'பூமிக்கு வெளியிலும் உயிர்கள்': இலங்கை விண்கற்களின் செய்தி

'அரலகங்விலவில் விழுந்த விண்கல்'


இலங்கையில் 2012-ம் ஆண்டின் இறுதியிலும் 2013-ம் ஆண்டின் முற்பகுதியிலும்
விண்கற்கள் விழுந்த இடத்தை வரலாற்றுச் சிறப்பு மிக்க இடமாக
பாதுகாக்குமாறு விஞ்ஞானிகள் கோரிக்கை விடுத்துள்ளனர்.
இலங்கையைப் பிறப்பிடமாகக் கொண்ட பிரிட்டிஷ் விஞ்ஞானியான சந்திரா
விக்ரமசிங்க, ஜனாதிபதி மகிந்த ராஜபக்ஷவை சந்தித்து இதற்கான கோரிக்கையை
முன்வைத்துள்ளார்.
அதன்படி, பொலநறுவையை அண்டிய அரலகங்வில பிரதேசம் வரலாற்று முக்கியத்துவம்
மிக்க இடமாக பாதுகாக்கப்பட உடனடி நடவடிக்கைகளை ஜனாதிபதி எடுத்துள்ளதாக
பிபிசி தமிழோசையிடம் பேசிய விஞ்ஞானி சந்திரா விக்ரமசிங்க தெரிவித்தார்.
'முன்னெப்போதும் இல்லாத வகையில் இலங்கையில் கிடைத்த விண்கற்கள், பூமியை
கடந்தும் உயிர்கள் வாழக்கூடும் என்பதற்கு நிரூபணம்' என்று சந்திரா
விக்ரமசிங்க கூறினார்.
அரலகங்வில என்ற கிராமத்தில் விவசாயிகள் கண்டெடுத்திருந்த கற்களை நாங்கள்
ஆய்வுக்குட்படுத்தி இருந்தோம். ஆனால் ஆரம்பத்தில் அவை வழமையான
விண்கற்களுக்குரிய அடிப்படை தகைமைகளைக் கொண்டிருக்கவில்லை என்று
கருதப்பட்டதால் பேராதனை பல்கலைக்கழக ஆய்வாளர்கள் மட்டுமன்றி எங்களாலும்
அவை விண்கற்கள் தான் என்பதை ஏற்றுக்கொள்வதில் பிரச்சனைகள் இருந்தன'
என்றார் விக்ரமசிங்க.
'அவை ஏற்கனவே கிடைத்திருக்கின்ற விண்கற்களைவிட முற்றிலும் வேறுபட்டு
இருந்தமையால் தான் இந்த சந்தேகம் வந்திருந்தது. ஆனால் அமெரிக்காவிலும்
ஜப்பானிலும் நடத்தப்பட்ட உயர் ரக இரசாயன ஆய்வுகளின் முடிவில் இவை
உண்மையில் விண்கற்கள் தான் என்பது உறுதியாகிவிட்டது' என்றும் அவர்
தமிழோசையிடம் கூறினார்.

