக்காக சண்டையிடும். ஆனால், ஒரே உடலில் இருபாம்புகள் இருந்தால் என்ன செய்வது? 

தெற்கு சீனாவின் யூலின் மாகாணத்தில் உள்ள தனியாருக்கு சொந்தமான பாம்பு பண்ணை ஒன்றில் 10 நாட்களுக்கு முன் ஆச்சர்யமளிக்கும் வகையில் இரட்டைத் தலையுடன் ஒரு நல்ல பாம்பு பிறந்தது. தனித்தனி மூளைகள் கொண்ட இந்த பாம்பு  சுதந்திரமாக சிந்தித்து தத்தமது உடலைக் கட்டுப்படுத்தும் ஆற்றலுடன், பிரிக்க முடிந்த இரட்டையர்களாக காணப்படுகிறது. 

இவ்வாறான பாம்புகள் வழக்கமாக நீண்ட காலம் வாழாது. ஒரு வேளை அவற்றினை முறையாக கவனமெடுத்து வளர்த்தால் சில காலம் பாதிப்பின்று வாழ வைக்க முடியும். ஆனால், இந்த அபூர்வ நல்ல பாம்போ எதையோ சாப்பிடவோ குடிப்பதோ இல்லை. ஆனாலும், ஆரோக்கியமாக இருக்கிறது. இருப்பினும் அது இன்னும் எவ்வளவு நாள் உயிரோடிருக்கும் என்று சொல்ல முடியாது என்கின்றனர் பாம்பியல் வல்லுநர்கள். 

தற்போது சீனாவின் நான்னிங் மிருகக்காட்சிசாலையை கலக்கி வரும் அந்த பாம்பின் சேட்டைகள் வீடியோ வடிவில்:

---

நன்றி:மாலை மலர்,
டெய்லி மிரர்

சுந்தர் பிச்சை:கூகுள் நிறுவனத்தின் புதிய தலைமை நிர்வாகி

கூகுள் நிறுவனத்தின் புதிய தலைமை நிர்வாகியாகப் பதவியேற்றிருக்கும் 43 வயது சுந்தர் பிச்சையின் வாழ்க்கை மிக சுவாரஸ்யமானது.
சென்னையில் பிறந்தவரான அவருக்கு படிப்பில் எந்த அளவுக்கு ஆர்வம் இருந்ததோ, அதே அளவுக்கு விளையாட்டிலும் ஆர்வம் இருந்தது. பள்ளிக்கூட கிரிக்கெட் அணிக்கு தலைமை தாங்கிய அவர் ,
பிராந்தியங்களுக்கிடையிலான போட்டிகள் பலவற்றில் வெற்றிபெற்றிருக்கிறார்.
பள்ளிக்காலத்திலிருந்தே தொலைபேசி எண்களை நினைவில் வைத்திருப்பதில் சுந்தர் பிச்சைக்குத் தனித் திறமை இருந்துவந்தது.
தந்தையின் கவனம்
இரு அறைகளைக் கொண்ட வீட்டில் வசித்துவந்த சுந்தர் பிச்சையின் வீட்டில் சொந்தமாக டிவி, கார் போன்றவை இருந்திருக்கவில்லை. ஆனால், சுந்தர் பிச்சையின் தந்தை, தன் மகன்களின் கல்வியில் கூடுதல் கவனத்தைச் செலுத்திவந்தார்.
ஜெனரல் எலெக்ட்ரிக் கம்பனியில் பணியாற்றிய சுந்தர் பிச்சையின் தந்தை ரகுநாத பிச்சை, வேலை முடிந்து வீட்டுக்கு வந்த பிறகு, அன்று தன் வேலையில் தான் எதிர்கொண்ட சவால்கள் குறித்து மகன்களிடம் பேசுவதை வழக்கமாகக் கொண்டிருந்ததாகக் கூறுகிறார்.
பள்ளிப்படிப்பை முடித்த பிறகு காரக்பூரில் உள்ள ஐஐடியில் உலோகப் பொறியியல் படிப்பை முடித்தார் சுந்தர் பிச்சை.
அதற்குப் பிறகு, உதவித் தொகையுடன் அமெரிக்க ஸ்டேன்போர்ட் பல்கலைக்கழகத்தில் படிக்கும் வாய்ப்பு சுந்தர் பிச்சைக்குக் கிடைத்தது.
அக்காலப்பகுதியில் அமெரிக்கா செல்வதற்கான விமான டிக்கட்டின் கட்டணம் சுந்தர் பிச்சையின் தந்தையின் ஒரு வருட சம்பளத்திற்கும் அதிகமானதாக இருந்தது.
அமெரிக்க நிறுவனங்களில் இந்தியர்கள்
2004ஆம் ஆண்டில் கூகுள் நிறுவனத்தில் இணைந்த அவரது மேற்பார்வையின் கீழ், கூகுளின் இணைய உலவியான க்ரோம், மொபைல் ஆபரேட்டிங் சிஸ்டமான ஆண்ட்ராய்ட் ஆகியவை உருவாக்கப்பட்டன.
கூகுள் நிறுவனத்திற்கு வருமானத்தைப் பெற்றுத்தரும் கூகுள் தேடல், விளம்பரம், கூகுள் மேப் மற்றும் யூ டியூப் உள்ளிட்ட தயாரிப்புகளில் சுந்தர் பிச்சையின் பங்களிப்பு இருந்துவந்தது.
இதற்கும் முன்னதாக, அந்நிறுவனத்தின் உயர்பதவியில் இருந்த லாரி பேஜ், செர்ஜி ப்ரின் போன்றவர்கள் நிறுவனத்தின் தினசரி நடவடிக்கைகளைக் கண்காணிக்கும் பொறுப்புகளை சுந்தர் பிச்சையிடம் அளித்துவந்தாலும், இப்போது, அதிகாரபூர்வமாக அந்நிறுவனத்தின் தலைமை நிர்வாகியாக அவர் பதவியேற்றுள்ளார்.

