மாகி நூடுல்ஸ் ரசாயன கலப்பு விவகாரம்: நெஸ்லே இந்தியா மீது உ.பி. வழக்கு

கோப்புப் படம்: ஏ.பி.

உத்தரப் பிரதேச அரசின் வழிகாட்டுதலின்படி, மாகி நூடுல்ஸின் தயாரிப்பு நிறுவனமான நெஸ்லே இந்தியா மீது அம்மாநில உணவு மற்றும் மருந்து கட்டுப்பாட்டு நிர்வாகம் வழக்கு தொடர்கிறது.

வழக்கு தொடர்வதற்கான உத்தரவை அரசிடமிருந்து பெற்றுள்ளதாகவும் இன்று அல்லது வரும் வாரத்துக்குள் தொடர்புடைய நிறுவனத்தின் மீது வழக்கு தொடரப்படும் என்று மாநில உணவு மற்றும் மருந்து கட்டுப்பாட்டு அதிகாரி வி.கே. பாண்டே தெரிவித்தார்.

மேலும் இது தொடர்பாக அவர் கூறும்போது, "உணவு பாதுகாப்பு மற்றும் மருந்து நிர்வாகத் துறை ஆணையர் பி.பி.சிங் நெஸ்டில் இந்தியா நிறுவனத்தின் மீது உள்ளூர் நீதிமன்றத்தில் வழக்கு தொடர அனுமதி அளித்துள்ளார்.

அதன்படி, ஹரோலியில் உள்ள நெஸ்லே நகல் கலன் தொழிற்சாலை, நெஸ்டில் இந்தியா லிமிட்டட், ஈஸி டே அங்காடி உள்ளிட்ட நிறுவனங்கள் மற்றும் அதிகாரிகள் மீது வழக்கு தொடரப்பட உள்ளது" என்றார்.

பிரபல நூடுல்ஸ் தயாரிப்பு நிறுவனமான மாகி நூடுல்ஸ் பாக்கெட்களில் அனுமதிக்கப்பட்ட அளவை விட எம்.எஸ்.ஜி., எனப்படும் மோனோசோடியம் குளூடாமேட் என்ற வேதிப் பொருள் அதிகம் கலக்கப்பட்டுள்ளது சமீபத்தில் கண்டுபிடிக்கப்பட்டது. இந்த ஆய்வை அடுத்து மாகியை தடைச் செய்ய உத்தரப் பிரதேசம், மகாராஷ்டிம் ஆகிய மாநிலங்கள் ஆலோசித்து வருகிறது.

இதனிடையே நூடுல்ஸ் ரசாயன கலப்பு குற்றச்சாட்டு தொடர்பாக நிறுவனம் அந்த ஒரு கருத்தையும் வெளியிடவில்லை.

மத்திய அரசு ஆலோசனை

இந்த விவகாரத்தை கூர்ந்து கவனிக்கும்படி மத்திய நுகர்வோர் விவகார அமைச்சுர் ராம் விலாஸ் பஸ்வான் உத்தரவிட்டுள்ளார். தேவைப்பட்டால் தேசிய நுகர்வோர் ஆணையம் இதில் தலையிட்டு நடவடிக்கை எடுக்கலாம் என்றும் அவர் அதிகாரிகளுக்கு அறிவுறுத்தியுள்ளார்.
source :http://m.tamil.thehindu.com/india/மாகி-நூடுல்ஸ்-ரசாயன-கலப்பு-விவகாரம்-நெஸ்லே-இந்தியா-மீது-உபி-வழக்கு/article7264325.ece

தொழுகையில் மறதியின் காரணமாக ரக்அத்கள் விடுபட்டால்.. ..

மனிதன் மறதியாளனாக படைக்கப்பட்டுள்ளான். மார்க்க விடயமாக இருக்கலாம். அல்லது உலக விவகாரங்களாக இருக்கலாம். தன்னை அறியாமல் மறந்து விட்டு, பிறகு அதை நினைத்து வருத்தமடைவான். இந்த வரிசையில் அல்லாஹ்வுடைய கடமையான தொழுகையின் போதும் மறதி என்ற அடிப்படையில் தொழுகைக்குள் உள்ள ரக்அத்களோ, அல்லது தஷஹ்ஹதில் உட்காராமல் எழுவது போன்ற நிகழ்வுகள் ஏற்படலாம். இப்படி ஏற்பட்டால் என்ன செய்வது என்பதை நாம் தெளிவு பெற வேண்டும்.

தொழகையைப் பொறுத்தவரை அதற்கு முன்னோடியாக நபி (ஸல்) அவர்கள் இருக்கிறார்கள். ‘என்னை எவ்வாறு தொழக் கண்டீர்களோ அவ்வாறு தொழுங்கள்| என்று கூறக்கூடிய ஹதீஸின் மூலம் தொழுகைக்கு வழிகாட்டி நபி (ஸல்) அவர்கள்தான் என்பதை நாம் மிகத் தெளிவாக விளங்கிக் கொள்ள வேண்டும்.

இன்று பள்ளிகளில் இமாம்கள் தொழுவிக்கும்போது சில நேரங்களில் இரண்டாவது ரக்அத்திற்கு உட்காராமல் மறந்து மூன்றாவது ரக்அத்திற்கு எழுந்து விடலாம். அல்லது நான்காவது ரக்அத் என்று நினைத்து மறதியால் மூன்றாவது ரக்அத்தில் உட்கார்ந்து ஸலாம் கொடுத்து விடலாம். அல்லது நான்காவது ரக்அத்தில் உட்காருவதற்குப் பகரமாக ஐந்தாவது ரக்அத்திற்கு எழுந்து, பிறகு உட்கார்ந்து ஸலாம் கொடுப்பார்.

இப்போது அவருக்கும், பின்னால் தொழுத மக்களுக்கும் பிரச்சினை என்ன செய்வது? இப்போது ஆளுக்கு ஆள் ஒவ்வொரு பத்வாக்களை கொடுக்க ஆரம்பிப்பார்கள். சில பள்ளிகளில் ஒரு ரக்அத் குறைத்தோ அல்லது ஒரு ரக்அத் அதிகமாகவோ தொழுவித்து விட்டால், ஸலாம் கொடுத்த பிறகு மீண்டும் ஆரம்பத்திலிருந்து அந்த நான்கு ரக்அத்களையும் தொழுவிக்கக்கூடிய நிலையை நாம் காண்கிறோம்.

சிலர் பிழை இப்படித்தான் தொழுவிக்க வேண்டும் என்று எடுத்துக் காட்டும்போது இமாமுக்கு தெரியாத சட்டமா, உங்களுக்குத் தெரியும்? என்று கூறக்கூடிய நிலை? சிலர் பரவாயில்லை மீண்டும் ஆரம்பத்திலிருந்து தொழுதால் நன்மைதானே என்று பேசக்கூடிய நிலையையும் காணலாம்.

இங்கு ஹதீஸின் அடிப்படையில் பள்ளி இமாமுக்கும் சட்டம் தெரியவில்லை. பின்னால் தொழக்கூடிய மக்களுக்கும் சட்டம் தெரியவில்லை என்பதை இப்படியான நிகழ்வுகள் மூலம் அறியலாம். குறிப்பாக தொழுவிக்கக்கூடிய பள்ளி இமாம் தொழுகை பற்றிய செய்திகளை ஹதீஸ்களில் தேடிப்படித்துத் தெரிந்துகொள்வது கட்டாயக் கடமையாகும்.

