பாலஸ்தீனப் போராட்டம் - ஒரு ஈமானியப்பார்வை

பாலஸ்தீனப் போராட்டம் - ஒரு ஈமானியப்பார்வை

By AC Agar Mohamed

பகுதி-1



பகுதி-2

இருண்டிருந்த‌ ஐரோப்பா இஸ்லாமிய ஆட்சியில் வளர்ச்சி வெற்றி அடைந்தது.

மறைக்கப்பட்ட இஸ்லாமிய-ஐரோப்பாவின் வரலாறு. போர்த்துக்கல், ஸ்பெயின் ஆகிய "கிறிஸ்தவ நாடுகள்" ஒருகாலத்தில் இஸ்லாமிய நாடுகளாக இருந்தன(கி.பி. 711 - 1492) என்ற உண்மை இன்று பலருக்கு தெரியாது. பல நூற்றாண்டுகளாக மூர் (மொரோக்கோ நாட்டை சேர்ந்தவர்கள்) முஸ்லிம்களால் ஆளப்பட்ட "அல் அன்டலுஸ்" என்ற நிலப்பரப்பு, எஞ்சிய ஐரோப்பாவை விட நாகரீகத்தில் முன்னேறியிருந்தது. பின்னர் அந்தப் பிரதேசங்களை போரில் வென்ற ஸ்பானிய கிறிஸ்தவ மன்னர்கள், அழகிய கட்டடக்கலை கண்டு பிரமித்தனர். நூலகங்களில் இருந்த விஞ்ஞான-தொழில்நுட்ப நூல்களை மொழிபெயர்த்து தமது பல்கலைக்கழக‌ங்களில் போதித்தனர். (மேலதிக தகவல்களுக்கு இத்துடன் இணைக்கப்பட்டுள்ள ஆவணப்படத்தை பார்க்கவும்.) மூர் இஸ்லாமியர்கள் ஐரோப்பாவை ஆட்சி செய்த காலங்களில் THANKS www.vanjoor-vanjoor.blogspot.com/

நபிமார்கள் வாழ்ந்த வரலாற்று காலச்சுவடுகள்

பகுதி-1 பகுதி-2

குருவிகள்

உணவு வகைகள் மற்றும் அவற்றின் சத்துக்கள்

வாழைப்பழம் - எல்லா நேரத்திலும் விரும்பபக்கூடிய மற்றும் அனைவராலும் வாங்கக்கூடிய பழம்.

வாழைப்பழம் எல்லா நேரத்திலும் (வருடம் முழுவதும்) கிடைக்கக்கூடிய பழமாகும். இது பல நோய்களைக் குணமாக்கக்கூடிய தன்மையுடையது. இப்பழம் எல்லா மனிதர்களாலும் சுலபமாக வாங்கக்கூடியது மற்றும் அதிகளவில் கிடைக்கக்கூடியது. அனைத்துவகை வாழைப்பழங்களும் ஏதோ ஒரு வகையில் பலனளிக்கக்கூடியவைகளாகும்.

வாழைப்பழம் போதுமான சக்தியினை அளிக்கின்றது. இதில் அதிக நார்ச்த்து மற்றும் சுக்ரோஸ், ப்ரக்டோஸ், குளுக்கோஸ் போன்று இயற்கை சர்க்கரைப்பொருட்கள் உள்ளது.

வாழைப்பழம் சில உடல்நலக்கோடுகள் ஏற்படுவதை தடுக்கிறது அல்லது அவற்றை மேற்கொள்ள உதவுகிறது.