உடல் பருமனுக்கு காரணமான மரபணு கண்டுபிடிப்பு - பருமனைக் குறைக்க வாய்ப்பா?

உடல் பருமன் என்பது ஒரு சாதாரண பிரச்சனை என்பதிலிருந்து உயிரைப் பறிக்கும் நோயாக மாறிவிட்டது. உலகம் முழுவதும் பல லட்சம் பேர் உடல் பருமன் பிரச்சனையால் அவதிப்பட்டு வருகிறார்கள்.

இந்நிலையில் கனடாவின் பிரிட்டிஷ் கொலம்பியா பல்கலைக்கழகத்தின் விஞ்ஞானிகள் தாங்கள் மேற்கொண்ட ஆய்வில் உடல் பருமனுக்கு காரணமான மரபணுவை கண்டுபிடித்துவிட்டதாக அறிவித்துள்ளனர். கொழுப்பை சேகரித்து உடல் பருமனை அதிகரிக்கும் அந்த புரத மரபணு '14-3-3ஜீட்டா' என்று வகைப்படுத்தப்பட்டுள்ளது.

இந்த புதிய கண்டுபிடிப்பு மூலம் மருந்துகள் மற்றும் அந்த குறிப்பிட்ட மரபணுவை முடக்குவதன் மூலம் உடல் பருமனை கட்டுப்படுத்தலாம் என விஞ்ஞானிகள் நம்பிக்கை தெரிவித்துள்ளனர்.
நன்றி:மாலைமலர்

இந்தியாவில் இரண்டு ரயில்கள் தடம்புரண்டு ஆற்றில் விழுந்து விபத்து: 30 பேர் பலி

மத்திய பிரதேசம் மாநிலத்தில் இரண்டு ரயில்கள் தடம்புரண்டு ஆற்றில் விழுந்து விபத்துக்குள்ளானதில் 30 பலியாகியுள்ளனர். 

மும்பையில் இருந்து வாரணாசிக்கு சென்று கொண்டிருந்த காமயானி விரைவு ரயில் நேற்று இரவு 11.30 மணியளவில் மத்திய பிரதேசம் மாநிலம் ஹார்டா அருகே தடம் புரண்டு விபத்துக்குள்ளானது.

மேக்ஹாக் ஆற்றின் மேல் சென்றபோது ரயிலின் கடைசி ஐந்து பெட்டிகள் வெள்ளத்தில் அடித்து செல்லப்பட்டு ஆற்றில் கவிழ்ந்தன.