அல்லாஹ் பின்வருமாறு மக்களைப் பார்த்து பேசுகிறான்: ”ஈமான் கொண்ட விசுவாசிகளே அல்லாஹ்வுக்கு வழிப்படுங்கள். அல்லாஹ்வுடைய தூதருக்கும் வழிப்படுங்கள். உங்களில் அதிகாரமிக்க அறிவுடையோருக்கும் வழிப்படுங்கள். ஏதாவது ஒரு விடயத்தில் கருத்து முரண்பாடு ஏற்பட்டால், அதை அல்லாஹ்விடமும், அவனது தூதரிடமும் திருப்புங்கள் என்று கூறுகிறான். (4:59)

இந்த அடிப்படையில் விடுபட்ட ரக்அத்தை மட்டும் தொழுவதா? அல்லது மீண்டும் ஆரம்பத்திலிருந்து தொழுவதா? என்பதை ஹதீஸின் வழியில் விடை காண்போம்.

”ளுஹர் தொழுகையை தொழுவித்த நபி (ஸல்) அவர்கள், இரண்டாம் ரக்அத்தில் அமராமல் எழுந்து விட்டார்கள். தொழுகையை முடிக்கும்போது இரண்டு ஸஜ்தா செய்தார்கள். அதன் பின் ஸலாம் கொடுத்தார்கள். (அறிவிப்பவர்: அப்துல்லாஹ் இப்னு புஹைனா (ரழி), ஆதாரம்: புகாரி-1225-1230)

மற்றொரு ஹதீஸை அவதானியுங்கள்:

”மாலை தொழுகைகளில் ஒன்றைத் தொழுவித்த நபி (ஸல்) அவர்கள், இரண்டு ரக்அத்திலே ஸலாம் கொடுத்து விட்டார்கள். பின்பு எழுத்து பள்ளிவாசலின் முற்பகுதியில் இருக்கும் மரக்கட்டையின் பக்கம் சென்று தன் கையை அதன் மேல் ஊன்றிக் கொண்டிருந்தார்கள். அங்கே இருந்தவர்களில் அபூபக்ர் (ரழி), உமர் (ரழி) இருவரும் நபி (ஸல்) அவர்களிடத்தில் அது பற்றிப் பேசப் பயந்து கொண்டிருந்தபோது பள்ளியிலிருந்து வெளியேறிய மக்கள் தொழுகை சுருக்கப்பட்டு விட்டதோ எனப் பேசிக் கொண்டார்கள். அப்போது நபி (ஸல்) அவர்களால் துல்யதைன் என அழைக்கப்படும் ஒருவர் நீங்கள் மறந்து விட்டீர்களா? அல்லது தொழுகை சுருக்கப்பட்டு விட்டதா? எனக் கேட்டார். அதற்கு நபி (ஸல்) அவர்கள் நான் மறக்கவும் இல்லை (தொழுகை) சுருக்கப்படவுமில்லை என்றவுடன், இல்லை நிச்சயமாக நீங்கள் மறந்து விட்டீர்கள் என அவர் கூறினார். உடனே நபி (ஸல்) அவர்கள் இரண்டு ரக்அத்கள் தொழுவித்து பின் ஸலாம் கொடுத்தார்கள்.

பின்பு தக்பீர் கூறித் தமது வழக்கமான ஸஜ்தாவைப் போன்றோ அல்லது அதை விட நீண்டதாகவோ ஸஜ்தா செய்தார்கள். பிறகு தலையை உயர்த்தி தக்பீர் கூறினார்கள். மீண்டும் தலையை (பூமியில்) வைத்து தக்பீர் கூறினார்கள். தமது வழக்கமான ஸஜ்தாவைப் போன்றோ, அல்லது அதைவிட நீண்ட ஸஜ்தாவைப் போன்றோ அல்லது அதை விட நீண்டதாகவோ ஸஜ்தா செய்து, பின்பு தம் தலையை உயர்த்தியவாறே தக்பீர் கூறினார்கள். (அறிவிப்பவர்: அபூ ஹுரைரா (ரழி), ஆதாரம் புகாரி-1229)

அப்துல்லாஹ் இப்னு புஹைனா (ரழி) அவர்கள் அறிவிக்கும் அந்த ஹதீஸில் ளுஹர் தொழுகையில் இரண்டாவது ரக்அத்தில் உட்காராததினால் இறுதியான ரக்அத்தில் உட்கார்ந்து ஸலாம் கொடுப்பதற்கு முன் இரண்டு ஸஜ்தாக்கள் செய்து விட்டு ஸலாம் கொடுத்தார்கள் என்பதைக் காணலாம்.

எனவே தொழுகைக்குள் ஸலாம் கொடுப்பதற்கு முன் மறதியின் காரணமாக இப்படி நடந்தால் ஸலாம் கொடுப்பதற்கு முன் இரண்டு ஸஜ்தா செய்துகொண்டால் அது அந்த மறதிக்கு பரிகரமாகவும் மற்றும் தொழுகை பூரணமாக்கப்படுகிறது என்பதை நாம் தெளிவடைந்து கொள்ள வேண்டும். இரண்டாவது அபூ ஹுரைரா (ரழி) அவர்கள் அறிவிக்கும் ஹதீஸில் நான்கு ரக்அத்களை கொண்ட தொழுகையை மறதியின் காரணமாக இரண்டு ரக்அத்துடன் ஸலாம் கொடுத்தபின் பிறகு நினைவுபடுத்தியபோது விடுபட்ட இரண்டு ரக்அத்களை மட்டும் தொழுவித்து விட்டு ஸலாம் கொடுத்தபின் இரண்டு ஸஜ்தாக்கள் மட்டும் செய்தார்கள் என்பதை கண்டு கொண்டோம். இங்கு மீண்டும் ஆரம்பத்திலிருந்து தொழவில்லை என்பதை நாம் நன்றாக விளங்கிக் கொள்ள வேண்டும்.

அடுத்து வரும் ஹதீஸை கவனியுங்கள்.

”ஒருமுறை நபி (ஸல்) அவர்கள் ளுஹரில் ஐந்து ரக்அத்கள் தொழுவித்தார்கள். உடனே தொழுகை அதிகமாக்கப்பட்டு விட்டதோ என நபி (ஸல்) அவர்களிடம் கேட்கப்பட்டது. அதற்கு என்ன விஷயம் என்று கேட்டார்கள். நீங்கள் ஐந்து ரக்அத்கள் தொழுவித்தீர்கள் என ஒருவர் கூறினார். நபி (ஸல்) அவர்கள் ஸலாம் கொடுத்ததற்கு பிறகு இரண்டு ஸஜ்தாக்கள் செய்தார்கள். (அறிவிப்பவர்: அப்துல்லாஹ் (ரழி), ஆதாரம்: புகாரி-1226)

இந்த ஹதீஸில் ஒரு ரக்அத் அதிகமாக தொழுது ஸலாம் கொடுத்தபின் நினைவூட்டப்பட்டவுடன், மீண்டும் ஆரம்பத்திலிருந்து தொழவில்லை. இரண்டு ஸஜ்தாக்கள் மட்டும் செய்தார்கள் என்பதை நாம் நன்றாக விளங்கிக் கொள்ள வேண்டும்.