அரலகங்வில- 'வரலாற்றுத் திருப்புமுனைக்குரிய இடம்

இலங்கையில் கிடைத்த இந்த விண்கற்கள் முன்னெப்போதும் வழங்காத, இன்னொரு
புதிய வரலாற்று திருப்புமுனையான தகவலையும் தந்திருப்பதாக பேராசிரியர்
சந்திரா விக்ரமசிங்க தெரிவித்தார்.
'இந்த விண்கற்களில் நுண்ணுயிர் படிமங்கள் இருப்பது வாதப்பிரதிவாதங்கள்
இன்றி உறுதியாகியிருந்தது. வானிலிருந்து விழுந்த இந்த விண்கற்களில்
இவ்வாறான உயிர்படிமங்கள் இருப்பது கண்டறியப்பட்டதன் மூலம் உயிர் என்பது
பூமியையும் தாண்டிய பேரண்ட பண்புகளைக் கொண்டது என்பது
நிரூபணமாகியிருக்கிறது' என்றார் அவர்.
உயிர் என்பது பூமிக்குள் மட்டும் அகப்பட்ட ஒரு விடயமல்ல என்பதுதான் இந்த
விண்கற்கள் மூலம் கிடைத்துள்ள முடிவு என்றும் அவர் சுட்டிக்காட்டினார்.
பேராசிரியர் அவர்களே, இந்தக் கற்கள் பூமியில் வந்து விழுந்தபின்னர் தான்
ஆய்வுக்குட்படுத்தப்பட்டன. பூமியில் வந்துசேர்ந்த பின்னர் கூட அவற்றில்
இந்த மாற்றங்கள் நடந்திருக்கலாம் அல்லவா? என்று தமிழோசை வினவியது.
பாதுகாக்கப்படும் பிரதேசத்தில் தொடர்ந்தும் ஆய்வுகள் நடத்தப்படவுள்ளன
'இந்தக் கற்கள் பூமியில் நீண்டகாலத்திற்கு இருந்திருந்தால் நீங்கள்
சொல்வது சரியாகப்படலாம். ஆனால் அதற்கு நீண்டகாலம் எடுக்கும். ஆனால்,
இங்கு நாங்கள் ஆராய்ச்சி நடத்திய கற்கள் விழுந்து சில மணிநேரங்களில்
கண்டெடுக்கப்பட்டவை. அவை வானிலிருந்து விழுந்தவை தான் என்பதிலும்
சந்தேகம் ஏதுமில்லை. அதில் நுண்ணுயிர் படிமங்கள் இருந்தன என்பதிலும்
சந்தேகமில்லை' என்றார் பிரிட்டனின் பாக்கிங்ஹாம் பல்கலைக்கழகத்தின் விண்
உயிரியல் ஆய்வு நிறுவனத்தின் இயக்குநரும் முன்னணி விஞ்ஞானியுமான
பேராசிரியர் சந்திரா விக்ரமசிங்க.
உயிர் என்பது பூமிக்குள் மட்டும் அகப்பட்டது என்கின்ற கோட்பாடுகளுக்கு
மாறான வாதத்துக்கு இலங்கையில் கிடைத்த விண்கற்கள் ஆதாரமாக அமைவதாகவும்
பேராசிரியர் விக்ரமசிங்க சுட்டிக்காட்டுகிறார்.
இதனாலேயே, குறித்த விண்கற்கள் கிடைத்த அரலகங்வில பிரதேசத்தை
பாதுகாக்கப்பட்ட பிரதேசமாக அறிக்கும்படி ஜனாதிபதியிடம் கோரியுள்ளதாக
அவர் தெரிவித்தார்.
மீட்ரோய்ட்எனப்படும் விண்கற்கள்,கொமெட்எனப்படும் வால் வெள்ளிகள் அல்லது
எரிநட்சத்திரங்களின் சிதைவுகள். அதாவது வால்வெள்ளிகள் சூரியனுக்கு
அருகில் வரும்போது அவை எரிந்து விழும் சிதைவுகளே விண்கற்கள் என்பது
குறிப்பிடத்தக்கது.