• மனஅழுத்தம் - வாழைப்பழத்தில் ஒருவகை புரதம் உள்ளது. நம் உடல் இப்புரதத்தினை செரடோனன் எனும் வேதிப்பொருளாக மாற்றுகிறது. இப்பொருள் மனதை தளர்வாகவும் சந்தோஷமாகவும் வைத்துக் கொள்ள உதவுகிறது.
• ப்ரிமென்ஸ்ட்ரூவல் சின்ட்ரோம் - (மாதவிடாய் முன் அளிகுறிகள்)வாழைப்பழத்தில் உள்ள வைட்டமின் பி6 இரத்தத்தில் உள்ள சர்க்கரையின் அளவை சரிப்படுத்துகிறது. இது ஒருவரின் மனநிலையினை மாற்றச் செயல்படுகிறது.
• இரத்த சோகை - வாழைப்பழத்தில் அதிகளவு இரும்புச்சத்து உள்ளது. இது, இரத்தத்தில் உள்ள ஹீமோகுளோபின் உற்பத்தியை அதிகரிக்கிறது. இது இரத்தசோகை நோயை மேற்கொள்ள உதவியாக இருக்கிறது
• இரத்த அழுத்தம் - வாழைப்பழத்தில் அதிகளவு பொட்டாசியம் தாதுப் பொருளும் அதே வேளையில் குறைந்த உப்பும் உள்ளது. எனவே இரத்த அழுத்தத்தை குறைக்க இது தகுந்த உணவாகும்.
• மூளைத்திறன் - பொட்டாசியம் அதிகமுள்ள பழங்கள் மக்கள் சுதாரிப்பாக இருக்கச் செய்து, அதிகளவில் கற்றுக்கொள்ள உதவுகிறது என ஆய்வுகள் தெரிவிக்கின்றன
• மலச்சிக்கல் - வாழைப்பழத்தில் உள்ள அதிக நார் சத்தானது மலச்சிக்கல் பிரச்சினையை மேற்கொள்ள உதவுகிறது மற்றும் சாதாரணமாக எவ்வித கஷ்டமுமின்றி மலம் கழிக்க உதவுகிறது.
• நெஞ்செரிச்சல் - வாழைப்பழத்தில் இயற்கையாகவே நம் உடலில் உள்ள அமிலத்தை சமமாக்கும் தன்மை உள்ளது. இது நெஞ்செரிச்சலிலிருந்து நல்ல நிவாரணம் தர உதவுகிறது.
• அல்சர் எனப்படும் வயிற்று மற்றும் குடல்புண் - வாழைப்பழம் மென்மையாகவும் வழுவழுப்பாகவும் இருப்பதால், இது குடலில் ஏற்படும் கோளாறு உள்ளவர்களுக்கும், நல்ல உணவாக பயன்படுகிறது. வாழைப்பழம் அதிக அமிலத்தன்மையைச் சரிசெய்வதோடு, புண் ஏற்பட்ட இடத்தில் ஒரு பாதுகாப்பு சுவரை ஏற்படுத்துகிறது.
• ஸ்ட்ரோக் - வாழைப்பழத்தினை உணவில் ஒருபகுதியாக தவறாமல் எடுத்துக்கொள்வதினால் அதிகளவு (40 சதம்) ஸ்ட்ரோக் ஏற்படும் ஆபத்தினை தவிர்க்கிறது.

ஓட்ஸ் (புல்லரிசி உணவு)

• ஓட்ஸ்-ல் குறைந்த அளவு கொழுப்பு மற்றும் உப்பு உள்ளது. ஓட்ஸ்-ல் இயற்கை இரும்புசத்து அதிகம் உள்ளது. சுண்ணாம்புச் சத்தும் அதிகம் உள்ளதால், இதயம், எலும்பு மற்றும் நகங்களுக்கு நல்லது.
• இதில் கரையக்கூடிய நார்பொருள் உள்ளது. அரை கப் சமைத்த ஓட்ஸ்-ல் கிட்டத்தட்ட 4 கிராம் கூழ்மநிலை கரையக்கூடிய நார்பொருள் உள்ளது (பீடா குளுகான்) உள்ளது. இந்த நார்பொருள் இரத்தத்தில் உள்ள எல்.டி.எல் கொலஸ்டிரால் எனப்படும் உடலுக்கு கேடு விளைவிக்கும் கொழுப்புப் பொருளை குறைக்க உதவுகிறது.
• ஓட்ஸ் உடலில் உள்ள உபரி கொழுப்புப்பொருளை உறிஞ்சி வெளியேற்றுகிறது. இதினால்தான இது மலச்சிக்கலை குணப்படுத்துகிறது. ஏனெனில் அதிக கரையக்கூடிய நார்பொருள், வயிறு/குடல் செயல்களை ஒழுங்கு செய்ய உதவுகிறது
• அதிக ஓட்ஸ் கொண்ட உணவு இரத்தத்தில் உள்ள சர்க்கரையின் அளவினை நிலைப்படுத்துகிறது.
• நரம்பு சம்மந்தமான கோளாறுகளிலும் ஓட்ஸ் உதவுகிறது
• ஓட்ஸ் பெண்களில் மாதவிடாய் நிற்கும் காலங்களில் ஏற்படும் கருப்பை மற்றும் கருவகத்தில் ஏற்படும் பிரச்சினைகளை சமாளிக்க உதவுகிறது
• ஓட்ஸ்-ல் சில தனிப்பட்ட கொழுப்பு அமிலம் மற்றும் ஆட்டிஆக்ஸிடாண்ட்ஸ்கள் உள்ளன. இவை இரண்டும் வைட்டமின் ஈ-உடன் இணைந்து, உடல் திசுக்களில் ஏற்படும் சிதைவினை தாமதிக்கிறது மற்றும் புற்றுநோய் ஏற்படும் அபாயத்தினை குறைக்கிறது.