மேலும் ‘உங்களில் ஒருவர் தொழத் தயாரானால், அவரிடம் ஷைத்தான் ஊடுருவி, அவர் எத்தனை ரக்அத்கள் தொழுதார் என்பதை அறியாத அளவிற்கு குழப்பத்தை ஏற்படுத்தி விடுகிறான். எனவே உங்களில் ஒருவருக்கு இவ்வாறான நிலமை ஏற்பட்டால் (கடைசி) இருப்பில் இருந்தவாறே ஸஜ்தா செய்யட்டும். (புகாரி-1232)

எனவே தொழுகையின் போது மறதியால் ஏற்படும் இப்படியான விடயங்களுக்கு உடனுக்குடன் அழகான பரிகாரத்தை இஸ்லாம் நமக்கு வழிகாட்டியுள்ளது. ஒவ்வொரு ஆணும். ஒவ்வொரு பெண்ணும் கட்டாயம் தெரிந்திருக்க வேண்டிய சட்டங்களாகும். ஜமாஅத்துடன் தொழும்போது இமாம் பிழை விடும்போது பின்னால் தொழும் ஆண்கள் தஸ்பீஹ் மூலம் (சுப்ஹானல்லாஹ்) என்று கூறுவதன் மூலமும், பெண்கள் (இலேசாக) கையில் தட்டுவதன் மூலமும் இமாமிற்கு நினைவுபடுத்த வேண்டும் என்பதை பின்வரும் நபிமொழி தெளிவுபடுத்துகிறது.

”ஆண்களுக்கு தஸ்பீஹும் பெண்களுக்கு தட்டுவதுமாகும். என்று நபி (ஸல்) அவர்கள் கூறினார்கள். (ஆதாரம்: திர்மிதீ-337)

அதேபோல் இந்த ஸஜ்தா ஸஹ்வின் போது விசேடமான துஆக்கள் கிடையாது. வழமையாக ஸஜ்தாவில் ஓதக்கூடிய துஆக்களை ஓதிக்கொள்ள வேண்டும்.
– மௌலவி யூனுஸ் தப்ரீஸ் (இலங்கை – சத்தியக்குரல் ஆசிரியர்)
நன்றி:இஸ்லாம் கல்வி

நடுக்கடலில் தத்தளிக்கும் சமூகம்...

இரு­பத்­தி­யோராம் நூற்­றாண்டில் இப்­ப­டியும் ஒரு அவ­லமா என்று கேட்கத் தோன்­று­கி­றது மியன்மார் ரோஹிங்யா முஸ்­லிம்­களின் நிலையை எண்ணி!

உணவு,உடை, உறையுள் எனும் அடிப்­படைத் தேவை­க­ளுக்கு முதல், இருப்­ப­தற்கு இந்த உலகில் ஒரு துண்டு நிலம் கூட இல்­லாது நடுக்­க­டலில் தத்­த­ளித்து மீன்­க­ளுக்கு இரை­யாகிப் போகின்ற சமூ­க­மாக இன்று ரோஹிங்யா முஸ்­லிம்கள் மாறி­யி­ருக்­கி­றார்கள்.

பௌத்த கடும்­போக்கு கோட்­பா­டு­களைக் கொண்ட மியன்மார் அரசு தமது நாட்டில் 15 ஆம் நூற்­றாண்­டு­க­ளி­லி­ருந்தே வாழ்ந்து வரும் ரோஹிங்யா இன முஸ்­லிம்­களின் குடி­யு­ரி­மையை 1980 களில் பறித்­த­தி­லி­ருந்து இன்று வரை அந்த மக்கள் சொல்­லொணாத் துய­ரங்­களை அனு­ப­வித்து வரு­கி­றார்கள்.

குடி­யி­ருக்க நில­மில்லை...உண்ண உண­வில்லை... இருக்க இருப்­பி­ட­மில்லை... என தினமும் அந்த மக்கள் அனு­ப­விக்கும் கொடு­மைகள் சொல்லில் வடிக்க இய­லா­தவை.

இவை எல்­லா­வற்­றுக்கும் அப்பால் பௌத்த கடும்­போக்­கா­ளர்கள் அவ்­வப்­போது கல­வ­ரங்­களை உண்­டு­பண்ணி ரோஹிங்யா முஸ்­லிம்­களை உயி­ரோடே கொளுத்­தி­விடும் நிலை இருக்­கி­றதே அது அதை­வி­டவும் கொடுமை. 

ஏன் இந்த மக்கள் கடலில் தத்­த­ளிக்­கி­றார்கள்? 

மேற்­சொன்ன கொடு­மை­களை தினம் தினம் அனு­ப­விப்­பதை விட வேறு ஏதா­வ­தொரு தொலை­தூர நாட்டில் போய் அக­தி­க­ளாக வாழ்ந்­தா­லா­வது நிம்­ம­தி­யாக இருக்க ஓர் இடமும் மூன்று வேளை சாப்­பாடும் கிடைக்­குமே என்ற நப்­பா­சைதான் இன்று ரோஹிங்யா முஸ்­லிம்கள் நடுக்­க­டலில் தத்­த­ளிக்கக் காரணம்.

இந்த மக்­களின் அவல நிலையைப் பயன்­ப­டுத்தி இரக்­க­மற்ற கொடூ­ரர்கள் சிலர் பணம் சம்­பா­திக்­கி­றார்கள். உங்­களை வேறு நாட்டில் நிம்­ம­தி­யாக வாழ அழைத்துச் செல்­கிறோம் என ஆசை வார்த்தை காட்டி சுமார் 100 டொலர் பணத்­தையும் பெற்றுக் கொண்டு பட­கு­களில் அழைத்து வந்து நடுக்­க­டலில் விட்­டு­விட்டு தலை­ம­றை­வாகி விடு­கி­றார்கள்

இப்­படிப் பட­கு­களில் அழைத்­து­வ­ரப்­பட்ட சுமார் 8000 பேர் தற்­ச­மயம் கடலில் பய­ணித்துக் கொண்­டி­ருப்­ப­தாக சர்­வ­தேச தொண்டு நிறுவன தகவல்கள் தெரிவிக்கின்றன. இவர்களுள் தமது நாட்டில் வறுமை காரணமாக வாழ முடியாது ரோஹிங்யா மக்களுடன் இணைந்து கொண்ட பங்களாதேஷ் நாட்டவர்களும் அடங்குகிறார்கள்.

ஏலவே இவ்­வாறு மியன்­மாரை விட்டு வெளி­யே­றிய பலர் தாய்­லாந்தின் காட்டுப் பகுதி ஒன்றில் தஞ்­ச­ம­டைந்­தி­ருக்­கி­றார்கள். சுமார் 700 பேர் வரை இந்­தோ­னே­ஷி­யாவைச் சென்­ற­டைந்­தி­ருக்­கி­றார்கள். மலே­சி­யாவில் 300 பேருக்கு இடம் வழங்­கப்­பட்­டுள்­ள­தாக இறு­தி­யாகக் கிடைத்த தக­வல்கள் கூறு­கின்­றன. மீதிப் பேர் நடுக்­க­டலில் தவித்துக் கொண்டிருக்கிறார்கள்.

30 வய­தான சாலிம் ஒரு மீன்­ வி­யா­பாரி. 2014 சனத்­தொகைக் கணக்­கெ­டுப்பில் அவர் ரோஹிங்யா இனத்­தவர் என முத்­திரை குத்­தப்­பட்­டதால் அவ­ருக்கு மியன்மார் குடி­யு­ரிமை மறுக்­கப்­பட்­டது. இதனால் அவர் அங்கு தொடர்ந்து வாழ முடி­யாத நிலைக்குத் தள்­ளப்­பட்டார்.  அவர் ஒரு­வாறு படகில் ஏறி இப்­போது தாய்­லாந்தை வந்­த­டைந்­தி­ருக்­கிறார்.