Source:bbctamil

பல்கலைக்கழக அறையில் தனது தந்தையை தங்கவைத்து பராமரித்து வரும் மாணவன்

பல்கலைக்கழக கற்கைநெறியை தொடரும் தனது கனவு நிறைவேறுவதற்­
காக பாரிசவாத பாதிப்புக்குள்ளாகி உடல் செயலி­
ழந்து தனது முழு நேர கவனிப்பில் இருக்க வேண்டிய நிலையிலி­
ருந்த தந்தையை அலட்சியம் செய்து பிரிந்து செல்ல விரும்பாத மக­
னொருவர், தனது தந்தையை பல்கலைக்கழகத்தில் தான் தங்கியிருந்த
அறைக்கு அழைத்து வந்து பராமரித்துவரும் நெஞ்சை நெகிழ­ வைக்கும் சம்பவம்
சீனாவில் இடம்பெற்றுள்ளது.
மத்திய சீனாவில் அன்குயி மாகாணத்திலுள்ள லியுவான் நகரைச்
சேர்ந்த குவோ ஷிஜுன் என்ற 20 வயது இளைஞரே இவ்வாறு தனது தந்­
தையை பராமரித்தவாறு பல்கலைக்கழக கல்வியை தொடர்ந்து வரு­
கிறார். குவோ ஷிஜுனின் தாயாரும் மனநலப் பாதிப்புக்குள்ளாகி பிறரின்
முழு நேர கவனிப்பில் இருக்க வேண்டிய நிலையிலுள்ளமை குறிப்­
பிடத்தக்கது.
அதன் காரணமாக சிறு வயதிலேயே தனது தாயாரை பராமரிக்க வேண்­
டிய நிலைக்கு குவோ ஷிஜுன் உள்ளானார்.
இந்நிலையில் நிர்மாண தொழிலாளியான அவரது தந்தை பாலமொன்றில் பணியாற்றிய
வேளை 30 அடி உயரத்திலிருந்து தவறி கீழே விழுந்­
ததால் படுகாயத்துக்குள்ளாகி பாரிச வாத பாதிப்புக்குள்­
ளானார்
இதனால் ஏற்கனவே தனது தாயாரைக் கவனிக்க வேண்டிய நிலையிலி­
ருந்த குவோ ஷிஜுனின் பொறுப்பு இரு மடங்காக அதிகரித்தது.
அளவுக்கதிகமான குடும்ப பாரத்தை சுமக்க நேரிட்ட போதும், தனது கல்வியை
கைவிடாத அவர் சீனாவிலுள்ள முன்னணி பல்கலைக்கழ­
கத்திற்கு தெரிவானார். இதனையடுத்து குடும்ப பொறுப்புக்காக பல்கலைக்கழக கல்­
வியை தியாகம் செய்வதா அல்லது பல்கலைக்கழக கல்விக்காக குடும்ப
பொறுப்பை அலட்சியம் செய்வதா என்ற பெரும் குழப்ப
நிலைக்கு குவோ ஷிஜுன் உள்ளானார்.
அவரது மனநலம் பாதிக்கப்பட்ட தாயாரை பராமரிக்கும்
பொறுப்பை அவரது பாட்டாவும் பாட்டியும் ஏற்றுக்கொண்ட போதும், பாரிசவாத
பாதிப்புக்குள்ளாகிய தந்தையை பராமரிக்க எவரும்
முன்வரவில்லை.
இந்நிலையில் தீவிரமாக சிந்தித்த குவோ ஷிஜுன், குறிப்பிட்ட பல்­
கலைக்கழக நிர்வாகத்தை அணுகி தனது நிலையை விபரித்துள்ளார்.