நன்றிwww.indg.in

தலைவலி

தலைவலிகள்

நாம் ஒவ்வொருவரும் எப்போதாவது தலைவலியினால் அவதிப்பட்டவர்களே. சில தலைவலிகள் மிகுந்த அசெளகரியத்தை ஏற்படுத்தும். ஆனால் பெரும்பான்மையானவை தற்காலிகமாக நீங்கக்கூடியவை. பொதுவாக தலைவலிகள் தற்காலிகமாக வந்து தாமாகவே நீங்கக்கூடியவை. ஆனால் தாங்க முடியாத அளவிற்கு தலைவலி இருக்குமேயானால் மருத்துவரை அணுகுவதற்குத் தயங்காதீர்கள். மருத்துவரானவர் தலைவலியானது தீவிர பாதிப்பிற்குரியதா, அடிக்கடி வரக்கூடியதா அல்லது காய்ச்சலுடன் வரக்கூடியதா என சோதிப்பார்.

எப்பொழுது தலைவலி ஆபத்துக்குரியது? அனைத்து தலைவலிகளுக்கும் மருத்துவ உதவி தேவை இல்லை. சில தலைவலிகள் சரியான நேரத்திற்கு உணவு உட்கொள்ளாததாலும், ஒவ்வாமையாலும், தசைப்பிடிப்பாலும் ஏற்படும். அவைகளை வீட்டிலேயே சரி செய்து கொள்ளலாம். இதர தலைவலிகள் தீவிரமானவையாக இருக்க வாய்ப்புகள் அதிகம். எனவே உடனடி மருத்துவ உதவி அவசியம். தலைவலிக்குரிய கீழ்க்கண்ட அறிகுறிகள் உங்களுக்கு இருந்தால்,உடனடி மருத்துவ சிகிச்சை தேவை. அதிக வலியுடன் திடீரென்று எதிர்பாராது வரக்கூடிய தலைவலி - அதாவது ‘என் வாழ்க்கையிலேயே வந்த மிக மோசமான தலைவலி’ என்று புலம்ப வைக்கக்கூடிய தலைவலி. சுய கட்டுப்பாட்டை இழந்து உணர்ச்சியற்ற நிலைக்குத் தள்ளும் நிலை,குழப்பங்கள் (தடுமாற்றங்கள்), பார்வையில் மாற்றம் அல்லது வேறு உடல் கோளாறுகளுடன் தொடர்புடைய தலைவலிகள். காய்ச்சல் மற்றும் கழுத்து பிடிப்புடன் கூடிய தலைவலி தலைவலிக்குரிய கீழ்க்கண்ட அறிகுறிகள் உங்களுக்கு இருந்தால்,மருத்துவ சிகிச்சை தேவை தூக்கத்தில் இருந்து உங்களை எழுப்பக்கூடிய தலைவலி தலைவலி வரக்கூடிய முறையிலோ அல்லது வந்து செல்லும் கால இடைவெளிகளிலோ எதிர்பாராத மாற்றங்கள் உங்களுக்கு ஏற்படும் தலைவலியின் தன்மையைத் தங்களால் யூகிக்க முடியவில்லை என்றால்,உங்கள் மருத்துவரை அணுகி மருத்துவ ஆலோசனைப் பெறுவதே நல்லது. பரபரப்புத் தன்மை (டென்ஷன்) காரணமாக ஏற்படும் தலைவலி, ஒற்றைத்தலைவலி (மைக்ரேன்) & தொகுப்புத் தலைவலி எனத் தலைவலிகளைப் வகைப்படுத்தலாம். ஒற்றைத்தலைவலி(மைக்ரேன்) & தொகுப்புத் தலைவலி ஆகியவை இரத்தக்குழாய் சம்பந்தப்பட்ட தலைவலிகளின் வகைகளாகும். அளவுக்கு மீறிய அதிக உடல் உழைப்பும் இத்தலைவலியை அதிகப்படுத்துகின்றது. தலைப்பகுதியைச் சுற்றிலும் உள்ள திசுக்களில் ஓடக்கூடிய இரத்தக்குழாய்கள் விரிவடைவதாலோ அல்லது வீங்குவதாலோ, தலையைக் குத்துவது போன்றோ அல்லது அடிப்பது போன்றோ வலிக்கச்செய்யும். தொகுப்புத் தலைவலியை விட ஒற்றைத்தலைவலி (மைக்ரேன்) அதிக அளவில் காணப்படுகிறது. தொகுப்புத் தலைவலி வாரக்கணக்கிலும், மாதக்கணக்கிலும் அடிக்கடி தொடர்ந்து வரும். இந்த தலைவலி பெரும்பாலும் ஆண்களுக்குத்தான் வரும். இது தீவிரமான வலியைத் தரும்.