கதீஜா பீபிக்கு 20 வய­துதான் ஆகி­றது. தனது கணவன் மற்றும் பிள்­ளை­க­ளோடு அவளும் படகில் பய­ணித்து தாய்­லாந்தை வந்­த­டைந்­தி­ருக்­கிறாள். மியன்­மாரில் உணவு, கல்வி, மருந்து வச­திகள் இல்­லாத கார­ணத்­தி­னா­லேயே தாம் இப்­ப­டி­யான உயி­ரா­பத்­து­மிக்க பய­ணத்தை தேர்ந்­தெ­டுத்­த­தாக கதீஜா பீபி கூறு­கிறாள்.

இப்­படி உயிர்­தப்பி கரை தட்­டி­ய­வர்கள் ஏரா­ள­மான கதை­களைச் சொல்­கி­றார்கள்.

ஆனால் கரைக்கு வராமல் நடுக்­க­ட­லி­லேயே மாண்டு மீன்­க­ளுக்கு இரை­யா­ன­வர்­களின் கதையைக் கேட்டால் உங்கள் கண்­க­ளி­லி­ருந்து கண்ணீர் அல்ல இரத்­தம்தான் வரும்.

இந்த படகுப் பயணம் மிகவும் ஆபத்­தா­னது. 100 பேர் பய­ணிக்கும் படகில் 300 பேரை ஏற்­று­வார்கள். உடுத்­தி­ருக்கும் உடையைத் தவிர வேறு எந்த உடை­மை­க­ளையும் படகில் ஏற்ற முடி­யாது.

ஏன் மேல­திக உணவைக் கூட எவரும் கொண்டு வர முடி­யாது. சுமார் 30 நாட்கள் தொட­ராக கடலில் பய­ணிக்க வேண்டும். இந்த நிபந்­த­னை­க­ளுக்கு தலை­ய­சைத்தால் மாத்­தி­ரமே இந்தப் பட­கு­களில் இடம் கிடைக்கும். இன்றேல் மியன்­மா­ரி­லேயே காலத்தைக் கழிக்க வேண்­டி­ய­துதான்.

இப்­படி படகு பய­ணித்துக் கொண்­டி­ருக்­கையில் உண­வுக்குப் பற்­றாக்­குறை ஏற்­படும். அடுத்­த­வர்­க­ளி­ட­மி­ருக்கும் உணவைப் பறித்துச் சாப்­பிட பலரும் முண்­டி­ய­டிப்­பார்கள். இது பட­குக்குள் பெரும் கல­வ­ரத்­தையே உண்­டு­பண்ணும். ஈற்றில் பல­சா­லிக்­குத்தான் வெற்றி. இப்­படி நடுக்­க­டலில் உண­வுக்­காக நடந்த சண்­டையில் சுமார் 100 பேர் வரை கொல்­லப்­பட்­ட­தாக உயிர்­தப்பி வந்­த­வர்கள் சொல்­கி­றார்கள்.

சில சம­யங்­களில் அவ்­வ­ழியால் வரும் இந்­தோ­னே­சிய, தாய்­லாந்து மீனவர் பட­குகள் இவர்­க­ளது பரி­தா­பத்தைக் கண்டு உண­வு­களைக் கொடுத்­தாலும் அவற்றைப் பெற்றுக் கொள்­வதில் நடக்கும் சண்­டை­யிலும் பல­சா­லி­கள்தான் வெற்றி பெறு­கி­றார்கள்.

இவ்­வாறு ஆயிரக் கணக்­கான ரோஹிங்யா மக்கள் கடலில் தத்­த­ளிக்கும் செய்­தியை பி.பிசி. மற்றும் அல் ஜஸீரா ஆகிய பிர­பல ஊடகங்கள் வீடியோ மற்றும் புகைப்­ப­டங்­க­ளுடன் வெளி­யிட்ட போதுதான் அவர்­க­ளது அவலம் முழு உல­குக்­குமே தெரி­ய­வந்­தது. 

உடனே சில நாடுகள் மனி­தா­பி­மான நோக்கில் அவர்­க­ளுக்கு உணவுப் பொருட்­களை வான் வழி­யாக விநி­யோ­கித்­தன. 

ஹெலி­கொப்­ட­ரி­லி­ருந்து வீசப்­படும் உணவுப் பொருட்கள் கடலில் வீழ்ந்தால் கூட உயிரைக் கூட துச்சமென மதித்து கடலில் பாய்ந்து அவற்றைப் பொறுக்கிச் சாப்பிடுகின்ற நிலையை கண்டபோது என் கண்கள் பனித்தன. அவ்வாறான காட்சிகள் சிலவற்றை இங்கு பிரசுரிக்கப்பட்ட படங்களில் நீங்கள் காணலாம்.

இப்­போது  தமது கடற்­ப­கு­தியில் தவித்­துக்­கொண்­டி­ருக்கும் ஆயி­ரக்­க­ணக்­கான மக்­க­ளுக்கு  தற்­கா­லிக புக­லிடம் தர மலே­சியா மற்றும் இந்­தோ­னே­சிய அர­சாங்­கங்கள் ஒப்­புக்­கொண்­டி­ருக்­கின்­றன.

அக­தி­களை திருப்பி அனுப்­ப­மாட்டோம் என்று தாய்­லாந்தும் கூறி­யுள்­ளது.  அக­தி­க­ளுக்கு உத­வு­மாறு இந்த நாடு­கள்­மீது சர்­வ­தேச அழுத்தம் அதி­க­ரித்து வரு­கின்­றது.  ஆனாலும் அதில் நிபந்­த­னை­களும் இருக்­கின்­றன.

தாம் குடி­யே­றி­களை தேட மாட்டோம் என்றும், அவர்கள் கரைக்கு வந்தால், அவர்­க­ளுக்கு ஒரு­வ­ரு­டத்­துக்குள் வேறு இடங்­களில் மீளக்­கு­டி­யேற்ற, சர்­வ­தேச சமூகம் உதவ வேண்டும் என்ற நிபந்­த­னையில், அவர்­களை அனு­ம­திப்போம் என்றும் மலே­சிய வெளி­யு­றவு அமைச்சர் ஹனிபா அமான் கூறு­கிறார்.

இதே­வேளை கடலில் நிர்க்­க­தி­யா­கி­யுள்ள ஆயி­ரக்­க­ணக்­கான குடி­யே­றி­களைத் தேடிக் கண்­டு­பி­டித்து மீட்­கு­மாறு அதி­கா­ரி­க­ளுக்கு உத்­த­ர­விட்­டுள்­ள­தாக மலே­ஷியப் பிர­தமர் நஜீப் ரஸாக் கூறி­யுள்ளார்.

கடலில் பட­கு­களில் நிர்க்­க­தி­யா­கி­யி­ருக்கும் குடி­யே­றி­களில் பெரும்­பா­லா­ன­வர்கள் மியன்­மா­ரையும் வங்­க­தே­சத்­தையும் சேர்ந்­த­வர்கள்.  பட­கு­களில் உள்ள குடி­யே­றி­களை தங்­களின் நாடு­க­ளுக்குள் அனு­ம­திக்கப் போவ­தில்லை என்று மலே­ஷி­யாவும் அதன் அண்டை நாடு­களும் முன்னர் மறுத்­து­வந்­தி­ருந்­தன.  

ஆனால் குடி­யே­றி­களின் நிலைமை மோச­ம­டைந்­து­வ­ரு­கின்ற சூழ்­நி­லையில், அந்த நாடுகள் தங்­களின் நிலைப்­பாட்டை மாற்றிக் கொண்­டன.