அவரது நிலைமையை அறிந்து அவர் மீது அனுதாபம் கொண்ட பல்கலைக்க­
ழக நிர்வாகம், பல்கலைக்கழக வளாகத்தில் குவோ ஷிஜுனுக்கு வழங்­
கப்பட்டிருந்த அறையில் அவரது தந்தையை வைத்து பராமரிப்ப­
தற்கு அவருக்கு அனுமதியளித்துள்ளது. தற்போது குவோ ஷிஜுன் பல்கலைக்கழக வளாகத்திலுள்ள
தனது அறையில் தனது தந்தையை தங்க
வைத்து பாடசாலை பாடங்களிடையே அவரை கவனித்து வருகிறார்.
அவர் தனது நண்பர்களிடமும் உறவினர் களிடமும் பணத்தைக் கடனாகப்
பெற்றே தனது கல்வியைத்
தொடர்ந்து வருகின்றமை குறிப்பிடத்தக்கது.

Source: http://adf.ly/cV9rj

ஐ.சி.சி. இருபது–20 உலகக்கிண்ண இலங்கையின் உத்தேச குழாம் அறிவிப்பு

இருபது-–20 உலகக்கிண்ண தொடருக்கான இலங்கையின் உத்தேச
குழாமில் சிறிய இடைவெளிக்குப்பின்னர் தொடக்க வீரர் உபுல் தரங்க
இணைக்கப்பட்டுள்ளார். பங்களாதேஷில் நடைபெறவுள்ள ஐ.சி.சி.யின் இருபது–20 உலகக்­
கிண்ண தொடருக்கான இலங்கையின் 30 பேர் கொண்ட உத்தேச குழாம்
அறிவிக்கப்பட்டுள்ளது. எதிர்வரும் மார்ச் மாதம் 16 ஆம்
திகதி தொடர் ஆரம்பமாகவுள்ள நிலையில் 15 பேர் கொண்ட
இறுதி அணி இக்குழாமிலிருந்தே தெரிவு செய்யப்படவுள்ளது. இந்நிலையில்
டினேஷ் சந்திமால் தலைமையில் அறிவிக்கப்பட்டுள்ள
இக்குஇழாமில் தொடக்க வீரர் உபுல் தரங்க, தம்மிக்க பிரசாத், ஜீவன்
மென்டிஸ் மற்றும் இசுரு உதான போன்ற வீரர்கள் சிறிய இடை
வெளிக்குப் பின்னர் தேசிய இருபது-20 அணிக்கான பரிசீல­
னைக்குச் சேர்த்துக்கொள்ளப்பட்டுள்ளனர். அறிவிக்கப்பட்டுள்ள குழாம்:
டினேஷ் சந்திமால், திலகரட்ண டில்ஷான், குசால் ஜனித் பெரேரா,
மஹேல ஜெயவர்தன, குமார் சங்கக்கார, அஞ்சலோ மத்தியூஸ்,
லஹிரு திரிமன்ன, உபுல் தரங்க, அஷன் பிரியஞ்சன், கித்துருவன்
விதானகே, அஞ்சலோ பெரேரா, லசித் மலிங்க, நுவான் குலசேகர,
திஸர பெரேரா, சுரங்க லக்மால், ஷமின்ட எரங்க, தம்மிக்க பிரசாத்,
நுவான் பிரதீப், டில்ஹார லொக்குஹெட்டிகே, சச்சித்திர சேனநா­ யக்க, ரங்கன
ஹேரத், அஜந்த மென்டிஸ், டில்ருவான் பெரேரா, சீக்­
குகே பிரசன்ன, ஜீவன் மென்டிஸ், றமித் றம்புக்வெல்ல, சத்துரங்க டீ
சில்வா, மிலிந்த சிரிவர்தன, கோசல குலசேகர, இசுரு உதான.
Source: http://adf.ly/cTApD