அதே நேரத்தில் ஜப்புள்பூரில் இருந்து மும்பைக்கு வந்து கொண்டிருந்த ஜனதா எக்ஸ்பிரஸ் ரயிலும் அதே இடத்தில் தடம் புரண்டது.

இதில் ரயிலில் 3 பெட்டிகளும் ஆற்றில் கவிழ்ந்தன. ரயில்கள் தடம் புரண்ட இடத்தில் இருந்து இதுவரை 30 பேரின் உடல்கள் கிடைத்துள்ளதாக செய்திகள் தெரிவிக்கின்றன.

சுமார் 300 பயணிகள் பத்திரமாக மீட்கப்பட்டுள்ள நிலையில் காணாமல் போனவர்களை தேடும் பணி தீவிரப்படுத்தப்பட்டுள்ளது.

இரண்டு ரயில்களிலும் சேர்த்து 10 பெட்டிகள் வரை ஆற்றில் கவிழ்ந்து கிடப்பதால் உயிரிழப்பு அதிகரிக்கலாம் என அஞ்சப்படுகிறது.

மத்திய பிரதேசம் மாநிலத்தில் பெய்து வரும் தொடர் கனமழையால் அருகில் உள்ள அணை ஒன்று உடைந்து மேக்ஹாக் ஆற்றில் நீர் பேருக்கு ஏற்பட்டுள்ளது.

இதனால் இருப்பு பாதையின் அடிப்பகுதி அரிக்கப்பட்டதே விபத்துக்கு காரணம் என தெரிகிறது.

சம்பவம் நடந்தபோது இருப்பு பாதை நீரில் முழுகி இருந்ததாகவும் கூறப்படுகிறது. தொடர்ந்து கனமழை பெய்து வருவதால் மீட்பு பனி சவாலாக இருப்பதாக ரயில்வே அதிகாரிகள் கூறியுள்ளனர்.

இராணுவ வீரர்களும், தேசிய பேரிடர் மீட்பு குழுவினரும் மீட்பு பணியில் ஈடுபட்டுள்ளனர்.

நன்றி:New india news

காத்தான்குடி பள்ளிவாசல் தாக்குதல்கள்:25 வருடங்கள் ஆகியும் ஆறாத வடுக்கள்

இலங்கையின் மட்டக்களப்பு மாவட்டம் காத்தான்குடி பகுதியிலுள்ள பள்ளிவாசல்களில் தொழுகையில் ஈடுபட்டுக்கொண்டிருந்த முஸ்லிம்கள் மீது விடுதலைப்புலிகளினால் நடத்தப்பட்ட தாக்குதலின் 25வது ஆண்டு நினைவு இன்று உள்ளுர் முஸ்லிம்களினால்அனுசரிக்கப்படுகிறது.

அச்சம்பவத்தில் உயிரிழந்த முஸ்லிம்களின் நினைவாக தாக்குதல்கள் நடத்தப்பட்ட பள்ளிவாசல்களில் மதரீதியான நிகழ்வுகளும் நடைபெற்றன.

கடந்த 1990ஆம் ஆண்டு ஆகஸ்ட் மாதம் 3ஆம் திகதி இரவு மஸ்ஜிதுல் ஜும்மா பள்ளிவாசலில் இஷாத் தொழுகையில் ஈடுபட்டுக் கொண்டிருந்த முஸ்லிம்கள் மீது முதலில் தாக்குதல் நடத்திய விடுதலைப்புலிகள் பின்னர் மஞ்சந்தொடுவாய் ஹுசைனியா பள்ளிவாசலில் அவ்வேளை காணப்பட்ட முஸ்லிம்கள் மீதும் தாக்குதல்களை நடத்தியிருந்தனர்.

விடுதலைப்புலிகளினால் நடத்தப்பட்ட துப்பாக்கிச் சூடுகளிலும் கைக்குண்டு தாக்குதல்களிலும் சிறுவர்கள், முதியவர்கள் உட்பட 103 முஸ்லிம்கள் கொல்லப்பட்டார்கள். 140 பேர் வரை காயப்பட்டிருந்தார்கள்.

பிரேமதாசவுடன் உடன்பாடும், முறிவும்

இலங்கையின் முன்னாள் ஜனாதிபதி ரணசிங்க பிரேமதாச தலைமையிலான அரசுக்கும் விடுதலைப்புலிகளுக்குமிடையில் ஏற்பட்ட உடன்படிக்கையை அடுத்து 1989ம் ஆண்டு யுத்த நிறுத்தமொன்று முன்னெடுக்கப்பட்டது.