குடி­யே­றிகள் தற்­கா­லி­க­மாக தங்கள் நாடு­களில் தங்­கு­வ­தற்கு அனு­மதி வழங்­கு­வ­தாக மலே­ஷி­யாவும் இந்­தோ­னே­ஷி­யாவும் இணங்­கி­யுள்­ளன.

 மியன்மார் அதி­கா­ரி­க­ளு­டனும் மலே­ஷிய மற்றும் இந்­தோ­னே­ஷிய வெளி­யு­றவு அமைச்சர்கள் பேச்சுவார்த்தைகளுக்கு தயாராகிவருகின்றனர்.

ஆனாலும் இதனிடையே படகுகளில் வரும் ரோஹிஞ்சா குடியேறிகளை தங்கள் நாட்டுக்குள் குடியேற அனுமதிக்கப் போவதில்லை என்று ஆஸ்திரேலியா கூறியுள்ளது.

இப்படி இந்த மக்கள் விடயத்தில் கடைசி நேரத்திலாவது சில நாடுகள் இரக்கம் காட்ட முன்வந்திருப்பது ஆறுதல் தருகிறது.

ஆனாலும் இவர்களது பிரச்சினைக்கு நிரந்ரத் தீர்வு காணப்படாத வரை இவ்வாறான

 அவலங்கள் தொடரவே செய்யும். இந்த மக்களுக்காக பிரார்த்திப்போம்.!

நன்றி:விடிவெள்ளி

தரையிறங்க முடியாமல் தவித்த விமானங்கள்: நெஞ்சை பதற வைக்கும் காட்சிகள் (வீடியோ இணைப்பு)

போர்த்துக்கல் நாட்டில் உள்ள சர்வதேச விமான நிலையத்தில் விமானங்கள் தரையிறங்க முடியாமல் போராடிய காட்சிகள் தற்போது வீடியோவாக வெளியாகி அதிர்ச்சியை ஏற்படுத்தியுள்ளது.
போர்த்துக்கல் நாட்டில் உள்ள Madeira சர்வதேச விமான நிலையம், உலக அளவில் ஆபத்தான நிலையங்களில் ஒன்றாக பார்க்கப்படுகிறது.

இந்த விமான நிலைய பகுதியில் சமீபத்தில் வீசிய பலத்த காற்றை எதிர்கொள்ள முடியாமல் பல பயணிகள் விமானங்கள் போராடிய காட்சிகள் பலரையும் அதிர்ச்சியடைய வைத்துள்ளது.

ஓடுபாதையை நோக்கி தாழ்வாக இறங்கிய விமானங்கள், ஓடுபாதையை நோக்கி செல்ல முடியாமல் காற்றின் போக்கிற்கு திரும்பி பக்கவாட்டு நிலையிலேயே தரையிறங்க நேரிட்டது.

சில விமானங்களின் சக்கரங்கள் ஓடுபாதையை அடைந்தும், காற்றை சமாளிக்க முடியாமல் மீண்டும் மேலே பறக்கும் காட்சிகளும் வீடியோவில் பதிவாகியுள்ளது.

சர்வதேச விமானங்கள் இதுபோன்ற ஆபத்துகளை எதிர்கொள்ள பலத்த காற்று ஒரு காரணமாக இருந்தாலும், Madeira விமான நிலையத்தின் ஓடுபாதையானது மிக குறுகிய நீளத்தில் உள்ளதால், இதுவும் விமானங்கள் பாதுகாப்பாக தரையிறங்குவதற்கு பெரும் சவாலாக அமைந்துள்ளது.

ஒரு விமான நிலைய ஓடுபாதையின் சராசரி நீளம் 1829 மீற்றர்கள் ஆகும். ஆனால், Madeira விமான நிலையம் கடந்த 1964ம் ஆண்டு தொடங்கப்பட்ட போது, அதனுடைய ஓடுபாதையின் நீளம் வெறும் 1,600 மீற்றர்கள் தான்.

சுமார் 90,718 கிலோ எடையுடன் வரும் ஒரு விமானம் தரையிறங்க இது போதுமான நீளம் அல்ல.

90 ஆயிரம் கிலோ எடையைவிட கூடுதலாக எடை உள்ள போயிங் போன்ற சர்வதேச விமானங்கள் பாதுகாப்பாக தரையிறங்க சுமார் 2,438 மீற்றர் நீளமுடைய ஓடுபாதை அமைப்பது அவசியம்.

இதன் விளைவாக, கடந்த 1977ம் ஆண்டு நவம்பர் மாதம் 19ம் திகதி இந்த விமான நிலையத்தில் தரையிறங்கிய சர்வதேச Boeing 727 விமானம் ஓடுபாதை பற்றாக்குறையால், வேகத்தை கட்டுப்படுத்த முடியாமல் சுவற்றில் பலமாக மோதி பெரும் விபத்துக்குள்ளானது.

இந்த விபத்தில், அந்த விமானத்தில் பயணம் செய்த 164 பயணிகளில் 131 பேர் பரிதாபமாக உயிரிழந்தனர்.

இந்த விபத்திற்கு பிறகு Madeira விமான நிலையத்தின் ஓடுபாதையை 200 மீற்றர்கள் கூடுதலாக விரிவுப்படுத்தினர்.

ஆனால், தற்போதும் இந்த ஓடுபாதையின் நீளமான 1800 மீற்றர்கள் என்பது ஓடுபாதையின் சராசரி நீளத்தை கூட எட்டவில்லை.

சர்வதேச போயிங் விமானங்கள் இங்கு தினந்தோறும் வருவதால், இதன் ஓடுபாதையை 2,438 மீற்றர்களாக அதிகரித்தால் தான் எதிர்கால விபத்துக்களை தவிர்க்க முடியும்.

தற்போது வெளியாகியுள்ள வீடியோ குறித்து கருத்து தெரிவித்துள்ள பிரபல இணையதளம், காலநிலை ஆபத்துகளை விட, இந்த விமான நிலைய ஓடுபாதையின் அமைப்பு தான் ஆபத்து நிறைந்து காணப்படுவதாக தெரிவித்துள்ளது.

மேலும், பயிற்சி விமானிகளுக்கு மட்டுமல்லாமல், பல வருடங்கள் அனுபவம் வாய்ந்த விமானிகளுக்கும் Madeira விமான நிலையத்தில் தரையிறங்குவது பெரும் சவாலாக உள்ளது எனவும் அந்த இணைய தளம் கருத்து தெரிவித்துள்ளது.தரையிறங்க முடியாமல் தவித்த விமானங்கள்: 

தைரோய்ட் குறைவாக சுரப்பது ஏன்?

‘உடல் எப்­போதும் அச­தி­யா­கவே இருக்­கி­றது. கொஞ்­ச­மாக உணவைச் சாப்­பிட்­டாலும், உடல் எடை கூடிக்­கொண்டே போகி­றது. மாத­வி­லக்கு சுழற்சி ஒழுங்­காக ஏற்­ப­டு­வ­தில்லை’... இப்­படிச் சொல்­ப­வர்­க­ளிடம், ‘உங்­க­ளுக்குத் தைரோய்ட் கோளாறு இருக்­கி­றதா?’ என்­றுதான் கேட்கத் தோன்றும்.

இன்­றைய பெண்­க­ளிடம் அதி­க­ரித்­து­வரும் உடல்­நலப் பிரச்­சி­னை­களில், தைரோய்ட் சுரப்பி குறை­வாகச் சுரக்கும் பிரச்­சினை முக்­கி­ய­மா­னது. பிறக்கும் குழந்தை முதல் இளம் வய­தினர், நடுத்­தர வய­தினர் என்று பெண்­களில் பல­ரையும் பாதிக்கும் பிரச்­சி­னை­யாக இன்­றைக்கு இது உரு­வெ­டுத்­துள்­ளது.