மூன்று மாடிக்கட்டிட திறப்புவிழா

அல் -ஹஸனியா  ம.வி . மூன்று மாடிக்கட்டிட  (ZAM BUILDING 1)
திறப்புவிழா இன்று இனிதே நடைபெற்றது .இக் கட்டிடத்தை
அமைத்துத்தந்த பிரபல கொடைவள்ளலும்  ZAM GEM
உரிமையாளருமான ரிபாய் ஹாஜியார் அவர்களால் திறந்து வைக்கப்பட்டது.

மேற்குக்கரை பள்ளிவாசல் மீது யூத குடியேற்றவாசிகள் தீவைப்பு

பலஸ்தீனின் மேற்குக் கரை, சல்பித் கிராமத்தில் இருக்கும் பள்ளிவாசல்
ஒன்று கடும்போக்கு யூதக் குடியேற்ற வாசிகளால் தீமூட்டப்பட்டுள்ளது.
நேற்று அதிகாலை தீ வைக்கப்பட்ட இந்த பள்ளிவாசலின் ஒரு பகுதி
சேதமாகியுள்ளதோடு, பள்ளிவாசல் சுவர்களில் இனவாத வாசகங்களும்
எழுதப்பட்டுள்ளன. அலி இபின் அபூ தாலிப் பள்ளிவாசல் நேற்று அதிகாலை 3.30
மணியளவில் தீமூட்டப்பட்டிருப்பதாக நகர மேயர் அயூப் அபூ ஹலாஹ், அனடொலு
செய்திச் சேவைக்கு கூறினார். 'தீ பரவும் முன்னர் ஊர் மக்கள் ஒன்றிணைந்து
அணைத்து விட்டனர்' என்று அவர் கூறினார். யூத குடியேற்றவாசிகளால்
பள்ளிவாசல் சுவரில் 'அறபுகள் ஒழிக', 'முஸ்லிம்களுக்கு எதிராக
பழிதீர்க்கப்படும்' என்று ஹிப்ரு மொழியில் இனவாத வாசகங்கள்
எழுதப்பட்டிருந்ததாகவும் நகர மேயர் குறிப்பிட்டார். எனினும் இது குறித்து
இஸ்ரேல் தரப்பில் உடன் எந்த பதிலும் வெளியாகவில்லை. மேற்குக் கரையில்
இருக்கும் பலஸ்தீன பள்ளிவாசல்கள் மற்றும் சொத்துக்களை இலக்கு வைத்து யூத
குடியேற்றவாசிகளின் தாக்குதல்கள் அண்மைய மாதங்களில் அதிகரித்துள்ளன.
ஐ.நா. மனித உரிமை அமைப்பு அலுவலகம் வெளியிட்டிருக்கும் அறிக்கையில் கடந்த
2013 இன் ஜனவரி தொடக்கம் நவம்பர் வரையான காலப் பகுதியில் யூத
குடியேற்றவாசிகளின் தாக்குதல்களால் குறைந்தது 145 பலஸ்தீனர்கள்
காயமடைந்திருப்பதாக குறிப்பிடப்பட்டுள்ளது. இந்த பகுதியில் மொத்தம் 91
தாக்குதல் சம்பவங்கள் பதிவாகியுள்ளன.
Source: http://adf.ly/cAkbF