பின்னர் 1990ம் ஆண்டு ஜுன் மாதம் நடுப்பகுதியில் அது முறிவடைந்தது.

இக்காலப்பகுதியில் விடுதலைப்புலிகளினால் முஸ்லிம்களுக்கு எதிரான தாக்குதல்களும் இடம்பெற்று வந்த நிலையிலே தனி முஸ்லிம் பிரதேசமான காத்தான்குடியிலுள்ள பள்ளிவாசல்கள் மீது தாக்குதல்கள் நடத்தப்பட்டன.

விடுதலைப்புலிகளின் இந்தத் தாக்குதலை நினைவுகூரும் வகையில், பள்ளிவாசல்களின் சுவர்களில் துப்பாக்கிச்சூடுகள் மற்றும் கைக்குண்டு தாக்குதல்களின் தடயங்கள் பள்ளிவாசல் நிர்வாகத்தினால் மாறாத வடுக்களாக தொடர்ந்தும் பேணப்பட்டு வருகின்றன.

மட்டக்களப்பு மாவட்டத்திற்கு வருகை தரும் உள்நாட்டு , வெளிநாட்டு அரசியல் தலைவர்கள், இராஜதந்திரிகள் மற்றும் மனித உரிமை அமைப்புகளின் பிரதிநிதிகள் என பலரும் அதனை பார்வையிடுகின்றார்கள்.

பேணப்படும் தடயங்கள்
25 வருடங்களுக்கு முன்னதாக நடந்த இந்தச் சம்பவங்களை மன்னிக்க முடிந்தாலும் மறக்க முடியாதது என்பதற்காகவே அந்தத் தடயங்களை அழிக்காமல் பேணிப் பாதுகாப்பதாக பிபிசி தமிழோசையிடம் தெரிவித்தார் மஸ்ஜிதுல் ஜும்மா பள்ளிவாசலின் தலைவரான முகமது இப்ராகிம் முகமது சுபைர்.

விடுதலைப் புலிகளால் கொல்லப்பட்டவர்களின் பட்டியல்

போர்க்குற்ற விசாரணை உட்பட எந்தவொரு விசாரணை நடைபெற்றாலும் இழந்த உயிர்கள் கிடைக்கப் போவதில்லை, நடந்த சம்பவங்கள் மறப்போவதில்லை என்பதாலேயே தாங்கள் எந்தவொரு விசாரணையிலும் ஈடுபாடு காட்டவில்லை என்றும் அவர் குறிப்பிடுகிறார்.
இலங்கையில் விடுதலைப் புலிகளுக்கு எதிரான யுத்தம் முடிவடைந்து ஆறு ஆண்டுகள் ஆனாலும் கிழக்கு வாழ் முஸ்லிம்கள் பள்ளிவாசல்கள் மீதான தாக்குதல் சம்பவங்களை மறக்க முடியாதவர்களாகவே உள்ளனர்.
நன்றி:bbc

இந்திரக்கரையில் இலவச கண் பரிசோதனை முகாம்

 
இலவச கண் பரிசோதனை வைத்திய முகாம்மொன்று இன்று (03.08.2015)
மக்கொன இந்திரிலிகொட தாருல்  ஹிக்மா  ஜும்மா  பள்ளிவாசளினால்
நடாத்தப்படுகின்றது.
பள்ளிவாசல் முன்றலிள்  இன்று பிற்பகல் 2  மணி வரை நடைபெறும் இம்
முகாமில்   உங்கள்  கண்களையும்  இலவசமாக  பரிசோதனை  செய்து  
கொள்ளலாம்.பாடசாலை மாணவர்களுக்கு முன்னுரிமை வழங்கப்படும்.