இதை ஆரம்ப நிலை­யி­லேயே கவ­னித்துச் சிகிச்சை பெற்­றுக்­கொண்டால், பின்னால் ஏற்­ப­டு­கிற அறி­வாற்றல் குறைவு, மலட்­டுத்­தன்மை போன்ற பல சிக்­கல்­களைத் தவிர்க்க முடியும்.

தைரோய்ட்  என்­பது என்ன?
நம் தொண்டைப் பகு­தியில் மூச்சுக் குழாய்க்கு முன்­பாக, குரல்­வ­ளையைச் சுற்றி, இரு பக்­கமும் படர்ந்து, ஒரு வண்­ணத்­துப்­பூச்சி வடி­வத்தில் அமைந்­துள்­ளது தைரோய்ட்  சுரப்பி.

உடலில் ஏற்­படும் வளர்­சி­தை­மாற்றப் பணி­க­ளுக்குத் தேவை­யான முதன்மை நாள­மில்லா சுரப்பி இது. இதன் எடை 12-லிருந்து 20 கிராம்­வரை இருக்கும். சாதா­ர­ண­மாகப் பார்க்­கும்­போது நம் கண்­ணுக்கு இது தெரி­யாது. நாம் உணவை விழுங்­கும்­போது, முன் கழுத்தில் குரல்­வ­ளை­யோடு தைராய்டும் சேர்த்து மேலே தூக்­கப்­ப­டு­வதைப் பார்க்க முடி­கி­றது என்றால், தைரோய்ட்  சுரப்பி வீங்­கி­யுள்­ளது என்று அர்த்தம்.

தைரோக்ஸின் ஹோர்மோன்
தைரோய்ட்  சுரப்பி, ‘தைரொக்சின்' (T4), ‘டிரை­அ­ய­டோ­தை­ரோனின்' (T3) எனும் இரண்டு வித ஹோர்­மோன்­களைச் சுரக்­கி­றது. தைராய்டு செல்­களில் ‘தைரோ­கு­ளோ­புலின்' எனும் புரதம் உள்­ளது.

இதில் ‘டைரோசின்' எனும் அமினோ அமிலம் உள்­ளது. தைரோய்ட்  செல்கள் ரத்­தத்தில் உள்ள அயோடின் சத்தைப் பிரித்­தெ­டுத்து, டைரோ­சினை இணைத்து வினை­பு­ரிந்து T4 மற்றும் T3 ஹோர்­மோன்­களைச் சுரக்­கின்­றன. இந்த இரண்டு ஹோர்­மோன்­களும் உடலின் தேவைக்­கேற்ப ரத்­தத்தில் கலந்து, உடல் உறுப்­புகள் சீராகச் செயல்­பட உத­வு­கின்­றன.

இத்­தனைச் செயல்­பா­டு­க­ளையும் முன்­பிட்­யூட்­டரி சுரப்­பியில் சுரக்­கிற 'தைரோய்ட்  ஊக்கி ஹோர்மோன்' (TSH)கட்­டுப்­ப­டுத்­து­கி­றது.

தைரொக்ஸின் பணிகள்
குழந்­தையின் கரு வளர்­வதில் தொடங்கி, முழு­மை­யான உடல் வளர்ச்சி, மூளை வளர்ச்சி, எலும்பின் உறுதி, தசையின் உறுதி, புத்­திக்­கூர்மை எனப் பல­வற்­றுக்குத் தைரொக்சின் ஹோர்­மோன்தான் ஆதாரம். உடல் செல்கள் பிரா­ண­வா­யுவைப் பயன்­ப­டுத்தி வேதி­வி­னைகள் புரி­வ­தற்குத் தைேராக்ஸின் தேவை.

கார்­போ­ஹைதரேட், புரதம், கொழுப்பு முத­லிய உணவுச் சத்­து­களின் வளர்ச்­சி­­ மாற்றப் பணி­களை ஊக்­கு­விப்­பதும், புரதச் சத்தைப் பயன்­ப­டுத்தி உடல் வளர்ச்­சியைத் தூண்­டு­வதும், சிறு­கு­டலில் உள்ள உணவுக் கூழி­லி­ருந்து குளுக்­கோஸைப் பிரித்து இரத்­தத்தில் கலப்­பதும், ரத்தக் கொலஸ்ட்­ரோலைக் கட்­டுப்­ப­டுத்­து­வதும் தைேராக்ஸின் ஹோர்மோன் செய்­கிற அற்­புதப் பணிகள்.

மேலும் இதயம், குடல், நரம்பு, தசை, பாலின உறுப்­புகள் போன்ற முக்­கி­ய­மான உறுப்­பு­களின் செயற்­பா­டு­க­ளையும் தைரொக்சின் ேஹார்­மோன்தான் ஊக்­கு­விக்­கி­றது. 

குறை தைரோய்ட் 
தைரோக்ஸின் ஹோர்மோன் குறை­வாகச் சுரப்­பதைக் ‘குறை தைரோய்ட்’ (Hypothyroidism) என்­கிறோம். இதன் ஆரம்ப நிலையில் உடல் சோர்­வாக இருக்கும். செயல்கள் மந்­த­மாகும். சாதா­ரணக் குளி­ரைக்­கூடத் தாங்க முடி­யாது. முகம் வீங்கும். முடி கொட்டும். இள­நரை தோன்றும். தோல் வறட்சி ஆகும். பசி குறையும். ஆனால், உடல் எடை அதி­க­ரிக்கும். அடிக்­கடி மலச்­சிக்கல் உண்­டாகும். ஞாபக மறதி, அதிகத் தூக்கம், முறை­யற்ற மாத­வி­லக்கு, குரலில் மாற்றம், கை, கால்­களில் மத­ம­தப்பு, கருச்­சி­தைவு மற்றும் கருத்­த­ரிப்­பதில் பிரச்­சினை, மூட்­டு­வலி இப்­படிப் பல பிரச்­சி­னைகள் அடுத்­த­டுத்துத் தலை­தூக்கும்.

இரத்­த­சோகை, இரத்­தத்தில் கொலஸ்ட்ரோல் அளவு அதி­க­ரிப்­பது போன்ற பாதிப்­புகள் குறை தைரோய்ட்  உள்­ள­வர்­க­ளிடம் காணப்­படும் முக்­கி­ய­மான அறி­கு­றிகள்.

என்ன காரணம்?
நாம் உண்ணும் உணவில் உடலின் தேவைக்கு ஏற்ப அயடின் சத்து இருப்­ப­தில்லை. தைரோய்ட்  சுரப்­பிக்குப் போது­மான அளவு அயடின் கிடைக்­கா­விட்டால், தைெராக்ஸின் ஹோர்­மோனைச் சுரக்க முடி­யாது. இதனால் தைரொய்ட்  ஊக்கி ஹோர்மோன் (TSH)  அதிக அளவில் சுரந்து, தைரெய்ட்  சுரப்­பியை மேன்­மேலும் தூண்டும்.

ஆனாலும், அதனால் போது­மான அள­வுக்குத் தைேராக்ஸின் ஹோர்­மோனைச் சுரக்க முடி­யாது. பதி­லாக, அது வீக்­க­ம­டைந்து கழுத்தின் முன் பக்­கத்தில் ஒரு கழலைப் போன்று தோன்றும்.