உலகப்போர் வீரர்களின் டயரிகள் இணையத்தில் பிரசுரம்

முதலாம் உலகப் போரில் பங்கேற்ற பிரிட்டிஷ் ராணுவ வீரர்கள், போரின்போது எழுதிய டயரிக்குறிப்புகள் பிரிட்டனின் தேசிய ஆவணக் காப்பகத்தால் இணையத்தில் பிரசுரிக்கப்படுகின்றன. 1914ம் ஆண்டில் முதலாம் உலகப் போர் தொடங்கியதிலிருந்து பிரான்சில் ப்ளாண்டர்ஸிலிருந்து வெளிநாட்டுப் படைகள் வெளியேறியது வரையிலான காலகட்டத்தில் நடந்த சம்பவங்கள் பற்றி பிரிட்டிஷ் ராணுவப் பிரிவுகள் அதிகார பூர்வமான டயரிகளில் எழுதி வைத்திருந்தன. மொத்தம் சுமார் 1.5 மிலியன் டயரிப் பக்கங்கள் தேசிய ஆவணக்காப்பகத்தால் பாதுகாத்து வைக்கப்பட்டுள்ளன. இவற்றில், ஐந்தில் ஒரு பங்கு பக்கங்கள் இது வரை டிஜிட்டல் முறையில் பாதுகாக்கப்பட்டுள்ளன. இந்த டிஜிட்டல் முறையில் பாதுகாக்கப்பட்ட 1944 டயரிகளில் எழுதப்பட்டிருக்கும் குறிப்புகள், பிரிட்டன் போரில் முதலில் பயன்படுத்திய முன்று குதிரைப்படை மற்றும் ஏழு காலாட்படைப் பிரிவுகளின் அனுபவங்களை விளக்குகின்றன. தனிப்பட்ட டயரிக் குறிப்புகளும் இணையத்தில் அதிகாரபூர்வ டயரிக்குறிப்புகள் தவிர, போரில் பங்கேற்ற பிரிட்டிஷ் ராணுவத்தினர் எழுதிய தனிப்பட்ட டயரிக்குறிப்புகள் சிலவும் டிஜிட்டல் முறையில் பாதுகாக்கப்பட்டு இணையத்தில் வெளியிடப்படுகின்றன. முதல் பட்டாலியனின் கேப்டன் ஜேம்ஸ் பேட்டர்ஸன் எழுதி வைத்திருந்த சொந்த டயரியும் இது போல டிஜிட்டல் வடிவில் பாதுகாக்கப்படுகிறது. கேப்டன் பேட்டர்ஸன், தனது குறிப்பு ஒன்றில், போரின் போது தான் கண்ட காட்சிகள் "விவரிக்க முடியாதவை" என்று கூறியிருந்தார். "பதுங்கு குழிகள் ,பொருட்கள், ரத்தக்கறை தோய்ந்த ஆடைகளின் பகுதிகள் , வெடி மருந்துகள், கருவிகள், தொப்பிகள் மேலும் இன்ன பிற பொருட்கள் தாறுமாறாக சிதறிக்கிடக்கின்றன. எல்லாத் திசைகளிலும் மனித உடல்கள், அவைகளில் சில நமது ஆட்களின் உடல்கள்", என்று அவர் ஒரு குறிப்பில் விவரித்திருந்தார். இந்தக் குறிப்பை எழுதிய ஆறு வாரங்களில் அவரும் கொல்லப்பட்டார். இந்த டயரிகளை இணையத்தில் பிரசுரிக்கும் திட்டம், முதலாம் உலகப்போரின் நூற்றாண்டைக் குறிக்கும் நிகழ்வுகளில் ஒரு பகுதியாகும். நூற்றுக்கணக்கான பெட்டிகளில் பாதுகாத்து வைக்கப்பட்டிருந்த டயரிகளை 25 தன்னார்வலர்கள் ஸ்கேன் செய்து இந்த வேலையை செய்து வருகின்றார். வரலாற்று ஆர்வலர்களுக்கு புதிய வாய்ப்பு இந்த டயரிகள் பிரசுரிக்கப்படுவதன் மூலம், பொதுமக்கள், வரலாற்றில் ஆர்வமுள்ளவர்கள் மற்றும் குடும்ப வரலாற்றை எழுதுபவர்கள், உலகெங்கிலும் உள்ள ஆராய்ச்சியாளர்கள் போன்றோருக்கு, அதிகாரபூர்வ ஆவணங்களைப் பார்வையிடும் வாய்ப்புக் கிடைக்கிறது என்று கூறினார், தேசிய ஆவணக் காப்பகத்தில் ராணுவ ஆவணங்கள் பிரிவில் வல்லுநராகப் பணிபுரியும் வில்லியம் ஸ்பென்சர். இதன் மூலம் இந்த முக்கியமான காலகட்டத்தினைப் பற்றி, புதிய கண்டுபிடிப்புகளும் புதிய பார்வைகளும் கிடைக்கக்கூடிய வாய்ப்பு இருப்பதாகவும் அவர் தெரிவித்தார். தற்காலத்தில், முதலாம் உலகப்போரின் போது பங்கேற்ற வீரர்கள் யாரும் உயிருடன் இல்லாத நிலையில், இந்த டயரித் திட்டம் அவர்களது குரல்களை நாம் கேட்க வகை செய்வதாகக் கூறினார் பிரிட்டிஷ் கலாசார அமைச்சர் மரியா மில்லர். முதலாம் உலகப் போரில் பங்கேற்ற கடைசி பிரிட்டிஷ் வீரர், ஹாரி பேட்ச், 2009ல் தனது 111வது வயதில் காலமானார். உலகின் கடைசி முதல் உலகப்போர் வீரர், க்லாட் ஷூல்ஸ் , ஆஸ்திரேலியாவில், தனது 110வது வயதில், 2011ல் காலமானார். Source: http://adf.ly/c5ecb