Useful Telephone Numbers

AL-HASSANIYA M.V. MAGGONA                        034-2276318 PEOPLES BANK         -MAGGONA                        034-2222799 POST OFFICE             -MAGGONA                        034-2222761                                                                                    034-2279847 ST.THERESE MEDICAL CENTRE                          034-2277185 MAGGONA                                                               077-2293931 NAGODA HOSPITAL                                               034-2222261 NEW PHILIP HOSPITAL-KALUTARA                   034-2222888 FAMILY CARE HOSPITAL-NAGODA                    034-2229944 SARA MARIA CLINIC  -BERUWALA                      034-4907907 SAHANA CLINIC-DHARGA TOWN                        034-2275728 NEW DELMON HOSPITAL-WELLAWATTA         011-2558800 RAILWAY STATION   -ALUTHGAMA                   034-2275282                                       -BERUWALA                       034-2276371                                       -KALUTARA(SOUTH)        034-2222271                                       -FORT                                  011-2421281                                                                                     011-2434215 BUS DEP. ALUTHGAMA                                         034-2271018 CENTRAL BUS STAND -PETTAH                         011-2328081                                                                                    011-2329604 PVT.BUS STAND            -PETTAH                        011-5352746 POLICE STATION           -BERUWALA                   034-2276322                                           -PAYAGALA                   034-2222750

பாவமன்னிப்பு கோருவதில் தலையாய துஆ

கீழ்க்காணும் துஆவை ஒருவன் பகலில் ஓதிவிட்டு அன்றே மரணித்தால் அவன் சொர்க்கவாசியாவான். இரவில் ஓதி விட்டு இரவிலேயே மரணித்து விட்டால் அவனும் சொர்க்கவாசியாவான் என்று நபிகள் நாயகம் (ஸல்) கூறினார்கள்.
அல்லாஹும்ம அன்(த்)த ரப்பீ லாயிலாஹ இல்லா அன்(த்)த கலக்(த்)தனீ வஅன அப்து(க்)க வஅன அலா அஹ்தி(க்)க வவஃதி(க்)க மஸ்ததஃ(த்)து அவூது பி(க்)க மின்ஷர்ரி மாஸனஃ(த்)து அஃபூவு ல(க்)க பினிஃமதி(க்)க அலய்ய, வஅஃபூவு ல(க்)க பிதன்பீ ஃபக்ஃபிர்லீஃபஇன்னஹு லா யஃக்ஃபிருத் துனூப இல்லா அன்(த்)த

---

பொருள் : இறைவா! நீயே என் எஜமான். உன்னைத் தவிர வணக்கத்திற்குரி யவன் யாருமில்லை. என்னை நீயே படைத்தாய். நான் உனது அடிமை. உனது உடன்படிக்கையின்படியும் வாக்குறுதியின் படியும் என்னால் இயன்ற வரை நடப்பேன். நான் செய்த தீமையை விட்டு உன்னிடம் பாதுகாப்புத் தேடுகிறேன். நீ எனக்குச் செய்த அருளோடும் நான் செய்த பாவத்தோடும் உன்னிடம் மீள்கிறேன். எனவே என்னை மன்னிப்பாயாக! உன்னைத் தவிர யாரும் பாவங்களை மன்னிக்க முடியாது.
ஆதாரம்: புகாரி