அதற்கு ‘முன்­க­ழுத்துக் கழலை' (Goitre) என்று பெயர். இது ஒரு தன்­த­டுப்­பாற்றல் நோயா­கவும் (Auto immune disease) ஏற்­ப­டலாம் என்­கி­றது மருத்­துவம். அதா­வது, நம் உடலில் நோய் எதிர்ப்புச் சக்­தியை உரு­வாக்கும் செல்கள், சொந்த உடலின் செல்­க­ளையே, வெளி­யி­லி­ருந்து வரும் நோய்க் கிரு­மி­க­ளாகக் கருதி அழித்­து­வி­டு­கின்­றன.

பெண்­க­ளுக்குச் சுரக்கும் ஈஸ்ட்­ரோஜன் ஹோர்மோன், இதைத் தூண்­டு­வ­தாகக் கரு­தப்­ப­டு­கி­றது. இப்­படித் தைேராய்ட் செல்கள் அழிக்­கப்­ப­டு­ப­வர்­க­ளுக்குக் குறை தைெராய்டு ஏற்­ப­டு­கி­றது.

இது தவிரப் பாக்­டீ­ரியா, வைரஸ் போன்ற கிரு­மிகள் கார­ண­மாகத் தைெராய்ட் சுரப்­பியில் அழற்சி (Thyroiditis) ஏற்­ப­டு­வது, தைரோய்ட் சுரப்­பியை அறுவை சிகிச்சை செய்து அகற்­று­வது, முன்­பிட்­யூட்­டரி சுரப்பி சிதை­வ­டை­வது போன்ற கார­ணங்­க­ளாலும் குறை தைரோய்ட் ஏற்­ப­டலாம்.

இளம் வயதில் புற்­றுநோய் தாக்கி, கதி­ரி­யக்கச் சிகிச்சை பெற்­றி­ருந்தால், தைரோய்ட் சுரப்பி சிதை­வ­டைந்து, குறை தைெராய்ட் ஏற்­ப­டலாம்.

இன்­றைய தலை­மு­றை­யி­ன­ருக்குக் குறை தைரோய்ட் ஏற்­ப­டு­வ­தற்கு மன அழுத்­தம்தான் முக்­கி­ய­மான காரணம். பெற்றோர் யாருக்­கா­வது குறை தைரோய்ட் இருந்தால், வாரி­சு­க­ளுக்கும் அது வர வாய்ப்புண்டு.

குழந்­தைக்கும் குறை தைரோய்ட்
பிறந்த குழந்­தைக்கும் குறை தைரோய்ட்   (Cretinism) ஏற்­ப­டு­வ­துதான் வேத­னைக்­கு­ரி­யது. கருவில் குழந்தை நன்கு வளர்­வ­தற்குத் தாயி­ட­மி­ருந்து தைெராக்சின் ஹோர்மோன், சரி­யான அளவில் சென்­றாக வேண்டும். அப்­படிக் கிடைக்­கா­த­போது, குழந்­தைக்குக் குறை தைரோய்ட்  ஏற்­ப­டு­கி­றது.

இதனால், குழந்­தையின் வளர்ச்சி பாதிப்­ப­டை­கி­றது. பிறந்­த­வுடன் குழந்தை வீறிட்டு அழ­வில்லை என்றால், மூன்று நாட்­களில் தாய்ப்பால் அருந்­த­வில்லை என்றால், மஞ்சள் காமாலை நீடித்தால், குட்­டை­யாக இருந்தால், மூக்கு சப்­பை­யாக இருந்து, நாக்கு வெளித் தள்ளி, வயிறு பெருத்து, தொப்­புளில் குட­லி­றக்கம் காணப்­பட்டால், அந்தக் குழந்­தைக்குக் குறை தைரோய்ட்  இருக்க அதிக வாய்ப்­புள்­ளது.

பொது­வாக, குழந்­தைக்கு வயது ஏற ஏற அதன் நட­வ­டிக்­கை­களில் முன்­னேற்றம் ஏற்­பட வேண்டும். ஆனால், குறை தைரோய்டுள்ள குழந்­தைக்கு 'வளர்ச்சி மைல்கல்' தாம­தப்­படும். உதா­ர­ண­மாக, தாயின் முகம் பார்த்துச் சிரிப்­பது, குரல் கேட்டுத் திரும்­பு­வது, நடக்கத் தொடங்­கு­வது, பல் முளைப்­பது, பேச்சு வரு­வது, ஓடி­யாடி விளை­யா­டு­வது போன்ற வளர்ச்சி நிலை­களில் பின்­ன­டைவும் பாதிப்பும் ஏற்­படும். வய­துக்கேற்ற அதன் செயல்­பா­டு­களில் மந்­த­மான நிலை உண்­டாகும். மாறுகண், காது கேளாமை போன்ற குறை­பா­டு­களும் தோன்­றலாம்.

பள்ளி வயதில் அறிவு வளர்ச்சி மற்றும் புத்­திக்­கூர்­மை­யிலும் (I.Q.) குழந்தை பின்­தங்கும். முக்­கி­ய­மாக, கற்­ற­லிலும் நினை­வாற்­ற­லிலும் குறை­பா­டுகள் தோன்றும். பெண் குழந்­தைகள் பரு­வ­ம­டை­வதில் தாமதம் ஏற்­படும். அல்­லது மாத­வி­லக்கு அதிக நாட்கள் நீடிக்கும். இவ்­வாறு ஏற்­படும் நிலையில் குழந்­தையை உட­ன­டி­யாக டாக்­ட­ரிடம் காண்­பித்துத் தகுந்த சிகிச்சை பெற்றால், பாதிப்­புகள் குறையும்.

பரி­சோ­த­னைகள் என்ன?
இரத்­தத்தில்  T3, T4  மற்றும் TSH அள­வு­களைப் பரி­சோ­திக்க வேண்டும். குறை தைரோய்ட் உள்­ள­வர்­க­ளுக்கு T3, T4 அள­வுகள் குறை­வா­கவும், TSH அளவு அதி­க­மா­கவும் இருக்கும்.

இது தவிர அல்ட்ரா சவுண்ட் ஸ்கேன், சிடி ஸ்கேன், எம்.ஆர்.ஐ. ஸ்கேன் பரி­சோ­த­னைகள் மூலம் தைரோய்ட்  சுரப்­பியின் வடிவம், எடை, அளவு ஆகி­ய­வற்றை அளந்து, தைேராய்ட் பாதிப்பைக் கணிக்க முடியும். இன்­றைய நவீன மருத்­து­வத்தில் 'ஐசோடோப் ஸ்கேன்' பரி­சோ­தனை தைரோய்ட் பாதிப்­பு­களை மிகவும் துல்­லி­ய­மாகத் தெரிந்­து­கொள்ள உத­வு­கி­றது.

சிகிச்சை என்ன?
குறை தைரோய்ட் பாதிப்­புக்குத் தைரோக்ஸின் மருந்தைத் தொடர்ந்து உட்­கொள்ள வேண்டும். இந்த மருந்தின் அளவு, அதற்­கான கால அளவு ஆகி­ய­வற்றை மருத்­து­வர்தான் தீர்­மா­னிக்க வேண்டும். மருத்­து­வரின் ஆலோ­சனை இல்­லாமல் இந்த மருந்தை நிறுத்­தக்­கூ­டாது.

அயடின் குறைவால் வரும் முன்­க­ழுத்துக் கழலை நோய்க்குப் போது­மான அளவு அயடின் கலந்த சமையல் உப்பைச் சேர்த்­துக்­கொள்­வதன் மூலம் பிரச்­சி­னையைக் கட்­டுப்­ப­டுத்த முடியும். இப்­படி முறை­யாகச் சிகிச்சை எடுத்­துக்­கொள்­ளும்­போது அறிவு மந்தம், மாத­வி­லக்குக் கோளா­றுகள், மலட்­டுத்­தன்மை, பிர­ச­வ­கால சிக்­கல்கள் போன்­ற­வற்றைத் தடுத்­துக்­கொள்ள முடியும்.

