நான்கு மில்லியன் உம்ரா விசாக்கள் விநியோகிக்கப் பட்டுள்ளதென சவூதி ஹஜ் அமைச்சின் தரவுகள் குறிப்பிடுகின்றன. "சவூதி அரசு இந்த செயற்பாட்டை ஒவ்வொரு ஆண்டும் முன்னெடுப்பது வழமையாகும்" என ரியாதில் ஹஜ் மற்றும் உம்ரா செயற்பாடுகளை முன்னெடுக்கும் பயண முகவர் ஆரிப் கன்னங்ஜி குறிப்பிட்டார். "ரமழான் காலத்தில் உம்ராஹ் விசாவை ஏற்க வேண்டாம் என்று ஒவ்வொரு ஆண்டும் நாம்
அறிவுறுத்துகிறோம்" என்றும் அவர் விபரித்தார். சஹ்பான் மாதத்தில் அனைவருக்கும் விசா விநியோகிக்கப்பட்டது என்பதை உறுதி செய்யும் வகையிலேயே இந்த நடவடிக்கை முன்னெடுக்கப்படுகிறது என கன்னங்ஜி குறிப்பிட்டார். உம்ரா விசாவை பெறுவதற்கு 7 முதல் 14 தினங்கள் வரை எடுத்துக்கொள்கின்றமை குறிப்பிடத்தக்கது. இஸ்லாமிய நாட்காட்டியின் இரண்டாவது மாதமான சபரில் ஆரம்பமாகும்
உம்ராஹ் காலம் ரமழான் முடிவுவரை நீடிக்கும். இதில் எதிர்வரும் ஜுலை முதலாம் திகதி வரையான காலத்தில் 3.8 மில்லியன் உம்ராஹ் யாத்திரிகர்கள் சவூதியை வந்தடையவார்கள் என எதிர்பார்க்கப்படுகிறது. இது கடந்த ஆண்டில் இதே காலப்பகுதியை விடவும் 400,000 அதிகரிப்பாகும். இந்த தகவலை சவூதி ஹஜ் அமைச்சு வெளியிட்டுள்ளது.
நன்றி:தினகரன்
No comments:
Post a Comment