முன்னாள் இந்திய ஜனாதிபதி அப்துல் கலாம் காலமானார்

இந்தியாவின் முன்னாள் குடியரசுத்தலைவரும் விஞ்ஞானியுமான அப்துல் கலாம் அவர்கள் தனது 84வது வயதில் திங்கட்கிழமை இரவு காலமானார்.
மேகாலயாவில் கருத்தரங்கில் கலாம் உரையாற்றிய போது உடல்நலக் குறைவு ஏற்பட்டது. ஷில்லாங்கில் உள்ள மருத்துவமனையில் அப்துல் கலாம் உயிர் பிரிந்தது. இந்தியாவின் 11வது குடியரசுத் தலைவராக பதவி வகித்தார் அப்துல் கலாம். 2002 முதல் 2007 வரை இந்திய குடியரசுத் தலைவராக இருந்தார். இந்தியா அனுவல்லமை நாடாக குறிப்பிடத்தக்க பங்காற்றியவர் கலாம். பொக்ரான்-2 அணுகுண்டு சோதனையில் பிரதமரின் தலைமை அறிவியியல் ஆலோசகராகவும் செயல்பட்டார்.  1931 அக்டோபர் 15ம் தேதி ராமேஸ்வரத்தில் ஏ.பி.ஜே. அப்துல் கலாம் பிறந்தார்.  அவர் இந்தியாவின் ஏவுகணை திட்டத்தின் முன்னோடியாகத் திகழ்ந்தார்.
இந்தியாவின் அணுத்திட்டத்தில் அவர் ஆற்றிய பங்களிப்புக்காக நாட்டின் அதியுயர் விருதான பாரத ரத்னா விருதும் வழங்கி கௌரவிக்கப்பட்டார்.
பள்ளிப் படிப்புக்கு பின் தந்தைக்கு பத்திரிகை விநியோகப் பணி செய்தார். கணிதத்தில் மிகுந்த ஈடுபாடு கொண்டு இருந்தார், திருச்சி புனித வளனார் கல்லூரியில் இளநிலை இயற்பியியல் பயின்றார் கலாம். 1960ல் DRDO வானூர்தி மேம்பாட்டு அமைப்பில் விஞ்ஞானியாக சேர்ந்தார். ராணுவத்துக்கு சிறிய ரக ஹெலிகாப்ட்டர் தயாரிப்புப் பணியில் ஈடுபட்டார். 1969ம் ஆண்டு இந்திய விண்வெளி ஆராய்ச்சி மையத்துக்கு மாற்றப்பட்டார். உள்நாட்டு செயற்கைக்கோள் செலுத்து வாகன திட்ட இயக்குனராக இருந்தார். கலாம் 20 ஆண்டு பணியாற்றிய SLV  மற்றும் SLV-3 திட்டங்கள் வெற்றி பெற்றன. கலாமின் இறுதிச் சடங்கு ராமேஸ்வரத்தில் நடைபெறவுள்ளதாக செய்திகள் தெரிவிக்கின்றன .

நன்றி:தினகரன்,bbc

நபி வாழ்ந்த காலகட்டத்தைச் சேர்ந்த மிகப்பழைமையான புனித அல் குர்ஆனின் கையெழுத்துப் பிரதி கண்டுபிடிப்பு(VIDEO))

இஸ்லாமியர்களின் புனித மறையான அல்-குர்ஆனின் ஆகப் பழைய எழுத்துப் பிரதியின் சில பக்கங்கள் தமது ஆவணத் தொகுப்பில் இருந்தது தெரியவந்திருப்பதாக பிரிட்டனின் பெர்மிங்ஹாம் பல்கலைக்கழகத்தின் ஆராய்ச்சியாளர்கள் கூறுகின்றனர்.

இந்த எழுத்துப் பிரதியை கார்பன் டேட்டின் முறையில் பரிசோதித்தபோது அவை ஏழாம் நூற்றாண்டைச் சேர்ந்தவை எனத் தெரியவருகிறது.

இந்தப் பிரதியை எழுதியவர் இறைதூதர் முகம்மத் நபியைக் கண்டும் கேட்டும் இருந்த ஒருவராக இருந்திருப்பார் என பர்மிங்ஹாம் பல்கலைக்கழக ஆராய்ச்சியாளர்கள் கூறுகின்றனர்.

இராக்கில் பிறந்த சரித்திர ஆர்வலரான அல்ஃபோன்ஸ் மிங்கானா என்பவரால் 1920கள் காலகட்டத்தில் இந்த குரான் எழுத்துப் பிரதியின் பக்கங்கள் பர்மிங்ஹாமுக்கு கொண்டுவரப்பட்டிருந்தன.