'லயன் எயார் பொருட்கள் அடையாளம் காணப்பட்டன'

உறவினர் பார்வைக்கு வைக்கப்பட்ட பொருட்கள்





இலங்கையின் வடமேற்கே இரணைதீவு கடற்பரப்பில் கடந்த 1998 ஆம்
ஆண்டு விடுதலைப்புலிகளினால் சுட்டு வீழ்த்தப்பட்டதாகக்
கூறப்படுகின்ற லயன் எயார் விமானத்தின் சிதைவுகளில்
இருந்து மீட்கப்பட்டுள்ள தடயப் பொருட்களில் 12 வரையிலான
பொருட்கள் பொதுமக்களினால் அடையாளம் காணப்பட்டிருப்பதாக சட்ட
வைத்திய அதிகாரி டாக்டர் பிரசன்ன தசநாயக்க தெரிவித்திருக்கின்றார்.
இரணைதீவு கடற்பரப்பில் வீழ்ந்திருந்த இந்த விமானத்தின்
சிதைவுகள் கடந்த வருடம் மே மாதம் பயங்கரவாதப்
புலனாய்வு பிரிவினரால், கடற்படை சுழியோடிகளின் உதவியுடன்
கண்டுபிடிக்கப்பட்டிருந்தன. இவ்வாறு கண்டுபிடிக்கப்பட்ட விமான பாகங்களில்
விமானத்தில்
பயணஞ்செய்தவர்களின் உடைமைகள், பெண் ஒருவரின் தேசிய அடையாள
அட்டை, செயற்கைப் பல் ஒன்று உட்பட பல பொருட்கள்
மீட்கப்பட்டிருந்தன. பொதுமக்களினால் அடையாளம் காணப்படுவதற்காக இந்தத் தடயப்
பொருட்கள் யாழ்ப்பாணம் சுப்பிரமணியம் பூங்காவுக்கருகில்
இரண்டு தினங்களாக காட்சிக்கு வைக்கப்பட்டிருந்தன. இவற்றைப்
பார்வையிட்டவர்களில் சிலர் தமது உறவினர்கள் இந்த
விமானத்தில் பயணம் செய்ததாகக் கூறி, அவர்களுடைய உடைமைகள் என
தெரிவித்து சில பொருட்களை அடையாளம் காட்டியுள்ளதாக சட்ட
வைத்திய அதிகாரி பிரசன்ன தசாநாயக்க தெரிவித்தார். 'உறவினர்களின் உடைகள்
எனக் கூறி, சேலைகள் காற்சட்டைகள் போன்ற
உடைகளையும் பிரயாணப் பைகள் மற்றும் பொருட்களையும் சுமார்
பத்து பன்னிரண்டு பொதுமக்கள் அடையாளம்
காட்டியிருக்கின்றார்கள். இந்தப் பொருட்களின் சரியான அடையாளம்
குறித்து விசாரணைகள் நடத்தப்படவேண்டியிருக்கின்றது.
நீதிமன்றத்தின் பொறுப்பில் சட்டமா அதிபர் மற்றும் இந்த விமானம் தொடர்பாக
விசாரணைகள நடத்தி வருகின்ற பயங்கரவாதப்
புலனாய்வு பிரிவினரே இதுபற்றிய முடிவெடுக்க வேண்டும்.
அடையாளம் காணப்பட்ட பொருட்கள், அடையாளம் காட்டியவர்களின்
சாட்சியங்களுடன் நீதிமன்றத்திற்கு சமர்ப்பிக்கப்படும்' என்றார்
இந்த லயன் எயார் விமானம் தொடர்பாக
பகுப்பாய்வு விசாரணைகளுக்குப் பொறுப்பான சட்ட வைத்திய அதிகாரி டாக்டர்
பிரசன்ன தசாநாயக்க. பலாலி விமானத்தளத்தில் இருந்து கொழும்பு இரத்மலானை
விமான
நிலையத்தை நோக்கி கடந்த 1998 ஆம் ஆண்டு செப்டம்பர் மாதம் 29 ஆம்
திகதி 48 பயணிகளுடன் புறப்பட்ட இந்த அன்ரனோவ் ரக லயன்ஸ் எயார்
விமானம் பத்து நிமிட நேரத்தில் விமானத் தளத்தின்
கண்காணிப்பு திரையில் இருந்து மறைந்துபோனது. இந்த விமானத்தில் உக்ரேன்
நாட்டவர்கள் உள்ளிட்ட 7 விமானப்
பணியாளர்களும் இருந்தனர். இந்த
விமானத்தை விடுதலைப்புலிகளே வன்னிப்பிரதேச வான்பரப்பில்
வைத்து சுட்டு வீழ்த்தியதாகத் தெரிவிக்கப்பட்டிருந்தது. பதினைந்து
வருடங்களின் பின்னர், பயங்கரவாதப்
புலனாய்வு பிரிவினரின் விசாரணைகளின் மூலம், இந்த விமானம்
இரணைதீவு கடற்பரப்பில் வீழ்ந்திருந்ததாகக் கண்டறியப்பட்டு,
இரண்டு தினங்கள் விமானத்தின் பாகங்கள் மற்றும் தடயங்களை மீட்கும்
பணிகள் மேற்கொள்ளப்பட்டிருந்தன. அவ்வாறு மீட்கப்பட்ட தடயப்
பொருட்களே சனி, ஞாயிறு தினங்களில் யாழ்ப்பாணத்தில் பொதுமக்களின்
பார்வைக்காக வைக்கப்பட்டிருந்தன.