முறை­யான உணவு
நிறைய தண்ணீர் குடிக்­க­வேண்டும். நார்ச்­சத்து நிறைந்த காய்­க­றிகள், பழங்­களை அதி­க­மாக உட்­கொள்ள வேண்டும். கடல் சார்ந்த உணவு வகை­களில் அயடின் சத்து அதிகம் என்­பதால் மீன், நண்டு போன்ற உணவு வகைகள் நல்­லது. பால், முட்டை, இறைச்சி சாப்­பிட வேண்­டி­யது முக்­கியம். பச­லைக்­கீரை, முள்­ளங்கி, காலிஃ­பி­ளவர், முட்­டைக்கோஸ், டர்னிப் ஆகி­ய­வற்றைக் குறை­வாகச் சாப்­பிட வேண்டும். சமை­ய­லுக்குச் சாதா­ரண உப்பைப் பயன்­ப­டுத்­து­வ­தை­விட அயடின் கலந்த உப்பைப் பயன்­ப­டுத்த வேண்டும்.

மருத்­து­வரின் ஆலோ­ச­னை­யோடு, கழுத்­துக்கு உண்­டான உடற்­ப­யிற்சி, யோகா­சனப் பயிற்­சி­களை மேற்­கொண்டால், குறை தைரோய்ட்  பிரச்­சி­னை­களைத் தடுக்க முடியும். தள்­ளிப்­போ­டவும் முடியும்.

டாக்டர் கு.கணேசன்

(நன்றி: தி இந்து)

ரொஹிஞ்சா முஸ்லிம்களின் அவலம் - காணொளி

வங்கதேசம் மற்றும் பர்மாவில் இருந்து வரும் குடியேறிகளின் அளவு கடுமையாக
அதிகரித்துள்ளமை குறித்து ஒரு அவசர பிராந்திய சந்திப்புக்கு தாய்லாந்து
அழைப்பு விடுத்துள்ளது.
கடலில், தாய்லாந்தின் கரையோரமாக ஆயிரக்கணக்கானோர் நெரிசலான படகுகளில்
தத்தளிப்பதாக நம்பப்படுகின்றது.
பெரும்பாலும் ரொஹிஞ்சாக்கள் அடங்கலாக வங்கதேசம் மற்றும் பர்மாவில் இருந்து
ஒரு படகில் வந்த நூற்றுக்கணக்கான குடியேறிகளை இந்தோனேசியா
திருப்பிவிட்டுள்ளது.
குடியேறிகளின் படகுகள் நீரில் மூழ்கினால் மாத்திரமே அவர்களை தாம் ஏற்போம்
என்று மலேசியா இப்போது கூறுகிறது.
உலகில் மிகவும் மோசமாக அடக்கு முறைக்கு உள்ளாக்கப்பட்ட சமூகமாக இந்த
ரொஹிஞ்சா முஸ்லிம்களை ஐநா விபரித்துள்ளது.
ரொஹிஞ்சா முஸ்லிம்களின் அவலங்கள் குறித்து ஆராயும் காணொளி.

கொலஸ்ட்ராலை வேகமாக கரைக்கும் உணவுகள்!

உடல் எடை குறைய பல்வேறு விதமான பயிற்சிகளை மக்கள் செய்து வருகின்றனர்.
பயிற்சியுடன் கீழே குறிப்பிட்டுள்ள சரியான உணவுகளை அளவோடு உணவில் சேர்த்து வந்தால் விரைவாக எடை குறையலாம்.
மீன்

மீன்களில் நல்ல கொலஸ்ட்ரால் அதிகம் இருப்பதால், மீன்களை அதிகம் உட்கொண்டால், கெட்ட கொலஸ்ட்ரால் உடலில் சேர்வதை தவிர்க்கலாம். ஆகவே மீன்களில் சால்மன் மற்றும் டூனா போன்றவற்றை சாப்பிட்டு, கெட்ட கொலஸ்ட்ராலின் அளவை குறையுங்கள்.


கத்திரிக்காய்

கலோரிகள் மிகவும் குறைவு என்பதை விட, கலோரிகளே இல்லை என்று சொல்லலாம். ஆனால் இதில் நார்ச்சத்து அதிகம் உள்ளதால், இதனை உட்கொண்டால், உடலில் கொலஸ்ட்ரால் உறிஞ்சப்படுவது குறைக்கப்படும்.



ஆப்பிள்

வைட்டமின் சி மற்றும் பெக்டின் என்னும் கரையக்கூடிய நார்ச்சத்து அதிகம் நிறைந்துள்ளது. எனவே இதனை தினமும் ஆப்பிள் சாப்பிட்டு வந்தால், உடலில் தங்கியுள்ள கெட்ட கொலஸ்ட்ராலின் அளவை எளிதில் குறைக்கலாம்.



நட்ஸ்

நட்ஸில் ஒமேகா-3 ஃபேட்டி ஆசிட் அதிகமாக உள்ளாதால், இது கெட்ட கொலஸ்ட்ராலின் அளவைக் குறைக்கும். ஆகவே ஸ்நாக்ஸ் உண்ணும் நேரத்தில் பாதாம், வால்நட் போன்றவற்றை உட்கொண்டு, இதயத்தை ஆரோக்கியமாக வைத்துக் கொள்ளுங்கள்.



வெங்காயம்

வெங்காயத்தில் உள்ள க்யூயர்சிடின் என்னும் ஃப்ளேவோனாய்டு, இரத்த குழாய்களில் தங்கியுள்ள கொலஸ்ட்ராலைக் கரைக்கும் தன்மைக் கொண்டவை. ஆகவே வெங்காயத்தை அதிகம் உட்கொண்டால், கொலஸ்ட்ரால் குறைவதோடு, இதயமும் ஆரோக்கியமாக இருக்கும்.



பூண்டு

பூண்டில் அல்லிசின் என்னும் இதயத்தை பாதுகாக்கும் பொருள் அதிகம் உள்ளது. மேலும் இதில் நோயெதிர்ப்பு அழற்சி தன்மை அதிகம் இருப்பதால், இது கொலஸ்ட்ரால் அளவை வேகமாக குறைக்க உதவும். அதிலும் தினமும் ஒரு பல் பூண்டை பச்சையாக சாப்பிட்டால், இதன் பலன் நன்கு தெரியும்.



சொக்லெட்

சொக்லெட் அல்லது கொக்கோ கலந்து உணவுப் பொருட்களில் ஆன்டி-ஆக்ஸிடன்ட்டுகள் அதிகம் உள்ளதால், இது உடலில் நல்ல கொழுப்புக்களின் அளவை அதிகரித்து, கெட்ட கொழுப்புக்களை கரைத்து, தமனிகளில் ஏற்படும் அடைப்புக்களை தடுக்கிறது.



மிளகாய்

மிளகாய் வயிற்றிற்கு நல்லது இல்லாவிட்டாலும், இது உடலில் தங்கியுள்ள தேவையற்ற கெட்ட கொழுப்புகளை கரைக்கும் ஆற்றல் கொண்டவை. சொல்லப்போனால், மிளகாயும் பூண்டு குடும்பத்தைச் சேர்ந்தது. மேலும் மிளகாயிலும் அல்லியம் என்னும் பொருள் உள்ளது