Names of the Qur'an

எண் குர்ஆனின் பெயர்கள் வசனஎண்

1 அல் கிதாப் (திருவேதம்) 2:2
2 அல் பயான் (தெளிவான விளக்கம்) 3:138
3 அல் புர்ஹான் (உறுதியான அத்தாட்சி) 4:174
4 அல்ஃபுர்கான் 2:185
5 அத் திக்ரு (ஞானம் நிறைந்தது நினைவூட்டுவது) 3:58
6 அந் நூர் (பேரொளி) 4:174
7 அல் ஹக்கு (மெய்யானது) 2:91
8 அல் கரீம் (கண்ணியமானது) 56:77
9 அல் முபீன் (தெளிவானது) 5:17
10 அல் ஹகீம் (ஞானம் மிக்கது) 36:2
11 அல் அஜீஸ் (சங்கையானது வல்லமையுடையது) 41:41
12 அல் ஹுதா (நேர் வழிகாட்டி) 3:138
13 அர் ரஹ்மத் (அருள்) 6:157
14 அஷ் ஷிஃபா (அருமருந்து) 10:57
15 அல் மவ்இளத் (நற்போதனை) 3:138
16 அல் ஹிக்மத் (ஞானம் நிறைந்தது) 2:151
17 அல் முஹைமின் (பாதுகாப்பது) 5:48
18 அல் கய்யிம் (உறுதியானது நிலைபெற்றது) 18:1-2
19 அந் நிஃமத் (அருட்கொடை) 93:11
20 அர் ரூஹ் (ஆன்மா) 42:52
21 அத் தன்ஸீல் (இறக்கியருளப் பெற்றது) 20:4
22 அல் ஹுக்மு (சட்ட திட்டங்கள்) 13:37
23 அல் முபாரக் (நல்லாசிகள்) 6:92
24 அல் முஸத்திக் (முன்னர் வந்த இறை வேதங்களை மெய்ப்பிப்பது) 6:92
25 அல் பஷீர் (நன்மாராயங் கூறுவது) 41:4
26 அந் நதீர் (அச்சமூட்டி எச்சரிப்பது) 41:4
27 அல் முதஹ்ஹர் (பரிசுத்தமானது) 80:14
28 அல் முகர்ராமா (சங்கையானது) 80:13
29 அல் மஜீத் (கண்ணியம் மிக்கது) 50:1
30 அல் அரபிய்யு (அரபி மொழியிலுள்ளது) 12:2
31 அல் மர்ஃபூஆ (உயர்வானது) 80:14
32 அல் அஜப் (ஆச்சரியமானது) 72:1
33 அல் பஸாயிர் (அறிவொளி) 7:203
34 அல் திக்ரா (நல்லுபபேதசம்) 7:2
35 ஹப்லுல்லாஹ் (அல்லாஹ்வின் கயிறு) 3:103

உங்க வீட்டுல ஃப்ரிட்ஜ் இருக்கா? கவனிக்க வேண்டிய விடயங்கள்

ஃப்ரிட்ஜை ஒரு தடவை அணைத்துவிட்டால், மறுபடியும் உடனடியாக ஸ்விட்ச் ஆன் செய்யக் கூடாது. இதனால், ஃப்ரிட்ஜ் சீக்கிரத்தில் பழுதடைந்துவிடும். ஃப்ரிட்ஜ் இயங்கு வதற்கு அதன் உள்ளே இருக்கும் ஒரு வகையான கேஸ் முக்கிய காரணம். மேலும், ஃப்ரிட்ஜை அணைத்து வைக்கும்போது பைப்பில் கேஸ் அப்படியே அடைத்துக் கொள்ளும். அந்த பைப்பில் காற்றும் போகாது. எனவே, குறைந்தது மூன்று நிமிடங்கள் கழித்துதான் மீண்டும் 'ஆன்' செய்யவேண்டும். அப்போதுதான் ஃப்ரிட்ஜ் இயல்பு நிலைக்கு திரும்பி யிருக்கும்.

ஃப்ரிட்ஜ் வாங்கியவுடன், ஃப்ரீசர் கதவுக்குப் பின்னால், என்னென்ன பொருட்களை யெல்லாம் பயன்படுதக் கூடாது என்ற வழிமுறைகளை எழுதியிருப்பார்கள். முதலில் அதனை தெளிவாகப் படியுங்கள். சம்பந்தப்பட்ட கம்பெனி ஆட் களோ, சர்வீஸ் ஆட்களோகூட இதைப் பற்றி யெல்லாம் சொல்ல மாட்டார்கள். நீங்களாகத்தான் தெரிந்துகொள்ள வேண்டும்.

ஃப்ரீசரில் பொருட்கள் நன்றாக உறைந்துவிட்டால், அவற்றை எடுப்பதற்காக கூரான ஆயுதங்களைப் பயன்படுத்தகூடாது. ஃப்ரீசர் அமைந்து இருக்கும் பிளாஸ்டிக் டப்பாவில் அலுமினியம் காயில் பொருந்தப் பட்டிருக்கும். கூரான பொருட்கள் பயன்படுத்தினால், இந்த டப்பாவை கீறி, அதன் கீழே இருக்கும் அலுமினியம் காயிலின் மீது படக்கூடிய வாய்ப்பு இருக்கிறது. அப்படி படும்போது, 'டப்' என்று வெடித்து உள்ளிருந்து கேஸ் வெளியேறி, உங்கள் உடம்பில் பட்டுவிடலாம். இதனால், பெரும் விபத்து ஏற்பட வாய்ப்பு இருக்கிறது. சுவாசிப்பதால் பாதிப்பில்லை என்றாலும், உடம்பில் படும்போது பாதிப்புகள் ஏற்படும்.