கண்டறியும் முறை பெரும்பாலான தலைவலிகள் ஆபத்துக்குரிய காரணங்களால் வருவதில்லை. இவ்வகைத் தலைவலிகளை மருத்துவரின் ஆலோசனை இன்றி கடைகளில் வழங்கப்படும் மருந்துகளால் சரி செய்யலாம். மைக்ரேன் போன்ற ஆபத்துக்குரிய இதர வகைத் தலைவலிகளை சரி செய்ய மருத்துவரின் கவனிப்பும் அவருடைய அறிவுறுத்தலின்படியான சிகிச்சை முறையும் அவசியமாகின்றது.

பரபரப்புத் தன்மை(டென்ஷன்) காரணமாக ஏற்படும் தலைவலி: பரபரப்பு அல்லது தசைச் சுருக்கத் தலைவலிகள் பொதுவாகத் தென்படக்கூடியவை. ஒருவரிடம் அதிக மன அழுத்தம் இருக்கும் காலம் வரை தொடர்ந்து வலியைக் கொடுக்கும். பரபரப்புத் தலைவலிகளுடன் தொடர்புடைய வலியானது மந்தமாக( குறைந்த அளவில்) இருந்தாலும் நீடித்து இருக்கக்கூடியது. நெற்றி, தலைப்பொட்டு & கழுத்தின் பின்பகுதியில் வலியை உணரலாம். மக்கள் பரபரப்புத் தலைவலி வந்தால் தலைப்பகுதியைச்சுற்றிலும் கயிறைக் கொண்டு இறுக்கமாகக் கட்டப்பட்டதுபோல் இருக்கும் என்பார்கள். பரபரப்புத் தலைவலி அதிக காலங்களுக்கு தொல்லைகொடுத்தாலும், மன அழுத்தம் இருக்கும் காலகட்டங்கள் வரை மட்டுமே தொல்லை தரும். அதன் பிறகு நின்று விடும். பரபரப்புத் தலைவலிகள் பொதுவாக பிற அறிகுறிகளுடன் தொடர்புடையது அல்ல. ஒற்றைத்தலைவலிக்கு(மைக்ரேன்) வருவது போன்று முன் கூட்டிய அறிகுறிகள் ஏதும் இதற்கு கிடையாது.ஏற்படுகின்ற தலைவலிகளில் 90%தலைவலிகள் பரபரப்புத் தலைவலிகளே.