Thanks:BBC

ஹலால் சான்றிதழ்படுத்தற் சேவையை வழங்க ஹலால் சான்றுறுதி பேரவை - Halal Accreditation Council

ஜனவரி மாதம் முதலாம் திகதி முதல் அமுலுக்கு வரும் வகையில்
இலங்கையின் நிறுவனங்களுக்கான ஹலால்
சான்றிதழ்களை விநியோகிக்கும் பொறுப்பு ஹலால்
சான்றுறுதி பேரவையிடம் (உத்தரவாதமளிக்கப்பட்ட)
நிறுவனத்திடம் இலங்கை நிறுவனங்களின் 2007-7ஆம் பிரிவின்
சட்டத்தின் கீழ் இப்பேரவை பதிவு செய்யப்பட்டுள்ளதுடன் 27 நாடுகளில்
அங்கீகாரமும் பெற்றுள்ளது. இது தொடர்பில் ஹலால் சான்றுறுதி பேரவையின்
பிரதம
நிறைவேற்று அதிகாரி அலி பதார் அலி தெரிவிக்கையில்,
இன்றைய உலகில் வர்த்தக நடவடிக்கைகளை மேற்கொள்ள ஹலால் சான்றிதழ்
முக்கியமானதாகும். இலங்கை நிறுவனங்கள்
தமது உற்பத்திகளை சர்வதேசத்துக்கு கொண்டு செல்வதற்கு இது ஒரு
முக்கிய சர்வதேச சான்றாக பின்பற்றப்படுகிறது. SLS மற்றும் ISO போன்ற
சான்றுகளை போன்றே ஹலால்
சான்றுறுதி பேரவையின் சான்றும் ஒரு சர்வதேச தரச் சான்றாகும்.
அத்துடன் எமது உள்விவகார நடவடிக்கைகள் மற்றும் ஆய்வுகள்
சர்வதேச நிறுவனத்தால் மதிப்பிடப்படுகின்றது.
இத்தரச் சான்று உணவு, குடிபானம் மற்றும் பாவனைப் பொருட்கள்
போன்றவற்றின் ஹலால் தரத்தை உறுதிப்படுத்தும் ஒரு விடயாகும். அத்துடன்
இத்தரச் சான்றுடன் சம்பந்தப்பட்ட விஞ்ஞான ரீதியான
செயற்பாடுகளில் அனுபவம் வாய்ந்த தேர்ச்சிபெற்ற தொழில்நுட்ப
குழு ஹலால் சான்றுறுதி பேரவையில்
இருப்பது குறிப்பிடத்தக்கது.
எமது அனைத்து உள்விவகார செயற்பாடுகள் வெளிப்படையானதும்
சர்வதேச அங்கீகாரம் பெற்ற நிறுவனங்கள் மூலம் ஹலால் சான்றுறுதி பேரவையானது
இலாபமற்ற இலங்கையின் முக்கிய
துறைசார்ந்தவர்களின் மூலம் ஆரம்பிக்கப்பட்டு சர்வதேச தரங்களின்
அடிப்படையில் மார்க்க வழிகாட்டலின் கீழ் இயங்கும்
ஒரு அமைப்பாகும் இத்தரச்சான்றிதழ் விஞ்ஞான மற்றும் வர்த்தக
ரீதியான தொடர்புகள் இருந்த போதிலும் இவை சமயம் மற்றும்
கலாசாரத்தை அடிப்படையாகக் கொண்டுள்ளன. இது பாவனையாளர்களின்
விருப்பத்திற்கு தேவையான ஹலால்
உற்பத்திகளையும் சேவைகளையும் பெற்றுக்கொடுக்க வழி வகுக்கும்.
மேலும் இவை மூலம் இலங்கையர்கள் தமது உற்பத்திகளை அதிக
பாவனையாளர்கள் கொண்ட சர்வதேச ஹலால் சந்தைக்கு அனுப்ப
வழிகிடைக்கின்றது. இதன்மூலம் உலகில் வாழும் 2
பில்லியனுக்கு அதிகமான முஸ்லிம்கள் ஹலால் உற்பத்திகளை கொள்வனவு செய்ய முடியும்.
உலக சந்தையில் ஹலால் ஏற்றுமதி சுமார் US $ 2 trillion
மதிப்பிடப்பட்டுள்ளதாக இது தொடர்பாக ஆய்வுகளை நடத்தும் VB
கேர்ணி நிறுவனம் சுட்டிக்காட்டியுள்ளது. உலகின் மிக வேகமாக
வளர்ந்து வரும் பாவனையாளர்களின் தேவையாக இது அமைந்துள்ளது.
67 வீதம் உணவு, 22 வீதம் மருந்துப்பொருட்கள் மற்றும் 10 வீத அழகு சாதனப்
பொருட்கள் இதில் நாட்டில் இந்த
சான்றிதழுக்கு அதிக தேவை நிலவுகின்றது.
உள்ளூர் ரீதியாகவும் சர்வதேச ரீதியாகவும்
பொருட்களை சந்தை படுத்தும் சுமார் 195 இலங்கை நிறுவனங்கள்
இந்த சான்றிதழை கோரியுள்ளன. நாங்கள் அதற்கான
ஏற்பாடுகளை தற்போது துரித கதியில் மேற்கொண்டு வருகின்றோம். ஹலால்
சான்றிதழ் ஆழமான முறையில் ஆய்வுக்குட்படுத்தியும்
கண்காணிப்பட்டுமே வழங்கப்படுகின்றன. தேர்ச்சிபெற்ற உலமாக்கள்
தொழில்நுட்பவியலாளர்கள், உணவு பரிசோதகர்கள்,
மேற்பார்வையாளர்கள் ஆகியோர் இவற்றை கண்காணிக்கின்றனர்.
இந்த சான்றிதழை பெற வேண்டும் என எவர்மீதும் அழுத்தம்
கொடுக்கப்படுவதில்லை. ஹலால் சான்றுறுதி பேரவை நாட்டின் தேவையை கருதியே
ஸ்தாபிக்கப்பட்டுள்ளதுடன்
எல்லா நிறுவனங்களும் அவசியம் ஹலால் சான்றிதழ் பெறவேண்டும் என்ற
எந்த நிபந்தனையும் கிடையாது. நாங்கள்
இலாபத்தை அடிப்படையாகக் கொண்டு செயற்படும் நிறுவனம் அல்ல
என்பதனால் எமது சேவைகள் இலவசமானது என்றும் கூறமுடியாது.
ஹலால் சான்றிதழ் படுத்தலினூடாக சிறந்த சேவைகளை வழங்க பல
துறைசார்ந்தவர்கள் உட்பட பெரும் எண்ணிகையில்
பணியாளர்களை ஈடுபடுத்தியுள்ளோம்.
எனவே அதற்கான செலவீனங்களை ஈடுசெய்ய நடவடிக்கை எடுக்கப்படும்
என ஹலால் சான்றுறுதி பேரவையின் பிரதம
நிறைவேற்று அதிகாரி மேலும் தெரிவித்தார்.

Source:http://adf.ly/btP66