ஃப்ரீசரில் இருந்து உறைந்த பொருட்களை எடுக்கும்போது, டீஃப்ராஸ்ட் பட்டனை அழுத் துங்கள். இதனால் ஃப்ரிட்ஜில் உள்ள அதிகப்படியான ஐஸ் கரைந்து, அதன் பின்புறம் இருக்கும் டிரேவில் விழுந்து விடும். இரண்டு அல்லது மூன்று மாதங்களுக்கு ஒரு முறை டீஃப்ராஸ்ட் செய்வதால் ஃப்ரிட்ஜ் சீக்கிரத்தில் பழுதடையாமல் இருக்கும்.

ஃப்ரிட்ஜ் ரிப்பேரானாலோ... தொடர்ந்து மின்சாரம் தடைப்பட்டாலோ... அதனுள் இருக்கும் கெட்டுப் போகக்கூடிய பொருட்களை வெளியே எடுத்து விடுங்கள். இல்லையென்றால் அது அழுகி துர்நாற்றம் வீசத் தொடங்கும். ரிப்பேரான ஃப்ரிட்ஜை ஈரத் துணியால் நன்றாக துடைத்து, எலுமிச்சம் பழத்தை வெட்டி ஃப்ரிட்ஜினுள்ளே ஆங்காங்கே வைத்து விடுங்கள். இதனால் துர்நாற்றம் அடிக்காது. கதவையும் திறந்து வையுங்கள்.

ஃப்ரிட்ஜ் வாங்கிய நாலைந்து வருடங்களில் அதன் கதவினுள் பொருத்தப்பட்டிருக்கும் கேஸ்கட் சற்று தளர்வடைந்துவிடும். இதனால் பாக்டீரீயாக்கள் படையெடுத்து வந்து கதவின் இடுக்கில் போய் உட்கார்ந்துவிடும். அந்த இடத்தில் குளுமையான காற்றும் வீசாததால் கிருமிகள் மெதுவாக ஃப்ரிட்ஜ் உட்பகுதியில் பரவும் அபாயமும் நேரலாம். அது பல வியாதிகளுக்கு வழி வகுக்கலாம். கேஸ்கட் சரியாகப் பொருந்தியிருக்கிறதா? இடைவெளி இருக்கிறதா என்று அடிக்கடி கவனியுங்கள்.

சாதாரண சோப்புத் தண்ணீரினால் ஃப்ரிட்ஜின், உள், வெளிப்புறங்களில் துடைத்தாலே போதுமானது. எந்த பாதிப்பும் வராது.

ஃப்ரிட்ஜின் வாழ்நாள் என்பது அதிகபட்சம் 12 ஆண்டுகள்தான். அதற்கு மேல் அதன் செயல்பாடுகள் தொய்வடைந்து விடும். எந்த விதத்தில் அதனால் தீங்கு ஏற்படும் என்று சொல்ல முடியாது. எனவே, 12 ஆண்டுகளாகிவிட்டால் உடனே டிஸ்போஸ் செய்துவிடுவது நல்லது.

ஃப்ரிட்ஜ் வாங்கிப் பொருத்தும்போது அதற்கான 'எர்த்' சரியாக இருக்கிறதா என்று எலெக்ட்ரீஷியனை கொண்டு பரிசோதித்து கொள்ளுங்கள்.

வெளியூர் சென்று இரண்டு நாளில் திரும்பும் பட்சத்தில் ஃப்ரிட்ஜை ஆனில் வைத்து செல்லலாம். ஆனால், 10 நாட்களாகும் என்றால் பொருட்களை வெளியே வைத்துவிட்டு, ஃப்ரிட்ஜை ஆஃப் செய்துவிட்டு போவதுதான் நல்லது.

ஃப்ரிட்ஜ் பயன்படுத்துகிறீர்கள் என்றால், குறைந்தது இரண்டு மாதங்களுக்கு ஒருமுறையாவது அதனை நன்கு சுத்தம் செய்து விடுங்கள்.

நன்றி:விகடன்