சைனஸ் தலைவலிகள் சைனஸ் நோய் அல்லது அலர்ஜியின் காரணமாக இத்தலைவலி வரும். சளி அல்லது ஃப்ளூ காய்ச்சலைத் தொடர்ந்து சைன பாதைகள், மூக்கின் மேற்புறம் மற்றும் பின்புறம் உள்ள எலும்புகளில் உள்ள காற்றறைகள் ஆகியவற்றில் ஏற்படும் அழற்சியால் சைனஸ் தலைவலிகள் ஏற்படும். சைனஸ் பகுதிகளில் அடைப்பு அல்லது கிருமிகளின் பாதிப்பு அதிகமாகும் போது தலையில் வலி உண்டாக ஆரம்பிக்கும். இவ்வலியானது தீவிரமாகவும், தொடர்ந்தும் இருக்கும். காலை முதல் வலிக்க ஆரம்பிக்கும். இவ்வலி தலை குனிந்தால் துடிக்கச் செய்யும் அளவுக்கு வலிக்கும். சைனஸ் தலைவலியின் பொதுவான அறிகுறிகள்: கண்களைச் சுற்றிய பகுதிகள், கன்னங்கள் மற்றும் நெற்றிப்பகுதிகளில் ஏற்படும் வலி & அழுத்தம். மேல் வரிசைப்பற்களில் வலி இருப்பது போன்ற உணர்வு. காய்ச்சல் மற்றும் குளிர் முக வீக்கம் சைனஸ் தலைவலியால் உருவாகும் முக வீக்கத்தைக் குறைக்க சூட்டுடன் ஒத்தனம் மற்றும் ஐஸ்கட்டிகள் பொதுவாகப் பயன்படுத்தப்படுகின்றன.

ஒற்றைத் (மைக்ரேன்) தலைவலிகள் ஒற்றைத் தலைவலிகள் மனிதனுக்கு மனிதன் மாறுபடும். ஆனால் பெயருக்கு ஏற்றாற்போல் இந்த அதீத வலி தலையின் ஒரு புறம் மட்டுமே வரலாம்; தலையின் இரு புறமும் மாறி, மாறியும் அல்லது மற்ற அறிகுறிகளுடனும் சேர்ந்து வரலாம். வாந்தி, குமட்டல்,தலைச்சுற்றல், வெளிச்சத்தைக் கண்டால் கண் கூசுதல், பார்வை மங்கல், காய்ச்சல் மற்றும் குளிர் ஆகியவையும் ஏற்படும். ஒற்றைத் தலைவலிக்கான பொதுவான அறிகுறிகள்: பார்வையில் ஏற்படும் மாற்றங்களைத் தொடர்ந்து ஏற்படும் வலி தலைப்பகுதியின் ஒரு புறத்தில் மிதமான வலியிலிருந்து தீவிரமான துடிக்க வைக்கும் வலி வாந்தி அல்லது குமட்டல் வெளிச்சம் & இரைச்சலுக்கு எளிதில் உணர்ச்சிக்கு உள்ளாகுதல். பல்வேறு காரணிகள் மைக்ரேன் தலைவலியைத் தூண்டக்கூடியவை. இக்காரணிகள் மனிதனுக்கு மனிதன் மாறுபடும். மது, சாக்லேட்,நாள்பட்டபால்கட்டி, பதப்படுத்தப்பட்ட இறைச்சி மற்றும் கஃபீன் போன்ற உணவுப்பொருட்கள் சிலருக்கு ஒவ்வாமையை ஏற்படுத்தும். ஆல்கஹால் மற்றும் கஃபீன் பொருட்களைப் பயன்படுத்துதல் தலைவலியைத் தூண்

குறிப்பு : மோசமான தலைவலிகள் உங்களுக்கு இருக்குமேயானால்,மருத்துவரை அணுகி அவற்றின் அறிகுறிகள், பாதிப்புத்தன்மை மற்றும் வலியைக் குறைக்க நீங்கள் கையாண்ட நடவடிக்கைகள் முதலியவற்றைத் தெளிவாக விளக்கவும்.

நன்றிwww.indg.in

நாட்காட்டியில் முன் செல்ல விளையும் சமோவா

சமோவா என்ற குட்டித் தீவு சர்வதேச தேதி எல்லைக்கோட்டின் கிழக்குப் பகுதியிலிருந்து மேற்கு பகுதிக்கு மாறிவிடுவது என்று முடிவு செய்திருக்கிறது.

இதன் மூலம் அது கால அளவில் ஒரு நாள் முன்னுக்கு செல்கிறது. இந்த நடவடிக்கை அதன் வர்த்தகத்துக்கு சாதகமாக இருக்கும் என்று அது கூறுகிறது.

ஒரு நாள் என்பது முடிவதைப் பார்க்கும் கடைசி நாடுகள் சிலவற்றுள் ஒன்றாக பசிபிக் பெருங்கடலின் மத்தியில் இருக்கும் சமோவா தீவுகள் நாடு அமைந்திருக்கிறது. அதாவது, அங்குதான் ஒரு நாள் என்பது கடைசியாக உதயமாகி, கடைசியாக முடிவடைகிறது.

ஆனால், அடுத்த ஆண்டிலிருந்து இந்த நாடு புதிய ஒரு நாள் உதயமாவதைப் பார்க்கும் முதல் நாடுகளில் ஒன்றாக இருக்கும்.

சர்வதேச தேதிக் கோட்டில் தற்போது அது பின்பற்றும் கிழக்கு பகுதி தேதியிலிருந்து மேற்குப் பகுதி தேதிக்கு மாறுவது என்பது வணிக ரீதியில் நல்ல முடிவு என்று அரசு கூறுகிறது.

தற்போது சமோவா தீவுகள், அதன் முக்கிய வர்த்தகக் கூட்டாளிகளில் ஒன்றான நியூசிலாந்து நாட்டைவிட 23 மணி நேரங்கள் பின்னதாக இருக்கிறது.

இந்த மாற்றம் அமலுக்கு வரும்போது, நியூசிலாந்துடன் ஒரே நாளில் சமோவா இருக்கும், ஒரு மணிநேரம் நியூசிலாந்தைவிட முன்னதாக இருக்கும்.

தற்போது ஆஸ்திரேலியாவும், நியுசிலாந்தும் ஒரு புதிய வேலை வாரத்தைத் தொடங்கும் போது, சமோவா நாடு இன்னும் ஞாயிற்றுக்கிழமை தேவாலயத் தொழுகைகளில் ஆழ்ந்திருக்கிறது என்று சமோவா நாட்டுப் பிரதமர் சுட்டிக்காட்டியுள்ளார்.

இந்த மாற்றத்தின் விளைவாக சமோவா நாட்டுக்கு சுற்றுலா பயணிகள் எண்ணிக்கை அதிகரிக்கும் என்றும் எதிர்பார்க்கப்படுகிறது.

அண்டை நாடான, அமெரிக்க சமோவா தீவுகள், சர்வதேச தேதிக்கோட்டுக்கு கிழக்கேயே இருக்கும். எனவே அங்கு வரும் சுற்றுலா பயணிகள் முதலில் அங்கு தங்களது பிறந்த நாளைக் கொண்டாடிவிட்டு அடுத்த நாள் ஒரு விமானத்தில் சிறிது நேரம் பயணித்து அடுத்த தீவுக்கு சென்று மீண்டும் ஒரு முறை பிறந்த நாள் கொண்டாடலாம்.

நன்றி BBC தமிழோசை

ஒசாமா கொலை: தகவல்களில் மேலும் மாற்றங்கள்

பாகிஸ்தானின் அப்டாபாதில் இருக்கும் அந்த பெரும் வளாகத்தில் நடந்த விவகாரங்கள் தொடர்பில் அமெரிக்கா முதல் நாள் கூறிய தகவல்கள் கடந்த ஒரு வாரத்தில் படிப்படியாக கட்டவிழத் தொடங்கியிருக்கின்றன.

உக்கிர சண்டை நடக்கவில்லை

அங்கே உக்கிரமான துப்பாக்கி சண்டை நடந்ததாக முதலில் கூறப்பட்டது. ஆனால் அங்கே ஒரே ஒருவர் தான் அமெரிக்க படையினரை எதிர்த்து துப்பாக்கியால் சுட்டதாகவும், அதுவும் கூட இவர்கள் அங்கே போய் இறங்கிய உடன் அது நடந்ததாகவும் அமெரிக்க அதிகாரிகளே இப்போது ஒப்புக்கொள்கிறார்கள்.

ஒசாமா பின் லேடன் கொல்லப்பட்டபோது அவரிடம் ஆயுதங்கள் எவையும் இருக்கவில்லை என்பதையும் இப்போது இவர்கள் ஒப்புக்கொண்டிருக்கிறார்கள்.

அப்டாபாத்தில் தங்கியிருந்து சி.ஐ.ஏ. கண்காணித்தது

அமெரிக்க உளவுத்துறையான சி.ஐ.ஏ. அப்டாபாத்தில் இருந்த ஒரு ரகசிய வீட்டில் இருந்தபடி ஒசாமா பின் லேடன் தங்கியிருந்த வீட்டை பல நாட்களாக கண்காணித்து வந்தார்கள் என்று தற்போது அமெரிக்க ஊடக தகவல்கள் குறிப்புணர்த்துகின்றன.

இந்த தகவல் உறுதி செய்யப்பட்டால், இது அமெரிக்காவுக்கும் பாகிஸ்தானுக்கும் இடையிலான பிளவை அது மேலும் அதிகரிக்கக்கூடும்.

ஒசாமா பின் லேடன் மீது தாங்கள் நடத்த இருக்கும் தாக்குதல் நடவடிக்கை குறித்து பாகிஸ்தானுக்கு தாங்கள் முன்கூட்டி தகவல் தரவில்லை என்று கூறியிருந்த அமெரிக்க அதிகாரிகள் அப்படி தெரிவித்திருந்தால், அந்த தகவலை பாகிஸ்தானியர்கள் கசியவிட்டிருப்பார்கள் என்பதால் தான் அவர்களுக்கு முன்கூட்டி தகவல் தரவில்லை என்றும் காரணம் கூறியிருந்தார்கள்.

அமெரிக்கர்களின் இந்த கருத்தால் எரிச்சலடைந்த பாகிஸ்தான், இனிமேல் இப்படியானதொரு நடவடிக்கையை அமெரிக்கா மேற்கொண்டால் இருநாடுகளுக்கும் இடையிலான உறவு குறித்து பாகிஸ்தான் மறுபரிசீலனை செய்யும் என்று எச்சரித்திருக்கிறது.

பாகிஸ்தான் உளவுத்துறையின் விபரங்கள்

இந்த பிரச்சினையில் பாகிஸ்தானின் உளவுத்துறை கொஞ்சம் ஜாக்கிரதையுடனே பேசி வருகிறது.

ஒசாமா பின் லேடன் தங்கியிருந்த வீட்டு வளாகம் குறித்து தாங்கள் ஆரம்பத்தில் சந்தேகப்பட்டதாகவும், ஆனால் அங்கே ஒசாமா பின் லேடன் இருந்தது தங்களுக்கு தெரியாது என்றும் அந்த அமைப்பு கூறிவருகிறது.

ஆனால் இந்த கூற்று நம்பக்கூடியதா என்று விமர்சகர்கள் கேள்வி எழுப்பி வருகிறார்கள். மேலும் அங்கே ஒசாமா பின் லேடன் இருப்பது இவர்களுக்கு தெரியாமல் போனது ஏன் என்றும் அவர்கள் கேட்கின்றனர்.

யேமன் நாட்டில் பிறந்ததாக கூறப்படும் ஒசாமா பின் லேடனின் மனைவி தற்போது பாகிஸ்தான் அதிகாரிகளால் விசாரிக்கப்பட்டு வருகிறார். அந்த வீட்டில் தான் ஆறு ஆண்டுகளுக்கும் மேலாக வாழ்ந்ததாகவும், இந்த கால கட்டத்தில் அந்த வீட்டின் மேல் மாடியை தாண்டி தான் வேறு எங்கும் செல்லவில்லை என்று அவர் தெரிவித்திருப்பதாகவும் செய்திகள் கூறுகின்றன.

"புதிய தாக்குதலுக்கு ஒசாமா திட்டமிட்டிருந்தார்!"

இதற்கிடையே, இந்த வீட்டிலிருந்து அமெரிக்கர்களால் எடுத்துச்செல்லப்பட்ட தகவல்களின்படி அமெரிக்க ரயில் சேவைகள் மீது அல்-கயீதா தாக்குதல் நடத்த பரிசீலித்து வந்ததை குறிப்புணர்த்துவதாக அமெரிக்காவிலிருந்து வரும் தகவல்கள் தெரிவிக்கின்றன.

இதற்கான திட்டமிடல் எந்த அளவுக்கு நடந்திருந்தது என்பது தெளிவாக தெரியவில்லை.

நன்றி BBC தமிழோசை

சமூக வலைத்தள மோசடி அதிகரிப்பு

பேஸ்புக், ஓர்குட் போன்ற சமூக வலைத்தளங்களைப் பயன்படுத்துவோரை இலக்குவைத்து நடத்தப்படும் ஏமாற்று வேலைகள் பெரிய அளவில் அதிகரித்து இருப்பதாக இணைய பாதுகாப்பு தொடர்பில் நடத்தப்பட்ட பெரிய அளவிலான ஆய்வு ஒன்று சுட்டிக்காட்டுகிறது.

ஃபிஷிங் என்று சொல்லப்படும் ஏமாற்று வேலைகள் அதிகரித்துவருவதை கணினி மென்பொருள் உற்பத்திப் பெருநிறுவனமான மைக்ரோசாஃப்ட் நடத்தியுள்ள ஆய்வு காட்டுகிறது. ஃபிஷிங் என்பது பெரும்பாலும் நண்பர்களிடம் இருந்து வருகின்ற அழைப்பு போலவோ அல்லது தகவல் போலவோ அமைந்திருக்கும். ஆனால் இவை உண்மையில் இணையத்தில் குற்றச்செயல்களை செய்ய முயலும் ஆட்களிடம் இருந்து வருபவை. வலைத்தளத்தைப் பயன்படுத்துவோரை ஏமாற்றி அவர்களிடம் இருந்து முக்கியமான பிரத்யேகத் தகவல்களைப் பெறுவது இந்த அழைப்பு மற்றும் தகவல்களின் நோக்கமாகும்.

பேஸ்புக் போன்ற சமூக வலைத்தளங்கள் எல்லாம் இப்போது மிகவும் பிரபலம் அடைந்து ஏராளமனவர்களால் பயன்படுத்தப்படுகிறது. ஆகவே குற்றச்செயல்களில் ஈடுபடுபவர்கள் தமது கைவரிசையைக் காட்ட இந்த இணையத்தளங்களை அதிகம் இலக்கு வைக்கிறார்கள் என்பதில் ஆச்சரியம் இல்லை.

மைக்ரோசாஃப்ட் நிறுவனம் ஆறு மாதத்துக்கு ஒரு முறை நடத்துகின்ற இணையப் பாதுகாப்பு பற்றிய ஆய்வு கடைசியாக வெளியிட்டுள்ள அறிக்கை இந்தப் பிரச்சினையையின் தீவிரத்தன்மையை எடுத்துரைப்பதாய் அமைந்துள்ளது. அறுபது கோடி கணினிகளில் இருந்து பெறப்பட்ட தகவல்களின் அடிப்படையில் பார்க்கையில் கடந்த ஒருஆண்டில் மட்டும் சமூக வலைத்தளங்கள் வழியாக நடத்தப்படுகின்ற ஃபிஷிங் மோசடி வேலை முந்தைய ஆண்டுகளோடு ஒப்பிடுகையில் 12 மடங்கு அதிகரித்துள்ளது.

ஃபிஷிங் எமாற்று வேலை என்பது, பொதுவாக சமூக வலைத்தளங்களை பயன்படுத்திக் கொண்டிருக்கும்போது நாம் அறிந்த ஒருவர், அதாவது நமது நண்பர் அல்லது உடன் பணியாற்றுபவர் ஒருவரிடம் இருந்து வருகின்ற செய்திபோல வரும். நண்பர் கேட்பதுபோல நம்முடைய பிரத்யேகத் தகவல்களை, தனிநபர் தகவல்களைக் கேட்கும். அப்படி நாம் தகவல்களைக் கொடுத்தால் அது கிரிமினல்கள் கைகளில் கிடைத்துவிடும். அதனைப் பயன்படுத்தி அவர்கள் வங்கிக் கணக்கு, இணைய வர்த்தக கணக்கு போன்றவற்றில் மோசடி வேலைகளைச் செய்து பணம் திருடுவார்கள்.

சில ஆண்டுகளுக்கு முன் இப்படியான ஃபிஷிங் மோசடி மின் அஞ்சல்களில் பெரிய அளவில் நடந்துவந்தது. ஆனால் இப்போது இத்தகைய மோசடிகள் பெருமளவு சமூக வலைத்தளங்களை இலக்குவைத்து நடத்தப்படுகிறது.

ஒரு ஆண்டுக்கு முன்புவரை சமூக வலைத்தளங்களில் நடந்த பல விதமான ஏமாற்று வேலைகளில் பத்து சதவீதத்துக்கும் குறைவாகவேதான் இந்த ஃபிஷிங் மோசடி வேலைகள் நடந்ததாக ஆய்வுகள் காட்டியிருந்தன. ஆனால் மொத்த மோசடிகளில் 85 சதவீதத்தை தொடும் அளவுக்கு சென்ற ஆண்டு கடைசியில் இவ்வகையான மோசடிகள் அபரிமிதமாக அதிகரித்து விட்டுள்ளன என்று இந்த புதிய அறிக்கை சுட்டிக்காட்டுகிறது.

நன்றி BBC தமிழோசை